Турскиот претседател Реџеп Таип Ердоган се појави пред бројните поддржувачи на аеродромот „Ататурк“ во Истанбул.
АФП јавува дека на аеродромот Ердоган го дочекале стотици лица. Турската ТВ Фокс во меѓувреме објави претходно снимена изјава од Ердоган во која вели дека е извршен обид за побуна против солидарноста и единството во земјата.
Ердоган додаде дека ниедна сила не е над волјата на народот, пренесе Ројтерс.
Исто така, Ердоган изјавил и дека одговорните за побуната ќе добијат неопходен одговор, од било која институција и да се.