Обилни врнежи од снег денеска ги зафатија планинските превои. Снегот одново ги изненади од Maкедонија пат од каде веројатно не очекуваа дека снегот ќе го блокира сообраќајот.
Видеото во продолжение е од планинскиот превој Ѓавато, каде сообраќајот се одвива тешко и има големи застој.
Под влијание на Медитеранскиот циклон ОЛИВИЈА до крајот на денов ќе имаме облачно време со врнежи од дожд во најголемиот дел од државава додека на повисоките места и на планините ќе има врнежи од снег каде очекуваме значително зголемување на снежната покривка (за 20 до 30 цм, можно е и повеќе), анализира метеорологот Славчо Поповски.
Снежната граница може да се спушти и нешто под 1000 метри па така врнежи од дожд и снег можни се и во некои од пониските места во државава. Количеството на врнежи локално ќе изнесува и над 30 л/м2 и тоа особено во јужните предели на државава.
Максималните дневни температури денес ќе се искачуваат во интервалот само од 1 до 10 степени. Нов бран на врнежи, овој пат претежно од дожд очекуваме од вторник.
