Хрватска компанија ги награди своите најлојални работници со smart автомобили.
Сопствениците на хрватската компанија „Гигант“ која се занимава со ПВЦ столарија, им доделија автомобили smart на најлојалните работници кои работат за претпријатието од нејзиното основање пред 20 години.
Нашата цел е да им помогнеме на нашите вработени да остварат добри деловни резултати и позиционирање на пазарот. Некои од нив се со нас веќе 20 години, кога почнавме со производство на ПВЦ столарија – објасни сопственикот Владимир Ќурковиќ (50), а истото го потврди и неговата пет години помлада сопруга Ксенија.
Двојката како клуч за успех и развојот на претпријатието гледаат во своите работници кои од нив ги примаат своите месечни плати.
Ова е на некој начин награда за лојалноста и довербата што ја покажуваме меѓусебно. Без меѓусебно почитување, не би стигнале до каде сме денес – вели сопругата Ќуриќ.
Според неа, целта е сите да го почувствуваат напредокот.
Тешко е да се најде добар работодавач, а тешко е да се најде и добар работник. Нашата компанија вработува 17 лица и ние сме како големо семејство. Често се среќаваме, славиме родендени, годишнини, но тука сме и кога некој ќе доживее несреќа. Поголемиот дел од денот го поминуваме заедно, и кога некој ќе влезе во компанијата, тој не излегува до пензија – објаснува Владимир.
Тој тврди дека работниците не се должни да останат кај него и не се обврзани со автомобилите, бидејќи секој има право на избор.
Пример за уште еден ваков газда е и газда Томислав за кого профитот не е важен: На трудниците договор на неопределено, по 670 евра за секое новородено дете, а 1000 евра добива секој што се враќа од странство
ДИВ Групацијата на претприемачот Томислав Дебељак е пример за компанија која вистински се грижи за своите вработени
“Не е се во профитот“ – изјави Томислав за време на најавувањето на демографските мерки кои ќе се применуваат во сите фирми на неговата групација.
На секоја работничка која се води како вработена на определено време во било која фирма на групацијата ДИВ, Томислав е спремен да и понуди договор на неопределено време во случај на породилно отсуство. Со тоа, компанијата сака да ги мотивира жените да не се плашат од тоа дека во случај на бременост може да ја загубат работата.
За секое новородено дете, на работниците компанијата им исплаќа бруто износ од 670 евра, а доколку двата родители работат во ДИВ, овој износ се дуплира.
На секој работник кој моментално се наоѓа во странство, а ќе одлучи да се врати во Хрватска и да се вработи во една од неговите фирми, ќе му се исплати бруто износ од 1.000 евра.
За празникот Св. Никола, групацијата ДИВ организира настани и представи за децата на вработените кои наполниле максимум 15 години.
Групацијата ќе издвојува пари за спонзорирање на уметнички и спортски клубови во кои членуваат децата на вработените.
Дополнително, предвидени се и финансиски средства за децата кои покажуваат исклучителни резултати за време на своето школување.
Групацијата ќе располага со фонд кој ќе се користи за лекување на децата на вработените.
За крај, на родителите со три или повеќе малолетни деца ќе им биде исплатен посебен месечен додаток во износ од 200 куни (25 евра) за секое трето и за секое следно дете, што значи дека до полнолетство овој износ изнесува околу 40.000 куни (5.400 евра), односно 80.000 куни (10.800 евра) ако и двата родитела работат кај Томислав.
Семејството Дебељак е познато уште од самото основање на групацијата ДИВ дека се труди да изгради семејна компанија во која секој вработен ќе биде задоволен и мотивиран. Со овие мерки тие настојуваат да го забават процесот на масовно иселување од Хрватска. Томислав се надева и ги охрабрува и останатите компании да го следат неговиот пример и да воведат вакви мерки кои значително ќе го променат односот газда – работник.
