Српскиот претседател, Александар Вучиќ при своето гостување во емисијата „Кирилица“ изјави дека Србија има најниска цена на електричната енергија во цела Европа.
-Тука ја имаме најниската цена на електрична енергија во Европа, пониска цена отколку што ја има Република Македонија, значaјно пониска од Црна Гора, пониска од БиХ, а имамe значајно повисоки плати, изјави Вучиќ.
Вучиќ додаде дека до крајот на мандатот на Владата, просечната плата ќе достигне до 1.000 евра.
-Сакам да кажам и луѓето да видат дека ние на извесен начин го субвенционираме тоа, притоа помагајќи го нашето население, посебно оние најсиромашните, а она што е најсуштински е дека до крајот на мандатот на оваа влада можеме да дојдеме до просечна плата од 1.000 евра, рече Вучиќ.
