Дел од сончевата плазма ја напушти површината и почна да кружи околу врвот на Сонцето како огромен поларен вртлог.
– Не сакаме никого да алармираме, но нешто се случи на Сонцето – напиша порталот Indy100.com.
Набљудувањето беше овозможено со моќниот вселенски телескоп Џејмс Веб и не е изненадување што го поттикна интересот на научниците ширум светот. Снимката од настанот е објавена благодарение на Соларната динамичка опсерваторија на американската агенција НАСА.
– Каков поларен вртлог! Материјалот од северната испакнатост штотуку се одвои од главната нишка и сега орбитира во џиновски поларен вртлог околу северниот пол на нашата ѕвезда. Импликациите за разбирањето на атмосферската динамика на Сонцето над 55 степени овде не можат да се проценат – напиша Сков на социјалната мрежа Х.
Talk about Polar Vortex! Material from a northern prominence just broke away from the main filament & is now circulating in a massive polar vortex around the north pole of our Star. Implications for understanding the Sun's atmospheric dynamics above 55° here cannot be overstated! pic.twitter.com/1SKhunaXvP
— Dr. Tamitha Skov (@TamithaSkov) February 2, 2023