(Фејсбук статус на актерот Рубенс Муратовски)
“Сонив сон. Беше толку силен и јасен што помислив дека е јаве. Се преплашив. Никогаш никому ништо лошо му немам направено. Пред мене, во сонот, почнаа да ми се појавуваат некои луѓе. Непознати. Некои ги имаме учено на училиште. Не сите. Велеа дека ми биле прадедовци.
Им реков дека бадијала дошле. Наскоро ќе не снема. Така велат некои луѓе од внатре и од надвор. Она од внатре најмногу ме боли.
Рекоа дека непотребно се грижам. Ми рекоа дека да се биде македонец е е да се учи да опстанеш. Македонците се како “Опстанок на нациите во 10 лекции”. Големите нации, што и тоа да значи, ќе исчезнат побрзо од нас, бидејќи ние го вежбаме исчезнувањето мнооогу долго време……ми говореа вака долго време, и малку се подсмирив…и решив.
Не ја давам татковината!”