Прилеп доби целосно нов и современ транспортен центар. Во градот се изгради целосно нова современа автобуска станица, а целосно беше реновирана и железничката станица.
Ако некогаш овие два објекти беа срам за градот и го нагрдуваа со својот изглед и нефункционалност, денес прилепчани имаат можност да ги уживаат бенифитите на новите објекти и да се чувствуваат пријатно додека поаѓаат и пристигнуваат во својот град.
Старата автобуска станица која се наоѓаше во централното градско подрачје беше тесна и создаваше проблеми во сообраќајот.
Стариот изглед на автобуската станица во Прилеп
Во 2014 година Прилеп доби нова автобуска станица, целосно опремена, со широки перони, кафетерија и хортикултурно уреден двор.
Истата беше изградена на старата локација на Противпожарната станица, и е во непосредна близина на железничката станица.
Наредната година Прилеп доби и целосно реновирана железничка станица, на која беше задржана целата автентичност.
Свежа фасада, нова дограма, столарија, нови санитарни јазли, затоплени и реновирани чекални, се само дел од новите услови кои им се ставени на располагање на патниците кои сега пристигнуваат или поаѓаат од прилепската железничка станица.
Посебен белег на станицата дава и пристигнување и поаѓањето на новите возови кои беа набавени од претходната влада на ВМРО-ДПМНЕ.
Александар Г.