Времето во Македонија ќе биде облачно, попладне со повремени локални врнежи од дожд, а на планините од снег. Ќе дува слаб до умерен североисточен ветер.
Утринската температура ќе се движи од еден до седум, а дневната од три до 11 степени.
Од недела земјава ќе ја зафати студена и влажна воздушна маса која ќе услови врнежи од снег. Во крајниот југоисток врнежите ќе бидат најпрво од дожд.
Пообилни врнежи се очекуваат ноќта во недела и во понеделник во текот на денот, особено во западните и јужните делови.
До вторник се очекува да наврнат над 30 л/м2 воден талог. Насекаде ќе се формира снежна покривка од околу 10 сантиметри, а на планините значително зголемување на истата (над 30 сантиметри).
Инаку, во регионот веќе е прогласен црвен метеоаларм, поради снегот. Во Хрватска има 118 сантими снег и нема веќе како и каде да се чистат улиците, а делови под снег се и во Србија. Снегот доаѓа и кај нас.