На 1 и 2 јуни 2017 година во Штип се одржа Државното првенство во бокс на Република Македонија.
Боксерскиот клуб “АС” од Прилеп под водство на тренерот Ѓорѓи Чатлески учествуваше со 4 боксери.
Во кадетска конкуренција настапија:
Бојан Станојоски, Менан Амедоски и Стево Илиќ
Во сениорска конкуренција учевство зеде Ице Трајкоски.
За Кадетите Бојан Станојоски и Менан Амедоски во нивата категорија немаше пријавено боксери и не излегоа во рингот.
Во полу финалната борба во сениорска конкуренција -75 кг. тешкиот боксер Ице Трајкоски загуби на бодови од Алим Насуфи од БК “Чаир” .
Во кадетска конкуренција +81 кг. успешно дебитираше боксерот Стево Илиќ, со убедлива победа над Серген Демиров од БК “Барала” од Штип и стана државен шампион на Македонија во бокс.
“Очекувавме уште 2 златни медали, штета што немаше противници за нашите боксери Бојан и Менан кои се во одлична форма.
На крајот од страна на претседателот на Б.Ф.М Игор Златков, беше доделена лиценца за национален тренер во бокс на тренерот Ѓорѓи Чатлески.
Со ова првенство завршија активностите за летната сезона во бокс. Следното коло во бокс што ќе се одржи на почетокот на месец септември беше доделено на БК “АС” oд Прилеп за организатор”, истакна Дарко Чатлески од БК “АС” – Прилеп.