Одиш на кафе и вдомуваш куче – тоа е концептот на ова кафуле, прво од ваков вид во светот, а се наоѓа во Лос Анџелес.
Идеата е на Сала Волфганг, која од 16 години спасувала кучиња. Оваа голема љубителка на животни решила да направи нешто што ќе биде единствено, односно таа пронашла начин во исто време да им помага и на животните и на луѓето.
– Сите наши кучиња се од локално засолниште за животни. Соработуваме со нивните волонтери, па тие точно знаат на кои кучиња им е потребен нов дом. Во секој момент во кафулето има од 8 до 14 кучиња. Целиот процес на вдомување може да потрае и до еден месец. Разбираме дека е ова долг период, но само така ќе бидиме сигурни дека кучињата одат во вистинско семејство, изјавила Сара.