Цел клас бара работа за да можат сите деца да одат на матурска екскурзија (Видео)

Цело одделение од Десетта гимназија во Беград бара работа за да можат сите ученици да одат на екскурзија.

Идејата се родила кога започнале подготовките за матурската екскурзија, а дел од учениците се соочиле со проблем, бидејќи нивните родители немале пари да платат за тоа. Затоа целиот клас одлучил да најде работа, а класната Драгана Можек седнала и напишала оглас.

Учениците од Десеттата гимназија во Белград се подготвени да работат и физичка работа само за да успеат да соберат пари и да им помогнат на своите другарчиња. Меѓу 32 ученици има такви кои ќе ви бидат личен потрчко, има и бубалици кои со задоволство ќе држат часови по математика и физика, а освен класната, во акцијата ќе усчествуваат и мајките и бабите.

За физичка работа се квалификувани 13 ‘рмбачи.

Огласот е објавен на Фејсбук профилот на наставничката Драгана Можек, а за кратко време тој се раширил по социјалната мрежа.

Акцијата не само што ја поддржале сите, туку во неа се вклучиле и родителите. Така, на пример, мајките и бабите заедно со нив ќе месат кифлички, ќе прават колачи и крофни.

Побарувањата за нивните услуги се повеќе од очекувани.

Кога ќе собереме пари за нашето одделение, доколку ни остане нешто ќе им ги понудиме и на децата од другите одделенија или ќе ги дадеме во хуманитарни цели, вели класната.

Таа вели дека донациите не се опција и дека целта е учениците сами да ги заработат парите.

Матурска екскурзија, според нив, е нешто што се памети целиот живот, па не постои причина некое од децата да ја пропушти таа шанса.

Извор: “Република”


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.