Конечно по 90 дена е назначен новиот директор на ЈП “Пазари” Прилеп

Неофицијално нов директор на Јавното претпријатие “Пазари” Прилеп ќе биде Игор Крстески, кој доаѓа на местото на досегашниот директор Кристијан Илиески.

Со тоа се заокружуваат кадровските решенија во јавните преретпријатија и сега прилепчани очекуваат пресек од досегашното работење, финансиската слика на фиримите, дали се превработени и дали има основ за одговорност за се’ што беше на прес кажувано во предизборието.

Дали има злоупотреба со адвокатските услуги, кој ќарил од најcкапото мовче на светот, дали еден автобус вредел 250.000 евра, има ли во светов некаде други знаци што коштаат по 8.000 евра, дел од булевар од 1.000.000 евра без технички прием, сомнителни набавки на резервни делови, можно ли е надзор на проекти да прави човек што е вработен во фирмата изведувач…и уште сто други прашања за кои прилепчани очекуваат одговор, бидејќи тие го полнат локалниот буџет и сакаат транспарентност и одвоворност.

Поминаа 90 денови, одговор за овие прашања се’ уште нема, да се надеваме дека Советот и раководителите ќе го исполнат ветеното пред електоратот.






Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.