Густ календар за 2019-та: Џудо клубот “Бушидо” од Прилеп ги започна подготовките, прва цел е Државното првенство

Џудо клубот “Бушидо” од Прилеп ги започна подготовките за 2019 година.

Овој месец тренерот Рубин Пеески, менаџерот на клубот Бојан Миткоски и неколку членови на клубот имаа гостување на ТВ Алфа каде го промовираа џудото во Република Македонија и постигнатите резултати на клубот.

Прва цел за “Бушидо” ќе биде Државното првенство, а потоа и Меѓународниот турнир “Турија”, каде прилепските џудисти се поканети по четврт пат.

Да потсетиме дека во 2018 година членовите на “Бушидо” освоија 130 медали на државните и меѓународните натпреварувања што е огромен успех за овој релативно млад клуб.

Оваа година е јубилејна за клубот, односно на 1 октомври клубот ќе прослави 5 години постоење, што би требало да биде дополнителна мотивација за џудистите.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.