“Стоби Флипс” е најпознатиот бренд во категорија флипс, а “Брилијант” во категоријата сончогледово масло, според истражувањето „Најпознати брендови 2023-та година” на Агенцијата за истражување и консалтинг Инсајдер ИД. Истражувањето е спроведено со директно интервјуирање на 1200 потрошувачи на територија на целата држава, од кои 86% проценти го избрале “Стоби флипс” како најпрепознатлив бренд, а 49% сончогледовото масло “Брилијант”.
Популарноста на Стоби флипс отскокнува далеку над другите брендови во оваа категорија и продолжува во континуитет со речиси изедначено учество со претходните две години, со што си ја потврдува позицијата како најпрепознатлив бренд на домашниот пазар со најголем процент препознатливост од потрошувачите во сите категории.
Анализирани се вкупно 16 категории на производи, а Витаминка е една од двете компании застапени на оваа листа со два водечки бренда во своите категории.
Инсајдер ИД веќе 4-та година по ред го спроведува истражувањето во кое учествуваат сите брендови од домашно или странско потекло, достапни во малопродажба на домашниот пазар и нуди увид во популарноста на брендот, довербата и изборот на потрошувачите.