Чантурија со добра тактика и 22 одбрани на Христоски, клучни за победата на РК Прилеп

РК Прилеп стигна до првата победа во ракометната Супер лига сезонава, откако денеска на домашен терен ја победи екипата на Вардар Неготино со 22:18 (7:5 на полувремето).

Сега прилепчани со 3 освоени бода се наоѓаат на делба на шестото место на табелата со МРК Куманово.

Домашните ракометари имаа контрола во текот на целиот натпревар, па дури стигнаа и до водство од 8 погодоци во вториот дел.

Најзаслужни за денешната победа беа голманот Стефан Христоски кој имаше дури 22 успешни интервенции, а од стрелците најрасположени беа Христи Бикоски со 5 и Давор Шокоски со 6 погодоци.

Во наредното коло РК Прилеп му гостува на Бутел во Скопје, кој во досегашниот тек од сезоната има три победи и еден пораз.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.