Недостигаат уште диносауруси: Градскиот стадион “Гоце Делчев” во Прилеп со целиот свој “сјај” (Фото галерија)

Градскиот стадион “Гоце Делчев” во Прилеп е вистинска запустена руина, која од ден на ден се повеќе наликува на џунгла, налик на онаа од “Паркот Јура”.

Ветувањето на актуелните локални власти дека токму тие ќе го средат и направат модерен стадион на кој Прилеп и прилепчани ќе се гордеат, повеќе не држи вода.

Од градежните работи ставена е само кровна конструкција на едната трибина. Но, џабе ти е кров кога немаш терен, кога рептили ти шетаат по некогаш полните трибини, кога има пораснато цела ботаничка градина, па наместо да се гледа фудбал подобро би било да се отиде и да се набере некој чај.

Капак на се’, фудбалскиот миленик на прилепчани испадна во Втора лига. Клубот го напуштија голем број првотимци, а оние останатите мака мачат за плата.

Од неодамна Победа е целосно во општински раце, а ова следуваше откако спонзорите на клубот ги предадоа акциите на општина Прилеп.

ФОТО: Звонко Димоски




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.