Младинската екипа до 18 години на прилепски Мега баскет, утре, сабота (07.11.) гостуваат кај Црн Дрим во Струга.
Прилепчани се во серија од три последователни победи, а минатиот викенд забележаа огромна победа од +40 разлика над Љуботен.
Утрешниот натпревар е шанса дечките да продолжат со победничката серија.
Мега баскет У18 се натпреварува во Втората лига – ЗАПАД, и моментално е на второто место на табелата со само еден бод заостанување зад водечкиот ТИКВЕШ Голден Игл.
Нивните клубски колеги, оние кои играат за сениорскиот тим на Мега баскет, во недела (08.11.) со почеток од 12 часот, во салата во ООУ “Добре Јованоски”, го пречекуваат сениорскиот тим на Црн Дрим.
Како младите, така и сениорите се во серија од 3 последователни победи, а за да продолжат на победничките патеки, со сигурност ќе им треба и поддршка на трибината во “Добре”.
Дојдете да гледате добра кошарка и да ги бодриме нашите момци!