Во Прилеп безбедно отстранета 75-милиметарска артилериска граната

Тимот пиротехничари на ДЗС во градот Прилеп безбедно отстрани неексплодирана 75-милиметарска артилериска граната од минатите војни, што била веќе истрелана од топ. Граната е пронајдена при градежни работи за сообраќај и канализација од фирмата „Аква Нет“ во непосредна близина на станица за технички преглед „Супер контрола Прилеп“ и перална „Акса“,од каде што било пријавено нејзиното пронаоѓање.

Гранатата безбедно е транспортирана и сместена во магацин на ДЗС, по што ќе следи плански нејзино уништување со други пронајдени неексплодирани средства(НУС), согласно бeзбедносни процедури.

ДЗС апелира: При пронаоѓање на сомнителни предмети што личат на неексплодирани експлозивни средства, да не се допираат или поместуваат, туку веднаш да се пријават на телефонскиот број 112.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.