Во моите разговори со претседателот на Турција Реџеп Таип Ердоган дефиниравме оваа пролет да се одржи прв состанок на кој тој ќе дојде во Скопје, истакна премиерот Христијан Мицкоски на денешната седница на македонското Собрание, одговорајќи на пратеничко прашање од пратеникот Сали Мурати, а во врска со билатералните односи меѓу двете земји.

Премиерот Мицкоски потсети дека Договорот за соработка со Турција не беше потпишан долго време, а се потпиша со доаѓањето на оваа Влада.

– Во моите разговори со претседателот на Турција Реџеп Таип Ердоган дефиниравме оваа пролет да се одржи прв состанок на кој тој ќе дојде во Скопје. Претпоставувам таа посета ќе се случи, во моментов неможам да кажам точно кога и како, но знам дека Турција има исклучително одличен амбасадор во Скопје, димпломат од висок ков со кого имаме одлична соработка и тој придонесе за уште поблиските односи меѓу двете земји. Убеден сум дека до оваа прва средба ќе дојде многу наскоро и ќе ја имаме таа можност но и чест претседателот Реџеп Таип Ердоган да го пречекаме во Скопје, истакна премиерот Мицкоски.

Со потпишувањето на Договорот за проширување на билатералната соработка во овој период интезирани се партнерства на повеќе полиња, посочи премиерот Мицкоски.

-Потпишавме Договор за проширување на билатералната соработка со Турција, нешто што претставува наша стратешка цел и во рамки на тоа партнерство контактите се засилени и голем дел од компании што доаѓаат кај нас или потенцијални инвеститори од Турција во Македонија веќе се прифатени од институциите и ги почнуваат своите инвестиции или се во фаза на почеток да ги реализираат. Договорот не беше потпишан долго време, а се потпиша до доаѓањето на оваа Влада и во рамки на договорот се интезивираше соработката на полето на одбраната. Министерството за одбрана и Армијата со соодветните институции на Владата на Турција соработуваат непосредно вршиме набавка на одбранбени системи, истовремено обучуваме кадри и во таа смисла мислам дека со доаѓањето на оваа Влада во голема мерка се интезивираше билатералната соработка меѓу двете држави. За мене главен интерес е малку да се корегира нивото на трговската размена бидејќи Република Турција има голем суфиците во размената со Македонија, односно многу повеќе извезува во Македонија отколку што Македонија извесува во Турција. Убеден сум дека македонските производи може да бидат конкурентни на турскиот пазар, убеден сум дека како наш стратешки партнер Турција ќе овозможи слободен пристап на македонските компании на турскиот пазар и убеден сум дека дел од постојните бариери кои што сега постојат ќе бидат многу скоро неутрализирани, односно избришани и македонските производители посебно во делот на земјоделието, фармацијата и останатите гранки ќе може да најдат свое место на турскиот пазар и на тој начин овој дисбаланс во размената каде што Турција има голем суфицит ќе биде изнивелиран, нагласи премиерот Мицкоски.

На собраниската седница, претседателот на македонската Влада, Мицкоски, потсети дека солидна соработка меѓу двете земји има и во рамки на туризмот каде голем број на турски туристи доаѓаат во Македонија, а соработка се остварува и во рамки на високото образование бидејќи голем број студенти од Турција се присутни на универзитетите во нашата земја.

Градоначалникот на Битола Тони Коњановски и претседателот на РК „Еурофарм Пелистер“ Зоран Стерјев, денеска ставија потписи на договорот со кој продолжува платформата за ракометна Битола.

Нема поголемо задоволство и чест заедно да продолжиме една успешна платформа која во изминатите шест години во три наврати ја продолжуваме, рече на денешното потпишување на платформата градоначалникот Коњановски.

„Отвараме нов период на обострано задоволство. Јас секаде тоа го потенцирам дека ова треба да биде мотив за сите како треба спортот, бизнисот, градот да опстојуваат заедно во една платформа. Голема благодарност и за поддршката од спортската јавност, на новинарите, на медиумите, на граѓаните на Битола, секако и на Чкембарите. Сите задоволни да продолжиме во еден многу светол период со истите и поголеми амбиции понатму, во периодот кој ќе отвори нови врати на ракометот. Овој спортски храм треба да живее и натаму. Ние знаете имаме иницијативи и огромни вложувања во спортот, така што резултатите се видливи и ќе бидат уште подобри“ , рече градоначалникот Коњановски.

Претседателот на клубот Зоран Стерјев изрази благодарност во општината, до градоначалникот за досегашната соработка, за периодот во кој како што рече, ја обликуваа натамошната соработка за комплетниот ангажман.

„Оваа платформа можеби ќе биде малку поразлична, од аспект што и досега беше платформа на обединување, меѓутоа овој период покажа дека тоа обединување станува уште поголемо. Кон платформата очекуваме дека ќе се приклучат и други стопански субјекти кои што веќе го најавуваат своето присуство на платформата и тоа е она што посебно радува, што платформата и со својата успешност покажа, докажа дека тоа е, како што кажа и градоначалникот е патот кој треба да го трасираме и патот по кој што треба да се движиме за успех и во спортот и во градот“, рече Стерјев.

Кажа дека амбициите се големи, дека секога година се подигнуваат за одреден степен. Таргетите, како што вели тој, се освојување на сите титули во нашата држава, достојно и квалитетно претставување во европските купови и дека е убеден дека тоа повторно ќе биде Лига на шампиони затоа што овој град, оваа публика, момците кои што се дел од екипата и на крајот сите ние, заслужуваме да останеме еден од 16-те градови каде што се игра најквалитетниот ракомет во Европа, а со тоа и во светот.

Започнаа градежните активности за изградба на ново спортско игралиште во битолската населба „Стрелишта“ кое ќе има кошаркарско и ракометно игралиште според стандарди за одржување на официјални спортски натпревари.

Градоначалникот на Битола, Тони Коњановски со претседателот на Советот, Бојан Бојкоски денеска беа на локацијата каде што започнаа градежните работи.

Ракометното игралиште ( мал фудбал) ќе биде со димнензии 40 на 20 метри, а кошаркарското игралиште со димензии 30 на 15 метри.

Освен тоа ќе има и мини атлетста патека во рамките на фудбалското игралиште и патека за пристап до игралиштата од бехатон плочки.

Ќе се изврши целосно отстранување на посточекиот асфалт, а ќе биде поставен нов асфалт со еластична подлога од тартан.

Околу спортските терени ќе биде заменета постоечката ограда со нова метална транспарентна, висока 4 метри.

Вредноста на овој проект е 26.470.435 денари, а средствата се од министерството за спорт, кои Општина Битола ги доби од вториот владин повик.

Ученикот Георги Николоски, матурант во СОУ Гимназија „Мирче Ацев“ од Прилеп, ќе учествува на престижната International Mendeleev Chemistry Olympiad (IMChO), која во април ќе се одржи во Москва, Русија.

Николоски во континуитет изминатите три учебни години убедливо го освојува првото место на државниот натпревар по хемија. Под менторство на професорката Ружа Ангелска, тој посветено и систематски се подготвува за највисоките предизвици во областа на хемијата, што годинава резултираше со пласман на едно од најреномираните меѓународни натпреварувања.

International Mendeleev Chemistry Olympiad важи за една од најрепрезентативните светски олимпијади по хемија, на која учествуваат најдобрите млади хемичари од повеќе држави. Пласманот на еден ученик од Прилеп на ваква сцена претставува значаен успех, не само за училиштето, туку и за целата држава.

Од гимназијата „Мирче Ацев“ истакнуваат дека овој резултат е плод на континуирана работа, истрајност и исклучителни знаења, како и доказ дека со посветеност и квалитетно менторство можат да се достигнат врвни меѓународни стандарди.

На Георги Николоски му се посакуваме многу успех и одлични резултати на претстојната олимпијада во Москва, каде ќе има можност да ги одмери своите знаења со најдобрите млади хемичари од светот.

Во гостување во “РадарПодкаст” кај Сотир Костов, министерот за култура Зоран Љутков го начна и прашањето за прилепскиот театар “Војдан Чернодрински”. Можеби најтеатарскиот град во Македонија, веќе една година е без театар. По трагедијата во Кочани, театарот во Прилеп беше затворен со образложение дека не исполнува ниту еден безбедносен стандард.

Љутков истакна дека сега се работи идејно решение, а со ребалансот на Буџетот ќе се обезбедат средства за нов проект за реконструкција на театарот.

Според кажаното, се чини дека Министерството стои зад изборот на идеен проект за новиот изглед на театарот, што е спротивно од она што го кажа во јавност градоначалникот на општина Прилеп, кој рече дека бизнисмен стои зад финансирањето на проектот.

Љутков исто така во гостувањето најави и реконструкција на Центарот за култура “Марко Цепенков”, каде во моментов повремено се одигруваат театарски претстави, но сето тоа без потребната акустика за театар и често без доволно затоплување.

Без разлика што е точно и која е позадината …. Прилеп ден поскоро заслужува театар, Прилеп е театарски град, прилепчани сакаат култура и најважно, Прилеп е дом на најголемиот театарски фестивал во Македонија.

Како Влада будно ќе ја следиме ситуацијата. Сметаме дека прогнозите се дека воениот конфликт би завршил побрзо и колку побрзо заврши, тоа е подобро не само за нас туку и за светот, истакна Марјан Ристески, заменик министер за економија и труд во своето гостување на „За или против“ кај Љупчо Цветановски.

-Ние како Влада и како Министерство за економија знаеме дека за енергенсите увозно зависни сме како држава и не можеме да бидеме имуни на тие светски теркови, посебно погодени од војната во Иран, меѓутоа сепак сметам дека сè уште не е алармантна состојбата, нема простор за загриженост во овие моменти, рече тој.

Ристески не очекува поголеми потреси во однос на цената на нафтата, но оценува дека состојбата се следи и доколку има потреба државата ќе реагира.

-Оваа Влада покажа дека има капацитет да се справува со кризи… Успеавме со одредени мерки и одлуки во минатиот период да се справиме. Работиме на среднорочна и долгорочна стратегија во однос на стабилизирање на цените, доведување на инфлацијата на еден пригоден степен кој ќе биде еквивалент на степенот на инфлација во ЕУ. Тоа успеваме досега да го направиме, ја смиривме инфлацијата, рече Ристески.

Тој потсети како беше во време на претходната Влада.

-Со едни неприродни мерки, интервенции во економијата. Да не заборавиме, ние бевме европски рекордер во инфлација и квартално, но и годишно имавме над 15% инфлација. Сега е смирена инфлацијата на 4%. Има позитивни сигнали и сметаме дека доколку воениот конфликт се заврши што побрзо и понатаму трендот на опаѓање на цените ќе биде во Македонија и инфлацијата ќе ја доведеме до проектираната 2,5-3%, рече заменик-министерот.

Со грешните политики на претходната Влада, вели Ристески, ние на Балканот бевме синоним за извоз, посебно на храна – зеленчик, овошје, млеко…

На прашањето од новинарот дали македонската Влада е подготвена за она што може да се случи во иднина, Ристески одговара:

„Да, подготвени сме, имаме капацитет. Имавме повеќе предизвици во минатиот период. Не само овој предизвик туку и другите сме подготвени да ги дочекаме спремни, со реална и предвидлива политика, а не турбулентна. Предвидливоста во економијата дава и добри резултати“.

Професионалната боксерска сцена во Србија ја започнува ревијата на мечеви за сезоната 2026 во организација на Balkan Boxing, главен партнер на Боксерски сојуз на Србија за професионален бокс.

„Balkan Boxing 7“ ќе се одржи во салата Спортски центар Бор на 28 март 2026 година, со директен ТВ-пренос на TV Arena Fight.

По тој повод вчера во Белград беше одржана заедничка прес-конференција на која се обратија директорот на Arena Channels Group, Небојша Жугиќ, претседателот на Боксерскиот сојуз на Србија, Ненад Боровчанин, како и боксерите кои ќе ги гледаме на претстојните мечеви во Бор – репрезентативецот на Србија, Јован Николиќ и еден од најдобрите млади боксери на Македонија, прилепчанецот Матеј Чатлески.

Чатлески истакна дека му е чест што ќе боксува во Бор.

„Му благодарам на Balkan Boxing за можноста што ја добив и за која максимално се подготвувам. Во Бор ќе го претставувам боксот на Македонија и ќе покажам дека и ние имаме храбри боксери со високо ниво на перформанси. Балканот е ткаен од боксери кои имаат квалитет за самиот светски врв и сигурен сум дека тоа во времето што доаѓа ќе го докажеме, особено сега кога имаме можност преку мечевите што ќе ги организира Balkan Boxing, почнувајќи од спектаклот во Бор“, изјави Чатлески.

Претседателот на Боксерскиот сојуз на Србија најави подигнување на професионалниот бокс во регионот на светско ниво преку ревиите што ќе ги организира Balkan Boxing.

„Им благодарам на претставниците на седмата сила, без вас немаше толку луѓе да знаат за боксот и резултатите на нашите момци. Му благодарам на мојот пријател Небојша Жугиќ што уште во 2018 година го препозна боксот, како и на претседателот Александар Вучиќ. Таа поддршка ни донесе одлични услови, но и обврска да возвратиме со медали и полни сали со деца во спортските центри“, истакна Боровчанин.

Врвниот професионален бокс често се опишува како „брутален шаховски меч“, каде што се вкрстуваат елитната техника и стратешката вештина.

„Сакаме нашите боксери од олимпискиот бокс да градат професионални кариери тука. Зошто да не ги префрлиме мечевите од Лас Вегас, Лондон или Њујорк во Србија? Целта ни е во наредните неколку години нашиот боксер да боксува за титула светски професионален шампион во белградската Арена. Спектаклот во Бор на 28 март ќе биде од регионален карактер, а ќе настапат борци од цела поранешна Југославија, како Матеј Чатлевски од Македонија и Бенјамин Потурак од Сараево. Главната борба на вечерта ќе ја има нашиот прославен шампион и репрезентативец Јован Николиќ, а неговиот противник ќе биде познат во наредните неколку дена. Главна атракција ќе биде мечот на ММА ѕвездата Милош Јаниќиќ. Тоа ќе биде спектакуларна ноќ, не само спортска, туку и музичко-сценска. Нема да ја препознаете салата во Бор“, рече Боровчанин.

Претседателот на БСС наведе дека во периодот што следува боксот ќе покаже зошто е крал на сите боречки спортови.

View this post on Instagram

„Мајк Тајсон рече: ‘Секој има план додека не прими удар во брадата’, така што сите ние имаме желба да победуваме, но на крајот, кому судијата ќе му ја подигне раката, тој е победник. Најубаво би било тие мечеви да ги видиме во рингот, и зошто да не направиме веќе сега, кон крајот на годината, во Белградска арена, мечеви Мемиќ – Николиќ, Бојковиќ – Јаниќиќ, што публиката сака, да ѝ го дадеме. Боксерскиот ринг е најфер место. Нема простор за време на борбата боксерите да гледаат во нозете, во главата, во струкот… Тоа е единствената борба во која за време на натпреварот се гледате постојано очи во очи, и токму затоа е благородна вештина, бидејќи ништо нема поблагородно, особено во денешно време. Ако имате сила цело време да гледате некого во очи, а уште и да се борите со него, тоа е вистинска борба“, истакна Боровчанин.

На боксерите ќе им припадне и награден фонд, планиран според нивниот учинок во рингот.

„Што се однесува до наградниот фонд, бидете сигурни дека секоја влезница, секој спонзор, ќе биде – не дел – туку цел фонд наменет исклучиво за боксерите. Откако ќе се покријат организациските трошоци, тој не се дели, не се земаат проценти, ние не менаџираме со нив, туку создаваме услови не само за тренинг, туку и да заработат пари. Од таа перспектива можам да кажам дека ќе бидеме горди, а боксерите задоволни што сме можеле да им овозможиме на такви воини хонорари со кои ќе можат да направат нешто во својот живот“, заклучи претседателот на БСС.

Повод за собирот беше потпишувањето на продолжување на соработката меѓу БСС и Arena Channels Group.

„Боречките спортови, особено боксот и ММА, предизвикуваат големо внимание во јавноста. Пред сè сакам да му се заблагодарам на мојот пријател Боровчанин што толку посветено работи и максимално се труди да ми ја олесни работата околу популаризацијата на боксот на овие простори. Каналот Arena Fight, како и секогаш, ќе ги пренесува сите значајни настани што се случуваат кај нас и во странство. Ова е нешто посебно и многу ми е драго што вакви спектакли се организираат надвор од Белград, а не само во главниот град. Ми е драго што ќе биде организирано во Бор. На тој начин вршиме популаризација на територијата на цела Србија, но и регионот. Доаѓаат борци од сите земји на поранешна Југославија, што дополнително дава шарм и го зголемува ривалството, а со тоа и интересот за секоја борба“, рече Жугиќ.

View this post on Instagram

„Мислам дека ова што го правиме е добро, но гледаме да го унапредиме уште повеќе и дополнително да го направиме овој содржај поинтересен“, додаде Жугиќ.

„Во 2018 година, кога боксот фактички беше мртов на овие простори, со поддршка пред сè од претседателот на Републиката Александар Вучиќ, како и од сите луѓе што во тој момент го поддржаа подигнувањето на боречките спортови, седнавме, се договоривме, го направивме каналот Arena Fight и почнавме да ги популаризираме боречките спортови. Седум години подоцна имаме навистина феноменални резултати во сите боречки спортови. Популаризацијата ја направивме на највисоко можно ниво, а резултат на тоа се полни сали и отворање нови боречки центри. Ви благодарам на сите и продолжете да ја следите Арена и да уживате во спектаклите што ги приредуваме. Уште еднаш ги повикувам сите да го погледнат и да не го пропуштат спектаклот што нè очекува во сабота, на 28-ми навечер“, истакна Жугиќ.

Главната борба на вечерта во Бор, на 28 март, ќе ја има репрезентативецот на Србија Јован Николиќ.

„Би ја искористил приликата да им се заблагодарам на сите што дојдоа и што нè следат цело ова време, но пред сè на Небојша Жугиќ и Ненад Боровчанин, без кои не би можеле да го направиме сето ова во боксот, бидејќи вратите не ни беа отворени. Ви благодарам уште еднаш за тоа. Драго ми е што слушам дека во одреден период ќе може да се оствари тоа за што зборуваше Ненад – дека ќе нападнеме некоја од поголемите титули во професионалниот бокс“, изјави Николиќ.

„Сега фокусот е на мојот нареден професионален меч, во кој ќе влезам сто проценти подготвен, а потоа би сакал да се случи нов меч со Алмир Мемиќ. Кога ќе дојде до тој меч не знам, но му порачувам – подготви се, ќе се подготвам и јас, па ќе видиме кој каде е“, додаде Николиќ.

Градежништвото повторно со двоцифрен раст, објави вицепремиерот и министер за транспорт, Александар Николоски.

Тој додаде дека има силна динамика во изградба на капиталните проекти.

-Раст од 14,6% бележиме во време кога ги градиме капиталните проекти, автопатите, железницата, регионалните и локални патишта и голем број комунални проекти. Двоцифрена стапка на раст од 14,6% во Градежниот сектор има во четвртиот квартал од 2025 година што само ја потврдува нашата силна заложба и посветеност во реализација на капиталните проекти. Особено ме радува фактот што градежништвото е во континуиран пораст и тоа во 2025 година во третиот квартал имавме 21% раст, а четвртиот квартал од бележиме 14,6% раст (и покрај зимскиот период каде поради природните услови градежните активности се намалуваат), истакна тој.

Николоски информира дека Македонија е меѓу земјите со најголем раст на БДП, каде градежништвото повторно има двоцифрена стапка на раст.

-Во четвртиот квартал БДП порасна за 3,8 % што е најдобар показател за успешните политики што ги спроведуваме. Македонија се гради и се развива – следуваат нови инфраструктурни проекти, објави вицепремиерот Николоски.

Пушачите во Македонија од понеделникот плаќаат повеќе за омилените брендови цигари. Компанијата „Империјал Тобако“ донесе одлука за зголемување на цените на својот асортиман за 10 денари по кутија.

Поскапувањето ги опфаќа најпродаваните брендови на пазарот:

-Родео
-Бос
-Вест
-Давидоф
-Жаде

Ова покачување е резултат на редовното усогласување со државната акцизна политика. Според законските измени, акцизите за тутунските производи ќе продолжат постепено да растат секоја година до 2030 година. Конкретно, предвидено е секој 1-ви јануари акцизата да се зголемува за 0,23 денари по парче цигара.

Овој 8 Март, наместо класичен подарок – изберете внимание што навистина се памети.

Доколку сакате да покажете почит, љубов и благодарност кон вашата сопруга, девојка, мајка, сестра…. подарете нешто што е само за неа – време за грижа, релаксација и самодоверба. Подарок ваучер од салонот Ласер и Убавина од Прилеп е внимателно избран гест што зборува повеќе од илјада зборови.

Овој подарок не е само материјален знак на внимание, туку искуство – можност таа сама да избере третман што најмногу ѝ одговара: од современа ласерска епилација до специјализирани естетски третмани за свеж и негуван изглед.

Вистинската убавина започнува со чувство на грижа и комфор. Со ваучер од „Ласер и Убавина“ ѝ подарувате токму тоа – момент само за неа, во кој ќе се почувствува ценето, негувано и посебно.

Тајната конечно е откриена: Новата ера на обликување на телото пристигна во Прилеп (ВИДЕО)

Ваучерите се елегантно дизајнирани и подготвени за подарување.

Ќе ги најдете во центарот на градот, на бул. „Гоце Делчев“, во зградите спроти „Палма шоп“ (влез 1, стан 7), или пишете им на нивните страни на социјалните мрежи ФЕЈСБУК и ИНСТАГРАМ.

Најлесно, јавете се на телефонскиот број 070 287 842 и информирајте се за нивните услуги, а верувајте ги има во изобилство.

Патот кон совршено тело и убавина никогаш не бил полесен – Млад тим во Прилеп со современа технологија и знаење го прави невозможното-возможно

Обезбедете го Вашиот подарок навреме и изненадете ја со нешто вредно, убаво и корисно.

Тимот на “ЛАСЕР и УБАВИНА” ве очекува!