Времето денеска ќе биде сончево и многу топло со мала локална облачност. Попладне во западните делови од државава ќе има појава на локален пороен дожд проследен со грмежи и со услови за краткотрајно невреме.
Ќе дува слаб до умерен ветер од североисточен правец, соопшти Управата за хидрометеоролошки работи.
Минималната температура ќе биде во интервал од 14 до 23 степени, а максималната ќе достигне од 33 до 39 степени. УВ-индексот ќе биде 9.
Во Скопје времето ќе биде сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне 39 степени.
Од УХМР најавуваат дека во наредните денови следува период на многу топло време со дневна температура која насекаде ќе биде над 30 степени Целзиусови, а наместа ќе достигнува 40 степени.
Во попладневните часови, претежно во планинските подрачја, ќе има изолирана појава на нестабилност со пороен дожд и грмежи, особено во четврток кога ќе има услови за краткотрајно невреме.
Не бевте на претходната забава?! Епа има за што да жалите, затоа што сте пропуштиле многу!
Тимот на “Салида” аква парк и ова лето ги нуди најдобрите забави во Прилеп. Прилепчани веќе се разладуваат на дневните горештини и уживаат во водените лудории на аква паркот, а младите со нетрпениее го очекуваа следното ноќно журкање.
Сезоната на ноќно капење и забава започна на 20. јуни со диџеј сет на DJ PETRO, на задоволство на голем број млади луѓе.
“Салида” аква парк ви закажува ново ноќно уживање оваа среда (10.07) со почеток од 21часот, кога диџеј кабината е резервирана за популарниот DJ ANONYMOUS.
Влезниците се по цена од само 100 денари, па овојпат немате изговор да не присуствувате!
Ваше е само да понесите добро расположение и позитивен став.
Резервирајте навреме на телефонскиот број: 076/814-100, уживајте и забавувајте се, тимот на аква парк “Салида” ве очекува!
Нови, надежни ветришта започнуваат да дуваат за враќањето на функционалноста и сјајот на двете прилепски спортски сали, Универзалната и „Македонија“, кои со децении чмаат празни во својата тажна запоставеност. Градоначалникот на Прилеп, Борче Јовчески и новиот министер за спорт, Борко Ристовски веќе одржаа средба на која конкретно е разговарано за постоечката спортска инфраструктура во еден од некогаш најспортските градови дури и во бивша Југославија – објави “АЛФА ТВ”.
„Со голем оптимизам очекуваме дека преку новоформираното Министерство за спорт, ќе успееме заеднички да најдеме начин и да пуштиме во употреба барем една од овие две сали во најскоро време, кои за жал, во овој мимент се нефункционални за нашите спортски клубови и спортисти, иако многу пати реагиравме и до претходната централна власт. Наша заедничка цел е да ги подобриме условите и да го вратиме достоинството и успесите на прилепските спортисти“, напиша градоначалникот Борче Јовчески на социјалните мрежи.
Овие две спортски сали, со години се рак-рана на прилепчани, а особено на спортската јавност, заради што речиси редовно беа и предмет на политички и партиски ветувања, но и препукувања, особено Спортската сала „Македонија“. Најсвежото беше од 2017, кога тогашниот кандидат за градоначалник од СДСМ, а потоа и градоначалник на Прилеп, Илија Јованоски, вети целосна реконструкција на оваа спртска сала и нејзино прераснување во модерен Спортско-рекреативен центар, што не се случи, па така ова импозантно здание и ден-денес нестрпливо чека на реконструкцијата.
Во средината на 90-тите години оваа сала беше опожарена до темел. По неколку години, односно до 2000-та година беше и обновена, но оттогаш наваму таа сепак остана да зјае празна и запуштена, бидејќи и по повеќе од две децении – нема технички прием.
Инаку, Спортската сала „Македонија“ е во надлежност ЈП за стопанисување со спортски објекти, а додека Универзалната сала која УЈП му ја одзеде на Тутнскиот комбинат, е во надлежност на ЈП АД за изградба и стопанисување со станбен и деловен простор.
Интересно е тоа што спортската сала “Македонија” била изградена за само 9 месеци во 1978 година, додека пак Универзалната сала била завршена за рекорни 100 дена во 1973година.
Англискиот судија Ентони Тејлор заврши со Европското првенство во Германија пренесува италијанскиот медиум „Газета дело Спорт“.
Тејлор е во центарот на вниманието по оштетувањето на домаќинот Германија кога во второто продолжение од четвртфиналниот дуел против Шпанија не досуди пенал по очигледна игра на рака на Марк Кукуреља во шестнаесетникот.
Десетина илјади Германци се уште потпишуваат петиција за преигрување на средбата со Шпанија, нешто што нема да се случи, но јасно е дека појавуање на Тејлор во центарот од продолжението од турнирот нема да биде добар маркетинг за турнирот и организаторот.
Иако УЕФА јавно не објави дека Тејлор згрешил и ги оштетил Германците, сепак решиле да го вратат дома, а веќе нема да го гледаме на ЕП.
Словенецот Славко Винчиќ ќе го суди првиот полуфинален натпревар меѓу Шпанија и Франција, а Германецот Феликс Цвејер вториот меѓу Холандија и Англија.
Според извори од УЕФА до кои дојдоа англиските медиуми, најсериозни кандидати за делење на правдата на финалната средба на 14 јули во Берлин се Италијанецот Даниеле Орсато, Полјакот Шимон Марчинијак и Англичанецот Мајкл Оливер.
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,00% во однос на одлуката од 1.7.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1), се зголемуваат за 0,50 ден/лит Малопродажната цена на Мазутот М-1 НС, се зголемува за 0,626 ден/кг.
Од 9.7.2024 година од 00:01 часот максималните цени на нафтените деривати ќе изнесуваат:
– Масло за горење – Екстра лесно 1 (ЕЛ-1) – 75,50 (денари/литар)
– Мазут М-1 НС – 48,634 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1), се зголемуваат за 0,50 ден/лит Малопродажната цена на Мазутот М-1 НС, се зголемува за 0,626 ден/кг.
Преубава атмосфера и толпа од народ вечерва на полјанката во Хром за филмот “Те дуа, жими мене” – напиша на ФБ градоначалникот на општина Ѓорче Петров, Александар Стојкоски.
-Жителите на Ѓорче Петров се желни за културни настани, кои се можност за убава дружба и релаксација. Ме радува тоа што филмскиот караван ги исполни моите очекувања и ни даде зелено светло да продолжиме со овој проект. Да гледаме македонски филмови и да ги чуваме и почитуваме културните вредности. Се гледаме многу наскоро со нови филмски проекции и на многу други локации – стои во објавата од Стојкоски.
Една убава идеја која сигурно би била добредојдена и кај младите во другите општини!
Искусниот гајдаџија Здравко Андонов од село Ињево, Радовишко е годинашниов добитник на Гајдата на Пеце која ја доделува општина Долнени како најдобар изведувач, а Културно-уметничкото друштво „Јане Сандански“ од Неготино е добитник на Гран при наградата на 50. јубилеен Фестивал на народни инструменти и песни „Пеце Атанасовски“ кој се одржуваше во Прилеп и на Рудина, Долнени.
Фестивалот додели и 6 награди-гајдарки, 10 статуетки и 50 плакети на истакнати учесници. Жирито кое одлучуваше го сочинуваат истакнати фолклористи: професор д-р Родна Величковска, професор д-р Горанчо Ангелов и доцент д-р Стојанче Костов.
На Фестивалот учествуваа преку 250 изведувачи на изворниот мелос од сите краишта на Македонија. По 13-ти пат се одржа Семинарот за изучување на народните инструменти и песни, а беа промовирани и зборникот на научни трудови „Фолклорот во минатото и денес“, како и монографијата за 50-годишниот јубилеј на Фестивалот „Непресушен извор-за навек“.
Фестивалот во петокот го отвори дефилето на 50 гајдаџии во центарот на Прилеп, а втората фестивалска вечер се одржа синоќа на Рудина, Долнени.
Joван Кировски, Американецот со македонско потекло, ќе биде нов директор за развој на спортот во италијанскиот гигант Милан.
Одлуката за ангажирање на Кировски ја сподели Златан Ибрахимовиќ, кој за нашинецот истакна:
„Ни требаше човек кој има исти амбиции и визии со нас, зборува на ист јазик како нас, и има исти идеи“.
Кировски кој во својата кариера како играч настапуваше за: Борусија Дортмунд, Келн, Спортинг Лисабон, Бирмингем, Кристал Палас, и во клубовите од МЛС: Лос Анџелес Галакси, Сан Хозе и Колорадо, имаше и 62 настапи во дресот на репрезентацијата на САД, каде постигна 9 погодоци.
Кировски е син на македонски имигранти кои се по потекло од селото Сиричино во општина Јегуновце.
Кариерата ја заврши во ЛА Галакси, каде остана да работи и стана технички директор. Тој беше еден од главните виновници за трансферот на Златан Ибрахимовиќ во САД, токму во редовите на ЛА Галакси.
400 метри ѕидови во училишниот двор претворени во шарена бајка. Вредните раце на учениците и нивните ментори, го направија училишниот двор да грее. Буквално секој ќе посака да се врати низ времето и со мерак да оди на училиште!
Премиерот Христијан Мицкоски пристигна во Вашингтон, каде заедно со министерот за одбрана Владо Мисајловски, министерот за надворешни работи и трговија Тимчо Муцунски како и министерот за внатрешни работи Панче Тошковски ја започнаа официјалната посета на САД, каде ќе бидат дел од одбележувањето на 75 години НАТО.
Мицкоски најави голем број на билатерални средби со државници од земјите членки на Алијансата, но и средби со бизнисмени и со македонската дијаспора, на кои ќе им ги презентира придобивките од инвестирање во Макеоднија. Тој ја најави и новата странска инвестиција на компанија од листата на 500 најголеми компании во светот.
