Американскиот претседател Доналд Трамп соопшти дека Соединетите Американски Држави спровеле успешна воена операција врз Венецуела, при што претседателот Николас Мадуро и неговата сопруга се заробени. Трамп преку својата социјална мрежа потврди дека лидерот на Венецуела веќе е изнесен од земјата.

Според наводите на американскиот претседател, во акцијата биле вклучени и органите за спроведување на законот, иако засега не се откриваат детали за тоа кои конкретни агенции учествувале во нападот. Мадуро во САД се соочува со обвиненија за наркотероризам уште од 2020 година.

Повеќе информации се очекуваат во текот на денот на најавеното обраќање на Трамп.

„Соединетите Американски Држави успешно спроведоа голем напад врз Венецуела и нејзиниот лидер. Николас Мадуро и неговата сопруга се заробени и однесени од земјата“, објави Трамп на социјалната мрежа Truth Social.

Првото бебе во Новата година во општата болница во Кавадарци е женско!

Бебето и мајката во текот на вчерашниот ден ги посети градоначалникот на општината, Митко Јанчев, кој им донесе пригодни подароци и им посака искрени честитки за добро здравје, љубов, спокојство, а на најмалата жителка на Кавадарци, желби за среќно детство.

По успешното отворање минатата година, ски-патеката „Македонија“ во Михајлово повторно започнува со работа и од денеска официјално ја отвори новата зимска сезона!

Патеката ќе функционира до 19:00 часот, а по потреба и до доцните вечерни часови.

Денешниот ден беше прв ден од сезоната, и веќе имаше вљубеници во снегот и зимските спортови.

Ова е втора зима по ред како Михајлово станува вистински зимски центар за сите генерации, место каде што снегот, радоста и дружењето се спојуваат во едно незаборавно искуство.

Подгответе ја зимската опрема, повикајте ја дружината и уживајте во вистинската зимска атмосфера!

Како и во изминатите години, така и во оваа 2026 година во Кичево ќе се организира традиционалното одење по „Бадниково дрво“, со благослов на Кичевското архиерејско намесништво при храмот „Св. Ап. Петар и Павле“ – Кичево. За оваа цел веќе им е упатен повик на кичевчани дека тргнувањето ќе биде од 10 часот на самиот ден „Бадник“ – во вторник, на 6 јануари од пред соборниот храм „Св.Петар и Павле“ во Кичево.

„Секој со добра мисла и чиста душа е добредојден да се придружи кон традиционалниот настан и поворката. Да нѐ благослови Бог, да сме побројни и за многу години, вечна традиција!“ – се нагласува во повикот.

На Бадник, во вторник во градскиот соборен храм „Свети апостоли Петар и Павле“ во Кичево со почеток во 17 часот ќе се отслужи празнична вечерна богослужба, на која ќе чиноначалствува Неговото Високопреосвештенство, митрополитот Дебарско-кичевски господин Георгиј. По оваа богослужба ќе се делат бадниковите гранчиња.

„Со благослов од Кичевското архиерејско намесништво се покануваат сите православни верници од Кичево и околината со молитвено срце да земат учество во ова свеченa вечерна богослужба во радост, мир и духовно единство. Нека Бадниковата вечер биде време на благослов, љубов и заедништво за секој дом!“ – рекоа од ова намесништво.

А еве каква беше атмосферата на кичевскиот плоштад за новогодишната ноќ:

Решавање на катастрофалните состојби во судството и Обвинителството преку промени е она што треба да очекуваат граѓаните и што треба да се случи во 2026 година, истакна во интервјуто за ТВ Алфа, вицепремиерот Александар Николоски.

-Конечно ќе има промена во Обвинителството, веќе има в.д. Јавен обвинител и веќе има транспарентен оглас за пријавување за нов Јавен обвинител, кој што се надевам со многу поголема енергија ќе влезе во целата работа, рече Николоски.

Како позитивна работа вицепремиерот ги потенцираше состојбите во царината, каде изминатата година државата генерирала 100 милиони евра дополнителен приход, што е доказ дека работите се променети.

-Тоа значи дека тие 100 милиони се краделе и исчезнувале, сега треба да се среди судството и Обвинителството, потенцираше потпретседателот на владата.

Во однос на правосудниот систем, Николоски спомена класични примери, како пример за работата на судовите и обвинителствата во државата.

-Пред 8 месеци завршена изградбата на браната Конско кај Гевгелија, заради една одлука која што ја чекаме од гевгелискиот суд околу прашање за експропријација, доцниме 8 месеци. Било каква да е одлуката, независно дали ќе биде во корист на странката или во корист на државата, никој не сугерира како да го решат проблемот, еве апелирам да одлучат. Во Управен суд имате предмети кои што стојат од 2022, тоа се човечки судбини. Бракоразводна парница трае од година до година и пол, катастрофа. Тоа се стресови за семејства, за деца, за роднини. Значи во една катастрофална состојба е судството, а со него и Обвинителството, заклучи Николоски.

Пред дестина дена започнаа подготовките за годинашната Бадникова поворка која ќе се одржи годинава и во Битола, како и во многу други градови и населени места во Македонија.

На младите бадникари-деца од различни возрасти во подготовката, односно изработката на бадниковите ѕвезди, вечерва им се приклучи и градоначалникот на Битола, Тони Коњановски.

Организаторите на поворката велат дека вредните детски раце неуморно и со љубов и верба во традицијата ги изработуваат овие ѕвезди, подготвувајќи се за Бадник денот кога низ центарот на градот со ѕвездите в раце ќе ја пеат Вечниот бог, најавувајќи го Христовото раѓање.

На 6 јануари на големиот верски празник Бадник, собирно место ќе биде плоштадот „Магнолија“ од каде ќе се упатат кон Соборниот храм „Св. Великомаченик Димитриј“, а потоа и низ Широк Сокак до Офицерскиот дом каде ќе биде завршниот дел на поворката.

Организаторите упатуваат повик до сите оние кои што сакаат да бидат дел од Бадниковата поворка на големиот празник да им се приклучат.

Инаку ѕвездичките ја симболизираат Витлеемската ѕвезда која се појавила на небото кога се родил спасителот на светот и дека децата ја претставуваат ангелската војска која со песна ја најавува радосната вест.

По спроведена истражна постапка, Основното јавно обвинителство Битола поднесе обвинение против 8 физички и 1 правно лице за злоупотреби поврзани со постапки за јавни набавки во РЕК Битола.

Во текот на 2023 година, петмина од обвинетите, како службени лица – директори и раководители на подружници во РЕК Битола, вклучувајќи го и директорот на комбинатот, вршеле продолжено кривично дело – Злоупотреба на службената положба и овластување од член 353 став 4 во врска со став 1 од Кривичниот законик.

Тие заедно не ја извршиле својата службена должност за законито и совесно постапување и ги повредиле начелата на економичност, ефикасност, ефективност, сразмерност и конкурентност предвидени во Законот за јавни набавки. Со намера да прибават противправна имотна корист за друг, обвинетите распишале и спровеле постапка за јавна набавка за дислокација на погонските станици од рудникот “Осломеј” во рудниците на РЕК Битола, со цел да се воспостави нов транспортен систем за рудата во РЕК, иако знаеле дека таквиот транспортен систем е спротивен на основниот проект и несоодветен за технолошкиот процес на ископ на откривката, јагленот и меѓуслојната јаловина, како и за транспорт на јагленот во рудниците на РЕК. Имено, поради неправилната форма на површинскиот коп и поради малиот век на експлоатација (околу 14 години) во рудникот Живојно не е предвидена примена на методата за откопување со континуирана технологија (роторни багери и транспортни ленти) какви што биле дислоцираните погонски станици од Осломеј.

Обвинетите го навеле Управниот одбор да го измени Годишниот план и да овозможи реализација на јавната набавка, а минималните услови за учество на тендерот ги предимензионирале, фаворизирајќи само едно правно лице. Со тоа и овозможиле на обвинетата компанија да се јави како единствен понудувач и да го добие тендерот вреден 90.000.000 денари без ДДВ (106.200.000 денари со вклучен ДДВ).

Првообвинетиот сопственик на фирмата, двајца вработени и правното лице се товарат за кривично дело – Злоупотреба на постапка за јавен повик или јавно-приватно партнерство од член 275-в, бидејќи свесно ги повредиле прописите за постапката со потпишување и поднесување на невистинита документација во која тврделе дека работите на монтажа на погонските станици се завршени, иако донесената механичка и електроопрема стоела расфрлана во кругот на РЕК Битола. Незавршената обврска ја наплаќале врз основа на невистинитата документација со што правното лице се стекнало со противправна имотна корист од големи размери. Ова им го овозможиле и тројца од обвинетите директори и раководители во РЕК Битола, кои во 2024 година ги потпишувале записниците и извештаите за наводно извршени работи, иако знаеле дека се невистинити, со што го навеле оштетеното правно лице РЕК Битола да изврши незаконита исплата и сториле продолжено кривично дело – Измама во службата од член 355 став 3 од Кривичниот законик.

Со обвинението, јавниот обвинител предложи да биде одземен износот од околу 1,7 милиони евра со ДДВ кои и биле исплатени на компанијата како резултат на сторените кривични дела. За таа цел, обвинителството во текот на постапката, користејќи и инструменти на меѓународна правна помош, лоцираше и обезбеди 1,2 милиони евра, 1.000 швајцарски франци, 3 златни монети и 1 златна плочка од банкарски сеф во Белград, сопственост на првообвинетиот, како и над 500.000 евра на сметки во домашни банки. Дополнително, замрзнати се и 10 нови товарни и приклучни возила набавени во 2025 година од фирма во Србија во сопственост на првообвинетиот, кои исто така можат да бидат предмет на конфискација.

Сознанијата на истрагата се дека обвинетиот поседува две компании во Србија, од кои едната основана на крајот на 2024 година, но и дека согласно анализираното движење на паричните средства има јасна тенденција тој да ги префрла парите со кои располага кон тие компании. Исто така, обвинителството го ценеше фактот дека обвинетиот одржува блиски врски и со други држави каде би можел да има парични средства, што го прави сериозен ризикот од бегство, па јавниот обвинител до судијата на претходна постапка достави предлог за продолжување на претходно определената мерка притвор за овој обвинет со цел негово обезбедување во текот на судската постапка.

-На 30.12.2025 во 23:30 часот во СВР Битола, 34-годишен битолчанец пријави дека неговата поранешна девојка Х.С. му упатувала закани со остар предмет, го бркала со возилото низ градот, при што тој со тврд предмет го оштетил нејзиното возило. Се преземаат мерки за расчистување на настанот и по целосно документирање ќе следуваат соодветни поднесоци, информираат од СВР Битола.

На 2 јануари се празнува Свети Игнатиј, ден за кој се верува дека е одлучувачки за тоа што ќе ви се случува во текот на целата година. Постои верување дека она што ќе го правите тој ден, ќе го правите и цела година.

„Вистинските” бадникови и божиќни обичаи почнуваат на тој ден, на втори јануари со празникот Св. Игнатиј. На овој ден во некои краеви во Македонија се месат коледарски колачиња, а некаде се изведува и обичајот полазеник. За полазеник го сметале првиот гостин што доаѓал и го пречекорувал прагот на куќата. Каков ќе биде полазеникот – таква ќе биде и претстојната година за семејството.

Игнатиј е детето што Исус го носел во својата прегратка. Според народното верување од овој ден започнува да расте денот.

За тој ден се верува дека ќе ви биде онаков како и целата година, до толку што постарите ги заклучувале вратите од своите домови за да не им влезат лоши луѓе и лошо да им тргне.

Лошите баби порано оделе од куќа на куќа на втори јануари да позајмат пари макар и за млеко, само за да на добрите луѓе им тргне лошо годината. Но, ваше право е на тој ден да го вратите секој оној кој ќе ви побара пари и да му речете дека денеска е Св.Игњат и од мојата куќа не излегува ништо, дојди утре.

На најдобрата тераса во Прилеп, онака како што ја испративме старата година – со насмевки, добра музика и полна енергија – така ја започнуваме и Новата 2026 година.

Terasa Pub Club ве поканува на првиот викенд од годината со одлична музичка понуда, позитивна атмосфера и забава што се памети.

Во петок 02.01. повторно ни доаѓаат дечките од ARTIUM BAND од Битола – веќе добро познати по одличниот ритам кој го држат во текот на целата вечер и шират прекрасна енергија.

View this post on Instagram

Во сабота, 03.01. уживаме заедно со дуото од Прилеп – Боби и Никола, за уште еден прекрасен викенд исполнет со убави моменти.

Ова е место каде што секоја вечер има своја приказна, каде што музиката ги спојува луѓето, а добриот помин доаѓа природно. Повик до сите љубители на убавата забава – да ја започнеме 2026 заедно, со многу смеа, дружење и добра енергија.

И не само за викенд – вашата Terasa ве очекува секој ден. За утринско кафе, топли пијалоци, разговори со најблиските и моменти што значат.

Новата година почнува таму каде што срцето се чувствува најубаво. 💫

Резервирајте навреме на тел.бр. 070-304-967