Игор Стефановски – Иџе изминатиот викенд во Бузет, Хрватска, ја возеше својата 200-та трка во кариерата и ја заврши сезоната во ФИА Европскиот шампионат на ридски патеки (EHC) со одлично трето место во група 1.

Со своето „Ферари “, Иџе подготви вистинско шоу за публиката на последната трка, која традиционално собира голем број љубители на моторспортот. Поддршка доби и од бројни Македонци кои специјално дојдоа во Хрватска да го бодрат.

„Завршен е Бузет. Феноменална трка и атмосфера. Горд сум што многу луѓе од Македонија беа тука. Трето место во група 1 во финалната класификација во овој шампионат е голем успех за мене и за мојата Македонија. Сезоната беше долга, со многу предизвици, но и со пиедестали, победи и убави моменти, Завршени се 11 трки, низ цела Европа. Имавме преубава тркачка сезона. Морам да бидам искрен и да спомена дека имавме и предизвици, и физички и психички, имавме многу патувањА “ изјави Стефановски. Имавме вистински добра борба со моите конкуренти, приредивме вистинско шоу за публиката, верувам дека ќе го паметат, затоа што вакви времиња и вакви возења, не се направени на ниедна друга трка.

Тој им се заблагодари на својот тим, спонзорите, Министерството за спорт и своето семејство, кое – како што вели – „најсилно го трпи товарот“ од неговата кариера.

„Крај на една убава сезона со измешани емоции, но и многу искуства. Можам да кажам дека навистина сум горд на луѓето околу мене, на мојот тим, на сите спонзори, на тимот на Ферари за овој резултат. Имавме навистина сериозна конкуренција. Бузет е една од моите најомилени трки. Веќе размислуваме за следната година и со кој автомобил ќе настапуваме. Горд сум што достоинствено ја претставивме Македонија, “ додаде Игор Стефановски –Иџе.

Видеолотарија Касинос Австрија му го честита успехот и во оваа сезона. Остануваме посветени во поддршката на автомобилскиот шампион. Заедно ќе продолжиме да навиваме за Иџе и за Македонија.

Православните христијани вчера го празнуваа големиот празник Рожденство на мајката Божја Пресвета Богородица. Празнувањето на ваквите големи празници има посебна традиција во Прилеп и прилепско и е од огрoмно значење за граѓаните.

А традиција за празнување на овој ден постои и во црквата Рожденство на Пресвета Богородица во село Штавица, каде секоја година е највесело и се собираат стотици верници.

Така беше и оваа година, портите на храмот беа отворени за сите добронамерници. Како што носи редот празничниот ден започна со света литургија во храмот, а потоа следуваше жива музика и прекрасна македонска веселба.

Нека е за многу години, а до в година повесели и уште побројни!

Во рамки на офф-програмата на 46. ИФФК „Браќа Манаки“, со поддршка на MINT Fintech Group, секоја фестивалска вечер по проекциите на отворено пред Офицерски, се селиме во Јагода.

📍 21–25 септември | 22:00
🎧 На пултот:
• 21.09 – Saso Spect
• 22.09 – Acika
• 23.09 – Bad Juju
• 24.09 – Berry Qyat
• 25.09 – Chiko

Се журкаме после кино проекции!

Филмската магија продолжува со музика, дружење и фестивалска енергија што трае до доцна во ноќта, затоа што со MINT ништо не е црно-бело.

-На 21.09.2025 во 01:45 часот во Битола полициски службеници од СВР Битола го лишија од слобода Ј.С.(68) од Берово со престој во Битола, поради сомнение за сторено кривично дело по чл.188 ст.1 „полов напад на дете кое не наполнило 14 години” од КЗ. Според пријавеното, тој го сторил делото во хотел во Битола врз 12-годишно девојче. По целосно расчистување и документирање на случајот ќе биде поднесен соодветен поднесок – информираат од МВР.

На 20.09.2025 СВР Битола до ОЈО Битола поднесе кривична пријава поради основи на сомнение за сторено кривично дело „предизвикување општа опасност“ по чл.288 од КЗ против Б.А.(33) од Битола, Н.Ц.(25) од с. Ерековци, прилепско, со место на живеење во Битола, И.Ѓ.(40) од Битола и П.Д.(38) од Битола.

Имено, на 12.07.2025 околу 02:05 часот Б.А. и Н.Ц., по насоки од И.Ѓ., дошле со мотоцикл во близина на куќа во Битола, по што Б.А. фрлил експлозивна направа кон куќата. При тоа биле оштетени фасади од куќи, прозорци и врати, а биле опожарени седум возила. Четвртообвинетиот П.Д. пак, му помогнал на Б.А. да сокрие докази во врска со кривичното дело.

На 19.09 и 20.09.2025, по наредба од Основен суд Битола од страна на полициски службеници од СВР Битола извршени се претреси на повеќе локации во сопственост на осомничените, при што пронајдени биле една рачна бомба, марихуана, шише со непозната течност со семки во внатрешноста, солзавец, предмети со траги од прашкаста материја, како и предмети со кои се извршени кривични дела. Б.А., Н.Ц. и П.Д. се лишени од слобода, а се преземаат мерки за пронаоѓање на И.Ѓ..

Есента во земјава и на северната хемисфера почнува денеска во 20:19 часот. Во исто време на јужната полутопка на Земјата ќе настапи пролетта.

Првиот есенски ден е 265-иот ден во годината и ќе трае 12 часа и 17 минути. Сонцето во Скопје изгреа во 6 часот и 18 минути, а ќе зајде во 18 часот и 35 минути. До крајот на годинава остануваат уште 100 дена.

Есента ќе трае до 21 декември во 10 часот и две минути, кога календарски започнува зимата.

На првиот ден од есента, според синоптичарите, утрото ќе биде посвежо, а потоа сончево и топло. Ќе дува слаб до умерен ветер од јужен правец. Минималната температура ќе биде во интервал од 5 до 14, а максималната ќе достигне од 27 до 32 степена Целзиусови.

И во Скопје наутро ќе биде посвежо, а преку денот сончево и топло. Ќе дува слаб до умерен ветер од јужен правец. Минималната температура ќе се спушти до 11, а максималната ќе достигне до 32 степена Целзиусови.

Утре и в среда ќе се задржи претежно сончево и топло време за овој период од годината. Од четврток ќе преовладува променливо облачно време со повремени локални врнежи од дожд. Дневната температура ќе биде во опаѓање.

Според календарот на МПЦ (Јулијанскиот календар) денеска е 9 септември.

Светите Јоаким и Ана

Свети Јоаким беше син на Варпафир, од Јудиното колено, и потомок на царот Давид. Ана беше ќерка на свештеникот Матан, од коленото Левиево, како и првосвештеникот Арон. Тој Матан имаше три ќерки: Марија, Совија и Ана. Марија се омажи во Витлеем и ја роди Саломија; Совија се омажи исто така во Витлеем и ја роди Елисавета, мајката на Свети Јован Предвесник; а Ана се омажи во Назарет за Јоаким и во својата старост

Ја роди Пресвета Богородица. Јоаким и Ана живееја во брак педесет години и беа бесплодни. Живеја богоугодно и тивко и од сите свои приходи само една третина употребуваа за себе, другата им ја раздаваа на сиромасите, а третата ја жртвуваа во храмот. А беа доволно имотни. Еднаш на старост, кога одеа да Му принесат жртва на Бога во храмот, првосвештеникот Исахар го укори Јоаким: „Не си достоен од твојата рака да се прими дар, бидејќи си бездетен.“ Така и другите што имаа деца го туркаа Јоаким зад себе како недостоен.

Тоа многу ги нажали овие две стари души, па дома се вратија во голема тага. Тогаш обајцата припаднаа на молитва кон Бога за и ним да им направи чудо како некогаш на Авраам и Сара и да им подари едно дете за утеха во староста. Бог им го испрати Својот ангел, којшто им го објави раѓањето на нивната преблагословена ќерка, со Која ќе се благословат сите народи на земјата и преку Која ќе дојде спасението на светот. И Ана зачна веднаш и во деветтиот месец Ја роди Пресветата Дева Марија. Свети Јоаким поживеа на земјата осумдесет, а Ана седумдесет и девет години и се преставија кај Господ.

Во рамките на 5. коло од Втората фудбалска лига, прилепска Победа доживеа дебакл на гостувањето кај Скопје во Железарница – крајниот резултат на семафорот срамни 8:1.

Иако натпреварот започна израмнето и до 26. минута резултатот беше 1:1, домашниот тим остана со играч помалку поради црвен картон за груба игра. Сепак, наместо тоа да биде предност за прилепчани, мечот се претвори во вистинска катастрофа – и покрај одбранетиот пенал на голманот Виктор Анѓелевски, „црвено-белите“ не успеаја да одржат чекор и примија уште седум погодоци.

Оваа висока загуба предизвикува сериозни реакции и загриженост кај навивачите, кои со право очекуваат повеќе од тим со квалитетни играчи и звучни имиња во составот.

Втората екипа од прилепско, ФК Големо Коњари исто така забележа пораз – на свој терен беа поразени од Осогово со 0:2.

ПОбеда и Големо Коњари и после ова коло се наоѓаат на последните две позиции на табелата, а во наредното коло ќе се соочат на Градскиот стадион “Гоце Делчев”.

-На 19.09.2025 во 12:45 часот во ОВР Прилеп е пријавено дека на ул.„Цар Самоил“ во Прилеп патничко возило „мерцедес” со прилепски регистарски ознаки со прикачена приколка, управувано од Г.Б. од Прилеп, удрило во пешакот Л.Ц. од Прилеп. По несреќата пешакот со возило на Итна медицинска помош Прилеп е пренесен во Градска болница Прилеп, каде од страна на доктор констатирани му биле тешки телесни повреди.

Увидот го извршила увидната екипа на ОВР Прилеп – информираат од МВР.

Во пресрет на локалните избори, кои патем се чини ќе бидат најинтересни за јавноста, пред се поради големата бројка на независни кандидати во повеќето општини, ги анализираме кандидатурите во пелагониските општини.

Покрај големите центри како Прилеп и Битола, интересни партиски и кандидатски изборни битки ќе се водат и во околните општини, а тука ја издвојуваме општина Долнени, каде како и по обичај има голем број кандидати за градоначалник и советнички листи.

ДИК прифати 7 кандидатури за градоначалник, меѓу која и на Суад Адиловиќ како независен кандидат – докажан полициски службеник професионалец и човек хуманист.

Важи за личност која ги обединува сите, особено во оваа мултиетничка општина, човек кој помогнал секогаш и секаде и кој отворено може да каже дека за него сите националности се пријатели.

Токму затоа и цели на сите гласови, и на Бошњаци, и на Македонци, Албанци, Турци…. од Сенокос, Новоселани, Ропотово, до неговото родно Десово, па и Житоше, Дебреште и Црнилиште.

Адиловиќ е семеен човек, татко на едно дете и сопруг на Ленче, која по националност е Македонка, па уште во семејниот дом докажал дека може да се живее во хармонија.

Адиловиќ верува дека само независен кандидат, ослободен од партиските стеги, може да направи од оваа општина убаво место за живеење, да направи дом за меѓусебно почитување и соработка.

Неговиот фокус ќе биде враќање на достоинството на обичниот човек, работникот и рамномерен развој на сите населени места. Ветува дека ќе подаде рака на сите, од сите националности, а со цел општина Долнени да стане симбол на заедништво каде младите нема да ги напуштаат родните места, каде работничкиот труд ќе биде достоинствено платен, каде нема да има села без асфалт, канализација и водовод во 21 век.

Нам ни останува да му посакаме среќа и успех во кампањата!