Поминaa oсум години од страшните пожари кои го зафатија регионот на Прилеп и прилепско, пожари кои нанесоа големи штети, пеплосувајќи големи површини со шума, но и викендици и земјоделски површини.

Од повеќето пожари кои беснееа во околината на Прилеп, најстрашен тогаш се чини беше оној во близина на манастирот Успение на Пресвета Богородица – Трескавец, древното светилиште на прилепчани.

Пожарот во неколку наврати опасно се закануваше да го проголта и целиот манастир, но храброста, истрајноста и сплотеноста на голем број доброволци, како и дежурствата цели 24 часа во денот, го спасија манастирот кој според некои извори датира од 14 век.

Прилепчани бестрашно се спротиставија на високите огнени јазици кои голтаа се пред себе. Огромен број на доброволци се јавија на повикот на општината, која тогаш беше предводена од Марјан Ристески, и заедно со пожарникарите од ТППЕ Прилеп, се бореа со пламените јазици.

Градоначалникот на Општина Прилеп, Марјан Ристески постојано ја следеше ситуацијата на терен и беше присутен на лице место, исто така лично апелираше до Министерството за внатрешни работи, да се пронајдат сторителите одговорни за пожарите околу Прилеп, при што беше уапсено едно лице.

Огнот ден стивнуваше, ден се распламтуваше… Жариштето не мируваше и постојано се јавуваа нови опасности.

За среќа кој средината на месец август 2017 година, пожарот беше ставен под контрола, а прилепчани успеаа да го заштитат манастирот од огнот, кој во неколку наврати дојде до самите ѕидини и порти.

Решителноста да се заштити нешто вредно, нешто историско, да се заштити една од првите лулки на христијанството во Македонија, овозможи и оваа година, на денешниот голем празник, илјадници верници да го посетат Трескавец.

Пожртвуваноста на прилепчани кон својот највреден Божји дом е за секоја пофалба!

Ристески како градоначалник подоцна ги одликуваше сите доброволци и пожарникари кои помогнаа во гаснењето на пожарот.

Систематски, како по книга, ВМРО-ДПМНЕ го уништува Прилеп! Неисплатената плата на вработените во Јавното претпријатие за просторни и урбанистички планови, е причина за тридневниот прекин на градскиот превоз во Прилеп – истакна на прес конференција претседателката на Форумот на жени при ОО СДСМ Прилеп, Саша Лепиткова.

Прес конференцијата на Лепиткова ја пренесуваме во продолжение:

-Како главни виновници за настанатата ситуација, вработените и директорот на јавното претпријатие ги посочија Општината, односно училиштата, кои на претпријатието му должат фантастични 7 милиони денари.

Така, неспособноста на градоначалникот Борче Јовчески и аматерското водење на институциите од страна на директорите на ДПМНЕ, ги принуди прилепчани сами да се снаоѓаат и да го решаваат проблемот кој им го сервираше локалната власт.

Со тоа, после само два дена на виделина излегоа лагите за „успешното“ функционирање на локалните институции, кои преку таканаречениот „Отчет“ Јовчески и ДПМНЕ ги презентираа на партискиот „Саем на срамот“ во Скопје.

Лага е дека Општината набавила 5 нови минибуси за градскиот превоз, а уште поголема лага тезата за „огромните“ инвестиции во основните и средните општински училишта.

Да биде трагикомедијата поголема, токму лошото менаџирање на овие институции и нивната меѓусебна спрега, ги доведе во ќорсокак вработените во јавното претпријатие за просторни и урбанистички планови.

Граѓаните на Прилеп немаат никаква дилема дека актуелната владејачка гарнитура на ДПМНЕ, е најлошата од постоењето на градот.

После обврските од 6 милиони евра кои Јовчески и ДПМНЕ му ги оставаат на новиот градоначалник, после испустените јавни претпријатија, прашањето кое се наметнува е – ќе имаат ли време до крајот на мандатот да уништат уште нешто?

За потсетување, четирите автобуси во Јавниот градски превоз беа набавени за фантастични 975.000 евра во 2019 година. Сумата за купените автобуси во Прилеп беше предмет на долга дискусија и препукување помеѓу власта и опозицијата. Набавката ја потпиша тогашната В.Д. директорка Мери Цветаноска од СДСМ, која беше обвинувана за корупција и сомнежи за криминал од страна на челниците во ОК ВМРО-ДПМНЕ Прилеп.

Денеска во 04:56 часот во ОВР Кавадарци било пријавено дека на заден влез од казино на ул.„Никола Минчев“ во Кавадарци, неколку лица физички нападнале едно лице, кое паднало на земја и на кое му била потребна помош.

-Полициски службеници од ОВР Кавадарци излегле на местото и констатирале дека се работи за лицето П.Т.(43) од Кавадарци, кај кое и покрај укажаната помош, екипа од Итна медицинска помош во 05:15 часот констатирала смрт. Набргу потоа, а поради сомнение за инволвираност во настанот, од слобода биле лишени Д.Б.(26), М.Ѓ.(35) и Д.С.(27), сите од Кавадарци. Тие биле приведени и задржани во полициска станица, информира МВР.

Јавен обвинител од Основното јавно обвинителство Кавадарци и полициски службеници вршат увид на местото, на надзорните камери од казиното и по целосно расчистување и документирање на случајот, против сторителите ќе биде поднесена соодветна пријава.

Моника Селеш наскоро ќе стане тренер на Новак Ѓоковиќ! Тоа се најновите вести од Њујорк. Српскиот ас беше прашан пред почетокот на Отвореното првенство на САД за можноста поранешен тенисер да ја преземе функцијата тренер во неговиот бокс…

-Имавме почетни разговори… Повеќе е на емотивна страна, отколку што сакам нешто толку долгорочно. Повеќе е нешто што би ми значело многу. Мислам дека е јасно за кого станува збор, но ајде, нема да го кажам името гласно, па затоа не го правам тоа прерано, ако некогаш дојде до тоа. Имавме интересни разговори – заклучи Новак.

-На 24.08.2025 во 16:25 часот во СВР Битола било пријавено дека на регионалниот пат Меџитлија- Старавина се случила сообраќајна несреќа во која четирицикл со битолски регистарски ознаки, управуван од Н.Ј.(36) од општина Новаци, удрил во пешаците Х.С.(25) и В.Т.(36), двајцата од Прилеп. Во несреќата пешаците се здобиле со тешки телесни повреди, а возачот Н.Ј. и сопатникот од четирициклот С.Р.(32) од Австралија се здобиле со телесни повреди, констатирани во Клиничката болница Битола. Увидот го извршила увидната екипа на СВР Битола – информираат од МВР.

-На 25.08.2025 во 23:20 часот на улица „Гоце Делчев“ во Кавадарци, полициски службеници од ОВР Кавадарци го лишиле од слобода Н.В.(64) од Кавадарци. При контрола во патниот сообраќај, полициските службеници сопреле патничко возило „пежо“ со кавадаречки регистарски ознаки, кое го управувал, и по преземени мерки било констатирано дека е под дејство на алкохол, односно дека му биле измерени 2,01 промили алкохол во крвта, по што веднаш бил исклучен од сообраќај. Лицето било задржано во полициска станица, известен бил јавен обвинител и по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.

-На 25.08.2025 во 19:30 часот во СВР Битола, 88-годишна битолчанка пријавила дека била измамена од едно лице за сума од 1000 американски долари, евра и 20.000 денари. Според пријавеното, лицето ја контактирало телефонски и ѝ кажало дека нејзиниот син со сопругата предизвикал сообраќајна несреќа, при што се здобиле со тешки телесни повреди и притоа прегазиле осумгодишно дете и дека треба да плати за да не биде пријавен во полиција од страна на семејството на детето. Како што е пријавено, таа парите ги фрлила од балкон на едно лице, а подоцна дознала дека била измамена. Се преземаат мерки за расчистување на случајот.

Црковните храмови во Прилеп ги повикуваат учениците и нивните родители во сабота (30.08), да присуствуваат на молебен канон за благослов на новата училишна година.

Во црквата Св. Петка во Точила со почеток од 09:00 часот

Во црквата Св. Благовештение – Стара Црква со почеток од 07:30 часот

Во црквата Св. Кирил и Методиј – Параклис со почеток од 07:30 часот

Во молитва ќе Го замолиме Бога да им подари на сите ученици здравје, мудрост, трпение и љубов кон знаењето, а на нивните учители сила, разбирање и просветленост за да ја пренесуваат својата мисија со љубов и посветеност.

Македонскиот пливач Евгениј Поп Ацев стана петтиот Македонец што го преплива каналот Ла Манш.

– Огромни честитки до Евгениј Поп Ацев од Македонија, кој денес го заврши своето пливање во Каналот за неверојатно време од 9 часа и 43 минути. Евгениј е 3-кратен светски шампион и е примен во Меѓународната сала на славните за маратонско пливање. Има учествувано на 107 натпревари од светска класа во кариерата што траеше од 2007 до 2021 година. Неверојатно пливање Евгениј…..и благодарност до целиот екипаж на бродот, се вели во информацијата на Асоцијацијата на пливање преку каналот Ла Манш.

Пред Поп Ацев од македонските пливачи Ла Манш го препливаа: Нико Нестор, Атина Бојаџи, Томи Стефановски и Игор Димовски.

Некогаш беше природна воздушна бања, а денес спокоен бисер во прегратките на планината

Манастирот Св. Никола во прилепското село Прилепец е едно од најубавите светилишта во околината на Прилеп. Сместен на 10тина километри од градот, манастирот претставува духовно светилиште кое мами со мирот и спокојот кој го нуди.

До манастирот се пристигнува брзо и лесно по асфалтиран пат. Низ годините манастирот постојано се обновуваше и осовременуваше, за денеска да биде едно прекрасно место каде може да поминете прекрасен ден со вашето семејство, да преспиете и да уживате во прекрасната природа и чист воздух.

Во време на Втората светска војна манастирот бил засолниште на партизаните. За тоа сведочи и споменичното обележје, кое е малку десно од манастирот, а е посветено на деветмина загинати партизани, кои се бореле против бугарските окупатори во 1942 година.

Во конакот има 15 соби, а за празници е полно. Така ќе биде и оваа година за празникот Успение на Пресвета Богородица, за кога домаќините и црковниот одбор ги покануваат сите верници, на ден 27.08.2024 вечерта и 28.08.2024 дентa, на масовен собир и свечена литургија.

Вечерната литургија започнува во 19:00ч, а утринската во 08:00ч.

Веднаш потоа ќе има дружба со жива музика, заедно со “Алетенегро Бенд”

Портите на манастирот ќе бидат отворени за сите добронамерници кои ќе дојдат да запалат свеќа, да се помолат за здравје и да уживаат во празничниот ден.

Нека е за многу години празникот и напомош!