Управата за јавни приходи денеска соопшти дека од следната седмица преку Министерството за финансии ќе започне исплатата на повратот на ДДВ.

Како што стои во соопштението, веднаш по назначувањето на нов директор во УЈП е формирана Комисија за унапредување на процесите за ДДВ.

– Од причина што УЈП нема воспоставено централизирано управување со повратот на ДДВ кое ќе обезбеди конзистентност на анализите и пристапите на регионалните дирекции, исто така не користи систем за автоматско вкрстување на податоци за цели на анализа на ризици, а воедно во дел од регионалните дирекции не се пополнети работните позиции чија одговорност е одобрување на повратот на ДДВ, меѓу другите свои задачи, оваа Комисија направи детална анализа и издвои барања за поврат кои претходно биле одобрени, а за кои Комисијата процени дека има одреден степен на ризик и треба да се изврши инспекциска контрола кај даночните обврзници. За останатите износи, кои претходно биле одобрени и доставени за реализација, од следната седмица ќе се врши исплатата на повратот, појаснвуаат од УЈП.

Враќањето на вишокот на влезниот ДДВ, се додава, е легитимно право на даночните обврзници, но ДДВ повратот е подложен на злоупотреби и измами, какви што се случуваа во изминатиот период.

– Со формирање на Комисијата започнуваме со редизајнирање на внатрешниот процес за управување со ДДВ во УЈП, почнувајќи од првиот чекор – регистрацијата за цели на ДДВ, со цел процесот да биде ефективен и во однос на заштита на буџетските приходи од злоупотреби и во однос на сигурноста на даночните обврзници кои точно пријавуваат и ги побаруваат средствата од вишокот влезен ДДВ, се вели во соопштението.

Паралелно преку Комисијата и надлежните единици во структурата во Генералната дирекција, се подвлекува во соопштението, веќе се отпочнува со централизиран мониторинг и координација на повратот на ДДВ, за да може од прв ден да се обезбеди унифицираност и конзистентност во оперативното постапување во регионалните дирекции.

Васко Михалчев и Стоје Арсовски, се двајцата пензионирани пилоти кои беа вратени на работа поради недостиг на пилоти обучени за управување со авионите за гаснење пожари „ер трактори“.

Двајцата се вклучени во гаснењето на пожарите кои веќе десетина дена се активни на територија на државата.

На социјалните медиуми секојдневно се објавуваат фотографии со пофални зборови за нив.

Тие беа вратени на работа со одлука на Владата откако им беа понудени нови договори.

Директорот на Дирекцијата за заштита и спасување Беким Максути на 12 јули во изјава за МИА потврди дека договорите со двајцата пилоти се потпишани и дека тие ќе се вклучат во гаснењето на пожарите.

За недостигот на пилоти во Дирекцијата за заштита и спасување, МИА пишуваше уште во април годинава. Под наслов „Критичен недостиг на пилоти во ДЗС – справувањето со шумските пожари ова лето ќе биде дополнителен предизвик“, МИА тогаш во разговор со директорот на ДЗС објави дека од тројца пилоти со кои располагала Дирекцијата, годинава останува само со еден пилот, бидејќи двајца ги исполниле условите за старосна пензија.

– Имавме тројца пилоти до крајот на 2023 година. На почетокот од оваа година, двајца заминаа во пензија и моментално имаме само еден пилот. Правиме напори, да видиме како може нив да ги задржиме, барем уште оваа година, сѐ со цел во меѓувреме да примиме нови пилоти, односно да распишеме нови огласи за пилоти, за кои веќе имаме согласност и чекаме да се завршат некои процедури за да може да го објавиме огласот, изјави тогаш Максути.

На 20.07.2024 во 00.18 часот во ОВР Прилеп било пријавено дека на регионалниот пат Прилеп – Битола се случила сообраќајна несреќа помеѓу патничко моторно возило марка „фолксваген голф“ со привремени регистарски ознаки, управувано од И.Б.(47) од Скопје и патничко возило „бмв“ со прилепски регистарски ознаки, управуван од М.С.(34) од Прилеп.

Во несреќата двајцата возачи се здобиле со тешки телесни повреди констатирани во Градска болница Прилеп.

Увидот на местото на несреќата извршила увидна екипа на ОВР Прилеп – информираат од СВР Битола.

На 20.07 2024 по преземени мерки и активности за пронаоѓање на Т.J. од Прилеп, од страна на полициски службеници од ОВР Прилеп и припадници на ЕБР на патот Прилеп – Градско во атарот на с. Ракле истиот бил пронајден во добра психо – физичка здраствена состојба.

Лицето беше пријавено за исчезнато во четвртокот вечерта, а семејството преку социјалните мрежи побара помош од сите граѓани.

Фудбалско игралиште во Брусничка населба во Битола доби најсовремена тартан подлога!

-Вториот спортски терен во Брусничка населба го доби својот лик. Целиот простор ќе биде опремен со дополнителна урбана опрема, со што битолчани добиваат уште еден модерен комплекс за спорт и рекреација. Поубава Битола станува реалност – напиша на ФБ, советникот од ВМРО-ДПМНЕ во Советот на општина Битола, Бојан Бојковски.

Вчерашните врнежи во Прилеп предизвикаа поплави по улците, но не сите се исплашија од поројниот дожд и побрзаа да се засолнат. Овие дечки решија убаво да се разладат и да му се израдуваат на дождот кој го чекавме цело лето.

СВР Битола поднесе кривична пријава против Г.С.(55), Б.С.(37), К.Н.(58) и Д.П.(55), сите од Прилеп, поради постоење основи на сомнение за сторено кривично дело „комар“.

На 16.09.2023, полициски службеници извршиле контрола во објект на ул.„Борка Левата“ во Прилеп, кој првопријавениот го користел под наем од второпријавениот, при што биле затекнати К.Н. и Д.П. при играње комар, а на масата имало оставени пари како облог.

Несовесни граѓани и понатаму ги оставаат нивните домашни животни (коњи, магариња, кобили…) да пасат и шетаат слободно низ градот, што предизвикува опсасност за безбедно одвивање на сообраќајот и движење на пешаците.

Фотографиите во прилогот се од населбата се од денеска покрај Градската река, каде животните го блокираа сообраќајот.

Проблемот не е од сега, а постапката за пријавување на домашни животни по улиците е следна:

Граѓаните најпрво треба да се обратат во Инспекторатот при Локалната самоуправа, а по издадденото Решение од нивна страна, ЈКП Комуналец Прилеп треба да ги залови животните.

Се чини дека комуналците никако не можат да стават крај на оваа појава, што покрај кучињата скитници во градот е неубава слика за градот во 21 век и го враќа Прилеп еден век наназад.

Тропските горештини го донесоа најзабавниот финансиски партнер – Бонго во Прилеп, подготвен да им ги донесе најбрзите финансиски услуги на прилепчани!

Од сега, градот под Маркукуле, ќе може „во живо“ да ги почувствува целосната посветеност, флексибилност и индивидуален пристап, транспарентност и доверба кои како главни вредности ќе бидат испорачани од страна на експертите за кредитирање, во првиот момент кога клиентите ќе ја посетат филијалата лоцирана на ул. Борка Талески бр. 2, на плочникот.

Дополнителна причина за посета на новата филијала на Бонго е и одличната понуда за новите клиенти, односно, сите нови клиенти кои ќе аплицираат за кредит со рок на отплата до 30 дена, истиот го добиваат БЕСПЛАТНО, односно без никакви трошоци, односно колку клиентот ќе земе – толку ќе врати. Без никакви скриени трошоци.

Сите новитети, совети и одлични понуди, граѓаните можат да ги добијат приклучувајќи се на социјалните медиуми на Бонго и тоа:

• www.facebook.com/bongo.credit
• www.instagram.com/bongo.credit

До услугите на Бонго клиентите можат едноставно да пристапат онлајн на www.bongo.mk или во некоја од 9-те филијали во 7 градови и тоа: Прилеп, Битола, Скопје, Тетово, Гостивар, Струмица и Куманово, а аплицирањето и на обете места е подеднакво брзо и едноставно – одговор на
бесплатната апликација се добива за само неколку секунди, a исплатата во готово се врши за само 10 минути.

Со оваа филијала, Бонго ја заокружува експанзијата на својата продажната мрежа за оваа година, а следната продолжува во согласност со барањето и потребите на граѓаните од другите градови ширум земјата.

За Бонго

Бонго е дел од македонската компанија ФД Финмак ДОО. Со своите два бренда, Tigo.mk и Bongo, Финмак обезбедува високи етички и професионални стандарди и култура каде клиентот е секогаш во главниот фокус. Финмак ДОО е член на Групацијата на финансиски друштва во рамките на Стопанската комора, чии членови се залагаат за одговорно кредитирање и обезбедување на повисоко ниво на заштита на клиентите. Финмак ДОО е дел од Eleving Group, водечка Финтек групација која обезбедува одржливи финансиски решенија на глобално ниво.

Уште од нејзиното основање во 2012 г. во Латвија, Eleving Group е двигател на иновациите во финансиската технологија низ целиот свет. Eleving Group опслужува 16 пазари на 3 континенти, промовирајќи финансиска инклузија и зајакнување на општествената мобилност низ целиот
свет. Две последователни години, Eleving Group се вбројува помеѓу првите 1000 најбрзо растечки компании во Европа според реномираниот Financial Times во 2020 и 2021. Повеќе информации зa Eleving Group се достапни на www.eleving.com .

Досегашниот советник во Советот на општина Прилеп од редовите на ВМРО-ДПМНЕ, докторот специјалист по ортопедија Кире Јоноски, е именуван за директор на прилепската болница “Борка Талески”.

Д-р Јоноски на оваа позиција доаѓа на местото на досегашната директорка и поранешната пратеничка во Собранието од СДСМ, Кети Смилеска.

Јоноски важи за еден од омилените доктори кај прилепчани, голем хуманист и човек со огромен интегритет и знаење.

Додека беше советник во Советот на општина Прилеп, хонорарите од советничкиот паушал секој месец ги донираше во хуманитарни цели, нешто за што Јоноски скромно молчеше, но медиумите го забележаа тоа и ја проширија информацијата до јавноста.

Да му честитаме за изборот и да му посакаме успешна работа!