На 23.07.2024 во Битола, полициски службеници од СВР Битола го лишиле од слобода А.Т.(37) од Битола.

При претрес во неговиот дом, извршен со наредба од Основен суд Битола, биле пронајдени и одземени марихуана, семки од растението канабис, халуциногени печурки и предмети со остатоци од прашкаста материја.

А.Т. бил приведен во полициска станица и по целосно документирање на настанот против него ќе биде поднесена соодветна пријава – информираат од СВР Битола.

„Генеза на хроничната мистерија“ е мултимедијалниот проект од уметникот Емил Солески, што ќе се реализира на 23 јули 2024 година/вторник/ од 20.00 ч. во сцена 105 во ЦК „Марко Цепенков“.

За проектот

Се работи за мултимедијален триптих што е алегорија за губењето на идентитетот.

-Во време кога надминуваме одредени предрасуди и се бориме со стереотипи, разгорува распаднатото огниште, се занишува празната лулка, а паланзата, и без тег ќе измери нешто, потамина ако треба. Ликовно-просторниот експеримент е фантастична дијагонала на „архаичниот“ и дигиталниот идентитет. Концептот предвидува просторна видео интервенција и тарнсформација, барање нова визија на веќе виден простор.

Триптихот ќе се формира со проекција на видео-аудио материјал врз просторно поставени архајски форми:

Три архаични форми, ликовни метафори:

Распаднато огниште – ликовна метафора за празен дом, градови, села, земја;

Кантар, паланза без тег – ликовна метафора за строгото критичко оценување на немањето рамнотежа во природните, општествените, социјалните односи, принципи, тежнеења, закони;

Празна лулашка – ликовна метафора за негрижата и изгубеното наследство, природно, национално, културно-историско;
Да се гледа низ призмата на објективното, или да се направи ново, субјективно доживување вели авторот Емил Солески.

Пред 23 години, тој го бранеше своето село од припадниците на ОНА. Пред 23 години храбро војуваше за слобода на Лешок и зачувување на слободата на Македонија. Пред 23 години, Ѓоко Лазаревски кој беше припадник на МВР, го даде својот живот за селаните, за Лешок, за Македонија.

Незаборавен, од оние што знаат дека нема поголема доблест и нема поголема вредност од тоа да се сака ближниот и да се сака татковината повеќе од самиот себе. Токму такво е делото на херојот Ѓоко Лазаревски. Лазаревски е еден од македонските херои на поновата историја кој со својот живот ја покажа лојалноста кон неговата татковина.

Како резервист Ѓоко сам се пријавува и оди да се бори за својата татковина. Тој и четворица негови другари неколку дена активно го бранат селото од нападите. Иако добива наредба да го напушти селото, Лазаревски останува на своја одговорност, храбро соочувајќи се со нападите. Успева да ги задржи припадниците на ОНА, за да може селаните да се евакуираат и останува последен.

Иако добива наредба да го напушти селото, Лазаревски останува на своја одговорност, храбро соочувајќи се со нападите. Успева да ги задржи терористите на ОНА, за да може селаните да се евакуираат и останува последен. По неколкудневната борба, Лазаревски е свесен дека повеќе не можат да го издржат притисокот и да возвратат на нападите. Тој им јавува на селаните и неговите најблиски да се евакуираат што е можно побрзо. Овој голем човек, останува храбро да се бори до крај. На 23 јули 2001 година, во 16 часот попладнето, на полицискиот пункт кај Лешок рафал го покоси Ѓоко Лазаревски. По укажаната прва помош во Тетовскиот медицински центар, тој беше пренесен во Клиничкиот центар во Скопје. Почина наредниот ден. Погоден во главата, Ѓоко ја завршува својата битка за Македонија.

Поради неможноста да биде погребан во родниот Лешок, кој во тоа време е освоен од терористите на ОНА, вечното почивалиште на Лазаревски се наоѓа на гробиштата во Општина Ѓорче Петров. По убиството на Ѓоко и освојувањето на Лешок терористите на ОНА ќе го срушат и Лешочкиот Манастир. Неможноста да биде погребан во своето родно село тешко ја погоди неговата мајка. Последните зборови на Лазаревски „Не ве остава Ѓоко вас”, оставија траен белег кај неговите другари кои и во последните моменти беа со него, кај сите кои го познаваа, но и кај оние кои се свесни за неговото херојско дело. Многумина неговото дело го препознаваат во стиховите од поемата „Сердарот”: „Бидете смели, нечесноста не ќе нè плаши. Спомнете си кој ви навредувал земја и нека срцата охрабрат Ваши”.

Делата на Лазаревски, како и на сите останати вечно ќе се паметат. Херојството на македонските синови и нивната жртва ќе остане засекогаш запишана во македонската историја. Ѓоко зад себе остави сопруга со едно дете, што никогаш не го дочекал. Ѓокица Лазаревски посмртно е одликуван со медал за храброст од Претседателот на Р Македонија.

Eден од најголемите борци со Ковидот во Прилеп, д-р Горан Кузески е нов директор на Центарот за јавно здравје во градот под Марковите Кули.

Кузески е долгогодишен епидемиолог во оваа институција, човек со големо знаење и висок интегритет и професионалност. Неговиот избор за прв човек на институцијата е толку повеќе заслужен, затоа што Кузески беше еден од најголемите борци во Прилеп против Ковидот, град кој пандемијата најтешко го имаше погодено.

Д-р Кузески на оваа позиција доаѓа на местото на досегашната директорка Драгица Николоска.

Да му честитаме и да му посакаме успешна работа!

МВР поднесе кривична пријава против внукот на Али Ахмети, Дрин Ахмети, поради сомнежи за злоупотреба на концесијата за рудник кај Кичево.

Освен Дрин Ахмети, кој е управител на компанијата од Кичево од 2017 до сега, со пријавата за „злоупотреба на службена положба и овластување“ опфатен е и управителот што раководел од 2008 до 2017 година.

Целото соопштение на МВР го пренесуваме во продолжение:

Денеска (22.07.2024) од страна на Единицата за корупција при Одделот за сузбивање на организиран и сериозен криминал до ОЈО за ГОКК поднесена е кривична пријава против Д.А. (26) од Кичево и Б.А. (34) од Кичево, заради постоење на основано сомнение дека сториле кривично дело „злоупотреба на службена положба и овластување, предвидено и казниво по член 353 од КЗ и против Ф.Ч. (54) од Дебар, Е.Љ. (61) од Теарце-Тетово, Ј.К. (47) од Тетово, А.М. (42) од Скопје, К.Ш. (51) од Скопје, Ф.А. (47) од Куманово, и Ф.Р. (64) од Скопје заради постоење на основано сомнение дека сториле кривично дело „несовесно работење во службата“, предвидено и казниво по чл.353-в од КЗ.

Пријавениот Д.А., во својство на одговорно лице управител во правно лице од Кичево (во период од 2017 со сега), заедно со пријавениот Б.А., во својство на одговорно лице управител на правно лице од Кичево (во период од 2008 година до 2017 година) ја злоупотребиле својата службена положба и овластување со намера да прибават противправна имотна корист. Во период од 2016 година до 2023 година кривично пријавените постапиле спротивно на чл.75 ст.1,2 и 3 од Закон за минерaлни суровини и чл.11 од Договор за концесија за експлоатација на локалитет во општина Зајас, склучен меѓу правното лице и Владата на РСМ, претставувана од страна на тогашниот министер за економија. Истите биле должни да плаќаат точно утврден годишен надоместок за користење на просторот кој бил доделен со концесија за експлоатација и надоместок за експлоатирана количина на минерална суровина, пресметани согласно тарифникот за утврдување на висина на надоместоци за издавање на дозволи и концесии, како и да достават геодетски елаборати со пресметка на откопаните количини на минерални суровини, со прецизно наведени количини на откопана количина на минерални суровини и периодот во кој тоа е извршено, предвидено во чл.64 од Закон за минерални суровини, со што постапиле спротивно на Законот и одредбите од предметниот договор за концесија, и како потписници на сметка на правниот субјект исплатиле помалку концесиски надоместоци во вкупен износ од 1.671.894 денари, при што предизвикале штета и на Буџетот на Р.С.Македонија.

Дополнително, пријавените Д.А. и Б.А. преку правното лице, користејќи ги придобивките од концесијата, која била активна и покрај прекршувањата на одредбите од Законот и самиот Договор, кој доколку бил навремено раскинат и не би можеле да го остварат, не би биле во можност да бидат избрани како носители на договори за јавни набавки во државните институции АД„ЕСМ“ во вкупен износ од 7.670.000 денари со вклучен ДДВ и договор за јавна набавка кај ЈКП„Водовод и канализација“ – Прилеп во вкупен износ од 944.000 денари со вклучен ДДВ.
Согласно горенаведеното, пријавените Д.А. и Б.А. го сториле кривичното дело „злоупотреба на службена положба и овластување“, казниво по чл. 353 од КЗ.

Пријавените Ф.Ч., Е.Љ., Ј.К., А.М., и К.Ш, во својство на службени лица во Министерство за економија, несовесно постапиле во вршењето на своите овластувања и должности кои согласно правилникот за систематизација на работните места во Министерството за економија биле должни да ги почитуваат. Истите пропуштиле да извршат должен надзор над реализација по основ на договор склучен помеѓу Владата на Р.С. Македонија претставувана од министерот за економија и правното лице од Кичево, односно договор за доделена концесија за ископ на градежно-технички камен „варовник“ и без да утврдат дека концесионерот не доставувал геодетски елаборати со пресметка на откопаните количини на минерални суровини, предвидена во член од Законот за минерални суровини, како и дека не вршел исплата на концесиските надоместоци утврдено со склучениот договор, му овозможиле на правното лице да ги користи придобивките од концесијата и непречено да остварува приходи. Согласно горенаведеното, пријавените извршиле кривичното дело „несовесно работење во службата“ предвидено во членот 353-в од КЗ.

Пријавените Ф.А. и Ф.Р. во својство на службено лице во Државен инспекторат за техничка инспекција, несовесно постапиле во вршењето на своите овластувања и должности, при што истите над концесионерот од Кичево не извршиле надзор во согласност со чл. 100, 101, 102, 103 и 104 од Законот за минерални суровини (кои се во надлежност на Државниот инспекторат за техничка инспекција), при што во записник за инспекциски надзор не констатирале законски пропусти во однос на активната концесија за ископ на градежно-технички материјал „варовник“.

Пријавените Ф.А. и Ф.Р. пропуштиле да извршат должен надзор и во записникот од извршен надзор не констатирале дека концесионерот во моментот не ги исполнувал законските обврски согласно чл. 62, ст.1, ст.2, ст.3, ст.4, и ст.6, чл.64 ст.3, чл. 66, чл.78, чл. 79 и чл.104 од законот за минерални суровини, при што не му изрекле мерка за прекршок и му овозможиле на правното лице да ги користи придобивките од концесијата и непречено да остварува приходи, со што го извршиле кривичното дело „несовесно работење во службата“ предвидено во членот 353-в од Кривичниот законик на Република Северна Македонија, а со тоа нанеле штета на Буџетот на РСМ.

Согласно наведеното, пријавените извршиле службени дејствија кои што не смееле да ги извршат, односно сториле кривични дела „злоупотреба на службена положба и овластување“ по чл.353 и „несовесно работење во службата“ предвидено во членот 353-в од КЗ на РСМ, при што предизвикале штета и на Буџетот на Р.С.Македонија во вкупен износ од 1.671.894 денари.

На 21.07.2024 во ОВР Прилеп, Ј.М.(50) од Прилеп пријавил дека околу 12.15 часот на ул.„Тризла“ во Прилеп и еден час подоцна пред неговиот дом, поради претходно недоразбирање, бил физички нападнат од повеќе лица, од кои дел употребиле и метални предмети.

Исто така, на 22.07.2024 во 03.00 часот во ОВР Прилеп, Н.М.(28) од Прилеп, син на Ј.М., пријавил дека С.В., В.А., Б.И., А.И., Б.Р., Р.Р., Д.И., Ш.Н. и уште неколку лица, сите од Прилеп, влегле во неговиот двор и со тврди предмети ги оштетиле возилата „лада“ и „фолксваген голф“, кои биле во дворот, а физички нападнале еден од неговите малолетни внуци.

Како што е пријавено, С.В. и В.А. носеле и пиштоли, но не ги употребиле. Се преземаат мерки за целосно расчистување и документирање случаите, по што против сторителите ќе бидат поднесени соодветни пријави – стои во соопштението од СВР Битола.

Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која се врши намалување на малопродажните цени на нафтените деривати во просек за 1,87 % во однос на одлуката од 15.7.2024 година.

Од полноќ бензините и дизел горивото поевтинуваат за 1,50 ден/лит. Цената на Екстра лесното масло за домаќинство на (ЕЛ-1) се намалува за 1,00 ден/лит, а малопродажната цена на Мазутот М-1 НС се намалува за 1,152 ден/кг и сега ќе изнесува 45,757 ден/кг.

Од 23.7.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 81,50 (денари/литар)
Моторен бензин ЕУРОСУПЕР БС – 98 83,50 (денари/литар)
Дизел гориво ЕУРОДИЗЕЛ БС (Д-Е V) 74,00 (денари/литар)
Масло за горење Екстра лесно 1 (ЕЛ-1) 72,50 (денари/литар)
Мазут М-1 НС 45,757 (денари/килограм)

Од 9 до 11. август во Прилеп ќе се одржи PRILEP BEET WEEKEND, a oрганизатори и оваа година се EVENT GROUP.

Организаторите денеска на прес конференција ги соопштија дел од изведувачите кои ќе настапат на фестивалската сцена во Прилеп.

Од тоа што е официјално познато досега во градот под Марковите Кули доаѓаат: музичките групи “Ван Гог”, “Амадеус Бенд” и “Супер хикс”, а покрај нив ќе настапат и: Сања Вучиќ, Наум Петрески и светски познат диџеј, за кого Маркукуле од свои извори дознава дека станува збор за Том Нови.

Сите изведувачи според организаторите ќе бидат познати во среда (24.07.).

Соопштение од ЈКП Водовод и канализација Прилеп:

-Почитувани сограѓани,
Ве известуваме дека поради поголем технички зафат на главниот цевковод ф400 со кој со вода се снабдуваат жителите од високата зона на градот, населбите Тризла, Под кули, Марино мало и Рид ќе имаат нарушено водоснабдување на ден 23.07.2024 (вторник) во период од 07:00 часот па се’ до завршување на активноститe.Замолуваме на трпение и разбирање од страна на жителите од наведените населби.

Во срцето на данската престолнина Копенхаген, пред голем број минувачи и туристи, Николче Дамчески од Прилеп клекна на колено и ја запроси својата сакана Сара Талеска, а гестот со аплауз беше поздравен со громогласен аплауз од околните кафулиња и ресторани.

Прекрасна локација која со сигурност ќе им буди доживотни спомени. Нека им е со среќа и вечни да се заедно!