Од 1. до 5. октомври во Drôme Ardèche во Франција, се одржува Европско првенство во друмски велосипедизам, а утре (3.октомври), боите на Македонија во јуниорска друмска трка ќе ги брани Константин Костоски од Прилеп.
Трката започнува во 15:35 часот, истата е со должина од 103.4 км, како и 2.000 метри елевација, што ја прави патеката многу тешка.
Стартуваат 150 јуниори од 38 држави, а Константин е единствен претставник на Македонија.
Да му посакаме успех!
Прилепските пијанисти Исидора Ангелеска и Арсениј Ангелески успешно ја претставија Македонија со концерти во Рим и Гротамаре, Италија.
Првиот концерт се одржа во Рим на 23 септември во салата „Балдини“, во непосредна близина на античкиот театар „Марчело“. Концертот беше во склоп на фестивалот „Concerti del Tempietto“, кој оваа година се одржа од 26 јули до 28 септември. Исидора настапи со три пиеси од циклусот „Години на патување – Швајцарија“ од композиторот Франц Лист. Арсениј, пак, настапи со внимателно селектирани прелудиуми од втората книга на композиторот Клод Дебиси, како и од опус 23 на рускиот композитор Рахмањинов. Исидора, исто така, изведе етида од современиот композитор Филип Глас и минијатура „Cozy“ од младата македонска композиторка Сара Сиљановска, студентка на катедрата по композиција на ФМУ – Скопје.
Вториот концерт се одржа на 25 септември во Гротамаре, во црквата во чест на Свети Јован Крстител, во организација на ALMA – Academy Liszt Music Art. Карактеристично за ова место е што токму во овој град композиторт Лист поминал неколку недели од неговото патување низ Италија.
Исидора Ангелеска е апсолвент на катедрата по пијано на ФМУ – Скопје, во класата на проф. д-р Марија Ѓошевска, додека Арсениј Ангелески е студент на Државниот универзитет Zurich University of the Arts (ZHdK) во Цирих, Швајцарија, во класата на проф. Карл Андреас – Коли.
Во Крушево денеска собир и средби со граѓани одржа политичката партија ЛЕВИЦА, а присутен беше и претседателот на партијата, Димитар Апасиев.
Пред граѓаните на највисокиот град на Балканот, промовиран беше кандидатот за градоначалник на партијата – стопанственикот Зоран Јанески, како и носителот на советничката листа Атанас Најдоски и останатите канидати за советници.
-Целосно ќе се посветам во работата, ќе работам исклучиво за доброто на сите. За разлика од моите против кандидати моето минато е чисто, немам сомнителни тендери, сомнителни вработувања, ниту пак сум бил на некоја функција. Крушевчани знаат за моите работни способности и дека кога нешто ќе почнам тоа и го реализирам во целост. Во измитатиот период не се отвори ниту едно работно место за обичниот работник, освен за партиска администрација. Во иднина новите вработувања ќе бидат исклучиво со соодветен кадар и образование! Ќе отвориме нови работни места за обичниот граѓанин.Цел ни е да го вратиме достоинството на народот, односно работникот. Силата е во нас и со работа можеме да ја обновиме општината која ни ја уништија – порача кандидатот за градоначалник Јанески.
Во своето обраќање носителот на советничката листа, Атанас Најдоски, се осврна на најгорливите проблеми со кои се соочуваат крушевчани, а тоа депонијата и водата за пиење.
-Од советот на Крушево најпрвин ќе се бориме за транспарентност на седниците, односно да бидат достапни за граѓаните и да може да се следат. Ќе се бориме да бидеме гласот на народот и да се решат многуте проблеми кои ги имаме како општина. Некои од проблемите се : депонијата која е опасен проблем поготово во летниот период. Исто така голем проблем е водата за пиење и тоа е проблем особено во летен период. Како трет поголем проблем е незаинтересираност за спортот во Крушево. И за тоа ќе се бориме да го помагаме и промовираме. За крај испраќам апел до сите крушевчани во градот и населените места дека сега конечно имаат избор кому да го дадат својот глас. Да ги поддржат кандидатите на левица затоа што тие немаат никакво црно минато, и на овие избори настапуваат со чист образ пред граѓаните – рече Најдоски.
Во месец октомври, со секоја извршена регистрација и технички преглед во Авто Контрол Прилеп, добивате подарок како знак на благодарност за вашата доверба.
Главната цел на најдобрата станица за технички преглед отсекогаш била – сигурност, доверба и квалитет за нашите клиенти. Затоа, секое возење треба да биде не само безбедно, туку и пријатно искуство за вас и вашите најблиски.
Посетете ги и дозволете им да се погрижат вашиот автомобил да биде исправен, а вие спокојни на патот.
Авто Контрол – вашиот сигурен партнер во сообраќајот!
Целосно е уништен спортот и спортската инфраструктура во Прилеп, реагираат од ОО СДСМ Прилеп. Тие обвинуваат дека целосно е уништен теренот со вештачка трева во типската населба, а потсетија и на ветувањето на министерот за спорт, за ставање во функција на Универзалната сала.
“Универзална служи само како паркинг за минибуси, а спортската сала ‘Македонија’ од СДСМ Прилеп е претворена во депонија и целосно руинирана”, велат од ОО СДСМ Прилеп.
Првата Game Dev Rev (GDR 2025) ќе влезе во историјата како прва конференција во Македонија целосно посветена на развивањето игри. Настанот ќе се одржи во Скопје на 16 октомври 2025 година и ќе ги обедини младите девелопери, искусните професионалци, инди студијата и лидерите во индустријата преку инспиративни говори, колаборација и иновација.
Нов почеток
GDR25 не се фокусира само на една единствена тема, туку на насока – Почетокот. Тој симболизира создавање, раѓање, каписла и револуција. Конференцијата има цел да отвори ново поглавје на македонската сцена за развивање игри. Како сеуште не доволно истражен предел на креативност и талент, Македонија има огромен потенцијал, а GDR25 е дизајнирана на студентите, младите креативци и професионалците, да им обезбеди мотивација, насоки, контакти, па дури и самодоверба за да се впуштат и напредуваат во индустрија за развивање игри.
Што да очекувате на GDR25
Билети и можности за партнерство
Билетите се веќе достапни во три категории:
Дополнително, општествено одговорните компании имаат можност да купат студентски билети по намалена цена и да ги донираат на образовни институции. Со тоа не само што ја поддржуваат следната генерација на девелопери на игри, туку добиваат и статус – партнери на GDR25.
Платформа за раст и соработка
Конференцијата очекува 250–300 учесници низ различните траки и активности, создавајќи уникатно место за средба на локални и меѓународни девелопери. GDR 2025 е поддржана од Асоцијацијата на македонската индустрија за развивање на игри (MGI), независни студија, QA партнери, Министерството за култура и туризам на Република Македонија, како и организации посветени на развој на дигиталната креативност.
Приклучи се кон револуцијата
Game Dev Rev не е само конференција – тоа е почеток на движење што има цел да ја постави Македонија на глобалната мапа на развивање игри.
За повеќе информации и за купување билети посетете: www.gamedevrev.com
Контакт: [email protected]
Прилепчани се враќаат со тежок пораз од Скопје, откако во 5. коло од Супер машката лига загубија од Автокоманда со високи 21-47. Домашниот состав беше далеку подобар во текот на целиот меч, постигнувајќи двојно повеќе голови од гостите.
Тимот на Кирил Лазаров уште од самиот старт ја контролираше играта и веќе на полувреме создаде недостижна разлика (23:10). Во второто полувреме продолжија со агресивен напад и стигнаа до убедлива конечна победа со 47 постигнати погодоци.
Најрасположен стрелец за скопскиот клуб беше Емилијан Ѓорѓовски со 8 гола, а значаен придонес дадоа и Ненад Костески и Михаил Ивановски, кои постигнаа по 6.
Во редовите на Прилеп, најдобри реализатори беа Денис Шабановиќ и Божидар Лековиќ со по 4 голови, додека Пеце Рајатаоски и Филип Адамчески завршија со по 3.
Во наредното коло Прилеп ја пречекува Струга, натпревар на кој за прилепчани триумфот ќе биде императив.
На 01.10.2025 во 02:00 часот во ОВР-Прилеп, С.С.(65) од Прилеп пријави дека нејзиниот син Ш.С.(34) се оддалечил од семејниот дом во Прилеп.
На 30.09.2025 во ОВР Прилеп, Ф.Е.(45) од Прилеп пријавил дека неговата малолетна ќерка на 29.09.2025 се оддалечила од домот. Се преземаат мерки за пронаоѓање на лицето – информираат од МВР.
Министерството за образование и наука (МОН) ги известува сите студенти дека периодот за конкурирање за правото на субвенциониран студентски оброк за академската 2025/2026 година започнува денес и ќе трае до 5 октомври 2025 година.
Право на субвенционирана исхрана имаат сите редовни студенти на прв циклус студии со месечен приход понизок од минималната нето плата, како и студентите запишани на постдипломски и интегрирани студии на државните и приватните универзитети во земјата.
Студентите кои ги исполнуваат барањата, а досега не поднеле барање, можат да го сторат тоа електронски преку порталот: https://e-uslugi.mon.gov.mk.
Условите и критериумите за стекнување на правото на субвенциониран студентски оброк се достапни на следниот линк: https://mon.gov.mk/mk-MK/konkursi-i-stipendii/konkursi-mon/javen-povik-za-ostvaruvanje-na-pravoto-na-subvencioniran-studentski-obrok-za-akademskata-20252026-godina. Студентите на кои им е прекинато правото, а веруваат дека сѐ уште ги исполнуваат условите, можат повторно да аплицираат.
„Овој рок е исто така отворен за студентите кои не аплицирале во претходните активни рокови“, објави МОН. За помош при аплицирањето, студентите можат да се обратат преку е-пошта: [email protected].
„Поради законска регулатива за засилена автентикација при бесконтактни плаќања на ПОС терминали, студентите ќе треба да го внесат ПИН кодот за трансакциите да бидат успешни. Шпаркасе Банка објави две важни известувања во врска со оваа новина и поддршка за студентите:
https://www.sparkasse.mk/mk/soopshtenija/2025/01/16/Izvestuvanje-za-upotreba-na-PIN-pri-plakanja
https://www.sparkasse.mk/mk/soopshtenija/2025/01/14/Izvestuvanje-za-korisnici-na-subvencioniran-obrok“, наведува МОН.
Потпретседателот на ВМРО-ДПМНЕ, Александар Николоски на синоќешниот митинг во Кавадарци во рамки на кампањата за локалните избори меѓу другото се осврна и на актуелните политички теми. Николоски говореше за како што ги нарече црните и очајни коалиции.
„Доаѓајќи накај Кавадарци забележав дека се интензивира црната негативна кампања од нашите политички опоненти коишто се здружија со својата немоќ, се здружија свесни дека народот не ги сака и не ги почитува. Ова не се први избори на кои излегуваме, но можам да ви кажам дека вака рано, ваква црна кампања до сега не се случила, што само говори за очајот од една страна на СДСМ, која што нема никаков концепт и воопшто не се реформира и не ги учи грешките од минатото и од минатогодишниот пораз. Од друга страна ДУИ која што се уште сонува дека може да ги диктира политичките услови во Македонија, а во суштина се длабока опозиција и ќе останат длабока опозиција после овие избори. И од трета страна Левица, која целосно се изгуби во една негатива и црна кампања, оние коишто се претставуваа себеси за најголеми патриоти, сега се слуги на ДУИ и на Али Ахмети, оние кои што се претставуваа за скромни, плачат четири, пет дена пари колку да земеле од државата. И сега трите обединето водат црна кампања“, кажа Николоски.
Николоски ги повика граѓаните да не подлегнат на нивната црна кампања и народот да не се демотивира, затоа што како што вели „не сме сите исти“. Тој посочи дека за да ставиме точка на таа црна и очајна коалиција на СДСМ-ДУИ и Левица на 19 октомври масовно треба да се на гласање.
