По повод големиот христијански празник Св. Илија Илинден, истоимениот манастир во с. Кален мариовско широко ги отвара портите за верниците.

Божјиот храм сместен во живописната природа на мариовскиот недопрен регион и оваа година очекува голем број посетители, кои заедно ќе се помолат и ќе го прослават духот на Илинден.

Вечерната литургија ќе се служи на 01.08. август со почеток од 18:00 часот, а утрената на 02.08 во утринските часови со почеток од 07:00 часот.

Храмот блеска од убавина, а природата на Мариовскиот регион е дополнителен декор на празничниот амбиент.

За забавата на гостите и верниците ќе се погрижат:

01.08. со почеток од 19:30ч – Форум бенд
02.08. со почеток од 10:30ч – Форум бенд заедно со познатата естрадна пејачка Татијана Стефановска

Бидете дел од едно најмасовните празнувања на Илинден во Македонија!

Тимот на “Салида” аква парк и ова лето ги нуди најдобрите забави во Прилеп. Прилепчани веќе се разладуваат на дневните горештини и уживаат во водените лудории на аква паркот и со нетрпение ја очекуваа следната забава.

Викендов не можеше да почне поубаво. Денеска со почеток од 12:00 часот, во диџеј кабината ќе застане DJ MARIO, кој ќе се погрижи дополнително да ја загрее атмосферата, a веќе утре (27.06), нова одлична забава и ноќно капење со DJ PETRO.

Ваше е само да понесите добро расположение и позитивен став.

Резервирајте навреме на телефонскиот број: 076/814-100, уживајте и забавувајте се, тимот на аква парк “Салида” ве очекува!

Денеска е Свети Архангел Гаврил, празник меѓу народот познат и како летен Архангел.

За овој ден се врзуваат многубројни обичаи. Архангел Гаврил, заедно со Архангел Михаил го имаат чинот на серафимите, а серафимите имаат највисок ангелски чин поради што стоеле најблиску до Бога.

Поради тоа се верува дека на денот на Свети Архангел Гаврил треба да се одмори и дека не треба да се работи за себе или за пари, но и дека ова е најдобро време за отпочнување на каква било доброволна работа.

Треба да споделуваме се’ што имаме со блиските, бидејќи ова е празник на споделувањето. Потрудете се да направите некое добро дело, нема да ве чини ништо, а светецот ќе ви помогне да ви се промени животот.

Именден празнуваат Гаврил и Габриела.Се смета дека оваа слава е востановена најпрво на Света Гора во 9 век, за време на царевите Василиј и Константин Порфирородните и на патријархот Никола Хрисоверг, а по повод јавувањето на овој архангел во една келија близу до Кареја, каде што со прст на камен ја испиша песната кон Пресвета Богородица „Достојно ест“. Заради овој настан таа келија и денес се нарекува келијата „Достојно ест“.

Во Библиските преданија понекогаш го среќаваме и како ангел на смртта или Божји гласник. Според една подоцнежна легенда, тој е и неименуваниот ангел во Откровението кој дува во труба за да го најави Судниот Ден.

Во Македонија, во еднокорабниот храм над селото Горбиново (Курбиново), изграден во 12 век во 1191 година се наоѓа светски познатата олтарна фреска на Синиот Ангел (Архангел Гаврил) според мислењето на врвни историчари на уметноста е прапочетокот на европската сликарска ренесанса, дури два века пред пионерите, италијанските ренесансни мајстори Џото и Фра Анџелико.

Како долгогодишни спортисти, а веќе неколку години и рекреативни велосипедисти, полициските службеници при ОВР Прилеп и припадници на Посебната единица на полицијата (ПЕП), Драган Илиоски и Филип Спиркоски, се упатија на долга велосипедска тура до манастирот Св. Василиј Острошки во Црна Гора.

Двајцата колеги досега често организираа интересни тури во околината на Прилеп и Битола, како и подолги релации низ Македонија, а ова им е прв пат да се упатат на толку далечна дестинација.

-За нас ова е многу значаен подвиг, пред се поради долгите километри кои треба да ги поминеме до крајната цел, но и да упатиме порака до сите, а посебно до младите, дека се’ што посакуваат во животот може да им се исполни доколку имаат желба и вложат труд за остварување на целта. Секако, сето тоа е возможно со силна верба во Бог, кој патот секогаш го прави полесен. Благодарност до сите пријатели и спонзори кои помогнаа да се реализира овој наш подвиг – порачаа двајцата колеги за Маркукуле.

Нам ни останува да им посакаме среќа. Нека патот до манастирот Св. Василиј Острошки им биде лесен, без предизвици, безбедно да пристигнат, а потоа и безбедно да се вратат во Прилеп.

Жителите на селото Гостиражни во општина Долнени, рамо до рамо со прилепските пожарникари помагаа во гаснењето на пожарот, кој на нивните куќи и имоти се закануваше од страната на село Богомила.

Со механизација и со лопати тие им помагале на пожарникарите од ТППЕ Прилеп, кои водат битка со огнените јазици и на територијата на оваа соседна општина.

-Секоја им чест на мештаните од село Гостиражни како и на машинистот од Општина Долнени…вака се гаси пожар – напишаа на ФБ од ТППЕ Прилеп.

Директорот на Службата за општи и заеднички работи, Ивица Томовски најавува зголемување на цените на угостителските услуги во Ввладините објекти.

Томовски вели, нема повеќе “багатела” јадење на државна сметка, како и дека во изминатиот период, јавноста често со право обрнуваше внимание на ниските и непазарни цени по кои се користеа угостителските услуги на (СОЗР) на Владата.

-Во таквите дебати особено беше апострофиран собранискиот и владиниот ресторан, каде цените на услугите и производите беа значително пониски од оние на слободниот пазар достапни за граѓаните. Излегувајќи во пресрет на овие оправдани повеќегодишни забелешки, како и во функција на натамошно рационализирање, на мој предлог како директор на СОЗР, Владата вчера едногласно усвои првична одлука за зголемување на цените на угостителските услуги за 50%., информира Томовски.

Тој вели дека ваквото зголемување на цените не е прекумерно имајќи предвид дека претходно цените беа значително пониски во споредба со приватниот пазар.

Томовски најавува дека во периодот што следува, ќе се прават дополнителни анализи и секогаш кога ќе се јави потреба поради отстапувања од пазарните цени, ќе има корекции на истите.

-Важно е да се обезбеди еднаков пристап на сите услуги, но без привилегии за избраните функционери и раководниот кадар, вели директорот на СОЗР.

Методата која го воодушеви светот, на голема радост на персоналот и на родителите, се применува и во Болница Плодност.

Кај предвремено родените бебенца, додека се во инкубатор, во нивна близина се поставува плетен октопод, кој ја симулира папочната врвца на мајката. Со извитканите делови го допира бебето и го потсетува дека сеуште е во мајчината утроба.

Во сите софистицирани медицински центри во светот се применува оваа метода, која на бебето многу му помага во мозочниот развој и има утврдени позитивни ефекти врз целосниот развој на предвремено родените бебиња.

Октоподот истовремено има и смирувачко влијание врз бебињата, затоа што кога со малите рачиња го држат кракот на октоподот, мислат дека ја држат папочната врвца на мајката, така што мирно ја поднесуваат сондата и не ја вадат од устата додека се во инкубаторот.

Најпознатите прилепски рокери, THE HOUNDS го најавија концерот за својот 16-ти роденден, кој веќе традиционално се одржува во срцето на прилепската Стара чаршија, во клуб “Калинка”.

-Со особена чест и задоволство Ве покануваме на нашиот годишен роденденски концерт, кој ќе се одржи на 21ви Август 2024г, во центарот на чаршијата во Прилеп, пред клубот Калинка. На сцената нема да сме сами, традиционално ќе не придружуваат наши колеги, уметници, артисти. Заедно ќе направиме настан за паметење, кој со текот на годините прерасна во културен белег на градот, со преполн Прилеп и гости од цела Македонија. Се гледаме на 21ви Август, во срцето на чаршијата, секогаш во среда – 16 години Хаундс – пишуваат од бендот во поканата до прилепчани.

Иако временските прилики синоќа беа лоши, па наместо на платото пред црквата, синоќешниот хуманитерен концерт за доизградба на храмот Св. Петка во Прилеп, се одржа во самиот храм, беше уживање да се проследат настапите на женскиот камерен хор „Керамија“ и црковниот хор „Св. Петка“.

Иницијативен одбор на хуманитарните концерти “Од векови за векови” при црквата не застанува тука. Веќе во понеделник, на 29 јули, во прекрасниот амбиент на цветниот двор пред храмот, ќе настапи Ламбе Алабаковски, кој ќе пее како вокал заедно со познатата група Марифет.

Тие ќе изведуваат македонски евергрини од 80-тите и 90-тите години, народни песни и авторска музика на Ламбе, во аранжман на групата, создавајќи една уникатна и неповторлива музичка формација.

Дојдете да уживаме заедно под отворено небо, исполнето со музика, радост и хуманост. Вашето присуство ќе биде значајна поддршка во нашите напори за доизградба на храмот „Св. Петка“. Нека оваа вечер биде повод за заедничко уживање и зближување во верата и љубовта.

Ограбена држава- Дрин Ахмети книжел милиони под закрила на институциите водени од кадри на ДУИ. Со години фирмите на Дрин и Бесијан Ахмети, внуци на Али Ахмети вртеле милиони со помош на државни органи, дали заради концесии кои ги имаат добиено од државата или пак од тендери, секогаш клучен фактор била политичката моќ на ДУИ и СДС, истакна на денешната прес-конференција членот на ИК на ВМРО-ДПМНЕ и пратеник Миле Лефков.

Во продолжение интегрален текст и видео од прес-конференцијата на Лефков:

-Во наредниве денови ќе презентираме низа случаи под серијалот “Ограбена држава”, кои ќе покажат како Македонија била оштетувана за милиони.

Денеска почнуваме со случајот на Дрин Ахмети и кривичната пријава која МВР ја поднесе против него, неговиот брат Бесијан и службеници во министерството за економија под капа на ДУИ.

Истрагите на МВР како шти веќе соопштија од министерството резултирале со заклучок дека во период од 2016 до 2023 година, фирмата Еверест ЏД во сопственост на Ахмети, која е концесионер на каменолом требало да плати прецизен годишен надоместок за концесијата и такса за извлечените минерални суровини, според тарифата за дозволи и концесии. Иако потребно било да достави и геодетски елаборати со детални количества на извлечени минерални суровини и периодот во кој е извршена екстракција, наведено во член 64 од Законот за минерални суровини. Тоа не го направиле. И наместо тоа, платиле 1.671.894 денари помалку за концесиски надоместоци, со што е направена штета на Буџетот на Република Македонија.

Дрин Ахмети експлоатирал камен и правел производи од истиот, без да ја пријави вистинската количина во Министерството за економија и за истата да плати соодветна сума пари на сметка на Буџетот.

Дрин Ахмети пријавил помалку експлоатирани минерални суровини отколку што навистина експлоатирал. Тој не само што го оштетил буџетот на државата преку не плаќање концесиски надоместок во реална висина, туку постои опасност дека така непријавените експлоатирани минерални суровини ги пуштил во промет без да ја еведентира нивната продажба и да плати данок.

Колкав е реалниот профит кој Ахмети го ставил во џеб и заради кој избегнал да плати надоместок кон државата?

ЈО да не спие и да почне да постапува по кривичните пријави на МВР. ДУИ и СДС 7 години ја ограбуваа државата и ја земаа среќата на многу луѓе. Време е да има одговорност, за никогаш да не се повтори.

Утре продолжуваме со нови детали околу милионите на Ахмети, рече Лефков.