На 71 годишна возраст по кратка борба со тешка болест денес почина Халид Бешлиќ.

Кон крајот на август, Халид Бешлиќ бил хоспитализиран во Клиничкиот центар на Универзитетот во Сараево, каде што бил под постојан надзор на лекарите.

Бешлиќ остави зад себе богато музичко наследство и бројни безвременски хитови, со кои стана една од најпрепознатливите легенди на народната музика во регионот.

Меѓу неговите најголеми хитови се: „Миљачка“, „Ја без тебе не могу да живим“, „Романија“, „Хеј зоро, не свани“, „Први пољубац“, „Нечу, нечу дијаманте“, „Севдах да се догоди“, „Врачам се мајци у Босну“…

Витаминка и оваа година го продолжува својот континуиран настап на најголемиот меѓународен саем за храна и пијалаци – Ануга, кој традиционално се одржува во Келн, Германија. Со богата и внимателно селектирана понуда од својата слатка и солена програма, компанијата повторно ја претставува македонската прехранбена индустрија пред светската бизнис и стручна јавност. Посетителите на штандот на Витаминка имаат можност да ги запознаат и дегустираат најпознатите брендови на компанијата, како и најновите производи кои ги следат современите прехранбени трендови и вкусови.

„Присуството на Ануга претставува извонредна можност за директен контакт со партнери и потенцијални купувачи од целиот свет. Настапот меѓу водечките глобални производители на храна е уште една потврда дека Витаминка е препознаена како сигурен и иновативен бренд надвор од македонските граници. Тоа е дополнителен поттик за постојан развој, зајакнување на извозот и ширење на нашето присуство на нови пазари“, изјави Љупчо Велески, директор за извоз во Витаминка.

Ануга и оваа година се потврдува како централно место на светската прехранбена индустрија, каде што се презентираат најновите иновации и трендови. Саемот обединува повеќе од 7800 изложувачи од над 110 земји, меѓу кои и водечки компании од Европа, Америка и Азија, кои ги претставуваат најдобрите решенија и инспирации од светот на храната.

Присуството на Витаминка на оваа значајна манифестација уште еднаш ја нагласува посветеноста на компанијата кон квалитет, развој и промоција на македонските производи на глобалната сцена.

Како дел од програмата за одбележување на празникот 11 Октомври – Денот на народното востание, на Камената бина во Прилеп, во петок (10.10.), веднаш по импровизираниот напад на Участакот, свој концерт со почеток од 20:15часот ќе одржи естрадната музичка ѕвезда Влатко Лозаноски.

Општина Прилеп ги поканува сите граѓани заеднички да го прославиме еден од најважните датуми во поновата македонска историја, денот кога прилепчани неможејќи да ја поднесат тиранијата на фашистичките и нацистичките окупатори, се кренале и со оружје во рака го повеле македонскиот народ во борба.

Во срцето на Прилеп, веднаш до Комерцијална банка, се наоѓа La Piazza – италијанскиот ресторан кој ги обединува боите и мирисите на есента со беспрекорниот вкус на Италија.

Тука секој залак е како палета на есенски нијанси: од топлите портокалови и црвени нијанси на свежи пици, до богатиот златен тон на кремасти пасти и рижота, па се до темно кафеавите и сребрени одбрани месни и морски специјалитети.

Посно или мрсно, класично или авангардно, менито на La Piazza e совршена разиграна приказна на вкусови, каде покрај класичните оброци кои ги нуди еден италијански ресторан, ќе можете да уживате во морски специјалитети, кои нема да ги најдете на друго место во Прилеп и целиот регион. Тука топло ви ги препорачуваме ракчињата во црвен и алфредо сос, или маестралните саганаки.

Кога сме кај специјалитетите, нема да погрешите ако се одлучите и за совршените ќофтиња во бел сос или приготвени во фурна, како и гурманското свинско ребро прелиено со BBQ сос.

La Piazza не е само вечера – тоа е цело искуство:

Ресторанот нуди богата винска карта, разни коктели и освежителни пијалоци, најдобрите кафиња и несекојдневен избор на доручеци и бургери, за да уживате во секој момент.

За љубителите на посното, La Piazza нуди богати салати, предјадења и рижота, и што ли уште не… а сето тоа подготвено со иста страст и внимание.

Ова е само мал дел од царството на вкусови и бои со кои може да се пофали овој гастрономски бренд на градот под Марковите Кули. Целото мени можете да го погледнете ТУКА.

Прилепчани добро знаат, а сите вие останатите од другите градови и нашинци низ Европа и светот, топло ве покануваме да ги посетите кога ќе го посетите нашиот град.

Запомнете, во La Piazza, секој ден е празник на вкусовите, боите и мирисите на Италија – есен која можете да ја видите, да ја почувствувате и да ја вкусите.

Наздравје!

Младите се иднината на нашата општина, но и нејзината сила денес. Кандидатите за советници од Движењето ЗНАМ за наша Македонија имаат јасна визија – младите да бидат вклучени, слушнати и поддржани.

ЗНАМ се залага за поголемо учество на младите во културните, образовните и општествените активности, создавање на простор каде што нивниот глас ќе се слуша и ќе влијае.

Преку активно вклучување во општински проекти и иницијативи, младите ќе бидат дел од процесите на одлучување, не само како публика, туку како активни креатори на политики.

Дополнително, преку локални програми за обука, поддршка на младинско претприемништво и поврзување со компании, ќе се создадат услови за развој на вештини, нови можности за вработување и мотив младите да останат тука – во Прилеп, градот што го градиме заедно.

Во натпревар од 4. коло на Првата лига на Македонија за жени, ракометарките на МРК Ѓорче Петров извојуваа победа на гостински терен во Прилеп против ЖРК Деспина со резултат 25:28.

Средбата се одигра во салата на СОУ „Ристе Ристески – Ричко“ во Прилеп, а она што го одбележа натпреварот беа настапите на Кристина Наумовска во победничкиот тим, која постигна 11 погодоци, и легендарната ракометарка од Прилеп, Мери Гичева, која исто така запиша 11 погодоци на своето име.

Гичева и на 41 година се’ уште е помеѓу најдобрите во лигата и не знае да престане да ги тресе противничките мрежи.

Резултати – 4. коло:

Деспина – МРК Ѓорче Петров 25:28
Стружанка – Атлетик 20:37
Јехона – Овче Поле СУ 11:33

Табела:

Овче Поле СУ – 6 бодови
Атлетик – 6
МРК Ѓорче Петров – 4
Деспина – 4
Стружанка – 2
Јехона – 2
Шампион – 0

Следно, 5. коло (11 октомври):

Овче Поле СУ – Деспина
Атлетик – Шампион
МРК Ѓорче Петров – Стружанка

Доналд Трамп, за разлика од многу негови претходници е познат по тоа што никогаш во животот не консумирал алкохол. Тој еднаш откри дека зад неговата одлука се крие трагична семејна приказна.

Минатата година, во поткастот на Тео Вон „This Past Weekend“, водителот ја истакна неговата апстиненција. „Забележав дека не пиете ниту пушите на настани, нели? Никогаш не сте го направиле тоа?“ праша Вон. Претседателот потврди дека ова е вистина и објасни дека смртта на неговиот постар брат влијаела врз неговата одлука да се држи подалеку од сите опојни средства.

Трагичната судбина на братот Фред

„Не, никогаш не сум пиел“, одговори Трамп. „Имав прекрасен брат кој ме научи лекција“. Се работи за Фред Трамп помладиот, кој починал од срцев удар во 1981 година на само 42-годишна возраст, а чија борба со зависноста беше прикажана и во биографската драма „The Apprentice“ од 2024 година.

„Тој пушеше и пиеше, беше прекрасен човек и беше многу згоден“, продолжи Трамп. „Имаше проблем со алкохолот и пушеше многу, но јас им велам на луѓето: „Без дрога, без пиење, без цигари“. Тоа постојано им го кажувам на моите деца“.

Трамп објасни колку многу му се восхитувал на својот постар брат. „Тој беше доволно возрасен за да земам пример од него, а јас му се восхитував. Толку многу му се восхитував, имаше толку многу предности. Имаше изглед, имаше неверојатен карактер“.

Трамп призна дека борбата на неговиот брат со алкохолизмот длабоко го погодила, особено затоа што бил изненаден од тоа колку долго телото на Фред ги издржало последиците од зависноста. „Мислам дека тоа веројатно започнало на факултет, можеби во некое братство? Семејството почна да го забележува тоа, но работите не се подобрувале“, рече Трамп, додавајќи дека и покрај сè бил воодушевен од физичката издржливост на неговиот брат.

Лекција за цел живот

Во поткастот, тој призна дека верува оти и самиот би станал зависник доколку некогаш почнал да пие.

Пропаѓањето на неговиот постар брат очигледно оставило длабока трага, за што зборувал и претходно. Според „Фокс њуз“, Трамп во 2018 година рекол: „Имав брат, Фред – прекрасен човек, најзгоден, со најдобар карактер, многу подобар од мојот. Но, тој имаше проблем, имаше проблем со алкохолот и ми велеше: „Немој да пиеш, немој да пиеш“.

„Имаше многу, многу тежок живот поради алкохолот. Беше силен човек, но тоа беше тешка, тешка работа низ која поминуваше. Поради Фред, решив дека никогаш нема да пијам“, истакнал Трамп тогаш.

Добредојдовте во Burger Boom, местото каде што добриот вкус, брзата услуга и пристапните цени се секојдневие! Сместени во срцето на Прилеп, во новата катна гаража, тие се омилен избор за сите љубители на сочни бургери, вкусни сендвичи, пици, пастрмајлии и што ли уште не.

Богатото мени е внимателно составено за да одговори на секој вкус – од класичен хамбургер или чизбургер, до специјалитети како Boom бургер и Boom стекови со сочно пилешко, кашкавал и бургер сос. Доколку сте љубител на пици, тука се Boom пицата, капричиоза и сите други познати вкусоци, а за тие што сакаат нешто поинакво – во Burger Boom будат и гиро порции, печени сендвичи, тостови, па дури и посни оброци.

Најголем хит во последно време им се пастрмајлиите – со пилешко и свинско месо. Младите дечки во BURGER BOOM имаат продукт кој досега воодушеви огромен број гости.

Приготвени од екстра квалитетни состојки, со совршен вкус и неодолив мирис… едно гастрономско уживање на кое ќе се сладат не само прилепчани, туку и сите гости во градот под Марковите Кули.

Покрај пастрмајлија, сега  во BURGER BOOM можете да уживате и во маестрално приготвени порции со пилешки крилца. Крцкави и сочни, со одличен сос во прилог, комбинација што одлично ќе се вклопи како добро мезе на секоја маса.

Во пресрет на празничниот викенд, кога се празнува 11-Октомври – Денот на народното востание, Прилеп ќе биде полн со гости, а прилепчани ќе бараат маса повеќе во локалите за храна и пијалок, од BURGER BOOM ги информираат вљубениците во нивната храна дека на 10.09. (петок) ќе работат со продолжено работно време, па сите оние кои ќе се задржат до подоцна во некое од кафулињата, ќе имаат можност да уживаат во добра храна и подоцна во ноќта.

Дојдете и уверете се зошто велат дека Burger Boom е број 1 во Прилеп кога станува збор за брза храна или порачајте на телефонскиот број: 078 786 000

НАЗДРАВЈЕ!

Зимата што претстои, според сите извештаи, ќе биде „како старата“, изјави службата за следење на времето „Severe Weather Europe“.

Како што објаснуваат експертите од таа служба, ваквите прогнози се однесуваат на делови од САД, Канада, но и на Европа.

Имено, како што е дополнително наведено, три фактори моментално покажуваат сличности со неколку силни и студени зими.

„Severe Weather“ ја анализираше состојбата на глобалниот временски систем и пронајде неколку години во изминатите децении со слични услови.

Потоа нивните експерти ги разгледаа податоците за тоа како поминале зимите во тие години за да ги користат добиените информации како насоки.

Студената фаза на La Niña почнува да се развива во тропските региони и се очекува да трае до оваа зима.

Се предвидува активен (слаб) настан Ла Ниња да влијае на зимата 2025/2026 година, со брз пресврт во 2026 година.

Што се однесува до вистинското влијание на временскиот модел на Ла Ниња, „Severe Weather“ пишува дека силен блокирачки систем со висок притисок обично се забележува во Северниот Пацифик.

Ова обично доаѓа со област со низок притисок над Канада, која го пренасочува поларниот „млазен поток“ кон северните Соединети Држави.

Каква зима нè очекува и кога ќе пристигне првиот снег?
Делови од североисточниот дел на САД и источна Канада, исто така, покажуваат зголемен потенцијал за снежни врнежи, како и делови од источниот дел на САД.

Друг фактор за претстојната сезона е пронајден во стратосферата.

Исто како и во океаните, тука постои и дел од атмосферата што се менува помеѓу позитивни и негативни фази.

Наместо температури, тука се забележуваат ветрови, т.е. нивниот правец. Тоа е феномен познат како QBO. Тоа е редовна варијација на ветровите високо над тропската стратосфера.

Силните ветрови во стратосферата патуваат во појас околу планетата и целосно ја менуваат насоката приближно на секои 17 месеци. Промените од една фаза во друга се толку редовни што QBO го доби прекарот „атмосферски ритам“, а во моментов значајна нова негативна фаза го презеде водството за претстојната зима.

Постојат неколку причини зошто и како QBO може да влијае на нашите зими, наведува тој понатаму и додава дека еден многу важен аспект е поларниот вртлог.

Ла Ниња ја „удира“ Европа; Објавена е голема прогноза

Слабиот поларен вртлог може да создаде силен временски одговор. Како резултат на тоа, тој потешко го задржува студениот воздух што може послободно да „избега“ од поларните региони во Соединетите Американски Држави или други региони со средна ширина.

Слабиот поларен вртлог во основа значи нарушување на атмосферската циркулација, а негативниот QBO фаворизира послаб поларен вртлог во стратосферата.

Со оглед на специфичната комбинација на овие фактори, шансите за постудена зима се поголеми.

Но, постојат многу други фактори што можат да ја променат ситуацијата, забележуваат експертите за „Severe Weather“.

По концертот во Гевгелија, оркестарот на Македонската филхармонија со „Бајка“ денеска со почеток во 20 часот ќе гостува И во Центарот за култура во Битола. Како солистка на овој концерт ќе настапи виолинистката Анна Кондратенко, концертмајстор во Филхармонијата.

На концертот во Гевгелија, Кондратенко воедно ќе го води оркестарот во изведбата на композициите „Come in!” („Чукни и влези”) од Владимир Мартинов и „Писма до пријателите” од Гија Канчели.

Кондратенко родена е во Новосибирск, Русија, каде што почнува да свири виолина на четиригодишна возраст. Своето музичко образование го започнува во Специјалната музичка школа во класите на О. Марченко и А. Гвоздев, а продолжува во класата на проф. В. Третјаков на Високата музичка школа во Келн, каде што дипломира во 2004 година.

Како солист и концерт-мајстор настапува со Младинскиот симфониски оркестар (Новосибирск), Симфонискиот оркестар на Филхармонија (Новосибирск), Интернационалниот симфониски оркестар (Мичиген, САД), Klassische Philharmonie Bonn (Германија), Philarmonie der Nationen и други во Русија, Украина, Унгарија, Германија, Шпанија, Франција, Бразил, Америка, Малезија, Кина, Либан и Јапонија. Исто така, учествува на различни мастер-курсеви (кај Z. Bron, D. Zigmondi) и фестивали, меѓу кои: Mozarteum (Австрија), Holzhausen Musiktagen (Германија) и др. Таа е победник на многубројни серуски и меѓународни натпревари, меѓу кои и Ерденко и Мравински во Русија и Ј. Ниман во Германија.

Пред две години, Кондратенко го основа квартетот „Филхармонија” составен од членови на оркестарот на Македонската филхармонија, со кој остварува настапи на домашни и на меѓународни фестивали. Моментно работи како концерт-мајстор и солист во оркестарот на Македонската филхармонија и како концертмајстор и солист на оркестар на „F.A.M.E.S Project” во Скопје.