Новак Ѓоковиќ конечно го освои тоа што му недостигаше во пребогатата со трофеи витрина, а тоа е ОЛИМПИСКО ЗЛАТО, за себе и за својата татковина.

Во тениското финале на Олимписките игри во Париз, Ноле до златото стигна по тричасовен атомски тенис со 16 години помладиот Шпанец, Карлос Алкараз.

Финалето беше одлучено во два сета и два тај брејка, кои Србинот ги доби со 7:3 и 7:2 и конечно се израдува на медалот кој му недостасуваше во кариерата.

Веднаш по завршниот поен, Ноле го обзедоа емоциите…Плачеше и целиот се тресеше, а потоа веднаш се упати во прегратки кај семејството.

NOVAK DJOKOVIC IS AN OLYMPIC #GOLD MEDALIST 🇷🇸#Paris2024 | #Olympics | #tennis pic.twitter.com/HYkLVPJo6H

— ATP Tour (@atptour) August 4, 2024

Пример за спортист, пример за истрајност!

Народе, внимавајте кога поминувате преку железничките премини во Прилеп…. Не се залажувајте ако рампата е крената….

Фотографиите се од железничкиот премин кој се наоѓа во непосредна близина на градската железничка станица.

Анета Павловска Деспотоска од Битола, го живее сонот на многумина – таа е тениски судија и веќе неколку години е присутна на најголемите тениски турнири во светот.

Битолчанката вчера беше линиски тениски судија на женското олимписко финале помеѓу Кинескињата Кинвен Женг и Хрватката Дона Векиќ, дуел кој го доби тенисерката од Кина со 6:2, 6:3 во сетови.

Предходно да подсетиме во својата кариера Анета Павловска судеше во машкото финале во Токио, а сега беше дел од женскиот меч за златен медал во Париз.

Во нејзината биографија стои дека судела на финалето на Ролан Гарос 2023, во кое играа Новак Ѓоковиќ и Каспер Руд, но и двете машки полуфиналиња на Вимблдон 2023 година.

На 30. јули, традиционално секоја година, во манастирот Св. Марена, во близина на селото Туминец во Мала Преспа, Албанија, се одбележа големиот христијански празник Св. Марена, или кај народот познат како Света Огнена Марина (Марија).

Голем број Македонци од околните населени места, но и од Македонија, како и иселеници во странство, и оваа година беа присутни во манастирот и заедно заиграа македонско оро и запеаа македонска песна.

Оваа година за доброто расположение се погрижи естрадниот пејач од Прилеп, Оливер Лозаноски, кој приреди прекрасен помин за сите присутни.

Манастирот датира од 18 век, а обновен е во 1926 година. Се наоѓа на самиот брег од Преспанското езеро, локација која самата по себе му дава дополнителна убавина и привлечност.

Патрон на манастирот е Света Огнена Марина – Марена, што се слави на 30 јули, празник кој Македонците во Мала Преспа, традиционално го слават заедно и каде и да се исселени тие за овој празник се тука.

Вообичаено е на овој празник, кога заради жештините “гори небото и земјата, не се работи “ниту една работа”. Во народната традиција сочувани се примери на пожари или громови во во топлите празнични денови изгореле жито, сено и домовите на луѓето кои го прекршиле празникот и работеле на празникот на Свети Марина.

Селото Туминец е едно од десетте населени места во Мала Преспа. Се наоѓа на самиот брег на Преспанското Езеро во близина на граничниот премин Стење-Горица и е второ село по големина, со околу 800 жители.

Погледнете дел од семакедонската прослава во манастирот:

На 04.07.2024 од 01 до 04 часот полициски службеници од СВР Тетово спровеле акциска контрола во ноќен клуб во тетовско Желино, со цел откривање на странски државјани со нерегулиран престој во подрачјето или злоупотреба на престојот.

При тоа биле затекнати и приведени 18 странски државјанки на возраст од 24 до 26 години и тоа: две од Србија, седум од Украина, 10 од Албанија, а приведено е и едно машко 46-годишно лице од Албанија, кои престојувале на подрачјето спротивно на целта, односно немале соодветна документација.

Тие се задржани во полициска станица за понатамошна постапка, по што ќе следат соодветни поднесоци.

Во организација на Клубот за спортови на вода „Охридски бранови 2008“ од Охрид, а под покровителство на Советот на Општина Охрид, традиционално, на 2-ри август, се одржа 45-то издание на Илинденскиот пливачки маратон – Куп во далечинско пливање на патеката Горица-Охрид во должина од 2,5 километри.

Помеѓу 77 учесници од 12 клубови од Македонија, за прв пат на маратонот настапи и прилепчанецот Златан Гајтаноски, кој се натпреваруваше во категорија на пионери до 15 годишна возраст.

Нашиот прилепчанец маратонот го преплива за 55 минути и заврши на средината на ранг листата на пливачи кои успешно ја поминаа патеката.

Да му честитаме за успехот и да му посакаме уште поголеми успеси во иднина!

Премиерот Христијан Мицкоски во интервју за „Фокус“ истакна дека постојат индиции и докази за епски криминал и злоупотреби на големи суми пари, во повеќе институции од страна на минатата власт на СДСМ и ДУИ, за кој органите треба сериозно да истражат, бидејќи недостигаат пари, а на терен нема проекти и реализација.

„Ако вие имате недостаток од 5 милијарди денари, што е повеќе од 80 милиони евра, за да се исплатат редовни пензии, зборувам за редовни пензии, без оние 2 пати годишни усогласувања согласно законот, без покачувања. И, кога ќе видите во одредени други институции, каде се финансираат одредени проекти, кои беа од суштинско значење и важност за ДУИ пред се, но и за СДСМ, тогаш доаѓате до заклучок дека некој овде свесно го злоупотребил буџетот за да финансира проекти, преку кои постојат основани сомневања дека тие пари биле злоупотребени. На терен, не гледаме реализација и прогрес на тие проекти. Пред се мислам на проектите поврзани со изградбата на Коридор 8 и 10-Д“, изјави премиерот Мицкоски.

Премиерот Мицкоски посочи дека исто така и во „Национални шуми“ недостасуваат половина милијарда денари, значи над 8 милиони евра, средства направени за долгови, но ако се види дека фактурите се двојно, тројно поголеми од вообичаените, тогаш си го поставувате прашањето дека таму некој се обидел да злоупотреби.

Говорејќи за злоупотребите кои ги правела минатата власт, премиерот Мицкоски нагласи дека можеби разбирливо е на тендер да има 15, 20 проценти повисока цена, еве и 25 проценти, ама не 200 проценти, односно оцени дека тоа не е нормално.

„Ако правите проект од капитално значење, како што е пругата кон Бугарија, и ако тој проект ви завршува во мртва улица или на половина тунел, без да има извесност како понатаму би се развивал. И ако за тој проект треба да потрошите 560 милиони евра, од кои 360 милиони евра се пари на македонските даночни обврзници, а 200 милиони евра грант или пари на европските даночни обврзници, по принципот на Ред ФИДИК. А секој инженер кој работи со Ред или Црвен ФИДИК знае дека тој проект преку пенали може да порасне и до 750-800 милиони евра. Ако потрошите половина милијарда евра народни пари за 24 километри, 22 тунели да направите, да влезете во Крива Паланка и да урнете 20 куќи и 20 семејства да ги иселите, и да завршите во мртва улица, односно на половина тунел, не е нормално, потенцираше премиерот Мицкоски.

Во РЕК Битола, нагласи премиерот Мицкоски, дека само од една зделка разликата е 40 милиони евра.

„Во овој момент, можам да кажам дека само во РЕК Битола од втората половина на 2021 година заклучно со мај 2024 година се однесени отприлика 1 милион и 600 илјади тони јаглен. Бидејќи точно се знае од рудникот колку е транспортот, тоа е 8,5 евра по тон, колку во рудникот чини рудата, колку таа се продава во РЕК Битола… Само во овој период, само за оваа зделка доаѓам до фрапантен податок дека разликата е околу 40 милиони евра. Тоа е грабеж и не е етички. Ниту еден нормален и чесен бизнисмен не би се нафатил на таква зделка“, рече премиерот Мицкоски.

На 03.08.2024 во 06.38 часот во СВР Битола било пријавено дека на ул.„Св.Наум Охридски” во Прилеп се запалило во движење патничко моторно возило марка „ голф” со прилепски регистарски ознаки, сопственост и управувано од Д.Т.(47) од Прилеп.

При тоа изгореле и лични предмети и пари на пријавителот. Од пожарот зафатено и оштетено било и патничко моторно возило марка „ сузуки” без регистарски ознаки, сопственост на М.М.(40) од Прилеп.

Пожарот е локализиран од страна на Територијалната против пожарна единица Прилеп, а увидот го извршила увидната екипа на ОВР Прилеп.

Повредени лица нема – информираат од СВР Битола.

На 08.08. (четврток), кога се празнува Св. Kлимент Охридски, во храмот Св. Кирил и Методиј во Прилеп, ќе се чита Акатист и Вечерна богослужба кон Светиот Климент Охридски пред неговите свети мошти.

Веднаш по Акатистот и Вечерната богослужба ќе се освети и петтолебие. Храмот ги повикува сите верници да присуствуваат на литургијата и да принесат петтолебија за здравје и спасение за себе и своите ближни.

Нека е за многу години!

Македонската jуниорската кошаркарска репрезентација на Европското Првенство (ЕП) Б-дивизија ја победи и Бугарија со 92-68 и така ќе игра во финалето во Скопје, а истовремено обезбеди пласман и место во А-дивизијата.

Кошаркарските јуниори водеа од почетокот до крајот на оваа средба,се одигра еден перфектен натпревар за да на крајот се дојде до убедлива победа.

Со оваа победа, Македонија покрај што се пласира во финалето, обезбеди место и во елитната дивизија во следното издание на еврошампионатот.

Луканоски со 20 поени и 16 скока беше прв стрелец, зад него беше Трајанов, кој исто имаше дабл-дабл, но од 17 поени и 11 скока. Јаничиќ беше стрелец на 17 поени. Финалето на ЕП Б-дивизија е закажано за денеска во СЦ „Борис Трајковски“, со почеток од 21:00 часот.