По оставката на Рубин Абрашоски од функцијата директор во ЈКП Комуналец Прилеп, нов именуван на оваа функција е Љубиша Јованоски.

Јованоски е дипломиран економист по професија, роден 1983 година, а пред него ќе биде тешка задача да го реорганизира работењето на ова јавно претпријатие, кое во изминатите години се соочуваше со финансиски проблеми, доцнење на платите и незадоволство на вработените и од граѓаните.

Јованоски ќе треба да го врати и приматот за најчист град, кој Прилеп го имаше во минатото и важеше за пример во целата држава.

По неговото назначување на директорската позиција како човек кој досега не работел во претпријатието, се поставува прашањето дали во изминатите 4 години доскорешниот директор Абрашоски потфрли во работењето? Дали е ова признание дека не се работело ефикасно, дека хигиената и комуналните услуги беа на незавидно ниво и дека Абрашоски не ги оправда големите очекувања од граѓаните?

Времето ќе покажи дали и каква разлика ќе има, и дали состојбите ќе се променат на подобро за сите граѓани.

Новиот состав на Извршниот комитет (ИК) на ВМРО-ДПМНЕ ќе ги донесе победите на следните парламентарни, претседателски и локални избори, напиша на својот фејсбук профил вицепремиерот и министер за транспорт, Александар Николоски.

По синоќешниот избор на новиот ИК на партијата, Николоски се заблагодари за довербата што му ја уакажа премиерот и претседател на ВМРО-ДПМНЕ, Христијан Мицкоски.

-За ВМРО-ДПМНЕ што победува и ја менува Македонија! Нов состав на Извршниот комитет на партијата кој ќе ги донесе победите на следните парламентарни, претседателски и локални избори. Благодарам на довербата и честа претседателе Христијан Мицкоски – соработка и пријателство кои носат напорна деноноќна работа за промени и подобар живот во Македонија, наведува Николоски во објавата.

Православните верници денеска го одбележуваат споменот на Свети Григориј Богослов, кој се смета за еден од најзначајните духовни учители и теолози во историјата на Црквата.

Свети Григориј Богослов бил архиепископ Цариградски и останал запаметен како мислител кој се посветил на објаснување на учењето за Светата Троица. Неговото дело се смета за исклучително значајно за развојот на христијанската теологија и духовност.

Роден бил во Назијанз, во семејство во кое таткото бил Елин, а мајката побожна христијанка, позната како света Нона. Своето образование го стекнал во Атина, каде студирал заедно со Василиј Велики. Во текот на школувањето се истакнал со својата мудрост и духовна зрелост.

Подоцна бил поставен за архиепископ во Цариград од царот Теодосиј Велики. Неговиот престој на оваа функција бил исполнет со предизвици и несогласувања. Кога се појавиле сомнежи околу неговото назначување, тој се повлекол од функцијата и се посветил на молитвен живот. Своите последни години ги поминал во духовен мир, а починал во 390 година.

Народни верувања и обичаи поврзани со празникот

Во народната традиција денот е познат како Григориј Пролетник и се смета за важна пресвртница во годината. Според верувањата, на овој ден не треба да се истакнуваат личните успеси, бидејќи се верува дека тоа може да донесе несреќа.

Се смета дека не треба да се кажуваат лоши зборови или навреди, бидејќи според преданијата сè што ќе се изговори на овој ден се враќа двојно. Старите верувања велат дека не се препорачува потстрижување на коса или сечење нокти, бидејќи се верувало дека тоа носи несреќа во текот на годината.

Вообичаено е и да се избегнува тешка физичка работа, за денот да се посвети на духовен мир. Според народните верувања, добрите дела направени на овој датум треба да се извршуваат тивко и без да се зборува за нив.

Во традицијата се верува дека трговците треба да поделат милостина или дел од својата стока на сиромашните, со надеж за успешна година. Постоело и верување дека временските прилики до пладне го најавуваат карактерот на првата половина од следната зима.

Свети Григориј Богослов се смета за заштитник на луѓето кои се занимаваат со наука, пишување и теологија. Неговата глава денес се чува во Успенскиот собор во Москва, каде верниците оддаваат почит на неговото духовно и интелектуално наследство.

ВМРО-ДПМНЕ во моментов одржува седница на Централниот комитет (ЦК), на која се избираат нов Извршен комитет и нов генерален секретар на партијата. Претседателот на партијата и премиер Христијан Мицскоски синоќа најави дека во овој мандат ВМРО-ДПМНЕ ќе има претседател, генерален секретар и членови на Извршниот комитет (ИК). Досегашните потпретседатели ќе бидат предложени за членови на ИК на партијата, а ќе има и нови имиња.

Според инфомрациите кои предмалку се проширија на социјалните мрежи, за нов Генерален секретар на владеачката партија е избран пратеникот во Собранието, Драган Ковачки.

На Ковачки сопартијците веќе му го честитаат изборот на оваа исклучително важна и висока партиска функција, која тој ја презема од Ѓорѓија Сајкоски.

https://www.facebook.com/story.php?story_fbid=903318732287198&id=100078272372107&rdid=uL5Ei4JEq2Ye4OuK#

Иако на листата на советници на ВМРО-ДПМНЕ и коалицијата, следен кој требаше да седне во столчињата во Советот на општина Прилеп беше Мејди Седикоски, Советот денеска го верификуваше мандатот на Александра Ангелеска-Петреска.

Промената во редот на советниците во мнозинството настана откако Билјана Петкоска беше избрана за директор во детски градинки “Наша Иднина”.

Петкоска беше четврта на листата на ВМРО-ДПМНЕ, а владеачката партија и коалицијата во Советот освоија 17 советнички места на минатогодишните локални избори. Осумнаесетти на листата беше Мејди Садикоски, но тој се откажа од советничкиот мандат, па затоа беше верификуван мандатот на Ангелеска Петреска.

Новата советничка е професор по Македонски јазик во СОУ “Орде Чопела”.

По оставката на Рубин Абрашоски од функцијата директор во ЈКП Комуналец Прилеп, нов именуван на оваа функција е Љубиша Јованоски, дознава МАРКУКУЛЕ.

Јованоски е дипломиран економист по професија, роден 1983 година, а пред него ќе биде тешка задача да го реорганизира работењето на ова јавно претпријатие, кое во изминатите години се соочуваше со финансиски проблеми, доцнење на платите и незадоволство на вработените и од граѓаните.

Јованоски ќе треба да го врати и приматот за најчист град, кој Прилеп го имаше во минатото и важеше за пример во целата држава.

Фото/илустрација

Во најновата петочна колумна за минатонеделните случувања во Прилеп, новинарот Зоран Момироски се осврна и на работата на Советот на општината, каде според него само 3-4ца совеници си го заслужуваат месечниот хонорар, а сите останати служат како гласачка машинерија.

Делот од колумната во целост го пренесуваме во продолжение:

Ако се следат седниците на Советот на Општина Прилеп веднаш ќе се забележи дека секоја следна според дебатата што се води се добива се добива впечаток дека тие од НАРОДНИ СТАНУВААТ ЗАБАВНИ. Главни во ,,преставата,, се советникот Стеваноски и претседавачот на советот Билјана Кржеска. Која што поради функцијата, што поради краткото и не доволното искуство оти е доктор – гинеколог, е принудена да става ред во работата на Советот, но и да се справува со економско-правни забелешки наметнати пред се преку прашања дилеми, дискусии, па и реплики на репликите од страна на адвокатот Стеваноски. Но ги има и од другите опозициони советници и тоа економисти, правници…

Во овие жестоки, а понекогаш и непријатни прашања и забелешки се и другите од советничката група на Левица, а од СДСМ, Александар Китаноски со долго советничко искуство, повремено Драгица Николоска и толку. Сите други главно молчат. Па дури и кога јавно и непримерно од говорница ќе бидат наречени ПОСЛУШНИЦИ – ПОЛТРОНИ.

Ги нема советниците од мнозиството, ако не повеќе, барем да и дадат поддршка на Кржеска. Недостига дебата која би покренала суштинска расправи или проблем во интерес на граѓаните, но и за градот. Не знам дали е тоа партиска стратегија, лична потреба и убедување, или недовлно знаење и владеење на проблематиката. Незнам дали и со каква голема жестина се дебатира при разгледувањето на материјалите во комисиите.

Но, знам и општ впечаток е дека од досегашните неколку седници покрај споменатите другите молчат, а за молчење и кревање два прста сатнината им е 150 евра. Сето, тоа под услов ако Советот одржува седница еднаш месечо и притоа во просек таа да трае околу три часа. Ама исто така знам дека ваква сатнина, рака на срце нема ни во најбогатите земји во светот.

Целата колумна на Момироски прочитајте ја ТУКА

На 13.02.2026 (петок) со почеток во 18:00 часот во Ликовниот салон при НУЦК „Марко Цепенков“ Прилеп по четврт пат ќе се одржи поетско музичката манифестација „Љубов и вино“.

Вечерта ќе биде посветена на љубовта и виното. Ќе се дума за љубовта, за првите бакнежи… за виното и ќе се празнува 14-ти февраури, св. Трифун и св. Валентајн – Денот на вљубените.

На манифестацијата можат да учествуваат сите прилепски поети, писатели кои можат да се пријавуваат до 10 февруари на емаил адресата [email protected]. Гостин на овој настан ќе биде и КУД „Преродба 2024“.

Оваа поетско музичката манифестација ја реализираат Центарот за култура „Марко Цепенков“ и Клубот на литературни творци – Прилеп.

Извадоци од полицискиот билтен на МВР:

На 05.02.2026 во 16:00 часот на ул.„Таше Милошевски” во Ресен, полициски службеници од ОВР Ресен го лишиле од слобода Д.К.(27) од с.Јанковец, ресенско. При контрола во сообраќајот, полициските службеници сопреле патничко возило „рено” со ресенски регистарски ознаки, управувано од Д.К., при што констатирале дека го управувал возилото без да се стекне со право за управување, односно без важечка возачка дозвола. Возилото било одземено.

На 05.02.2026 во 12:00 часот на регионалниот пат Прилеп-Македонски Брод, кај с.Ропотово, прилепско, полициски службеници од Полициското одделение Ропотово го лишиле од слобода И.Н.(28) од с.Гостиражни, општина Долнени. При контрола во сообраќајот, полициските службеници сопреле патничко возило „фолксваген голф” со прилепски регистарски ознаки, управувано од И.Н., при што констатираче дека го управувал возилото пред да се стекне со право за управување, односно без возачка дозвола. Возилото било одземено.

На 05.02.2026 во 19:30 часот на патот Ресен-с.Евла, ресенско, полициски службеници од ОВР Ресен лишиле од слобода 15- годишник од Штип. При контрола во сообраќајот, полициските службеници сопреле патничко возило „мазда” со ресенски регистарски ознаки, управувано од малолетникот, при што констатирале дека го управувал возилото без да се стекне со право за управување, односно без возачка дозвола. Возилото било одземено.

На 05.02.2026 во 16:45 часот на магистѕралниот пат Гостивар-Стража, полициски службеници од ОВР Гостивар го лишиле од слобода Ф.А.(24) од с.Чегране, гостиварско. При контрола во сообраќајот, полициски службеници запреле патничко возило „ауди“ со гостиварски регистарски ознаки, управувано од Ф.А и по извршени проверки е констатирано дека го управувал возилото без положен возачки испит. Возилото било одземено.

На 05.02.2026 во 14:30 часот на кеј „Димитар Влахов“ во Скопје, полициски службеници од СВР Скопје го лишиле од слобода Б.С.(23). При контрола во сообраќајот, полициски службеници запреле патничко возило „фолксваген поло“ со скопски регистарски ознаки, управувано од Б.С. и по извршени проверки било констатирано дека го управувал возилото без да поседува важечка возачка дозвола, односно без положен возачки испит.

На 05.02.2026 во 16:25 часот на регионален пат кај крстосница за село Ѓавато, гевгелиско, полициски службеници од СВР Струмица сопреле патничко возило „форд фокус“ со гевгелиски регистарски ознаки, управувано од А.З.(19) од Богданци. Притоа, било констатирано дека го управувал возилото без да поседува важечка возачка дозвола. По добиени насоки на јавен обвинител, возилото и возачките документи биле одземени.

На 05.02.2026 во 14:50 часот на локалниот пат с.Пиперево – с.Василево, полициски службеници од СВР Струмица сопреле патничко возило „фолксваген голф“ со струмички регистарски ознаки, управувано од 17-годишник од с.Пиперово, општина Василево. Притоа, било констатирано дека го управувал возилото без да поседува важечка возачка дозвола. По добиени насоки на јавен обвинител, возилото и возачките документи се одземени.

На 05.02.2026 во 19:00 часот на ул.„Цветан Димов“ во Струмица, полициски службеници од СВР Струмица сопреле товарно возило „мерцедес“ со струмички регистарски ознаки, управувано од К.П.(33) од с.Баница, струмичко. Притоа, било констатирано дека го управувал возилото без да поседува важечка возачка дозвола. По добиени насоки на јавен обвинител, возилото и возачките документи се одземени.

На 05.02.2026 во 10:15 часот на улица „Западен булевар“ во Кавадарци, полициски службеници од ОВР Кавадарци го лишиле од слобода Ш.Ј.(42) од Кавадарци. При контрола во сообраќајот било сопрено патничко возило „опел“ со кавадаречки регистарски ознаки, кое го управувал Ш.Ј., при што било констатирано дека возилото го управувал без положен возачки испит за управување на возило од Б категорија. Тој бил приведен во полициска станица, а возилото било привремено одземено.

На 05.02.2026 во 13:45 часот на улица „Народен Фронт“ во Кавадарци, полициски службеници од ОВР Кавадарци го лишиле од слобода Ј.В.(32) од Кавадарци. При контрола во сообраќајот било сопрено патничко возило „опел“ со охридски регистарски ознаки, кое го управувал Ј.В., при што било констатирано дека возилото го управувал без положен возачки испит за управување на возило од Б категорија. Тој бил приведен во полициска станица, а возилото било привремено одземено.

На 05.02.2026 околу 09:25 часот на регионален пат во с.Драслајца, струшко, полициски службеници од ОВР Струга сопреле патничко возило „фолксваген голф“ со струшки регистарски ознаки, управувано од Д.С.(32) од с.Корошишта, струшко. Притоа, било констатирано дека го управувал возилото со активна забрана за управување со моторно возило од Б категорија. По добиени насоки на јавен обвинител, возилото и возачките документи се одземени.

По целосно документирање на настаните, против лицата ќе бидат поднесени соодветни пријави.

Видеолотарија Касинос Австрија, како општествено одговорна компанија, континуирано работи на едукација и информирање на играчите за ризиците што може да произлезат од прекумерното учество во игрите на среќа. Нашата цел е јакнење на јавната свест и промовирање одговорно однесување, со јасна порака дека играта треба да остане исклучиво форма на забава.

Преку низа активности за информирање, поддршка и превенција, компанијата воспоставува високи стандарди за одговорно приредување игри на среќа, со особен фокус на намалување на ризикот кај сите играчи, а особено кај ранливите категории.

Под слоганот „Играј одговорно“, во 2019 година беше формиран СОС тимот – прв од ваков вид во земјава. Истата година започна со работа и СОС линијата за поддршка, која нуди телефонско советување на бројот 072 809 809, како и електронска поддршка преку е-пошта. Зад оваа услуга стои тим од стручни психолози и советници, подготвени да понудат помош, насока и доверлив разговор.

Како дел од оваа мрежа за поддршка, Видеолотарија Касинос Австрија отвори и советувалишта во Скопје, Куманово и Прилеп, а во тек се активности за отворање ново советувалиште во Радовиш, со цел услугите да бидат уште подостапни за граѓаните.

Како членка на Европската и Светската асоцијација на лотарии, Видеолотарија Касинос Австрија поседува и сертификат за одговорно приредување игри на среќа, што дополнително ја потврдува нашата посветеност и сериозен пристап кон општествената одговорност.