И оваа година како дел од програмата за празнување на 11 Октомври, среношколците од Прилеп го формираа државното знаме на плоштадот Методија Андонов Ченто во центарот на градот. Глетката секако беше поубава од птичја перспекива, затоа ви пренесуваме преку фотографии како сето тоа изгледаше.

Градоначалникот Ристески оствaри средба со германската амбасадорка во Македонија Кристине Д. Алтхаузер. На средбата амбасадорката беше запознаена со културно – историското наследство на Прилеп, неговата богата историја и со неговиот стопанско-индустриски потенцијал. Разменувајќи си подароци во знак на срдечност и добредојде Градоначалникот Ристески изјави дека соработката со германската амбасада секогаш била на завидно ниво, а таква ќе остане и во иднина.

Најмалку едно момче е претепано вчеравечер во Тетово по мечот меѓу Албанија и Србија во Елбасан, јавува Пресс 24.

Очевидци за порталот тврдат дека поголема група влегла во тетовското кафуле Пина и почнала да го демолира. Гостите почнале да бегаат, а еден од нив се сопнал и паднал во летната бавча, по што бил нападнат од повеќе лица.

На местото пристигнла и полиција, но се уште нема официјала потврда од МВР за овој инцидент.

Денешниот натпревар помеѓу Албанија и Србија во Елбасан заврши со резултат од 0:2 за Србија.

За Србија првиот гол го постигна Александар Коларов во 90 минута, а вториот гол Љајиќ во продолжението, односно во 94 минута.

Од денеска, па сѐ до крајот на продолжениот прзничен викенд, територијата на Македонија ќе биде зафатена од моќен циклон кој доаѓа од Медитеранот, пишува метерологот Славчо Попоски. Името на овој циклон е Димитар.

Овој циклон ќе ни донесе обилни врнежи од дожд над целата територија на Македонија. Ќе има и локална појава на грмежи. Особено обилни врнежи ќе имаме за време на викендот што доаѓа. За време на овој циклон на некои места се очекува да наврне огромна количина воден талог (над 80 литри на квадратни метри).

Повремено ќе дува силен ветер од јужен правец кој се очекува да достигне брзина од преку 60 километри на час. Температурата ќе биде во значително опаѓање и за време на викендот ќе биде за десетина степени пониска од сегашната.

Милиеуконтакт Македонија, во рамки на Проектот на УСАИД за општински стратегии за климатски промени, заедно со локалната партнер организација Центар за граѓанска иницијатива и Општина Прилеп одржаа прва јавна средба на чинители за развој на стратегија за климатски промени на Општина Прилеп. Целта на состанокот е презентација на методологијата на Зелена Агенда за креирање на локални стратегии за климатски промени, како и целокупниот процес на спроведување на проектот и резултатите од спроведената анкета за зачувување на вредностите на општина Прилеп. Во рамките на состанокот се формираа и работни групи составени од граѓани по тематски определби врз основа на претходно избрани вредности, кои ќе работат на развивање на локална стратегија за климатски промени. На средбата присуствуваа директорот на Милиеуконтакт Македонија, г-дин Игор Славкоски, градоначалникот на Општина Прилеп, г-дин Марјан Ристесњки , како и значителен број на заинтересирани општински чинители, вклучувајќи други претставници од општината, граѓани, претставници од локалната партнер организација, како и претставници од локалната бизнис заедница. Проектот на УСАИД за подготовка на општински стратегии за климатски промени, имплементиран од Милиеуконтакт Македонија, до сега успешно се спроведува во осум општини: Пехчево, Теарце, Богданци, Кривогаштани, Маврово/Ростуше, Боговиње, Студеничани и Виница. Оваа година, активностите се проширија на уште две општини, Прилеп и Делчево.

Предмалку пред експозитурата на Стопанска Банка во ПОРТА ВЛАЕ пред “КАМ” маркетот кај кружниот тек во Ѓорче Петров имаше престрелка.

ОВАА Е ТОЧНАТА ЛОКАЦИЈА  markukule.mk ПРВ ДОЗНАВА:

Околу 8 часот во Полициската станица-Прилеп од Медицинскиот Центар Прилеп било пријавено дека кај нив била донесена почината 3-годишна Анета Реџеповска од Прилеп, пишува порталот Прес 24.
Првично докторите се сомневаат дека се работи за труење од храна.

Ќе биде извршен увид.

Горан Кузманоски е еден од плеадата Македонци во ракометот со богата кариера, многу достигнувања и најбитно од се сеуште активен на паркетот, полни противнички голови како на шала. Роден Прилепчанец, настапувал за повеќе клубови во домашната лига, моментално го носи дресот на романски Одорхеи каде е најдобар стрелец на клубот. Горан е еден од низата амбасадори на бившиот ТУТ-КОМ и ни е особено драго што го имаме како сограѓанин.
Горан добредојде на маркукуле.мк. Како започна твојата ракометна бајка, кога активно започна да се бавиш со ракомет и кои се чекори ги изоди за да бидеш таму кај што си сега?

Здраво дечки и ви благодарам на интересот да се позанимавате со мојата ракометна сторија.
Јас потекнувам од ракометно семејство, можеби тоа е причината да од мали нозе започнам да го сакам овој спорт и да ми влези во вените. До душа никогаш точно не знам да одговорам на ова прашање. Да тренирам активно почнав на мои 10 години. Ги поминав сите школи, почнувајќи од пионерската, па кадетска и младинска. На 16 годишна возраст дебитирав за првата екипа на Тутунски Комбинат и од тогаш продолжив да се движам во нагорно ниво.

Кој беше секогаш со тебе, кој ти помагаше и ти беше поткрепа сите тие години на развој и градење на кариера?

Моето семејство пред се секогаш беше тука да ми помогни со совети, да ме предупреди за тоа колку е тежок професионализмот, можеби затоа влегов спремен во сето тоа и во целата таа приказна. Додека пак во интернационалната кариера само самиот на себе можеш да си помогнеш.

На клубски план, каде се настапувал Горан Кузманоски, од кој клуб си најзадоволен од условите и кое е твоето клубско најголемо достигнување?

Имам големо интернационално искуство, меѓутоа имам играно и за македонски клубови, како Вардар каде настапував во Лигата на шампиони, потоа Металург и Пролет. Низ годините во странство собирав искуство и се надоградував. Не беше лесно, за тоа знаат сите што излегле некаде надвор да играат. Меѓутоа поминав убави години. Од сите досегашни клубови најзадоволен сум од овој во кој играм моментално. Тука сум веќе 6 години. Со раководството сум во одлични односи и затоа се трудам колку што можам да помогнам и на наши македонски играчи кои скоро секоја година доаѓаат во клубот. Тука исто така го доживеав и најголемиот успех во кариерата, односно освојувањето на Challenge купот, кога како капитен имав чест да го подигнам пехарот. Таа година бевме тројца Македонци и воедно првите кои можат да се пофалат со такво нешто.

Кој ти дава сила, енергија, од каде потекнува најголемата поддршка за тебе?

Најголемата поддршка ја имам од семејството и пријателите. За да бидеш успешен треба да имаш мотив, јасна цел, самодоверба и позитивни луѓе околу себе. Се трудам да биде така секогаш

Какво мислење имаш за моменталната состојба на ракометот во Македонија и Македонската ракометна лига?

Колку што можам да пратам, искрено ми е криво што многу ракометни центри и градови згаснаа, но што е тука е. Се надевам ќе дојдат подобри времиња. Најмногу го пратам мојот матичен клуб РК Прилеп, на кој сум посебно горд што од година во година се враќа на правиот пат, онака како што беше пред многу години. Драго ми е што уште има луѓе што несебично го сакаат ракометот и направија многу за него.

Горан ти благодариме, горди сме на тебе, ти посакуваме да бидеш во топ форма секогаш и да го пренесуваш целото ракометно богатство со кое располагаш на идните генерации.

Ви благодарам и јас, ги поздравувам читателите на маркукуле.мк и моите Прилепчани.

Подготви: Александар Георгиоски

Голема акција спроведува македонската полиција во моментов. Како што дознава Пресс24 од полцииски извори, приведени се повеќе лица кои се сомничат за серија кривични дела меѓу кои и нелегална трговија со дрога и оружје, лихварство, изнуди и криумчарење мигранти. Нашите извори велат дека постојат сомненија дека групата соработувала со одредени судии во еден од судовите низ Македонија.

Од МВР за Пресс24 потврдуваат дека се спроведува голема акција, но не откриваат повеќе детали бидејќи е сеуште во тек.