Кандидатури за градоначалници, независна или поддржани од политичките партии и коалиции, како и 11 кандидатски советнички листи се пристигнати во предвидениот рок во Општинската изборна комисија во Прилеп.

Четворица од кандидатите за градоначалници кои се поддржани од група избирачи се:

– Љупчо Дунимаглоски

– Ѓорѓија Игески

– Борче Чупетрески

– Павлинче Матеска

Од политичките партии и коалиции во ОИК пристигнати се следните кандидатури за градоначалници:

– Петра Лукареска (Коалиција за локални избори 2025 г. предводена од СДСМ

– Владимир Ѓорѓиоски (Македонска Ера Трета/Македонски Независни Листи-Суверенисти- За Локални Избори 2025 на територија на Северна Македонија

– Дејан Проданоски (Коалиција ТВОЈА МАКЕДОНИЈА – предводена од ВМРО-ДПМНЕ (ВМРО – Демократска партија за македонско национално единство), Локални избори 2025

– Жарко Бошкоски (ИСКУСТВО ЗА УСПЕХ – Либерално – демократската партија, Граѓанската опција за Македонија, Интегра – Македонска конзервативна партија и Партија за целосна еманципација на ромите од Република Северна Македонија, за Локални избори 2025 г. за територијата на РСМ

– Јасминка Стојковска (Политичка партија ДЕМОКРАТИ Скопје За изборна кампања за локални избори 2025 година за Избори за членови на советите на општините низ цела територија на Македонија и советот на Град Скопје и за градоначалник на општините низ цела територија на Македонија и градоначалник на Град Скопје

Кандидатски листи за советници Општина Прилеп и носителите на листи:

– Група избирачки – Ванчо Спиркоски

– Политичка партија Левица – Методија Костоски

– Група избирачи – Иле Бачанов

– Група избирачи – Страшо Наумоски

– Коалиција за локални избори 2025 г. предводена од СДСМ – Драгица Николоска

– Македонска Ера Трета – независна листа – Никола Трајкоски

– Политичка партија Единствена Македонија – Милан Јовчески

– Движење ЗНАМ – За наша Македонија – Мирјана Стеваноска

– Коалиција Твоја Македонија предводена од ВМРО ДПМНЕ – Билјана Кржеска

– Македонска акција МААК Сопиште – Давид Станкоски

– ИСКУСТВО ЗА УСПЕХ – Либерално – демократската партија, Граѓанската опција за Македонија, Интегра – Македонска конзервативна партија и Партија за целосна еманципација на ромите од Република Северна Македонија, за Локални избори 2025 г. за територијата на РСМ – Васе Стефаноска

-На 14.09.2025 во 17:25 часот во трговски комплекс на ул.„Климент Охридски“ во Битола, во заедничка и координирана акција на Основното јавно обвинителство Битола и на СВР Битола, од слобода е лишен Д.Г.(42) од Битола поради сомнение за извршено кривично дело „изнуда” казниво по член 258 од Кривичниот законик.

Тој се сомничи дека во текот на 2024 и на 2025 година во повеќе наврати со закани барал пари од лице од Битола за различни услуги и потреби. По преземени мерки и активности, тој е затекнат при примање на пари од лицето, по што е лишен од слобода и приведен. По целосно документирање на настанот, против него ќе биде поднесена соодветна кривична пријава.

По четири одиграни кола во Втората фудбалска лига, прилепските екипи на Победа и Големо Коњари се на самото дно на табелата. Победа досега се избори само за бод, а Големо Коњари е без освоени бодови, со гол разлика 2-22.

Викендов Победа го дочека Охрид, и иако поведоа со 2:0 со головите на Андреј Петрески во 9. и на Давид Дебрешлиоски во 13. минута, црвено-белите одново беа поразени.

Охрид стигна до голем пресврт на стадионот “Гоце Делчев” во Прилеп. Во првиот дел охриѓани намалија на 2:1, а пресвртот го најавија со израмнување во 76. минута, за 6 минути пред крајот на регуларните 90 минути, Иван Глигоров ги постави конечните 2:3.

Големо Коњари пак викендов гостуваше кај Шкенија од Арачиново, каде екипата од прилепско одново беше високо поразена со 4:0.

Во наредното коло Победа гостува кај Скопје, а Големо Коњари ќе се надева на бодови против Осогово на домашен терен.

ПР текст

Септемвриски уписи започнаа! Време е Вашето дете да го започне новиот ученички и креативен пат со Бреинобреин – место каде што талентите растат, учат и блескаат! Добредојдени се сите деца од 4 до 14 годишна возраст на нашиот БЕСПЛАТЕН демо час!

Зошто да го изберете БРЕИНОБРЕИН за Вашето дете?

-Можност да се стекне со меѓународни сертификати

-Изучување на Ментална аритметика / абакус – забавно и брзо сметање, развива концентрација и меморија.

-Единствено кај нас е застапено Невролингвистичко програмирање (НЛП) за деца – техники за самодоверба, позитивен став и комуникациски вештини.

-Совладување програми за личен развој – поттикнување на креативност, лидерство и критичко размислување.

Билингвална програма – изучување на англиски јазик

Вашето дете ќе добие:

-Подобрена концентрација, меморија и аналитички способности

-Зголемена самодоверба и позитивен став

-Лидерски и комуникациски вештини

-Способност за брзо и самоуверено носење одлуки

-Баланс помеѓу когнитивните и емоционалните вештини

Меѓународен сертификат

Со огромно задоволство ви споделуваме дека оваа година Бреинобреин слави 15 години успех во Македонија – 15 години исполнети со радост, посветеност и илјадници деца кои преку нашата програма станале посамоуверени, покреативни и поуспешни!

Оваа година со гордост го одбележавме и 8-миот Национален Бреинобреин натпревар, каде што учениците од Прилеп во конкуренција со деца од цела држава ги постигнаа следните резултати:

1 трофеј – прво место

3 златни медали

4 сребрени медали

Овие успеси се доказ дека Бреинобреин Прилеп ги води децата до извонредни резултати. Не пропуштајте – септемвриските уписи за демо часот се во тек!

Дозволете му на вашето дете да биде дел од глобално призната програма и да се развива на вистински начин!

Уписи за бесплатен демо час на линкот: https://brainobrain.com.mk/contact-us/ или на телефонскиот број: 075504509 Ве очекуваме!

Фабриката за најдобра брза храна во градот – BURGER BOOM, има фантастични новитети, вкусови кои никого нема да остават рамнодушен.

Во новата катна гаража во Прилеп, каде во моментов се прават најдобрите бургери, сендвичи, пици, гиро… BURGER BOOM од денеска ве кани да ги испробате нивните пастрмајлии – со пилешко и свинско месо.

Младите дечки во BURGER BOOM стигнаа до продукт кој ќе ве воодушеви колку е добар, нешто што досега го нема никаде во Прилеп.

Приготвени од екстра квалитетни состојки, со совршен вкус и неодолив мирис… едно гастрономско уживање на кое ќе се сладат не само прилепчани, туку и сите гости во градот под Марковите Кули.

Покрај пастрмајлија, од денеска во BURGER BOOM можете да уживате и во маестрално приготвени порции со пилешки крилца. Крцкави и сочни, со одличен сос во прилог, комбинација што одлично ќе се вклопи како добро мезе на секоја маса.

Ако за кратко време почна да ги бие само добар глас за храната која ја нудат, треба да им се верува и да се испробаат уште денеска и овие новитети. Ние уживавме во секој залак, а веруваме дека ќе ве освојат и вас.

Дојдете и проверете, или нарачајте на телефонскиот број: 078 786 000

Наздравје!

Екипата на Брегалница новата сезона во Втората фудбалска лига ја започна одлично, а амбицијата на штипската екипа е враќање во фудбалската елита во Македонија следната сезона.

Три триумфи и еден нерешен резултат за 10 бода и пласман на самиот врв на табелата, каде во моментов со исто толку бодови се и: Кожув, Беласица и Шкендија Арачиново.

Инспиратор на одличните игри на Брегланица е искусниот голгетер од Прилеп, Даниел Карчески, кој на последните два натпревари постигна три гола.

Карчески викендов беше прецизен од белата точка во натпреварот против Новаци, кој штипјани го добија со 4:2, а минатата недела два пати прецизно стрелаше против Тетекс, каде Брегалница триумфираше со високи 6:1.

Ако продолжи во овој ритам, Карчески со сигурност ќе биде мотив плус за останатите во тимот и ќе помогне во остварување на зацртаната цел – пласман во Првата лига.

Ракометарите на РК Прилеп стигнаа до првата победа во новата сезона од Супер лигата, откако синоќа на домашен терен го совладаа Куманово.

Во натпревар во кој домаќините имаа предност со 5-6 гола во првото полувреме, прилепчани за малку ќе направеа од готово-вересија во вториот дел.

Во последните неколку минути од натпреварот, Прилеп постојано имаше гол предност, а гостите од Куманово успеваа да израмнат, но во 58. минута, Куманово во два наврати не реализираше во нападот. Тоа ги врати на два гола предност прилепчани, каде синоќа блескаше Димитар Димитриоски постигнувајќи 12 гола од 14 обиди.

Крајниот резултат на семафорот беше 33:32.

Кај Куманово речиси традиционално најдобар беше Бразилецот Да Силва Фернандез, кој постигна 9 гола од 12 обиди.

Осумнаесет кандидати ќе влезат во трката за градоначалник на Скопје на претостојните локални избори доколку Државната изборна комисија (ДИК) ги потврди нивните кандидатски листи.

Рокот за поднесување кандидатури истече на 13 септември на полноќ. ДИК соопшти дека до завршување на рокот за поднесување на кандидатски листи за градоначалници и совети на 80 општини и на Градот Скопје, до општинските изборни комисии се поднесени вкупно 312 листи на кандидати за градоначалници и 575 листи на кандидати за советници на општините и Градот Скопје. Во оваа бројка се вклучени листите на кандидати од политички партии и листите поднесени од група избирачи.

Најголем број на кандидатски листи за градоначалници и совети е поднесено за Градот Скопје односно вкупно 18 листи на кандидати за градоначалник на Град Скопје и 20 листи на кандидати за членови на Советот на Град Скопје.

-Согласно Роковникот за локалните избори 2025 година, ОИК доставува барање до институциите кои ги поседуваат податоците за исполнетост на условите веднаш по приемот на листата односно најдоцна на 14 септември. Откако ќе заврши проверката за исполнетост на условите и ќе заврши процесот на отстранување на евентуални неправилности или пропусти во кандидатските листи, општинските изборни комисии ги доставуваат потврдените листи до Државната изборна комисија за утврдување на редоследот во единствената листа на кандидати, веднаш по потврдувањето на листата односно најдоцна на 20 септември 2025 година, појаснуваат од ДИК.

По завршување на процесот на проверка на документацијата и исполнетоста на законските услови и потврдување од страна на ОИК, ДИК ќе ги објави сите потврдени листи по општини кои ќе учествуваат на изборите.

Жрепката за утврдување на единствена листа на кандидати ДИК ќе ја одржи најдоцна на 25 септември.

Првиот круг од локалните избори ќе се одржи на 19 октомври 2025, а вториот две недели подоцна, на 2 ноември.

Изборната кампања официјално ќе започне 20 дена пред денот на гласање.

Битола утринава пулсираше во ритамот на трчањето, музиката и забавата. Локацијата кај Саат кулата, беше стартната точка на трите трки кои се одржаа во рамките на 7-мото издание на „Трчај бе“.

Над 1700 учесници од 15 држави, се натпреваруваа во 3 категории: 5.000 метри, 10.000 метри и полумаратон во должина од 21.000 метри. Трките се одржаа согласно правилата на Меѓународното здружение на атлетски сојузи и Атлетската федерација на Македонија, а полумаратонското државно првенство под покровителство на Атлетската Федерација на Македонија.

По завршувањето на сите три трки, беа доделени награди за најдобрите. Градоначалникот на општина Битола Тони Коњановски, ги додели наградите за најдобрите во полумаратонските трки во машка и во женска конкуренција и им посака на победниците и натаму да го негуваат спортскиот дух и да освојуваат уште повеќе награди.

„Трчај бе“, во изминатите 7 години, прерасна во манифестација која освен трчањето, го спои заедништвото низ многу генерации љубители на спортот.

Жири-комисијата на 33. издание на Меѓународниот фестивал на камерен театар „Ристо Шишков“ во состав: Лео Долорес Поповиќ, актер, како претседател на жири-комисијата, Анастас Попдимитров, актер и режисер и Иван Додовски, универзитетски професор и драмски автор, одгледа 12 претстави селектирани во конкуренција за единствената награда за највисоко актерско остварување што го носи името на големиот македонски актер Ристо Шишков, како и за специјалната награда. Истата за најдобра претстава на Фестивалот, е доделена на „Ричард Трети“ од Вилијам Шекспир, во адаптација и режија на Мартин Мирчевски, во изведба на Народниот театар од Битола.

Главните прашања во оваа претстава се: Зошто имаме потреба да се самоуништуваме ние како вид? Зошто ние како луѓе имаме толку самоуништувачки нагон, сопствениот вид да го сотреме, дали постои некаде во природата некое друго суштество што толку има потреба себеси да се самоуништи? Ние всушност не живееме, ние преживуваме.Треба да се запрашаме колку се гледа некоја хуманистичка перспектива меѓу луѓето, дали гледаме само за себеси, дали нешто не интересира од нашиот тесен круг, дали само ние ако сме среќни, а другите околу нас не се, дали сме ние потполно среќни.Јас мислам дека не сме.Затоа што на тој начин не ја делиме нашата среќа со другите. Претставата се занимава со лицемерието, полтронството и пренесува порака дека мора да направиме некаков чекор, да се бориме за својата слобода, потполна слобода како луѓе да одлучуваме. Треба да размислиме дали таа темна и светла страна во нас е вродена или се учи во текот на животот.

Во претставата играат: Мартин Мирчевски, Илина Чоревска, Маја Андоновска-Илијевски, Викторија Степановска-Јанкуловска, Марија Стефановска, Александар Стефановски, Филип Мирчевски, Кристијан Танчевски. Преводот го направи Драги Михајловски, адаптација и режија Мартин Мирчевски, сценографијата е на Валентин Светозарев, костимографија Андреј Ѓоргиевски – Папаз.

Престижната награда за највисоко актерско остварување „Ристо Шишков“ и’ е доделена на Биљана Драгиќевиќ Пројковска за улогата на Корин Фел во претставата „Гидеоновиот јазол“ од Џона Адамс, во изведба на Драмски театар од Скопје.