На 05.08.2024 во 15.00 часот во ОВР Прилеп било пријавено дека на излезот од Прилеп кон Битола, се случила сообраќајна несреќа помеѓу патничко моторно возило „фолксваген голф” со крушевски регистарски ознаки, управувано од Џ.З.(29) од с.Борино, крушевско, патничко моторно возило „ауди” со битолски регистарски ознаки, управувано од В.К.(44) од Битола, патничко моторно возило „мерцедес” со словенечки регистарски ознаки, управувано од В.Б.(49) од Република Словенија и патничко моторно возило „бмв” со велешки регистарски ознаки, управувано од С.М.(18) од Велес.

Во несреќата со тешки телесни повреди се здобил Џ.З., констатирани во Градска болница Прилеп. Увид извршила увидна екипа на ОВР Прилеп – информираат од СВР Битола.

По повод славата на прилепскиот храм посветен на Св. Петка Римјанка денеска (среда), со почеток во 18:00 часот ќе биде отслужена вечерна богослужба со која ќе чиноначалствува викарниот архиереј на Преспанско-пелагониската епархија, епископот Велички г. Никола а во четврток со Божествената Архиерејска Литургија ќе чиноначалствува Неговото Високопреосвештенство Митрополитот Преспанско-пелагониски и администратор Австралиско-новозеландски г. Петар.

Ги покануваме прилепчани да дојдат и да земат активно учество во богослужбеното чествување на споменот на св. Петка Римјанка.
Нека е на помош и за многу години!

Во Прилеп се одржа едукативна средба околу обврските на граѓните кои произлегуваат од Законот за регистрирање на готовинските плаќања

Физичките лица кои во летниот период кога се случуваат помасовни забавни манифестации од типот и на престојниот Фестивал на пивото, и на отворено продаваат крофни, палачинки, пуканки, кафе и слични производи, се должни да поднесат барање за плаќање на паушален данок на личен доход до УЈП од времен карактер – објави “АЛФА ТВ”.

Ова важи и за оние граѓани кои издаваат под закуп станбени простории, соби, апартмани, викендици, вили, предупредуваат од УЈП и додаваат дека само така ќе можело да се стави законски ред при готовинските плаќања, а со цел да се избегнат злопупотребите на сметка на џебот на граѓаните.

„Даночните обврзници се добро информирани околу Законот за регистрација на готовинските плаќања, сепак, ние сме тука, пред вакви манифестации како „Бир фест“ или популарно „Пивофест“ во Прилеп кои се од забавен карактер и се организраат на отворен простор – плоштади и тогаш се издаваат и штандови на правни и физички лица кои што треба да испочитуваат одредени законски норми, односно да го регистрираат готовинскиот промет на фискален апарат, задолжително да издаваат фискални сметки“, – објаснува Денис Батаклиев, управник на Регионалната дирекција на УЈП, Прилеп.

Граѓаните опфатени со овие законски мерки, а помеѓу нив и локалните угостители, велат дека немаат проблем со постоечките законски одредби, бидејќи со години работеле според тие правила. Но, бараат поеднаставување на административната постапка која им одземала премногу време, а за настан кој трае само три-четири дена.

„Баравме и порано, да се воведе паушал за да биде за сите едноставно. Кој може нека си пресмета како има средства, да си плати и да биде поедноставно, зашто многу е краток периодот, а многу се големи трчањата по институциите за да се оствари сето тоа“, – рече Јордан Момироски, претседател на Здружението на угостители од Прилеп.

Организаторите на оваа едукативна средба велат дека не очекуваат проблеми во смисла на непочитување на предвидените законски обврски, но сепак, укажуваат дека евентуалното непочитување, повлекува и соодветни казнени одредби, кои се парични и со времени забрани за вршење на дејноста.

Каролина Дурло

Кога ќе се спомене Пекара ЏУЛИЈАНО од Прилеп, постои само еден синоним, а тоа е МАЈСТОРИ НА СВОЈОТ ЗАНАЕТ.

Три генерации во изминатите 50 години ја градат оваа успешна приказна и традиција, а за својот еснафлук и квалитет се пофалени без исклучок од сите.

Она што го започна Милан пред 5 децении, го продолжи синот Пеце, а неговите синови Давид и Милан се третата генерација пекари во семејството Дамески, кои продолжуваат да бележат успеси и да го прошируваат и унапредуваат бизнисот.

Умешноста им е во генот, па токму затоа пекарските тајни многу лесно ги пренесуваат од колено на колено, а продуктите се исти како од првиот ден.

Ако ги прашате прилепчани тие ќе ви речат дека во ЏУЛИЈАНО секогаш се’ е тазе и вкусно. Понудата на производи постојано ја надополнуваат со новитети, а за бурек им нема рамен. Во нивните продажни места во секое време ќе пронајдете превкусни бели печива, киснати кроасани, благи и солени, пици, зелници, крофни по германски рецепт, переци со биено сирење, варени гевреци, и еден куп други мајстории, како работата со тесто да им е игра. Најважно од се’, секој производ секогаш е приготвен со посебна љубов и внимание.

А сега семејсвото Дамески на прилепчани и сите посетители на градот под Марковите Кули, ќе им понудат нешто специјално, нешто што ќе биде вистински врв на нивната напорна работа во изминатите 5 децении. Во срцето на Прилеп, отспротива на новата општинска зграда, веќе од утре (07.08), со работа почнува новиот млечен ресторан “ЏУЛИЈАНО”. Eдно перфектно уредено место, каде муштериите на раат и во еден прекрасен амбиент ќе можат да уживаат во дегустацијата на нивните специјалитети.

Се работи за објект на два ката, внатре се е подредено, ново и чисто како во аптека… Со еден збор за МЕРАК!

Дамески се горди на своето дело, а како луѓе кои важат за општествено одговорни кон заедницата во која работат и создаваат, целиот промет од првиот работен ден ќе го донираат на социјално загрозени семејства, или на семејства на кои им се потребни пари за лекување и слично.

Во текот на целиот утрешен ден, производите ќе бидат со промотивни цени, а бурекот ќе се продава со гратис јогурт за секоја купена четвртина.

Нам ни останува да им посакаме среќа и успех, а вам ви препорачуваме уште утре да ги посетите и да им дозволите да се погрижат за еден од вашите дневни оброци.

Честитки и аирлија работа!

Денеска остварив работна средба со Марјан Ристески, претседател на Конфедерацијата на Синдикални Организации на Македонија (КСОМ), каде дискутиравме на повеќе актуелни теми околу правата на работниците во Македонија и социјалниот дијалог кои се реализира преку Економско социјалниот совет – напиша на ФБ заменик министерот за економија и труд, Марјан Ристески, по средбата со првиот човек на КСОМ, кој исто така се вика Марјан Ристески.

-Катастрофалната состојба со буџетот на Република Македонија, руинираните институции, корупцијата и нетранспарентното работење се само дел од работите кој ги наследивме од нашите претходници и е нешто што ќе мора да се надмине.

Одличната соработка со синдикатите е врвен приоритет за министерството за економија и труд и средбите со претставниците на сите синдикатите ќе продолжат во наредниот период – напиша заменик министерот на ФБ.

На 04.08.2024 во 12.47 часот во СВР Битола било пријавено дека во соба во хотел во Битола бил пронајден починат И.Н.(70) од Битола, со живеалиште во САД.

Увид извршила екипа од СВР Битола, а лекар од Итна медицинска помош констатирал смрт без траги на насилство.

-Поради најавениот Фестивал на пивото и скарата насловен како Prilep Beer Weekend, булеварот “Гоце Делчев ќе биде забранет за движење на сите возила.

Последно тргнување на автобусите ќе биди во 15.30 часот од х.Салида односно Н.Гробишта – стои во соопштението од ЈП за ПУП Прилеп.

Родум од градот Тир, ќерка на царскиот намесник Урбан, идолопоклоничка. Не се знае од кои причини родителите ? го имаа дадено името Христина, но тоа ја криеше во себе тајната на нејзиното идно одење по Христа. До својата единаесетта година не знаеше за Христа ништо. А кога наполни единаесет години, нејзиниот татко, со цел до полната возраст да ја скрие од светот заради нејзината вонредна убавина, ? го одреди највисокиот кат од една висока кула и ја всели да живее таму. И ги устрои сите удобности за живот, И даде робинки да ја служат, постави во нејзините одаи сребрени и златни идоли за секојдневно да им принесува жртви. Но на таа млада душа ? беше тегобно во онаа идолопоклоничка средина.

Гледајќи ги низ прозорецот дење сонцето и сите убавини на светот, а ноќе чудесното блескање на ѕвездите, таа по својот природен разум дојде до цврстата вера во едниот жив Бог. Милостивиот Бог, Којшто го виде нејзиниот копнеж по вистината, и испрати ангел кој ја прекрсти со крсниот знак, ја нарече невеста Христова и наполно ја поучи во богопознанието. Тогаш Христина ги искрши сите идоли по нејзините одаи и така предизвика ѕверска јарост кај татко ? . Тој ја изведе на суд, ја предаде на маки, а потоа ја фрли во затвор, со намера утредента да ја убие со меч.

Но таа ноќ Урбан здрав како дрен ја испушти душата и отиде во гроб пред ќерка му. Потоа двајцата намесници Дион и Јулијан го продолжија истизавањето на Светата девица. Храброста во трпењето и чудата што ги изврши Христина со силата Божја обратија мнозина тирски незнабожци во христијанство. За време на нејзиното мачење Дион одеднаш падна мртов сред народот.

Неговиот наследник Јулијан ? ги отсече градите и јазикот. Маченичката го зеде својот јазик и му го фрли на Јулијан во очи, од што тој одеднаш ослепе. Најпосле нејзините маки за Христа завршија со смрт под остар меч, а нејзиниот живот се продолжи во бесмртното ангелско царство. Света Христина пострада чесно во 3 век.

На 05.08.2024 во 12.55 часот во Прилеп, полициски службеници од ОВР Прилеп ја привеле Ј.Ч.(37) од Прилеп.

Таа била барана по централна потерница врз основа на наредба од Основен суд Прилеп за издржување казна затвор од три години за сторено кривично дело „измама“ по член 247 од Кривичниот законик.

Лицето било спроведено во Казнено – поправната установа Затвор Идризово за издржување на казната – информираат од СВР Битола.

За кратко време исчезнато уште едно возрасно лице во Прилеп. На социјалните мрежи од синоќа се споделува информација за исчезнат возрасен маж, кој за кого од семејството информираат дека е со бела коса и бела брада, а на себе носи маица во сива боја со кратки ракави, влечки и кремови долги фармерки.

Според информацијата, лицето последно било видено вчера.

Семејството бара помош и замолува секој кој ќе го забележи лицето да ги контактира на телефонските броеви: 079 213 – 053 или 076 995 586.

Пред извесно време за исчезнат беше пријавен и Т.J, кој потоа успешно беше пронајден жив и во добра здравствена состојба.