Автобусите на Јавниот Градски Превоз ќе имаат редуциран возен ред на сите линии за време на Новогодишните и Божиќните Празници, и тоа по следниов редослед:

31.12 – Од 6.30 ч до 15.30 ч сите три линии
01.01 – Неработен ден
02.01 – Од 6.30 ч до 15.30 ч сите три линии
03.01 – Од 6.30 ч до 15.30 ч сите три линии
04.01 – Неделна (вонредна) линија на еден саат од 6.30 ч(х.Салида) до 12.30 ч од (Н.Гробишта
05.01 – Од 6.30 ч до 17.30 ч последно тргнување од почетни постојки сите три линии
06.01 – Неделна (вонредна) линија на еден саат од 6.30 ч(х.Салида) до 12.30 ч од (Н.Гробишта)
07.01 – Неделна (вонредна) линија од 6.30 ч(х.Салида) до 13.30 ч од (Н.Гробишта) со зголемен број автобуси
08.01 – Полно работно време од 6.30 ч до 19.30 ч.

Инвестираме 21 милион евра за набавка на пет нови електрични локомотиви кои ќе бидат од суштинско значење за зголемување на карго-транспортот, истакна вицепремиерот и министер за транспорт Александар Николоски, кој денеска заедно со министерката за финансии Гордана Димитриеска Кочоска и директотот на МЖ Транспорт, Дејан Кошутиќ го потпишаа Договорот за заем од ЕБРД за набавка на нови електрични локомотиви.

Со новата флота од пет локомотиви и постојните четири кои се понови, ќе располагаме со девет модерни локомотиви кои ќе можат целосно да го покријат карго-превозот, а дел од нив да се користат и во патничкиот сообраќај, изјави Николоски.

Во продолжение интегралното обраќање на вицепремиерот Николоски.

“Навистина ми е драго што денес имаме можност да го заокружиме еден исклучително важен процес кој ќе значи набавка на најмалку пет нови електрични локомотиви, заедно со пропратни резервни делови. Ова е навистина голем чекор напред за Железници за транспорт и во делот на карго-превозот и во патничкиот сообраќај.

Сите се сеќаваме дека минатата година, во моментот на формирање на Владата, состојбата беше исклучително тешка. Имавме нула оперативни локомотиви, практично железничкиот транспорт беше парализиран, а бројни композиции стоеја на македонските пруги бидејќи немаше со што да се оперира.
Со интензивна работа и со поддршка од претседателот на Владата, успеавме во текот на минатата година да ставиме во функција пет локомотиви, а денес веќе имаме над 11 функционални локомотиви. Со тоа целосно се менува сликата за железничкиот транспорт во државата.

Во таа насока, набавката на овие пет нови електрични локомотиви ќе има суштинско значење за зголемување на карго транспортот. Од постојните 11 локомотиви, четири се понови, а седум се постари. Со новата флота од пет локомотиви и постојните четири понови, ќе располагаме со девет модерни локомотиви кои ќе можат целосно да го покријат карго превозот, а дел од нив да се користат и во патничкиот сообраќај.

Ова е особено важно за Коридорот 10, кој треба да бележи раст во наредните години, како и за Коридорот 8, кој во моментов интензивно го развиваме преку значајни инвестиции во железничката инфраструктура.
Истовремено, оваа инвестиција е дел и од пошироката визија за Скопје, подобрување на квалитетот на воздухот преку воведување на градскиот воз. Во моментов се работи на една од трите линии во делот на инфраструктурата, а во следните две години ќе се работи и на преостанатите две. Кога целиот проект ќе биде завршен, по тие линии ќе сообраќаат исклучиво електрични возови, со јасна цел, целосно да се елиминира употребата на дизел локомотиви и дизел возови во главниот град и да се придонесе за подобар квалитет на воздухот.

Сега влегуваме во потешкиот, но клучен дел, успешно спроведување на набавката. Се надевам дека до март, во соработка со ЕБРД, ќе успееме да го објавиме повикот и потоа успешно да ја реализираме испораката на новите локомотиви” , се обрати Николоски.

-На 29.12.2025 во 16:35 часот во Крушево, полициски службеници од ОВР Крушево го лишија од слобода П.Р.(50) од Крушево. При претрес во неговиот дом, извршен со судска наредба од Основен суд Прилеп, се пронајдени и одземени 819 парчиња разновидни пиротехнички средства. По целосно документирање на случајот ќе следува соодветна пријава, информираат од МВР.

На вчерашната седница на Советот на Општина Битола на која се носеше Буџетот за 2026 година, градоначалникот на Битола, Тони Коњановски информираше за проектите кои се во тек и кои ќе отпочнат во годината пред нас.

Тригодишната развојна програма со измените изнесува 1.845.013.734,00 денари.

„53 реконструкции на коловози (улици и локални патишта ) во градот и во населените места на општина Битола, како и изградба на 6 паркинг простори.

Нови паркинзи ќе има кај „Овчи Пазар“, кај „Ат пазар“, комплексот болници, на улицата „Браќа Џаферови“, позади зградата позната како „Кифлата“, на просторот кај местото викано кај „Хеликоптерот“.

Во делот на спортот и рекреацијата, се вбројува подготовката на проектна документација за мултифункционалниот спортски комплекс, изградба на атлетска патека и борилиште на стадионот „Петар Милошевски“, тука се наоѓа и изработката на физибилити студија за изгрaдба на гондола, изградба на центар за спорт и рекреативни активности.

Во делот на јавното осветлување за улицата „Довлеџик“ преостанатиот дел од страната на влезот од Охрид, потоа улицата „8-ми септември“ влезот од страната на Прилеп. На улиците „Никола Тесла“, „11-ти март“ и „Панде Николов“, во АРМ четврт 1, улично осветлување кај комплекс болници и на уште пет други улици.
Со оваа развојна програма продолжува и изградбата на детска градинка во АРМ, како и доизградбата на противпожарната зграда, капитални проекти кои бараат подолг рок за реализација, но на кои сме целосно посветени, за што побрзо завршување.

Ќе работиме и на изградба и реконструкција на системи за одведување и прочистување на отпадни води на 25 локации, потоа изградба и реконструкција на систем за водоснабдување исто така на 25 локации.
Во делот на сообраќајната сигнализација ќе се реализира поставување на семафори на пешачките премини кај „Камен мост“ и „Епинал“ и поставување на хидраулични столбчиња во Старата чаршија.

Во капиталните расходи за основното образование, продолжуваме со нашата визија за подобри услови за учениците, поради што претстои комплетирање на проектите: Реконструкција на објектот на спортската сала во Бистрица и изградба на три типски училишни спортски сали во ОУ „Стив Наумов“, подрачното училиште во Долно Оризари и во ОУ „Тодор Ангелевски“.

На почетокот на следната календарска година ќе започне изградбата на 6 спортски игралишта во училиштата „Гоце Делчев“, „Даме Груев“, „Коле Канински“, училиштето во Раштани, во „Гоце Делчев“ (поранешното турско училиште), во „Тодор Ангелевски“, како и реконструкцијата на 3 спортските игралишта во „Климент Охридски“, „Трифун Пановски“, „Ѓорги Сугарев“.

Секако, има уште многу проекти кои се во тек на реализација, како што се улици кои тековно се работат, но и капитални проекти од типот на новиот ГУП кој очекувам многу скоро да биде донесен“, информираше градоначалникот Коњановски.

Општина Битола одлучи да нема огномет на прославата на дочекот на Новата година.

Со ова Општина Битола се приклучува кон другите општини кои исто така одлучиле на прославите за дочекот на новата година да нема огномети и заради барањата на поедини здруженија на граѓани.

Организираниот дочек како и изминатите години ќе биде на платото на Офицерскиот дом, каде ќе има музичка програма која е дел од „Зимската приказна“.

На последниот ден од годината дневната програма ќе започне во 11:00 часот на платото на Офицерскиот дом, а од 12 :00 часот во Старата чаршија.

Вечерната програма пред Офицерскиот дом ќе биде од 20:30. На почеток забава со Борче Наумовски, потоа „Кабаре за раѓањето и вечноста“, „Баркод бенд“ и од 23:00 до 1:00 часот по полноќ со групата „Нокаут“.

Во пресрет на најубавите Новогодишни и Божиќни празници, ве покануваме да ја посетите продавницата BABY BOOM, сместена во срцето на Старата прилепска чаршија, на познатата цветна улица, и да ги подновите вашите најмили со убава, модерна и квалитетна детска облека.

Нивната најнова колекција е создадена со посебна љубов за празничните моменти – облека што зрачи со стил, а истовремено нуди удобност, топлина и нежност за секое детско движење и насмевка.

Во BABY BOOM ќе најдете внимателно одбрани модели за бебиња, мали момчиња и девојчиња:

✨ нежни бодиња и комбинезони,
✨ модерни блузички и панталончиња,
✨ топли јакни и палтенца,
✨ елегантни фустанчиња за празнични прослави,
✨ како и слатки аксесоари – капчиња, шалчиња и ракавички кои гушкаат во студените денови.

Секое парче е изработено од висококвалитетни материјали, за вашите деца да бидат и убаво облечени и целосно заштитени во зимските денови.

Дозволете празниците да започнат со стил, топлина и детска радост.

🎁 BABY BOOM – местото каде што празничната магија започнува со најмалите.

Ве очекуваат!

АД МЕПСО – Скопје ја известува стручната јавност дека реконструираниот 110 kV далековод бр. 109 на релација ТС Битола 1 – ТС Прилеп 1 е успешно пуштен под напон и ставен во пробна работа.

Реконструкцијата е извршена на постојната траса на далеководот, при што постојниот 110 kV далековод со армирано-бетонски столбови, изграден пред повеќе од 50 години, е целосно демонтиран и заменет со нов далековод со челично-решеткасти столбови. Новоизградениот далековод има вкупна должина од 33,5 km и е составен од 125 челични столбови.

Во рамки на проектот е извршена целосна замена и монтажа на нова проводна и изолациона опрема, вклучително фазни проводници, заштитно јаже, изолатори и придружна опрема, со што е обезбеден зголемен преносен капацитет на далеководот и подобрени електрични и механички карактеристики во однос на претходната состојба. Зголемениот преносен капацитет придонесува за подобрување на сигурноста, стабилноста и оперативната флексибилност на електропреносната мрежа во регионот.

Проектот е реализиран во рамки на Lot 1 – „Реконструкција на 110 kV далековод ТС Битола 1 – ТС Прилеп 1“, финансиран преку заем од Европската банка за обнова и развој (ЕБОР).

Градежните, електромонтажните и електроенергетските работи се изведуваа во периодот од 2023 до 2025 година. Изведувач на работите беше конзорциумот предводен од JV CA Dalekovod – Загреб, кој ги реализираше активностите согласно договорните услови и важечките технички стандарди. По завршувањето на работите беа спроведени сите предвидени технички испитувања и проверки, по што далеководот е пуштен под напон и ставен во пробна работа.

Со реализацијата на овој проект, АД МЕПСО продолжува со системска модернизација и зајакнување на електропреносната инфраструктура, со цел зголемување на сигурноста во снабдувањето со електрична енергија и унапредување на стабилноста и капацитетот на преносната мрежа.

Естрадниот пејач од Прилеп, Оливер Лозаноски, преку несебична донација од новогодишни пакетчиња, денеска ги израдува дечињата од посебните паралелки во ООУ “Климент Охридски”, гест кои наиде на голем број позитивни реакции.

Децата го пречекаа со прегратки и љубов, а тој повика никогаш да не ги забораваме, особено во овие празнични денови.

-Посебна благодарност упатуваме до приватниот донатор Оливер Лозаноски за неговата предновогодишна посета и вниманието што им го подари на децата со посебни образовни потреби. Вашата донација во вид на новогодишни колетчиња не беше само празничен подарок, туку и искрена порака дека секое дете заслужува радост, внимание и насмевка. Во очите на децата се виде среќата, а во нивните срца се почувствува топлината на човечноста што ја донесовте со себе. Ваквите гестови не се мерат со вредноста на подароците, туку со големината на срцето што стои зад нив. Благодарение на луѓе како Вас, празниците добиваат вистинска смисла, а надежта станува посилна. Ви благодариме што одбравте да бидете дел од нивната радост и што покажавте дека хуманоста живее во малите, но искрени дела – напишаа од училиштето на социјалните мрежи.

-На 28.12.2025 во 11:40 часот на крстосница од ул.„Александар Македонски“ и ул.„Мирче Ацев” во Прилеп, полициски службеници од ОВР Прилеп го лишија од слобода М.Д.(62) од Прилеп, постапувајќи по претходна пријава дека извршил кражба. При преглед во неговото патничко возило „шкода“ со прилепски регистарски ознаки, пронајдени се украдените предмети и вратени на сопственикот. По целосно документирање на случајот ќе следува соодветна пријава – информираат од МВР.

На барање на нашите читатели и стопанственици во општина Прилеп, Маркукуле воведува рубрика ОГЛАСИ. Целта е да се излезе во пресрет на граѓаните, но и на бизнис секторот, угостителите, услужните дејности… кои се во постојана потрага по квалификуван работен кадар, по најдобра промоција и најдобра афирмација.

Нашиот медиум ви стои на располагање за објавување на промотивни статии за сите ПРОМОЦИИ, ПОПУСТИ, АКЦИИ, НОВИТЕТИ… поврзани со вашиот бизнис!

Можност да допрете до сите генерации, до сите потрошувачи, до сите клиенти…

Искористете можност и за огласување за:

-ПРОДАВАЊЕ НА РАЗНИ ДВИЖНИ И НЕДВИЖНИ СТВАРИ

-ОБЈАВУВАЊЕ НА ОГЛАСИ ЗА ВРАБОТУВАЊЕ

Контактирајте не’ на е-mail адресата: [email protected], во порака на нашата Фејсбук ФАН СТРАНА: Maркукуле.мк

или на телефонскиот број: 071 684 973

Тука сме да помогнеме! Побарајте не’ да се договориме! Ваш портал и ваш партнер!