Во четврток 29 септември 2016 во 20.00 часот во ЦК,, Марко Цепенков,, гостува МНТ со претставата ,,ПРЕКИНАТА ОДИСЕЈА,,.

Податоци за претставата:

ПРЕКИНАТА ОДИСЕЈА

Автор – РОБЕРТ УРБАЊСКИ

Режисер – ЈАЦЕК ГЛОМБ

Претставата е копродукциски проект помеѓу НУ Македонски народен театар и театар „Хелена Моджејевска“ од Полска

УЛОГИ ВО ПРВИОТ ДЕЛ:

РАФАЛ ЦЈЕЛУХ – Портирот

ГАБРИЕЛА ФАБЈАН – Вјера, снимател

БАРТОШ БУЛАНДА – Влаѓо, оператор на проектор

АНИТА ПОДЕНДЊАК – Иренка, учителка

ЗУЗА МОТОРЊУК – Јоасја, учителка

МАЛГОЖАТА УРБАЊСКА – Хонората, готвачка

КАТАЖИНА ДВОРАК – Лена, мајка

РОБЕРТ ГУЛАЧИК – Градинарот

БОГДАН ГЖЕШЧАК – Директор на центарот

ПАВЕЛ ВОЛАК – Капетанот

ПАВЕЛ ПАЛЦАТ – Партизанот

МАГДА СКИБА – Партизанката

МАТЕУШ КШИК – Доне

УЛОГИ ВО ВТОРИОТ ДЕЛ:

ВЛАДО ЈОВАНОВСКИ – Вангел

ТРАЈЧЕ ЃОРГИЕВ – Јанушек

ТОМЕ ВИТАНОВ- Ираклис

БОРЧЕ НАЧЕВ – Спиро

САШКА ДИМИТРОВСКА – Донка

БИЛЈАНА ЈОВАНОВСКА – Цвета

СОФИА НАСЕВСКА – ТРИФИНОВСКА – Димитра

СНЕЖАНА КОНЕВСКА – РУСИ – Пламенка

Сценограф: Малгожата Буланда

Композитор: Горан Трајкоски

Камерен состав: Петар Христов, Петар Смилев, Сашко Темелкоски и Славчо Коцев

Кореограф: Александра Кочовска – Начева

Координатори на проектот: Каја Богацка и Деспина Тодоровска

Извршни продуценти: Симона Угриновска и Виктор Рубен

Инспициенти: Јола Начињска и Вукица Александрова

Преведувач од полски јазик и соработник: Григори Поповски

„Прекината одисеја“ е претстава реализирана преку креативна соработка помеѓу полски и македонски уметници заснована на вистинска, но истовремено и необична приказна. Во 1948 година, од подрачја зафатени со брутална граѓанска војна во Грција, од територијата на Егејска Македонија комунистичките партизани евакуираат македонски и грчки деца кои се преплашени, прегладнети и кои страдаат. Поминувајќи тежок пат, еден дел од нив пристигнуваат во Полска. Тука наоѓаат вистински дом. Токму Полска им овозможува да ги лекуваат траумите од војната, им обезбедува образование и животна шанса. Земјата која тукушто се крева од воените разурнувања, изложена и на железната тупаница на сталинизмот, смогнува сили да покаже неверојатен организационен напор и голема доза хумано сочувство. Потсетувањето на тој факт не претставува само историска занимливост. Современиот живот нè става пред слични предизвици – та и денес не е мал бројот жртви од секојдневните војни. Во Европа – област која е неверојатно богата – пристигнуваат сè побројни мигранти кои ги прифаќаат на различен начин. Дали сме способни да им помогнеме – како држави и како единки? Дали ние, располагајќи со неспоредливо поголема моќ и ресурси, умееме да им подадеме рака на оние на кои тоа им е потребно? А ако не, тогаш зошто? Претставата „Прекината одисеја“ ја подготвија искусни творци од Полска и од Македонија, уметници на видните сцени на Театарот „Хелена Моджејевска“ од Легница – кој патува низ цела Полска и по светот со приказни кои го поврзуваат локалниот, близок на публиката дух со универзални пораки, како и на Македонскиот народен театар, еден од театрите со најдинамичен развој во јужна Европа, каде што истакнати режисери презентираат разновиден, амбициозен репертоар.

Времето во Македонија ќе биде сончево, во западните делови со појава на мала облачност. Ќе дува слаб ветер претежно од северен ветер.

Утринската температура ќе се движи од два до 11, а дневната од 20 до 26 степени.

Во Скопје слично време, сончево со мала до умерена облачност и со слаб ветер од северен правец. Утринската температура ќе се спушти до седум, а дневната ќе се искачи до 23 степени.

Следува период на претежно сончево време со свежи утра. Дневната температура ќе биде во пораст, особено од средината на неделата, а за време на следниот викенд на места се очекува да достигне и до 30 степени.

Градоначалникот Марјан Ристески денеска го посети манастирот „Св. Петка“ во населеното место Лениште и на сите првославни христијани им го честита празникот Крстовден. Празникот Воздвижение на чесниот крст, во народот познат како Крстовден, се празнува во чест на наоѓањето на крстот врз кој бил распнат Исус Христос и во чест на неговото враќање од Персија во Ерусалим. Поради неговата чудотворна моќ крстот е наречен и животворен крст.

Локалната акциона група (ЛАГ) Агро Лидер ќе го отвори полигонот за параглајдерство во Рибник, општина Долнени и ќе ги претстави своите активности на полето на промоцијата на Македонија како дестинација за параглајдерство.  Воедно како дел од активностите што ги спроведува за промоција на Македонија како дестинација, ЛАГ Агро Лидер организира 5-дневна посета на  Македонија од списанието за параглајдерство Термик, кое за својата посета ќе објави статија со која ќе се потенцираат убавините на Македонија и одличните природни услови за летање со кои располага земјата.

На настанот ќе се обрати претседателката на Локалната акциона група Агро Лидер, Даниела Цветаноска, градоначалникот на оштина Долнени, Боше Милошески, претставници на Проектот на УСАИД за експанзија на мали бизниси, кој го финансираше опремувањето на теренот, а ќе бидат присутни и странски новинари од најголемото списание за параглајдерство на германски јазик, Термик.

Проектот на УСАИД за експанзија на мали бизниси, кофинансиран од Швајцарската влада, до сега има опремено 4 терени за параглајдерство со метео станици, јарболи за ветер, патокази и информативни табли. Во Крушево, Проектот донираше и вештачка трева за да го модернизира теренот за Европските шампионати во параглајдерство и змајарство кои се одржаа во јули и август оваа година,

ЛАГ Агро Лидер е една од 10-те локални акциони групи регистрирани во Пелагонискиот, Полошкиот, Североисточниот и Вардарскиот регион како дел од подготовките за воведувањето на ЕУ ЛЕАДЕР пристапот во Република Македонија. ЛАГ Агро Лидер работи на територијата на општините Долнени, Крушево и Кривогаштани, а е составен од членови од јавниот, приватниот и граѓанскиот сектор.

Сончево и студено утро имаме и денес во Македонија. Насекаде има претежно сончево време, само во крајните југозападни предели имаме појава на локална облачност.

Во Македонија во утринските часови има услови за појава на слаба магла по котлините и долините на реките, претежно во северните, централните и источните предели. Во текот на денот ќе биде сончево и топло време. Ќе дува доумерен слаб североисточен и северозападен ветер. Утринските температури од 1 до 10 степени, додека пак максималните дневни ќе достигнат до 15 односно до 26 степени. УВ индексот ќе има вредност 5.

Во Скопје во утринските часови услови за појава на слаба магла и студено време, а во текот на денот ќе биде сончево и потопло. Слаб северозападен ветер. Утринската температура од 8 степени, а максималната дневна до 23. УВ индекс 5.

Во наредните денови Македонија ќе биде под влијание на поле на висок воздушен притисок, поради силното влијание на Азорски Антициклон се очекува и продор на топла воздушна маса од југозапад која ќе донесе и повисоки температури кон крајот на неделата.

Во среда и четврток сончево со дневни температури од 16 до 27 степени, односно од 18 до 29 степени. Сончево и потопло време во петок и сабота кога се очекуваат и повисоки утрински и дневни температури.

Утринските температури од 5 до 14 односно од 6 до 15 степени, додека пак максималните ќе се движат од 20 до 31 односно од 21 до 32 степени.

Извор: weather4all.com.mk

На турнирот во мешани боречки вештини во Белград “Теогенес Предизвик”, настапија 3 натпреварувачи од прилепскиот клуб Максам Фајт. Христијан Тасески -67 кг ,Виктор Нестот -73кг и Давид Шапуриќ -93 кг.

“Нашите борци се бореа олдично, беа кондиционо и технички спремни и издвојуваа две победи. Христијан Тасески победи во првата рунда со противник од Краљево. Давид Шапуриќ дебитираше на овој турнир, имаше поискусен и повозрасен противник и успеа да го победи на поени, додека пак Виктор Нестороски се бореше одлично, борбата беше изедначена но поради мала повреда на окото, превентивно, борбата беше прекината и победата му припадна на неговиот противник. Турнирот беше убаво организиран, олдично искуство за нашите борци. Продолжуваме и понатаму со следни активности”, истакнаа од прилепскиот фајтерски клуб.

На Крстовден е добро работодавачите да ги исплатат своите работници. Овој обичај настанал уште одамна бидејќи на тој ден (Крстовден) се исплаќале работниците кои го чувеле полето од Ѓурѓовден (6 мај) до Крстовден (27 септември).

На овој ден не се јаде ништо мрсно дури ни растително масло.

Некои верници на овој ден јадат само леб и грозје.

Вечерта спроти Крстовден од полето се носи грав, пченка, компири, лубеници, грозје . Утрото се оди во црквата каде што се раздава за здравје.

Именден празнуваат: Крсте, Крстинка, Кристина, Христина, Кристијан…

Претседателот на Руската Федерација Владимир Путин, пред се го знаеме како “шеф” на една од најмоќните земји во светот, командант на најголемата нуклеарна сила и поранешен офицер во КГБ. Сепак тој е и многу духовит што се гледа во голем број од неговите јавни настапи.

Секако, голем дел од неговите шеги се болна вистина за многу луѓе, па не им е пријатно да ги слушаат. Од друга страна, тој знае да се пошегува и на своја сметка.

Во ова видео се содржани најдобрите шеги, вицеви и анегдоти кои рускиот претседател јавно ги кажал.

МАРКУКУЛЕ