Натпреварот во рамките од четвртото коло од Лигата на шампионите меѓу Олимпијакос и Динамо Загреб што утре треба да се одигра во Атина, УЕФА го прогласи за натпревар од висок ризик.

За таа цел ангажирани се голем број на полициски сили кои деноноќно патролираат низ градот бидејќи во Атина веќе се пристигнати околу 300 гостински навивачи, но и навивачи на „Делии“ од Белград.

Специјалната полиција веќе уапсила 41 навивач на Црвена Ѕвезда бидејќи добро е познато дека токму „Делии“ се пријателски навивачи со навивачката група „гејт 7“ на Олимпијакос.
Доцна синоќа дел од хрватските навивачи кои се веќе во Атина побарале од таксист да ги пренесе во друг дел од градот, но биле блокирани од неколку моторциклисти кои веднаш почнале физичка пресметка и ги скришиле стаклата од возилото.

Притоа внатре уфрлиле запалени факли, а само среќа ги спасило гостите кои се извлекле од возилото да не бидат живи запалени.

Натпреварот меѓу Олимпијакос и Динамо Загреб е меч од висок ризик, затоа што на трибините според најавите ќе владее хаос. Домашните навивачи ќе добијат поддршка од навивачите на Ц.Ѕвезда, додека гостите кои во Атина се пристигнати околу 300 ќе имаат поддршка од Панатинаикос.

Најмалку 40 лица го загубија животот во нова авионска несреќа на руски авион.

Несреќата се случила во близина на аеродромот во Дужба, главниот град на Јужен Судан.

Станува збор за теретен авион „Антонов“, а меѓу настраданите се 12 членови на екипажот, 20-на патници но животот го загубиле и лица на земја.

Синоќа во салата на НУЦК „Марко Цепенков“ пред бројна публика, на свечената седница беа доделени 3-то Ноемвриските награди за достигнувања. Председателот на советот на Општина Прилеп Г-дин Никола Димески, ја отвори свечената седница, а со поздравен говор се обрати и Градоначалникот на Прилеп Г – дин Марјан Ристески, кој со посебен пиетет ги спомена сите загинати борци, прилепчани најмногу заслужни за ослободувањето на градот од фашистичката окупација.

Наградите – дипломи по повод 3-ти Ноември – Денот на ослободувањето на Прилеп, им беа доделени на: Неждет Мустафа Министер без ресор во Владата на Република Македонија-Национален координатор на декадата на Ромите 2005-2015, Петар Јованоски-Калинче (бербер) за придонес во развојот и зачувување на занаетчиството во Прилеп, Лилјана Ѓорѓиоска – активист и ентузијаст во здружението „Преродба“, Димко Спиркоски – прв професионален пилот и промотор на воздухопловните дисциплини во Прилеп, Благоја Костоски – Чакра за долгогодишна активност во планинарското спортско здружение „Козјак“, Методија Ѓуроски (Клучар Цако) за придонес во развојот и зачувување на занаетчиството во Прилеп.

Наградата за животно дело – по повод З-ти Ноември – Денот на ослободувањето на Прилеп  му беше врачена на: Виолета Блажеска и Богдан Грабулоски за 40 години уметничко творештво и развој на ликовната уметност во градот.

[Best_Wordpress_Gallery id=”68″ gal_title=”Доделени 3-то Ноемвриските награди”]

Украинскиот блогер Максим Волох кој ликуваше и се подбиваше со жртвите на урнатиот руски авион А321 над Синајскиот полуостров, е убиен во неговиот стан во Киев, соопштии uralpolit.ru.

Според првични информации непознатите сторители ја искршиле вратата, влегле во домот на Волох и повеќе пати го проболе со нож, по што тој починал на самото место . Официјално украинските истражители не ја коментираат случката.

Потсетуваме дека овие денови на социјалните мрежи се појави видео во кое Волох отворено изразува радоста од трагедијата со невините патници на Ербас А321.

Во 20-минутниот клип блогерот со изобилство од непристојни изрази изразува радоста по повод трагичната катастрофа, во која загинаа 224 лица.

“ПЛАКЕТА 3ти НОЕМВРИ” оваа година заслужено доби и машкиот тим на РК”ПРИЛЕП” за континуираниот успех во спортските резултати на сите нивоа на клубот.Ова сигурно ќе биде мотив за во иднина да го вратиме сјајот на прилепскиот ракомет.

Игор Џамбазов имаше доста турбулентен период во минатите неколку месеци. Две операции, закрепнување, па стана дедо… Сето тоа на човек му одзема доста време и енергија, па заборава и на бричење и на потстрижување.

Но за среќа, сето тоа е зад него сега. Игор многу време поминува во домот на својата стара пријателка Весна Петрушевска, дружејќи се со неа, нејзините деца и нејзините родители.

Па така веднаш по бричењето на долгомесечната брада појде на дружба кај нив, а атмосферата го понесе па ја фати гитарата и заедно со Мина, ќеркичката на Бејби, ја запееја „Време за плачење“.

Во деновите што му претходеле на ослобудувањето и конечното изгонување на германскиот и бугарскиот окупатор од територијата на Прилеп, претходеле жестоки борби. Многумина ќе кажат дека Македонците биле помогнати од овој или оној, но според историските податоци Македонскиот народ речиси целосно сам го избркал непријателот, особено во Прилеп. Градот херој бил главното упориште и во овој дел на историјата, нескршливоста и упорноста на Прилепчани била главниот бедем со кој се соочил непријателот.

Имено во овие денови во Прилеп распоредот на германските сили бил следниот: 600 војници и офицери во касарната, северно од неа 2 топа и 5 митралески гнезда. Кај месноста “Садика”, од едната страна на реката 2 тешки митралези, а од другата уште 3.

На Брдо, под пиварата, 3 топа противавионски и една чета Германци кај железничката станица.

На “Црвени Брегови”, на излезот кон Битола 2 противавионски топа и 2 артилериски, како и 300 Германци.

Штабот на 15 корпус на 24 октомври издал наредба да на 28/29 октомври 41 и 49 девизија да го нападне и ослободи Прилеп. Претходно на 27 октомври единиците на 41та девизија го ослободиле Кавадарци.

На 29 октомври бил запоседнат Плетвар од страна на XI бригада. Германците биле опседнати околу селото Плетвар. Наредниот ден првиот баталјон го започнал нападот, но германските сили ги збиле своите редови и го одбиле првиот и вториот јуриш. По четириесет часовна борба Германците биле совладани. Наредниот 31 октомври, Германците биле потпомогнати со засилени трупи и вршеле силен притисок да продрат повторно до Плетвар, но сите нивни заложби биле неуспешни, бидејќи бргадата се држела добро и пружала силен отпор.

Силни борби се воделе и на Маркови Кули. Таму германските сили биле потпомогнати и од артилериско оружје, а нашите трупи иако биле со малку муниција го напаѓале непријателот, дури и со камења. Ги држел силниот дух и желбата за слобода. Во повлекувањето кон Варош и Прилеп, Германците ги запалиле зградите на Институтот за тутун, за веднаш потоа сите сили ги упатат повторно кон Плетвар каде и успеале да направат продор помеѓу позициите на XI бригада. Но обидите биле спречени од страна на Штабот кој издал наредба V бригада да изврши напад од кај касарните и да го пресечи патот за Плетвар.

Во мугрите на трети ноември започнал и последниот напад за ослободување на Прилеп. Последните германски истрели откај гробиштата и Варош набргу запреле. Најтешката задача ја имал Третиот баталјон кој во огромен јуриш, правејќи жртва, настојувал да зароби што повеќе непријателски војници. Кај седум часот се слушнала и последната германска детонација, кога биле активирани мините под Ленишки мост. Тоа е последната акција за Прилеп и оттогаш градот живее слободно.

Во последните два дена треба да се напомене дека Прилеп дал 78 жртви, херои на Народноослободителната војска на Македонија. Германците претрпеле 160 жртви и стотици ранети и заробени. Со запленетото оружје, борците се упатиле кон Битола, при што ја ослободиле на 4ти ноември.

ВЕЧНА НЕКА ИМ Е СЛАВАТА НА ЗАГИНАТИТЕ ХЕРОИ, ПРИЛЕП ПАМЕТИ И ДОСТОЈНО СЕ СЕЌАВА НА СЕКОЈ ОД НИВ.

Четврток, 05.11.2015 во 21:30часот во Арт Кафе-Апореа ќе се одржи Хуманитарна забава организирана од Интеракт Клуб при гимназија ,,Мирче Ацев”- Прилеп. Влезот е 50 денари. Собраните сретства ќе бидат донирани во центарот за деца со посебни потреби ,,Ѕуница”.

Неофицијално на пешачки премин (кај Чумовчанец) е прегазено 14 годишно девојче од автомобил фолсваген шаран со прилепски регистарски таблици. Според тврдења на очевидци девојчето е во критична клиничка состојба. Полицијата моментално е на лице место и истрагата е во тек, се очекува увид да изврши надлежен јавен обвинител.