Денес со гордост зборуваме за проект кој ќе го промени спортскиот живот во нашиот град. Реконструкцијата и изградбата на центарот за спорт и рекреативни активности, познат како поранешната боксерска сала, вели градоначалникот на Битола и кандидат за уште еден мандат, Тони Коњановски.

-Овој повик е поддржан во првиот повик на Владата на Република Македонија за капитални инвестиции минатата година. Денес, веќе се гради модерен објект, од над 1000 квадратни метри, вреден повеќе од 40 милиони денари, кој ќе стане вистински дом за нашите спортисти и млади. Новата сала, ќе им овозможи на нашите боксери, да тренираат во современи услови, а дополнително ќе има и карпа за качување за сите љубители на авантуристички спортови, вели Коњановски.

„Со овој проект, градиме иднина, создаваме простор, што ќе ги поттикне младите за спорт, здрав живот и заедништво. Од една поранешна руина, ќе изградиме објект, што ќе биде симбол на енергија, дух и амбицијата на новиот град. Вистински избор е да инвестираме во спортот, во младите. Вистински избор е да инвестираме во иднината“, посочи тој.

Предвремени избори нема да има, ние имаме стабилна коалициона влада која што одлично функционира. Мандатот на оваа Влада е до 2028 година и следните избори ќе бидат во 2028 година, изјави денеска одговарајќи на новинарско прашање во однос на евентуалнио предвремени парламентарни избори вицепремиерот и министер за транспорт Александар Николоски.

-Тоа е всушност разликата помеѓу нас и црната Коалиција на СДСМ, ДУИ и Левица која што е од другата страна. Ние зборуваме за проекти, а од другата страна има само празни зборови, има само манипулација, жед и желба за власт.Минатата година отидоа во опозиција само година и три месеци се во опозиција и неможат да додржат да останат во опозиција и цело време предвремени избори, предвремени избори, предвремени избори…, истакна Николоски

Николоски за после локалните избори најави расчистување во судството и обвинителството, и одговорност од сите кои ја злоупотребиле власта.

-Кога некој толку време бара предвремени избори, тоа значи дека него го интересира привилегите од власта, а овие ги интересира и криминалот од власта. После локалните избори ние нема да се занимаваме со предвремени избори, туку ќе се занимаваме со расчистување во судството и обвинителството и сите оние кои што ја злоупотребија власта од Коалицијата СДСМ, ДУИ и Левица, таканаречената „црна коалиција“ ќе одговараат после завршувањето на овие избори, затоа што тоа е фокус број еден после завршувањето на изборите, рече висепремиерот Николоски.

Народот најдобро ќе ја донесе правилната одлука за кого да гласа кога ќе слушнат нешто повеќе освен реклами со видеа, да слушнат каде се трошеле буџетските пари додека Проданоски беше претседател на Совет, а исто и од Лукареска која доаѓа од партијата што е веќе во стечај да слушнат како се уништи Прилеп, вели независната кандидатка за градоначалник на Прилеп, Павличне Матеска, која што бара дебара со кандидатите за градоначалници од ВМРО-ДПМНЕ и СДСМ.

“Ајде да зборуваме и народот да чуе за депонијата Чачорица, зошто Прилеп ќе нема нов театар, за арамилукот во јавните претпријатија и дивоградбите што ги ослепуваат, а не ги гледаат…Да видиме дали СДС го води ВМРО во Прилеп со своите кадри и многу други работи….а, и зошто 51% прилепчани не сакаат да ги видат”, вели Матеска.

Независниот кандидат за градоначалник на општина Прилеп, Борче Чупетрески, денеска јавно објави писмена изјава заверена кај нотар, со која официјално се откажува од платата и сите надоместоци што законски му следуваат доколку ја извршува функцијата градоначалник.

„Мене со пари не ме купувате. Во животот сум имал и премногу и премалку, но секогаш сум имал достоинство и чест. Како човек на морал и принципи, изјавувам дека нема да работам за народни пари. Истите ќе ги донирам во хуманитарни цели – за општествено добро,“ стои во изјавата на Чупетрески.

Тој ги повика и останатите кандидати за градоначалници да го следат неговиот пример и да се откажат од платите доколку искрено им е целта да му служат на народот, а не на личниот интерес.

„Воедно ги повикувам и прилепските пратеници во Собранието да се откажат од своите плати, патни трошоци и додатоци – за доброто на граѓаните и на оние на кои им е навистина неопходна финансиска помош,“ додава Чупетрески.

Сите добро ги знаеме, сите одлично сме се забавувале на нивните настапи, и со нетрпение сме го очекувале нивното следно гостување во Прилеп.

Битолскиот состав кој некако е одомаќинет во градот под Марковите Кули, овој петок гостува во ресторан “ПОРТА”, место кое не е непознато за нив и каде се барало маса повеќе кога настапувале.

Ќе ве дочекаат со неодоливиот староградски шарм и пријатни звуци – одличен начин да се заврши работната недела, да се ужива во богатото гурманско мени и вкус што само “ПОРТА” ги нуди и секако единствениот блескав амбиент.

17.10. (ПЕТОК), почеток 20:30часот!

Резервирајте навреме на телефонскиот број: 078 368 111

А кога сме кај понудата на ресторанот, еве ви една убава фото галерија од маестрално приготвени трпези какви само “ПОРТА” може да понуди:

Наздравје!

Ракометниот караван во организација на Ракометната федерација на Македонија по успешниот старт во Охрид, вчера во Прилеп го имаше своето второ издание.

Под мотото „Ракомет – нашата игра, нашиот свет“, во спортската сала во ООУ „Добре Јованоски“, присутна беше ракометната икона, Индира Кастратовиќ, а гости и’ беа поранешниот репрезентативец од Прилеп, Горан Кузманоски, некогашната ракометарка, а сега ЕХФ судијка – Силвана Карбеска и левото крило на РК Прилеп – Димитар Димитриоски.

Главната цел на караванот е промоција на нашиот национален спорт – ракометот, како и запознавање на најмладите генерации со неговата убавина и вредност.

Огромен број деца зедоја учество на настанот, заедно спортуваа, се дружеа и научија многу повеќе за ракометната магија.

-Масовно во Битола! Оваа бројка покажува дека победата ќе биде голема уште во првиот круг! Градоначалникот Тони Коњановски влегува во овие избори без ниту еден скандал и ниедна корупциска афера. Потребна е масовна излезеност за победа во прв круг, за да се продолжи во правилна насока! Број 9 за мнозинство во советот! Број 9 за Тони Коњановски – се вели во Фејсбук статусот на потпретседателот на ВМРО-ДПМНЕ, Александар Николоски.

Претседателот на Владата на Република Македонија, Христијан Мицкоски го посети комплетно реновираното одделение на Клиниката за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ) во Скопје. Тој даде изјава за медиумите.

-Она што ние планираме да го правиме во здравството по завршувањето на локалните избори ќе бидат озбилни структурни реформи. Бидејќи имам чувство дека годишно трошиме една милијарда евра, а не го добиваме она што граѓаните и пациентите го заслужуваат, така и здравствените работници. Мислам дека има премногу надворешни влијанија. Тие надворешни влијанија треба да бидат минато ако сакаме да имаме здравствен систем во кој ќе имаме задоволни здравствени работници и задоволни пациенти, изјави Мицкоски.

Тој потенцира дека ваквите иницијативи секогаш се добредојдени.

Васе Стефаноска е носител на советничката листа на „Коалицијата за успех“ предводена од Либерално Демократската Партија, за Советот на општина Прилеп.

Таа е жена која носи нова енергија, искрен пристап и конкретни решенија за развојот и просперитетот на нашиот град.

Со над 20 години искуство во осигурителниот сектор, а по струка дипломиран инженер агроном, Васе е пример за посветеност, упорност и професионализам.

Луѓето ја знаат – затоа што е блиска, достапна и искрено заинтересирана за проблемите на граѓаните.

Заедно со кандидатот за градоначалник Жарко Бошкоски, Васе ја претставува визијата за еден нов, модерен и урбан Прилеп – град кој се грижи за секој човек.

Нивната програма вклучува решенија кои значат подобар живот за сите, од кои издвојуваме:

-Субвенции за возачка дозвола за сите млади во Прилеп.
-Нова атлетска патека долж кејот, од мостот Табана до мостот кај Димо Наредникот.
-Почист воздух и повеќе зелени површини – преку 10 нови мерни станици, нови велосипедски патеки и субвенции за еколошко затоплување.
-Бесплатен современ коворкинг простор за млади ИТ фриленсери – со брз интернет, топол амбиент, конференциска сала и обуки.
-Прилеп со најголем број зелени метри квадратни по жител – град кој дише и се развива.

Гласот за Васе Стефаноска е глас за одговорна локална самоуправа – во служба на сите граѓани, затоа што знае како, има решенија и верува во Прилеп што чекори напред.

Здружението „16-ти март“, кое е формирано од дел од родителите и семејствата на загинатите деца во пожарот во дискотеката „Пулс“ во Кочани, упати емотивна порака по смртта на пејачот Владимир Блажев – Панчо, деветтиот член на групата ДНК кој го загуби животот по трагедијата.

-Со длабока тага и солзи во очите ја примивме веста за загубата на уште еден млад живот – Владимир Блажев, Панчо, талентиран пејач од групата ДНК, 63-та жртва од пожарот во дискотеката „Пулс“ во Кочани. Млад човек, со сонувања, со музика и со енергија што допираше срца, сега замина предвреме, оставувајќи празнина која не може да се пополни.

Пренеси им поздрав и порака на нашите ангели дека засекогаш ќе останат во нашите срца 🙏💔😢 А ние нема да молчиме – правдата мора да дојде, стои во објавата.