Астронаутот на НАСА, Скот Кели синоќа на својот профил на Фејсбук објави фотографија на Македонија снимена од вселената.

Тој покрај фотографијата преку статус ги поздрави сите негови пријатели од Македонија и им посака убава ноќ од Меѓународната вселенска станица.

Празничните денови освен за забава и дружење со блиските луѓе, како и секоја година се зачинети со прекрасни и вкусни солени и благи специјалитети.

Токму затоа е важно да научите како да не добиете некој килограм плус, а притоа да не се откажувате од вкусната празнична трпеза.

Не заборавајте да се движите

Иако можеби празничните денови ќе ви бидат исполнети со повеќе обврски и ќе сакате да прошетате низ улиците во градот по потрага по подароци за вашите најмили. Искористете ја таа прилика и пеш тргнете во потрага по најлудите подароци за вашите најмили. Така ќе го избегнете метежот и возењето по лошото време, а од друга страна убаво ќе се загреете со интересна прошетка по студеното време, уживајќи во претпразничната еуфорија.

Смејте се

Иако можеби звучи смешно, сепак експертите велат дека тоа навистина делува. Седнете, затворете ги очите и почнете да се смеете цела една минута. Иако можеби тоа звучи глубаво, тоа ќе го стимулира ослободувањето на добрите хемикалии во мозокот и ќе се спречи емотивно предавање кон храната.

Залажувајте го мозокот

Откако ќе го завршите оброкот најдобро ќе биде чинијата во која што јадете или веднаш да ја тргнете од масата или да ја покриете со салветка за да се го стимулирате мозокот да мисли дека завршивте со јадењето за да не дозволи да посегнете по уште храна.

Уживајте во секој залак

Секое залче џвакајте го барем 20-тина пати. Бавното џвакање може да го намали внесувањето на калориите за над 10 отсто.

Доколку мислевте дека жена по породувањето не може добро да изгледа, се излажавте. Оваа дама ќе ве разубеди.

Тејми Хемброу стана мајка пред само два месеци, но вие сигурно нема би поверувале на основ на оваа фотографија.

Всушност девојката изгледа многу затегнато, а поминати се само 60 дена од нејзиното породување.

По повод 3-ти декември Меѓународниот ден на лицата со инвалидност, претставници од Општина Прилеп заедно со градоначалникот Марјан Ристески, денеска остварија посети на неколку институции. Прво беше посетено ОУ „Климент Охридски“ каде локалната самоуправа по брање на родителите и наставничкиот кадар за подобрување на квалитетот на воспитно- образобните услуги донираше LCD проектор. Потоа градоначалникот Ристески го посети „Дневниот центар за деца со посебни потреби“.

Во знак на благодарност за вниманието и поддршката од страна на јавниот и приватниот сектор беа организирани кратки програми по повод одбележувањето на „Светскиот ден за заштита на лицата со посебни потреби”.

Градоначалникот Ристески, напомена дека Општината секогаш ќе биде со децата и ќе се обиде во рамките на можностите да им помага:

„Имаме обврска кон Вас, да направиме се што е во наша моќ, не само на овој ден, туку преку цела година, да обезбедиме услови за ваш правилен развој, посочи градоначалникот во своето излагање.

Семејството Кондоски од Прилеп имаат развиено еден доста уникатен занает со кој се гордеат. Нивна преокупација е изработка на икони. Го посетивме нивниот дуќан и разговаравме за тоа како започнале, кои им се приоритетите, плановите и за тоа дали добро се живее од овој занает.

Не пречекаја расположени и насмеани и ни излегоја во пресрет. Со работа започнал Сашо Кондоски или главата на семејството, кој со многу труд, ентузијазам и енергија го постигнал она што денес е окупација на целото семејство.

Во нивното опкружување имаат 8 вработени кои вредно си ја вршат работата и се надополнуваат на идеите на Сашо.

Инаку Кондоски веќе 22 години активно се занимаваат со изработка на икони, а убавината на нивните ремек дела можат да се погледнат преку фотографиите.

Огромна мајсторија и љубов е вложена при изработката на истите.

Нивниот дуќан изобилува со најразлични икони, различни големини и различни материјали на изработка.

Иконите ги изработуваат од дрво, медиапан, платно, специјална фолија и 18 каратна позлата.

Работат во големи количини и се доста задоволни како од постигнатото така и од продажбата на истите.

Велат дека Прилепчани се големи верници и редовно купуваат, кој за свој дом, кој за поклон.

Во работата се вклучени како што споменавме Сашо , неговата сопруга Оливера, како и синот Дејан. Заедно сложни, спремни да постигнат многу и да пренесат љубов и светлина во многу домови преку своите изработки.

Војници од ИСИС силуваат девојки за да ги муслиманизираат.

Ни ги земаат девојчињата, домовите и семејствата. Земаат се од нив. Велиме дека децата се нашата иднина, ама тие ги земаат сите, и стари, и млади! – вели спиритуалниот водич на Јазидите, Баба Шеик, пренесува Си Ен Ен.

Јазидите се луѓе кои следат уникатна религија која содржи елементи од Христијанството, Јудаизмот и Исламот проследени со дури и постари пракси, како обожување на Сонцето. Тие веруваат во еден Бог кој ја креирал Земјата и ја оставил во рацете на ангел во вид на паун, Малак Таус. Но ова верување, претворено во славење на ѓаволот од ИСИС беше искористено од Исламските екстремисти како изговор за убивање, силување и заробување.

Откако ИСИС окупурале провинција во Ирак, војниците силувале и поробувале млади девојки, но пред тоа се обидувале да ги оправдаат своите намери.

Ми покажа една слика и ми кажа дека секоја заробена жена ќе стане Муслиманка, ако 10 војници од ИСИС ја силуваат. На сликата имаше знаме на ИСИС и слика од Абу Бакр Ал Багдади – изјавува 22 годишна девојка која била силувана од 12 војници.

На територија на ИСИС, овие жени може да бидат купени и продадени за пари, сменети со оружје, дури и подарени. Освен оваа размена, како дел од бруталната теологија е додадено и силувањето и поробувањето.

Војниците ни кажаа дека мора да го почитуваме правилото на Абу Бакр Ал Багдади. Секој што нема да премине во Исламот ќе биде убиен, бидејќи тоа го расипува квалитетот на војната – објаснува 22 годишната девојка.

ИСИС се убедени дека бруталноста кон Јазидите е на религиска база, велејќи дека со поробување на сите неверници (сите луѓе што не припаѓаат на Исламот) и земајќи им ги жените, го почитуваат Шариахот (Исламскиот закон); неговото негирање и потсмевање би било рамно на негирање и потсмевање на Куранот.

Како и да е, теологистите низ целиот свет тврдат дека нивните акции не се базираат на Исламската вероисповест.

Луѓето во ИСИС воопшто не го претставуваат Исламот. Всушност, тие се антиисламисти, го украдоа, ја нарушија Исламската репутација. Во Исламот поробувањето, мачењето, убивањето и силувањето се недозволиви.

Во текот на ноември и новогодишните празници markukule.mk ќе ви понуди доста изненадувања, наградни игри, забава и редовните информации од регионот и светот.

Посетете ја нашата страна  МАРКУКУЛЕ.МК затоа што тука вистината ви е на дланка!

Во сабота 5.12.2015г. во 19:00h, екипата на ЖРК Прилеп ја пречекува екипата на ЖРК Вардар јуниор во салата во СОУ Ристе Ристески – Ричко. Ова е натпревар од 9тото коло во Супер лигата за жени и претставува вистински тест за младата и талентирана екипа на ЖРК Прилеп. Шанса за четврти триумф и докажување како и шанса за напредок од четвртото место на табелата. Им посакуваме среќа на нашите девојки и ги покануваме сите љубители на ракометот да присуствуваат и да дадат поддршка.

Во петок 4 декември 2015 во 19.30 часот во киното Мис Стон во Прилеп премиерно ќе биде прикажан македонскиот документарно игран филм  ,,Последниот Македонец”.
По премиерата филмот ќе се прикажува уште во сабота и недела. Влезниците се по 100 денари.

ПОСЛЕДНИОТ МАКЕДОНЕЦ …/ THE LAST MACEDONIAN …The Road to Extintion
Македонија/2013/Документарно-игран филм /90`
Macedonia/2013/Documentary movie/ 90`

CREDITS/ РЕАЛИЗАЦИЈА:
Director/Режија: Илија Пиперкоски
Scr./Сценарио: Александар Кукулев
Cinematographer/Кинематографер: Дејан Димески

Улоги/Cast: Сашко Коцев, Ненад Нацев, Славиша Кајевски, Зоран Љутков, Рубенс Муратовски, Петар Горко, Валентина Грамосли, Билјана Драгичевиќ Пројковскам Филип Трајковски, Жарко Димовски, Александар Степанулески, Никола Ацески, Игор Трпчески, Митко Апостолоски, Љубен Најдоски, Ѓорѓи Јолевски, Трајче Ѓоргиев.

СОДРЖИНА: Крвопролевање, разделба на семејства, моќта на соседите, желбата за уништување на Македонија, татковина распарчена на многу делови и херои со големи планови и силна желба да останат свои на своето…тоа е Последниот Македонец… оној кој ја испишува нашата историја. 100 години подоцна, по бројните разделби и уништувања, еве не повторно со исти ликови, а различни карактеристики, со неколку чекори сеуште во историјата. Таа која во филмот преку факти и докази ја пренесуваат историчари од Србија, Грција, Бугарија, Турција, Русија и Македонија.

Илија ПИПЕРКОВСКИ, режисер:
Роден е во Охрид во 1985 година. Во 2010 магистрира на Националната академија за театар и кинематографија во Букурешт, Р.Романија. Досега има режирано 8 играни и документарни, кратки и долги филмови.
ФИЛМОГРАФИЈА (избрани филмови):
“Дедо и Внук” – Игран Филм (2015) “Супер дете” – Краток Филм (2015); “Чистилиште на Душата” (2013); “Матасари” (2012); “Јас и мојот живот без некои работи”(2007); “Зошто го направив својот грев”(2006).

Тензично на македонско-грчката граница. Грчките медиуми јавуваат дека тензиите во Идомени се големи по судирите меѓу мигрантите и македонските полициски сили кои почнаа синоќа, по што утринава имало насилни судири меѓу различни групи бегалци и мигранти.

Според грчките власти, на грчко-македонската граница утрово се собрале околу 6.000 бегалци и мигранти. Околу 2.500 од нив се идентификувани како мигранти кои не можат да ја преминат границата, и доаѓаат од земји како што се Иран и Пакистан. Во исто време, македонските власти им дозволуваат влез на државјани од земји како Сирија, Ирак и Авганистан, јавуваат грчките медиуми, пишува „Катимерини“.

Возови на грчката железница „Траиносе“ во текот на денов треба да пристигнат на границата и без пари да транспортираат бегалци и мигранти во Атина и Солун