Kако што информиравме во текот на денот, денес започна шестиот традиционален Светиниколски турнир во мал фудбал во Прилеп. Од утрешниот ден, маркукуле.мк редовно ќе ве известува за распоредот и резултатите од турнирот. Интересни натпревари се одиграа во привот ден, а не изостануваше и присуство на публика. Светиниколскиот турнир ќе трае до 27 декември.

Страшна видео снимка се појави на социјалните мрежи, на која се гледа последица од преголемо конзумирање на енергетски напиток.

Имено, момчето на снимката испило дури 24 енергетски пијалоци.

Еден од членовите на лекарскиот тим кој му пружил помош, го снимил ова страшно видео.

Мексикански нарко бос и се закани на Исламска Држава. Станува збор за нарко-босот Хоакин Гусман, попознат како Ел Чапо кој во моментов е во бегство.

Тој наводно испратил заканувачко писмо до лидерот на Исламска држава Абу Бакр Ал Багдади откако била уништена една пратка на неговиот картел. Ел Чапо на Багдади му пратил кодирана имејл порака што била објавена на веб сајтот cartelblog.com, во која му порача дека Исламска Држава направила грешка затоа што ја уништила дрогата на неговиот картел, пренесува „Раша Тудеј“.

Вие од ИД не сте војници. Моите луѓе ќе ве уништат. Вашиот Бог нема да може да ве спаси од вистинскиот терор што моите луѓе ќе го спроведат врз вас ако и понатаму влијаете врз моите операции, наводно се заканил Гусман.

Инаку Гусман летово побегна од строго чуваниот затвор во Мексико. За информациите што би довеле до негово повторно апсење понудена е награда од пет милиони американски долари.

Селекторот на машката ракометна репрезентација на Македонија денеска го објави поширокиот список од 28 репрезентативци на кои ќе смета на стартот од подготовките за Европското првенство во Полска што започнува на 15.јануари.

На овој список се најде и првиот голман на Металург, Даниел Дупјачанец кој игра одлична сезона во тимот од Автокоманда. Во „жолто-црвениот“ табор тој е на местото на Петар Ангелов – Диви, кој нема да биде дел од европскиот ракометен собир. Исто така повратник во репрезентацијата е и Златко Даскалоски, кој е меѓу стативите на тимот на Темишвар и е одличен во романскиот шампионат.

Точниот термин на подготовките дополнително ќе биде објавен. На Европското првенство Македонија е во група со селекциите на Франција, Србија и домаќинот Полска.

Мајстор Зоран Михајлоски е еден од ретките занаетчии и еден од два-тројцата останати секирџии во Прилеп и прилепската чаршија. 16 години се занимава со занаетот кој го наследил од таткото на неговата сопруга. Во дуќанот кој се наоѓа во улицата на бочварите, во старата прилепска чаршија, секојдневно се слуша звукот на чеканот и одекнувањето на наковалната од неговиот дуќан. Жешкиот челик го обликува со големо задоволство и прави одличен продукт кој е потребен во секое семејство.

Не пречека расположен за разговор и ни ги откри тајните на овој занает. Вели дека е четврта генерација, што го превзема занаетот и се надева дека ќе пробуди интерес кај некого и понатаму.

Си ја сака работата и она што го има, или како што вели 99,9% е задоволен од својата работа и од тоа што во едно вакво модерно време постои како занаетчија.

Мајстор Зоран не се пожали ни од заработката. Скромно одговори дека за еден среден, солиден живот се заработува. Никогаш не бил насочен кон големо имање, туку кон она што го прави среќен.

Секирите се изработуваат главно од челик, кој е најважниот, број еден материјал, и во мала доза железо, а временската рамка за изработка на една секира е од 5 до 6 саати активна работа, но пред се зависи од големината на истата.

Ги разгледавме и алатите за изработка, каде чеканот и наковалната се на средишно место поставени и ја играат главната улога при обликувањето на металот. Напоредно како пропратни алати се користат: брусалици, менгеме, точило, дупчалка, камен. Тука не смеат да се заборават огнот за ложење на металот и водата за негово ладење после обликувањето.

Насочен е единствено кон изработка на секири, но вели дека прави и ситни поправки на други алати.

За Прилепчани вели дека имаат мукает да купат секира, бидејќи сме град во кој огревното дрво е главен ресурс за затоплување во зимата. Сепак негови најредовни потрошувачи се граѓани од постарата популација.

За него ниту државата, па ниту општината не се криви поради немањето интерес кај младите за занает. Смета дека нема што многу да се направи на ова поле и да се привлече интерес. Едноставно младите тоа не ги интересира. Вели дека ниту едно дете до сега не дошло и не побарало да го научи занаетот. Ни раскажа за една случка што се случила пред неколку години, кога кај неговиот дедо дошло едно дете со желба да учи, но истото напуштило после два нецели дена, низ смеа говореше мајстор Зоран.

Се надеваме дека на најсоодветен начин ви ја пренесовме енергијата и еланот за работа што ги има овој човек. Ние сме среќни што имавме прилика да разговараме и што запознавме еден исполнет со харизма и расположение човек.

Подготви: Александар Георгиоски

Градоначалникот Марјан Ристески, конфекциската фирма „Комфи ангел“ и претставник од Прилепска Пиварница вчера го најавија стартот на традиционалниот турнир по повод патронот на градот – празникот „Св. Никола“. Во тек е пријавувањето на екипите за шестиот по ред хуманитарен турнир во мал фудбал, што и годинава традиционално ќе се оддржи во чест на големиот празник Свети Никола, патронот на градот Прилеп. Традиционалниот турнир во мал фудбал „Свети Никола – 2015“ ќе се оддржи од 11 до 27 декември во спортската сала „Арена Сонце“ во Прилеп.
Настанот, како и секоја година, ќе биде збогатен со награден фонд за прво, второ, трето и за четврто место.

Организатори на турнирот се Општина Прилеп, конфекциската фирма „Комфи ангел“, Прилепска Пиварница и НВО „Младинската мултикултурна заедница“ од Прилеп.
За учество на турнирот вкупно се пријавени 32 екипи.

Со богата програма и голем број на активности, оваа година Економскиот факултет од Прилеп одбележува 55 години од своето постоење
„Овој јубилеј го одбележуваме со низа манифестации и случувања. Имавме предавања од страна на истакнати стручни лица и претставници на бизнис секторот, се организираа разни спортски натпревари со студентите, имавме изложба на слики од 55 годишното постоење на факултетот, организиравме културни манифестации, крводарителска акција, има направено едно катче каде се изложени сите успеси на нашите студенти, а исто така и во подготовка е едно јубилејно издание на списанието „Еквилибриум“ во кое ќе бидат сместени некои текстови од професорите и слики од постоењето на факултетот, посочи Ѓорѓи Манчески, декан на Економскиот факултет во Прилеп.

Економскиот факултет ги отвара вратите за сите заинтересирани студенти, кои сакаат да се стекнат со соодветно, квалитетно и врвно образование.

[Best_Wordpress_Gallery id=”93″ gal_title=”EkonomskiFakultet”]

Младинската заедница при СОУ Гимназија “Мирче Ацев” , како и секоја година го организираше традиционалниот турнир во баскет, кој се одржа во декември 2015год. На овој турнир се пријавија вкупно 18 екипи составени од професори и ученици од гимназијата. Организациската структура се состоеше од претседателот на Младинската заедница Надица Бунеска, професорот по спорт Тони Атанасоски, Христијан Јанкоски,  Дамјан Савиноски, Марио Ангелески, како и голем број други ученици, кои активно се вклучија во сите активности.

Финалето се одржа на ден 09.12.2015г.(среда), каде што најдобрите се бореја за првото, второто и третото место. Исто така, на финалето присуствуваја и гости од Центарот за јавно здравје Прилеп, кои го искористија овој турнир за да го покажат значењето на врската помеѓу спортот и здравјето.

Д-р Татјана Станимировиќ одржа краток говор по повод месецот декември, месец на борбата против сидата.

Една скршена мајка, чие дете почина, ја споделува оваа приказна со сите родители ширум светот. Затоа што грешка се прави за неколку секунди, а таа грешка може да чини живот.

Малиот Метју Редар, како и секое дете, сакал да истражува и пребарува низ дома. Еден ден додека бил во кујната, ја отворил полицата со зачини. Додека ги фаќал, на прстите му се залепила мала количина на цимет, а потоа детенцето, раката си ја ставило во уста.

Почнал да кашла, а потоа и да се гуши.

Метју добил напад и неговата мајка повикала Итна помош. Два часа подоцна, во болница, момчето почина.

Гушење предизвикано од цимет е наведено како причина за неговата смрт.

Мајката Бријана од нејзината трагична приказна предоцна ја извлече поуката, но сега сака на сите родители да им порача да бидат внимателни. Цимет има во секој дом, но мора да се внимава каде се чува.

Циметот е опасен. Циметот може да предизвика гушење, а во овој случај со мало дете, дури и смрт.

На Интернет во моментов има популарен предизвик наречен “цимет-предизвик“. Тоа е обид да се голтне цела лажичка со цимет за помалку од една минута.

Досега, дојде до неколку колапси и проблеми со дишење.

Вчера вечер во халата за состаноци на Хотел Кристал Палас во Прилеп, со почеток од 17 часот, се одржа најголемиот бизнис настан во Прилеп.

Business opportunities ( Бизнис можности ) презентацијата, беше претставена пред повеќе од 200 бизнисмени ширум Републиката. Настанот кој привлече огромно внимание и интерес беше во организација на претставници од Lyoness за Прилеп. 

Компаниите кои би се одлучиле да го набават софтверот на CashBack (враќање на средства), имаат директни придобивки кои се одразуваат во зголемување на продажбите, стекнување на нови потрошувачи, нивна лојалност, зголемување на задоволството кај истите, како и креирање на дополнителен приход. Сите досега вклучени компании генерираат ваков дополнителен приход. Нивните продажби се зголемиле како резултат на зголемената посета поради тоа што, потрошувачите имаат можност да повратат дел од своите средства кои би ги искористиле во нивните продажни салони.

Ако досега софтверот за компаниите беше релативно скап, сега истиот е со многу намалени цени, и е поделен на CashBack program Light, Basic и Professional.

Она што даде огромно значење на настанот и што придонесе истиот да биде издигнат на едно високо ниво, беше присуството на тројцата лидери Зоран Витанов, Дичо Мизовски и Антонио Лејтнер, кои со своите презентации го одбележаа овој настан и привлекоја огромно внимание кај сите присутни.

Од организаторите уште дознаваме дека компаниите односно трговските партнери кои се вклучени и кои би се вклучиле во CashBack програмата, добиваат свои CashBack лојални картички. Овие картички со логото на компанијата, потоа истите ги делат на своите потрошувачи, и на тој начин се создава обострана корист при купувањето. Потрошувачот добива повратни средства на својата лојална картичка, средства кои може да ги користи во сите такви компании кои го набавиле овој програм во своето работење.

Вакви картички денес имаат сите навивачи на фудбалскиот клуб Рапид од Виена, Славија Прага од Чешка, а наскоро таква придобивка ќе имаат и навивачите и на други фудбалски клубови. Навивачите на овие фудбалски клубови, преку своите картички директно го помагаат својот клуб и добиваат повратни средства.

Првиот говорник на настанот Зоран Витанов, кој инаку е економист по професија и бивш политичар, говореше за Lyconet како платформа или за лојалната единица на Lyoness (луѓе кои ја шират мрежата), односно за придобивките на трговските партнери кои би се вклучиле во ова. Од него дознаваме дека Lyoness Македонија брои повеќе од 101 000 членови и дека секој ден влегуваат по 2 компаниии како партнери. Зоран Витанов направи и претстави пресметки според кои на 500 евра потрошени во еден месец, во просек се враќаат околу 60 евра, или тоа би значело 12% поевтин живот на тие кои би се вклучиле во Lyconet програмата, и би пазареле кај трговските партнери на Lyoness.

Вториот соговорник Дичо Мижовски се осврна на продуктите, начинот на користење на истите како и вредноста на трите вида продукти што ги нуди Lyoness на потенцијалните трговски партнери.

И на крајот Антонио Лејтнер говореше подлабински за човековиот разум, типичниот начин на размислување кај обичните луѓе, како да се искоренат тие класични размислувања дека човекот се раѓа, расте, треба да заврши школо, факултет и да бара работа. Лејтнер се осврна на човековиот пат на друг начин, да не се размислува обично и класично, туку да се остави човековото суштество само да размислува, само да го одбира и трасира патот, начинот, желбите и да ги покажува своите афинитети. Во своето излагање изнесе една интересна изрека “ Успехот започнува во вашата глава”.

Она што можеше да го забележи нашата екипа, присутна на настанот, беше тоа што кај присутните бизнисмени се разви огромна заинтересираност за оваа програма и се најавија нови трговски партнери кои наскоро ќе пристапат.

Добивме и изјава од сопственик на ресторан во Прилеп кој не го криеше своето задоволство од партнерството со Lyoness CashBack програмата.

Игор Котески сопственик на ресторанот Лимитлес Гарден од Прилеп смета дека со внесувањето на неговиот бизнис во loyal програмата односно cashback системот на Lyoness, добил многу нови потрошувачи и посетители на неговиот локал, дополнителен приход, а како резултат на тоа и можност за воведување на новитетити во работењето. Неговиот ресторан нуди можност на дури 10% повратни средства на сопствениците на Cashback картички. Презадоволен е од Lyoness и вели дека се повеќе нови партнери се приклучуваат и чекорат по неговиот пат.

Игор Трајкоски, сопственик на Мој Маркет од Прилеп, кој се вклучил во мај месец 2015година, се пофали со зголемување на продажбата од 25%. Тој вели:

“Eдноставно премногу добро, да биде вистинито, но сепак тоа е така, затоа што веќе зборуваме за факти, а не за визија.

За крај исто така не смее да се заборави, а да не се спомни тоа дека Lyoness преку двете фондации, Child and Family Fondation и Greenfinity Fondation, донира пари со секое купување, а преку фондацијата Child and Family го организира проектот Angel of the day.

[Best_Wordpress_Gallery id=”92″ gal_title=”Lyoness”]