Популарната фолк-пејачка Сузана Гавазова деновиве се врати од Шведска во родната Македонија.

По повод претстојните новогодишни и божиќни празници, Гавазова ја активира својата кариера откако во месец јули стана мајка по вторпат и се посвети на мајчинството и семејниот живот во Шведска.

Деновиве таа е постојано во весело друштво со колегите од фолк-естрадата, кои ги снимаат настапите за телевизиските новогодишни емисии.

Сузе е препознатлива по својот провокативен изглед со нагласен сексапил, а пред само неколку дена таа објави новогодишна фотосесија покрај елка заедно со децата, повод за кој не заобиколи да носи жешки бели жартиери.

Она што не изненади е дека Гавазова за снимањето на една од празничните емисии, се појави облечена во едноставен црн колтел фустан кој не нагласи ниту еден дел од нејзиното тело.

Додека останатите нејзини колешки истакнаа се` на мегдан, Сузе направи невиден стилски куриозитет.

Мигрант од Сенегал освои добивка од 400.000 евра на шпанската божикна лотарија во Андалузија, каде повремено работел во стаклените градини, соопштија денеска локалните медиуми.

– Не можам да верувам, немав ни пет евра во џеб, вели возбудено 35-годишниот добитник Нгаме, кој живее во туристичкиот град Рокетас де Мар, а во моментов е без работа.

Тој објасни дека пред осум години дошол со сопругата на шпанскиот остров Тенерифе во импровизиран чамец, по што преминал во покраината Алмерија.

– Бевме 65 во тој чамец и овде сме благодарејќи на Шпанците кои не спасија откако бевме во вода по претрпениот бродолом, објаснува сречниот добитник.

Тој повремено работел во стаклените градини во Рокетас де Мар, но сега е без работа.

-Како што ветивме, така исполнуваме. Од 1 јануари се зголемува минималата плата. Ова е ветување кое го дадовме пред граѓаните, истакна премиерот Никола Груевски во гостувањето во вестите на Сител.

-Од 1.1.2016 ќе има зголемување од 9.590 на 10.080 денари на минималната плата во сите индустриски дејности како што е ветено, освен во текстилната и кожарската индустрија каде зголемувањето ќе биде од 8.050 на 9.000, одноносно речиси за 1.000 денари, посочи премиерот.

Нови булеверски улици, нови кружни текови, спортски сали, црковни објекти, и што уште не, најави градоначалникот на Општина Прилеп Марјан Ристески, на традиционалните средби со граѓаните на урбаните заедници, кои се одржуваат секоја година пред новогодишните празници.

На овие средби присуствуваат директорите на јавните претпријатија, луѓе од општината и раководители. Целта на средбите е населението да се запознае со она што е сработено во општината за изминатата година, да се најави она што ќе се работи во наредната година, како и да им се овозможи на граѓаните да дадат свои сугестии, предлози, идеи кои би влегле во буџетот на општината и би им го олесниле секојдневниот живот. Изминатата година беше значително активна за општинските власти, донесе многу новини, се започнаја и реализираа проекти од витално значење за граѓаните.

Градоначалникот започна со она што е инвестирано до сега во индустриските зони во Прилеп, и тоа двете локални индустриски зони, Прилеп 1 и Прилеп 2, како и во технолошко индустриската зона Алинци.

Во индустриската зона Прилеп 1 продадени се сите парцели, и веќе никнуваат погони на локални компании, кои исто така ќе акумулираат повеќе стотини работни места. Таму е поствена водоводна мрежа, стујно поврзување и се гради асфалтна поврзаност. Општина Прилеп доби донација од 130 000 евра за уредување на оваа зона од Светска Банка.

Индустриската зона Прилеп 2 исто така е во распродажба и ќе започне да се гради инфраструктурно.

Сведоци бевме на влегувањето на една мултинационална компанија во името на американскиот Гентерм, која гради своја фабрика во технолошко индустриската зона Алинци и ќе вработи 2000 луѓе.

Исто така беше потенцирано дека во иднина ќе се гради и индустриска зона Прилеп 3, после средувањето на претходните две.

Она што е очигледно променето, на кое што и најголемите скептици и критичари молчат, е уредувањето на централното градско подрачје. Конечно Прилеп е современ, урбан град, место што вреди да се посети, да се прошета и ужива.

Во наредната година ќе се поплочи и современо ќе се уреди патеката од споменикот на Пеце Атанасоски до училиштето Кочо Рацин. Ќе се уредуваат улиците околу новиот трговски центар Прилеп Сити, кој исто така е во финална фаза на досредување.

Нови булеварски улици ќе никнат на два потези. Улицата 11 Октомври веќе го добива својот нов лик. Оваа улица ќе прерасне во авенија од потегот на кружниот тек кај Прилепско поле, до мостот Табана, каде исто така ќе биде извршено проширување на мостот и ќе се изгради голем кружен тек што ќе ги замени збунувачките семафори и ќе овозможи далеку полесен проток на сообраќајот.
Кружни текови ќе никнат и на раскрсницата кај студентскиот дом, како и на раскрсницата кај новата автобуска станица.

Вториот булевар ќе никне на улицата Димо Наредникот.

Во изминатиот период, Прилеп доби нов современ влез со четири ленти, од бензиската Лук Оил кон градот. Ист таков влез ќе се гради и кај клучката на влезот кај Хотел Салида.

Она на што Прилепчани се горди е секако изградбата на црквата Св. Петка во населбата Точила, храм на за кој несебично со организирање на донаторски средби и секаков вид на координација се вклучи и оштината. Храмот беше осветен оваа година и предаден на граѓаните.

Градоначалникот вети дека општината ќе помага и понатаму за уредување на дворното место. Тука треба да се спомне дека градот доби и 3 нови маалски цркви, од кои 2 се осветени, едната во населбата со типски куќи, Св. Константин и Елена, а другата во дворот на болницата, Св. Пантелејмон. Наскоро ќе се освети и црквата Св. Климент Охридски кај Паркот на Револуцијата. Вакви цркви ќе се градат уште во 2 населби во иднина, и тоа едната во Марино Маало, а другата во Жабино Маало, со што ќе им се овозможи на граѓаните кои се поодалечени од централните храмови, да имаат место каде ќе ги обавуваат своите религиозни потреби.

Со поддршка на министерството за култура се градат нови конаци во манастирот Св. Архангел Михаил во населбата Варош, изграден е патот до манастирот Трескавец, изграден е патот до манастирот во Зрзе, со сето ова Прилеп се издигнува високо на мапата за културен туризам. Идната година исто така започнува обновата на конаците во манастирот Трескавец, изработен е проектот, а денеска беше избран и изведувачот.

Градоначалникот Ристески е особено горд како што кажа на инвестициите во образованието. Основните и средните училишта во градот како никогаш до сега процветуваат, благодарение на 12 милиони евра, како што кажа, инвестиции во претходните години, соработката со Владата на Република Македонија и Агенцијата за млади и спорт. Изградени се веќе 3 спортски сали од страна на Владата, најавени се уште 4. Општината успева да изнајде инвеститори за изградба на балон сали во другите училишта, па така пред извесно време една таква сала беше подигната во основното училиште Блаже Конески, а веќе во завршна фаза е и таква сала во училиштето Гоце Делчев. Наскоро е најавена изградба на спортска сала и во основното училиште Кире Гаврилоски-Јане. Ваквите инвестиции ќе продолжат и во идната година, ќе се обновуваат фасади, столарија, подови, ентериер, дворни уредувања.

Коритото на Градска Река полека се средува, се собира отпадната вода во канализационен систем, благодарение на изградбата на пречистителната станица. Градоначалникот објави дека ќе се реновираат сите мостови на реката, и дека ќе се градат неколку пешачки мостови.

Општината Прилеп е лидер во проектот со легализација на дивоградбите, примени се околу 15 000 барања, од кои до сега се решени повеќе од 8 000 предмети и се издадени исто толку решенија за легализација.

Масовно се распродаваат и парцелите во новата населба Градина, која ќе претставува најурбанизирана населба во иднина. Веќе е започнато инфраструктурното уредување и поврзување на населбата, каде парцелите се продаваат во просек по 1,5 евра по метар квадратен.

Она што е исто така од револуционерно значење е и изготвувањето на новиот детален урбанистички план, кој е во завршна изработка, и со кој еднаш за секогаш ќе се знае што каде ќе се гради во наредните 20-30 години. Пракса во минатото било планот да се копира на неколку години и да поминува без никаква проверка. Оваа општинска администрација ќе го реши овој проблем, и со тоа ќе има испланирано места за згради, трговски центри, паркови површини, и што уште не.

Кај млечниот пазар исто така се гради нов трговски објект, мол, инвестиција на компанијата Тинекс, а се најавува уште еден трговски центар за кој интензивно се разговарало со потенцијалните инвеститори.

Најавени се и нови детски градинки. Една таква за брзо време ќе профункционира во Работничкиот Универзитет Пере Тошев, а ќе се реконструира и градинката во Тутунскиот комбинат. Детска градинка беше изградена и во населеното место Тополчани.

Градоначалникот Ристески најави и нови паркови во градот, партерни уредувања, тротоари, хортикултурни уредувања.

В година  исто така ќе се изврши и целосно допокривање на пазарот.

Сето ова говори за одговорноста на локалната власт и висината на транспарентност кон граѓаните, за осовременувањето на еден град кој се движи по европските текови, да стане урбано, пријантно, топло, средено место за живеење.

Граѓаните на сите овие средби со аплаузи ги поздравуваја идните потези на општината, а на крајот се вклучувања со свои дискусии, со барања за решавање на проблеми, кои ги засегаат и кои ги имаат во нивните маалски средини.

Посакуваме ваквите состојби да се пресликаат и во другите општини низ државата, државата да се модернизира како што тоа се случува во нашиот град во изминатите 10 години.

Подготви : Александар Георгиоски

Државниот испитен центар информира дека на 25 ти декември ќе бидат објавени прашањата за екстерното тестирање за учениците од завршните години на средното образование.

Објавениот базен со прашања ќе содржи повеќе од 85 000 прашања. Базата е освежена со 20% нови прашања.

Во следните две недели поточно до 08.01.2016 година, јавноста ќе може да остава коментари за конкретните прашања. Прашањата за кои ќе има валидни и конструктивни коментари ќе бидат соодветно корегирани.

Со цел прочистување на базата и зголемување на квалитетот на прашањата ги повикувам сите засегнати страни (ученици, професори, родители) да се вклучат во проверка на прашањата и заеднички да ги подобриме, се вели во соопштението.

Веб страницата на која може да ги видите прашањата и да оставате коментари е www.prasanjaeksterno.dic.edu.mk.

Во наредните векови, овој обичај се проширил низ цела Европа, а во Англија за прв пат во 1841-та година се појавила елката украсена со бомбони, хартиени цвеќиња, панделки и мали подароци. Најпрво украсувањето на дрвото било поврзано за највисоките слоеви во општеството, но многу брзо сите го прифатиле овој обичај. Доселениците од Германија овој обичај го претставиле на тлото на Америка, а Азија за новогодишната елка дознала од мисионерите.

Дури и во нехристијанските култури убаво декорираното дрво симболизира почеток на новата година. Но, се поставува прашањето зоште луѓето почнале да украсуваат елка за Божик и Нова Година?

Украсувањето на елката на оној начин  како што тоа го правиме денес за прв пат се појавило на територијата на Германија, каде во средниот век за Божик се украсувала елка со јаболки, а во западниот дел на денешна Германија дрвото се украсувало и со колачиња во различни облици и свеќи кои го симболизирале Исус Христос како вечна светлина.

Во наредните векови, овој обичај се проширил низ цела Европа, а во Англија за прв пат во 1841-та година се појавила елката украсена со бомбони, хартиени цвеќиња, панделки и мали подароци. Најпрво украсувањето на дрвото било поврзано за највисоките слоеви во општеството, но многу брзо сите го прифатиле овој обичај. Доселениците од Германија овој обичај го претставиле на тлото на Америка, а Азија за новогодишната елка дознала од мисионерите.

Сепак, постојат голем број теории за тоа од кој обичај потекнува украсувањето на елката. Најчесто се врзува за симболизмот на дрвото во обредите пред појавата на христијанството, посебно за приказната за Дабот на Јов, што било свето стебло според древното германско племе Хата. Според легендата, христијанскиот мисионер Бонифициј, кој подоцна е прогласен за свеетец, во 723 или 724 година исекол едно од овие стебла за на паганите да им ја покаже супериорноста на христијанството над нивната религија – недостатокот на реакција од паганските богови би требало да им покаже дека треба да ја отфрлат својата религија и да го прифатат христијанството. Тој успеал во тоа и моментот што е опишан со оваа легенда обично се смета за клучен за покрстувањето на Германите.

Обожавањето на дрва било мошне често меѓу европските пагани и воглавно тоа го преживеало нивното прифаќање на новата религија.

Поради неприлагодена брзина или непочитување на сообраќајните знаци повторно во прашање е доведена безбедноста на учесниците во сообраќајот.

И следната година продолжува владиниот проект за самовработување преку кој државата доделува неповратни средства во висина од 3.500 евра за отворање на бизниси и самовработување

Целта на овој проект е да се ​​поддржат невработените лица во основање сопствена фирма, формализирање на веќе постоечка (неформална) дејност и во создавање дополнителни вработувања. Проектот вклучува обука за претприемништво, помош при развивање одржлив бизнис-план и регистрирање на дејност, неповратни грантови во форма на опрема и материјали, и менторство во време на започнување на бизнисот.

-Во текот на 2016 за оваа мерка веројатно ќе бидат распишани два огласи од кој првиот ќе биде распишан веќе во текот на јануари, што претставува еден соодветен период во кој сите лица кои имаат идеја и интенција да ја искористат оваа извонредна можност за отворање на бизнис преку добивање на неповратни средтсва од страна на владата, да може да ги проучат можностите и да почнат да изготвуваат бизнис планови во кои ќе аплицират во рамки на огласот. Ова е соодветен период во кој сите лица кои не се на евиденцијата на АВРМ да се пријават и на тој начин да се стекнат со можност да ги користат можностите при аплицирањето на самиот оглас, истакнува владиниот портарол Александар Ѓорѓиев.

Во текот на 2016 година ќе бидат доделни неповратни грантови за отворање на 920 фирми, во кои ќе се обезбедат вработувања на 970 лица, од причина што во околу 50 од отворените фирми Владата ќе подржи со финансиски средства вработувања на по две лица. Најмалку 300 од овие фирми кои ќе бидат подржани со владини средства ќе бидат фирми кои ќе бидат основани од млади лица до 29 години кои се невработени и се наоѓаат на евиденцијата на АВРМ.

Она што е значајно е дека за лицата кои ќе отворат сопствен бизнис и ќе се самовработата(или во вториот случај ќе се самовработат и ќе вработат уште едно лице покрај нив) важат условите од проектот Македонија вработува со кој се ослободуваат од плаќање на социјални придонеси и персонален данок.

По објавата на огласот и аплицирањето на заинтересираните невработени лица, 1.500 од лицата кои аплицирале ќе стекнат право да добијат обука за претприемништво. Од нив 1.050 ќе бидат избрани за поддршка за изработка на бизнис план. 920 невработени лица кои доставиле најдобри бизнис планови ќе добијат помош при регистрација на сопствен бизнис и ќе добијат грант во форма на опрема и/или материјали за започнување на бизнисот.

За реализација на секое самовработување се предвидува поддршка со неповратни средства во висина на 201.600 денари, од кои 185.000 денари во вид на директна поддршка за набавка на опрема и/или репроматеријали, додека останатите 16.600 денари служат за поддршка во вид на основна обука за претприемништво и водење бизнис во времетраење од најмалку 30 часа, ваучер систем за изработка на бизнис план и поддршка при регистрирање на бизнисите.

За лицата за коишто во процесот на аплицирање ќе се утврди дека преку оваа програма ќе формализираат постојан бизнис, ќе се организира 30 часовна обука за унапредување на претприемачките и менаџерски вештини. И за оваа група учесници, се предвидува поддршка со неповратни средства во висина на 201.600,00 денари од кои 185.000,00 денари во вид на директна поддршка за набавка на опрема и/или репроматеријали, додека останатите 16.600,00 денари служат за обезбедување на горенаведената обука, ваучер за изработка на бизнис план и помош при регистрација на сопствениот бизнис.

Најуспешните 15 кандидати (од 900 селектирани за поддршка) кои ќе презентираат одржливи и иновативни бизнис-планови и согласно критериумите за евалуација се оценети за бизниси кои имаат најголем потенцијал за раст ќе добијат грант во вкупен износ од 257.000,00 денари во вид на директна поддршка за набавка на опрема и/или репроматеријали.

Кандидатите кои ќе презентираат одржлив бизнис план, кој јасно укажува на потреба од вработување на најмалку две лица за успешно функционирање на бизнисот но и преку економски и финансиски параметри ја потврдува одржливоста на дополнителното вработување, имаат можност да аплицираат за грант кој ќе поддржи самовработување на основачот на фирмата и дополнително вработување за најмногу 1 лице. Во тој случај, средствата на вкупниот грант ќе изнесуваат 293.600,00 денари од што 201.600,00 денари за реализација на самовработувањето и отворање на бизнисот и 92.000,00 денари за дополнително вработено лице. Основачот на правниот субјект ќе има обврска да го задржи дополнително вработеното лице најмалку 12 месеци. Вкупниот број на бизниси што ќе бидат поддржани со грант за самовработување и дополнително вработувања ќе биде 50..

Доколку некој од најуспешните 15 кандидати со иновативни бизнис планови предвидуваат дополнителни вработување и при тоа од комисијата нивниот бизнис план е селектиран меѓу најуспешните 50 бизнис планови, на овие кориснци ќе им се одобри и дополнителен грант од 92.000,00 денари. Во тој случај, вкупната поддршка за набавка на опрема и/или материјали ќе изнесува 349.000 денари.

Програмата самовработување нема да поддржува основање на бизнис во земјоделска дејност – Растително и животинско производство, лов и услужни дејности поврзани за нив, Трговија на големо и дистрибуција, Производство и дистрибуција на оружје, Финансиски и осигурителни бизниси и активности кои вклучуваат игри на среќа, Бизниси од областа на транспортот (такси превоз); Активности поврзани со недвижнини, Консултантски услуги, Приоритет за вклучување во Програмата ќе имаат невработените лица кои првпат аплицираат за користење на грант.

Познато дека Исламска држава мошне добро заработува од своите активности, но малку е познато колкава е платата на борците, кои се наоѓаат на нејзиниот платен список, пишува „Фајненшл тајмс“.

Иако коалицијата, која е под водство на САД минатата недела го ликвидираше книговодителот на ИД, Абу Салах, најновите детали од истрагата за економската ситуација во ИД објавени во весникот покажуваат дека без копнени интервенции никој нема да може да ги спречи нејзините деловни комбинации од кои се финансираат илјадници екстремисти, кои се наоѓаат на нејзиниот платен список, пренесува МИА.

Еден разузнавач на коалицијата изјави дека ИД има доволно девизни резерви и постојани приходи за да продолжи со воените операции со исто темпо уште најмалку три години.

Врз основа на документите и интервјуата, објавени со неколку поранешни команданти на ИД и ирачки и сириски функционери, „Фајненшл тајмс“ направи проценка на финансиската ситуација во ИД.

Исламистите изминатата година најмногу заработија од грабежи и препродажба на нафта, која претставува главен извор за финансирање.

ИД заработува речиси 900 милиони долари годишно, а две третини од тие пари одат на воените активности. На странците, кои се приклучуваат кон калифатот годишно одат меѓу 200 до 250 милиони долари.

Околу 20 милиони долари секој месец се трошат на борци во првите редови на фронтот, за кои се претпоставува дека ги има околу 30 илјади, додека на локалните борци и различни други помошници се трошат меѓу 15 и 20 милиони. Сите тие заедно ја сочинуваат групата од 70 илјади борци, кои се наоѓаат на платниот список на ИД.

Според овој извештај ИД неделно само на муниција троши околу еден милион долари, додека на различни други воени активности оди најмалку уште еден милион. Од друга страна нафта имаат во неограничени количини целосно бесплатно.

Борците имаат фиксен дел од 150 долари месечно, на кои се додаваат бројни додатоци и бенефиции, како што се 200 долари за воен плен и бонус за жени и робинки. Во просек оваа сума достигнува до 800 долари.

Финансискиот систем на ИД е мошне централизиран со седиште во Мосул. Не постои електронски банкарски систем, така што не може да се има целосен и прецизен увид во финансиските активности.

Поранешни милитанти, кои побегнале од ова исламистичка творба, тврдат дека платите знаат да доцнат и по неколку месеци, а дека голем дел од бонусите никогаш не се исплаќаат.