Страшен судир се случи вечерва во скопски Центар. Полицијата ги истражува причините за настанатата ситуација. Најважно е тоа што нема жртви и повредени.

Еротската “50 нијанси на сиво” ги предводи овогодинешните номинации на наградите “Златна малинка” за најлоши филмови на 2015 година со шест номинации, пишува британскиот весник “Индипендент”.

Филмот со учество на минатогодишниот добитник на “Оскар” Еди Редмејн “Патот на Јупитер” исто така има шест номинации, како и лентите “Пиксели” и “Полицаец на трговскиот центар 2″.

Четирите филма, заедно со “Фантастичната четворка” ќе учествуваат во трката за најлош филм. Џејми Дорнан, кој го одигра плејбој милионерот Кристијан Греј во “50 нијанси на сива”, ќе се бори за наградата “Најлош актер” заедно со Џони Деп за “Мордекај”, Кевин Џејмс за “Полицаец на трговскиот центар 2″, Адам Сендлер за двата филма”Чевлар” и “Пиксели”, како и Чанинг Тејтум за “Патот на Јупитер”.

Дакота Џонсон, која влезе во главната улога на Анастејша Стил во “50 нијанси на сиво”, ќе се бори за наградата “Најлоша актерка” на 2015 година. Заедно со неа номинирани се и Кетрин Хејгел за “Домашен пекол”, Мила Кунис за “Патот на Јупитер”, Џенифер Лопез за “Соседното момче” и Гвинет Палтроу за “Мордекај”.

Традицијата за “Златните малинки” датира од 1980 година и е пародија на прекрасната сезона на холивудските кинонагради. Одличувањата за најлошите актери и филмови ќе се врачат во ноќта на 27 февруари – ден пред наградите “Оскар”. Тие се определуваат од 900 члено жири од 47 американски држави и 21 држава.

Генералниот секретар на ВМРО-ДПМНЕ Емил Димитриев ќе биде нов премиер во Владата на РМ кој ќе дојде на местото на Грувски во преодниот период, дознава Press24 од свои извори во ВМРО-ДПМНЕ. ИНформацијата нема ниту потврда ниту демант од ВМРО-ДПМНЕ

Одлуката според неофицијалните информации паднала на седницата на Извршниот Комитет на ВМРО-ДПММЕ а треба да биде потврдена од Централниот комитет на ВМРО-ДПМНЕ

Стотици Македонци кои поседуваат и бугарски пасоши добиле казни затоа што во мај лани гласале на европските избори во бугарските конзуларни претставништва во Македонија, а немале право, пренесуваат бугарските медиуми.

Главна причина е тоа што не ги исполнуваат условите 3 месеци пред тоа да живееле на територијата на Република Бугарија или во друга земја членка на ЕУ.

Најмногу постапки се водат во пограничните градови Благоевград и Ќустендил каде што се домашните адреси на многу новопечени македонски Бугари. Во Благоевград се покренати постапки за 283 иматели на двојни пасоши, во Ќустендил за 250 двојни државјани. Обвинителка од Благоевград за „Телма“ објаснува дека македонците згрешиле по два закона.

Затоа што го искористиле гласачкото право иако немале поради неисполнување на условот за живеалиште. Под тој услов за да се гласа на европските избори мора пред денот на одржувањето, непрекинато најмалку три месеци да имаат живеалиште односно престојувалиште во Бугарија или во земја членка на ЕУ. Вториот престап е што тие самите пред избирачките одбори декларирале дека имаат избирачко право – изјави Весела Стоилова, обвинителка и портпарол на Обвинителството во Благоевград, Бугарија.

Претседателот на судот во Ќустендил Андреј Радев потврди дека има такви постапки и во неговиот суд, но рече дека се проверува точната бројка.

Сигурно не се 250, нема повеќе од 30 такви судења, ни изјави Радев телефонски. Казната за македонците гласачи со бугарски пасоши во Ќустендил е илјада лева, односно 500 евра. Најголемиот дел од постапките во Благоевград сѐ уште се водат.

Од вкупно 283, за три лица се прекинати постапките затоа што потврдиле дека престојувале во Бугарија или во земја на Европската унија повеќе од три месеци пред изборите. 85-мина направиле спогодба со обвинителство и се осудени на помали казни.

По прифаќањето на спогодбата од страна на судот на 85 лица им е пишана глоба од по 300 лева – изјави обвинителката Стоилова.

Во бугарските медиуми се цитира изјава на извесен Благој Панов, кој тврди дека за гласањето во бугарската амбасада во Скопје, 20 членови од неговото семејство се осудени на глоба од по илјада лева. Тврди дека никој не ги известил дека немаат право да гласаат. Но левовите од пишаните казни ќе мора да летнат кон неговата втора татковина.

Во петок 15.1.2016 година во 19.00 часот во галеријата од ЦК ,,Марко Цепенков,, ќе биде отворена изложба на дела од уметниците членови на ДЛУП(Друштво на ликовни уметици Прилеп). На изложбата ќе се претстават 20 уметници кои ќе го презентираат најновото творештво.
Со отворањето на оваа изложба ЦК ,,Марко Цепенков,,  ја започнува програмата за работа на ликовен план за 2016 година.
– И годинава ќе се потрудиме на прилепските љубители на ликовната уметност да им го понудиме најдоброто на полето на ликовната уметност во земјата – велат од Центарот.

Изминатите месец дена преку нашиот портал спроведовме анкета за тоа кој е најдобар проект за младите во Република Македонија, од моментално актуелните проекти кои се спроведуваат во пракса.

Од понудените одговори и од резултатите на анкетата, може да се процени дека имало интерес на сите 5 понудени проекти и тоа: најголем бил одзивот за бесплатните учебници, кои ги дава Министерството за образование и наука на средношколците, потоа следува бесплатниот градски превоз за студентите. Најновиот проект на Владата, за наградување на студентите со патување во топ три европски дестинации, Париз, Венеција и Барселона, за сите студенти на првите 3 рангирани универзитети кои ќе дипломираат со просек 9,5, е трето рангиран. Новите спортски сали кои се градат ширум државата се на четврто место според анкетата и според нашите читатели. И на крајот најмал интерес е пројавен за бесплатни театарски и кино претстави во среда за средношколците.

Во наредниот период интересот на нашата нова анкета ќе биде насочен кон актуелните политички случувања и најавените парламентарни избори во 2016 година.

Прашањето гласи: Што очекувате после најавените парламентарни избори во 2016 година, без разлика на тоа која политичка партија би победила на истите?

1. Решавање на проблемот со името

2. Економски подем на државата

3. Крај на политичките кризни случувања во државата

4. Кризите ќе бидат честа појава и во иднина

[democracy id=”7″]

[Best_Wordpress_Gallery id=”121″ gal_title=”StaraNovaGodina_Limitless”]

Денес во присуство на околу 1000 граѓани на Прилеп, Премиерот на Владата на Република Македонија, Никола Груевски, градоначалникот на Општина Прилеп Марјан Ристески, пратениците во Собранието Димитар Стевананџија и Ана Лашкоски, министерот на странски инвестиции Бил Павлески, беа отпочнати активностите околу изградбата на нова, втора фабрика во ТИРЗ Алинци Прилеп.

Новата фабрика на Акoмпласт е германска инвестиција за производство на автомобилски делови, фабрика која ќе значи нови 150 вработувања, и тоа исклучиво на високообразовани кадри од Прилеп и околијата. Капиталот на инвестицијата е 3 милиони евра.

Премиерот Груевски во своето обраќање потенцираше дека ова е петта фабрика, односно петти потпишан договор за инвестиција во последните 5 дена во Македонија.

При своето обраќање пак инвеститорите се заблагодарија на Владата на Р. Македонија, на градоначалникот Марјан Ристески, министерот Бил Павлески, како и на сите луѓе кои придонесоја за реализација на оваа инвестиција, за безрезервната поддршка и за одличните услови за инвестирање во државата.

Беа поставени и осветени темелите на фабриката, а градбата се очекува да биде завршена до крајот на летото.

Интересно беше и тоа што при турањето на темелите, инвеститорите пуштија и временска капсула со денешни весници, што претставувало обичај во Германија кога се гради нешто,  ново, а целта е да остани белег во иднина, доколку по неколку генерации некој врши ископувања на ова место, да знае што тука имало во минатото.

Индустриската зона ТИРЗ Алинци е скоро во потполна спремност, изградена е високо квалитетна инфраструктура и веќе ги има првите 2 инвеститори. Овие нови странски инвестиции ќе значат брз подем на градот, кој покрај одличната инфраструктурна уреденост која ја има денес, конечно ќе заживува и на економски план.

Според нумерологијата животниот век се сведува на циклус од 9 години кои започнуваат од нашето раѓање, а завршуваат тогаш кога завршува и нашиот живот. Циклусот одново и одново се повторува.

Секоја година од тој циклус има свое единствено значење и секако насока која може да ви помогне при одредувањето на вашите животни цели и желби.

Како да пресметате кој е вашиот број за 2016-та?

Соберете ги бројките од датумот на вашето раѓање и годината во која влегувате.

На пример, ако сте родени на 12 јуни, треба да го направите следново: 1+2+0+6+2+0+1+6 = 18

Ако добиете само еден број тој го претставува вашиот годишен број. Но, ако добивте двоцифрен број постапката треба уште еднаш да ја повторите.

Така, на пример, бројот 18 кој го добивме во овој случај уште еднаш го собираме 1+8 = 9

Годишниот број е 9.

Пресметајте го вашиот годишен број и проверете што треба да направите во 2016-та.

Годишен број 1

Нови почетоци, акција, животни прилики

Оваа година ве очекуваат големи промени и нови животни прилики и затоа не смеете да ги одолговлекувате одлуките. Ќе имате прилив на нова и силна животна енергија и нови идеи кои ќе морате да ги распоредите во наредните 12 месеци.

Оваа година е година во која сите потреби треба да ги ставите на прво место. Без разлика дали се работи за мали физички промени или пак оние значајните, оваа година треба да си ја посветите на себе.

Годишен број 2

Трпение, односи, баланс, емоции

Оваа година се однесува на сето она што досега сте го постигнале во животот. Оваа година ќе ви се чини како бавна, бидејќи ќе имате чувство како ништо важно да не ви се случува, но бидете претпазливи, зад малите незначајни работи се кријат големи промени.

Оваа година на прво место ви е љубовта, односите со другите и вашите искрени емоции. Оние кои се во врска ќе откријат дали е вистинската, а оние кои се слободни можат да запознаат некоја посебна личност со која ќе остварат силна врска.

Годишен број 3

Социјализација, комуникација, креативност

За разлика од втората година која се чини како фрустрирачки бавна, третата година е поенергична и динамична. Во оваа година на виделина доаѓаат сите оние работи кои сте ги направиле и промените од првата година.

Во оваа година треба повеќе време да поминувате во друштво. Поврзете се со старите пријатели и работете на нови познанства. За возврат ве очекува  позитивна енергија, веселби и забава. Уживајте во сè што ви носи животот.

Годишен број 4

Ред, труд, планирање, вложување

Оваа година е посветена на сето она кое е потребно за вашиот живот да стане подобар и поквалитетен. Токму затоа, организацијата и планирањето се важен фактор поради кој вашиот живот ќе тргне кон подобро.

Оваа година важно е да се грижите за вашето здравје, да се одлучите за штедење, промени во вашиот дом, исплаќање на долговите, образование и некој друг облик на надградување на потенцијалите. Плановите од оваа година долгорочно ќе ви се исплатат.

Годишен број 5

Авантура, напредок, промени

Четвртата година ја одбележавте во големи промени, планови, тешка работа, а петата година носи очекувани и неочекувани промени кои ќе се појават во разни облици. За некои тоа значи преселување, нова работа, нова врска, а за другите промени на животните ставови и размислувањата.

На било кој начин, ќе ви се отворат нови можности и затоа добро е да избегате од рутината и да пробате нешто ново, различно.

Годишен број 6

Љубов, семејство, одговорност

Оваа година ќе ви биде обележана со несебичност и важно е да се посветите на другите и да ја истакнете вашата одговорност. Вашето рамо за плачење понудете го на најблиските и бидете отворени за помош.

Шестата година е во знакот на љубовта, па ако не сте во врска можете да се заљубите и да започнете нова. Оние кои веќе се во врска ќе отидат чекор нанапред. Ако имате проблеми и несогласувања, оваа година е идеална за да ги разрешите.

Годишен број 7

Преиспитување, личен и духовен раст

Седмата година е посветена исклучиво на вас. Во овој период важно е да направите анализа на самите себе за да сфатите кои сте, што сте и што сакате. Во оваа година не треба да одите нанапред, туку да застанете, направите чекор наназад и да размислите за сè што сте направиле и што сакате да направите.

Во оваа година добро е да работите на своите потенцијали. Пронајдете некое ново хоби или пак, подобрете ги вашите вештини. Што и да правите, важно е да бидете среќни и исполнети.

Годишен број 8

Моќ, финансии, кариера

Оваа година е во знакот на работата, кариерата, финансиите и правните работи. За некои тоа се работните прилики или напредокот на постоечкото работно место, а за другите во облик на пораст на трошоците и намалување на финансиските приливи.

Животот како што сте го воделе досега и сè она што сте го вложувале во себе оваа година ќе се покаже. Но, исто така, треба да бидете внимателни при донесувањето на финансиските одлуки, бидејќи ако не се брзоплети можат да ви донесат големи проблеми.

Годишен број 9

Трансформации, завршетоци

Оваа година е последна од животниот циклус и е фокусирања на завршување на сè она што досега сте го планирале и постигнале, како и подготовка за нов почеток. Најважно во овој дел од животната трансформација е сè да оставите зад себе.

Оваа година е идеална за „чистење“ на животот, за сè да тргне напред и кон подобро. Иако 9-та година претставува завршеток, таа е истовремено и симбол за повторно раѓање. Затоа, наредните 12 месеци треба да завршите сè што сте работеле досега.

Сеќавањето на непознатиот автор за последната средба со неговата покојна мајка на Фејсбук со наслов “Love What Matters” за повеќе од 24 часа собра над 27 илјади лајкови и споделено над 20 илјади пати.

– По 21 години брак, мојата сопруга сакаше на вечера и во кино да однесам друга жена. Ми рече: „Те сакам, но знам дека и другата жена те сака и би скала да помине време со тебе“.

Таа друга жена која мојата сопруга сакаше да помине време со мене беше мојата мајка, која беше вдовица во псоледните 19 години, но поради работа и обврските околу трите деца ја гледав ретко.

Таа вечер ја поканив на вечера и во кино

– Што не е во ред, добро ли си, ме праша. Мојата мајка е тип на жена која мисли дека ако и се јавиш или и приредиш некое изненадување е знак за лоши вести.

„Мислев дека би било убаво да поминеме некое време заедно’ и одговорив. „Само ние двајца“.

Размислуваше во еден момент и рече „Зошто не би сакала“.

Тој петок после работа додека возев до кај неа бев малку нервозен, Кога дојдов до куќата, забележав дека и таа е нервозна поради нашиот состанок. Чекаше пред врата со капут на себе. Ја средила косата и облекла фустан кој го носеше на последната прослава на својата годишнина од бракот. Се насмевна, а лицето и изгледаше како на ангел.

– Им кажав на пријателките дека ќе излезам со мојот син, а тие ми завидуваа, рече додека влегуваше во автомобилот

„Едвај чекаше да слушне се за нашето излегување“.

-Отидовме до ресторанот кој не беше елегантен, но беше убав и пријатен. Мојата мајка ме држеше за рака како вистинска дама. Откако седнавме, морав да и го прочитам менито. таа можеше да ги гледа само крупните букви. Кога дојдов до половина список го подгинав погледот, мајка ми седи и гледа во мене. На лицето имаше носталгична насмевка „ јас на тебе некогаш ти го читав менито додека беше мал“ ми рече. „ Тогаш време е да се опуштиш и да ме пуштиш мене да ти ја вратам услугата“ и одговорив јас.

За време на вечерата имавме пријатен разговор, за ништо псоебно, разговаравме за работи кои ни се случиле во последно време. Зборувавме толку долго што го пропуштивме филмот. Кога дојдовме до нејзината куќа ми рече: „Ќе излезам уште еднаш со тебе, но ако ми дозволиш јас да те повикам тебе“. Се согласив.

Каква беше вечерата?, ме праша сопругата кога дојдов дома. „ Многу убава. Многу повеќе отколку што очекував“, одговорив.

Неколку дена подоцна мојата мајка почина од срцев удар. Тоа се случило толку одеднаш што не можев ништо да направам за неа. По некое време добив сметка од ресторанот во кој бев со мајака ми. На неа имаше порака:

„ја платив оваа сметка однапред. Не бев сигурна дали сакам или дали ќе бидам таму, но платив вечера за двајца, за тебе и за твојата сопруга. Не можеш да замислиш колку ми значеше онаа вечера“ Те сакам сине“.