Извадоци од полицискиот билтен на МВР:

-ОВР Прилеп поднесе кривична пријава против 51-годишната Д.Г. од Прилеп поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“. На 15.04.2025, полициски службеници извршиле претрес во викенд куќа во прилепско, која ја користела пријавената, при што биле пронајдени и одземени три пиштоли, 39 парчиња муниција и рамка за пиштол.

-ОВР Крушево поднесе кривична пријава против Р.П.(51) од Крушево поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки матери“. На 29.12.2025, полициски службеници извршиле претрес во домот и други простории кои ги користи пријавениот, при што биле пронајдени и одземени 819 парчиња разни видови пиротехнички средства.

Ана Јованчев има само 8 години. Возраст во која децата треба да мислат на училиште, игра и соништа – не на болници и тешки дијагнози.

На Ана ѝ е дијагностициран редок и исклучително агресивен тумор на синусите – Tu Foss pterygopalatina Sinus sphenodalis lat dex et orbitae lat dex. Болеста е сериозна, комплексна и со висок степен на ризик, а времето е најкритичниот фактор.

Дијагнозата е потврдена во Хрватска, каде во моментов се бара специјализиран хирург кој ќе ја изврши неопходната операција. Станува збор за исклучително деликатна интервенција поради локализацијата на туморот и неговата агресивност.

Ова е најитната кампања досега.

Секој изгубен ден значи дополнителен ризик. Секое одложување ја намалува шансата за навремена реакција.

Пред Ана е тешка борба – но таа не смее да ја води сама.

Потребни се средства за хируршка интервенција, медицински трошоци и третман во странство. Семејството се соочува со огромен финансиски товар кој ги надминува нивните можности.

Да покажеме дека солидарноста е посилна од болеста. Да дадеме шанса на едно 8-годишно дете да продолжи да сонува, да расте и да живее.

Можете да донирате на ОВОЈ ЛИНК

Во недела 15 февруари, ден кога се празнува празникот Сретение Господово, во храмот Св.Кирил и Методиј – Параклис во Прилеп, Света и Божествена Литургија ќе богослужи Неговото Високопреосвештенство Митрополитот г. Петар во сослужение со викарниот Епископ г. Никола.

Нека е за многу години!

Општина Прилеп го објави Јавниот повик за предлагање кандидати за членови на Локалното собрание на млади на Општина Прилеп.

Локалното собрание на млади претставува тело составено од по еден делегат и еден заменик-делегат, кои се предлагаат од младински организации, организации за млади, политички подмладоци, ученички и студентски организации, како и други облици на младинско здружување.

Членовите на Локалниот младински совет на Општина Прилеп се избираат по пат на непосредни избори со тајно гласање, при што право на глас имаат делегатите од Локалното собрание на млади.

Повикот е отворен за сите младински организации, организации за млади, политички подмладоци, ученички и студентски организации и други облици на младинско здружување кои ги исполнуваат следните критериуми:

-да имаат активности на територијата на Општина Прилеп;
-да се основани и активни најмалку една година пред отворањето на повикот;
-делегатот и заменик-делегатот да се жители на Општина Прилеп и да се на возраст од 15 до 29 години.

Локалното собрание на млади има задача да ги спроведува активностите на Собранието, да учествува во подготовка на документи и да предлага членови во други органи и тела. Апликантите кои ги исполнуваат условите ќе бидат дел од Локалното собрание на млади, чија примарна цел е избор на Локалниот младински совет на Општина Прилеп.

Целта е почитување на Законот за младинско учество и младински политики, како и обезбедување поголема и поквалитетна вклученост на младите во креирањето на локалните политики за млади.

Јавниот повик трае 8 (осум) дена од денот на објавувањето на веб-страницата на Општина Прилеп, односно до 19.02.2026 година.

За критериумите и начинот на аплицирање, заинтересираните млади можат да го погледнат Јавниот повик објавен на веб-страницата на Општина Прилеп:

https://www.prilep.gov.mk/javen-povik-za-predlaganje-na-kandidati-za-chlenovi-na-lokalnoto-sobranie-na-mladi-na-opshtina-prilep-2/

Фобијата од петок 13 се поврзува со долгогодишни верувања дека денот носи несреќа.

Според бројни верувања ширум светот, петок 13 се смета за најнесреќниот ден во годината. Психолозите имаат посебна дијагноза кога стравот станува прекумерен. Таа состојба се нарекува параскаведекатријафобија и означува изразен страв од овој датум.

Ова распространето суеверие, според одредени познавачи, можеби потекнува од средниот век. Воедно, постојат претпоставки дека корените се поврзани со библискиот период. Според одредени преданија, тоа бил денот кога Ева го убедила Адам да го касне јаболкото. Освен тоа, според истите преданија, тогаш започнала големата поплава. Истовремено, се наведува дека во тој период започнала изградбата на Вавилонската кула.

Во Новиот завет се спомнуваат 13 луѓе поврзани со последните искушенија на Исус. Овие настани се случувале на Велики четврток. Тој ден претходел на распнувањето на Христос на Велики петок.

Некои историчари наведуваат поинакво објаснување за појавата на верувањето. Според нив, сè започнало кога францускиот крал Филип Четврти затворил стотици Темплари. Настанот се случил во петок, на 13 октомври 1307 година. Дополнително, во романот „Кодот на Да Винчи“, писателот Ден Браун го спомнува погубувањето на темпларот Жак де Моле на петок 13. Според приказната, тој ги проколнал папата и францускиот крал.

Можно влијание имал и романот „Петок 13-ти“ од Томас Лосон, објавен во 1907 година. Во романот, брокер без морални ограничувања го користи суеверието. Притоа, создава паника на Волстрит токму на овој датум.

По дваесет години, во 1927 година, се случил вториот најголем берзански крах во историјата. Денот останал запаметен како „црн петок“. Поради тоа, стравот кај Американците дополнително се засилил. Подоцна, верувањето се проширило во Европа и во други делови од светот.

Симболиката на бројот 13 и неговото значење во културите

Стравот од бројот 13, според некои толкувања, е поврзан со нормански мит. Во митот се споменуваат 12 богови кои подготвиле свечена вечера. На вечерата пристигнал непоканет тринаесетти гостин, лукавиот Локи. Тој го измамил слепиот бог на темнината Ходер. Потоа, Ходер го погодил богот на радоста Балдер. Според преданието, по тој настан целата земја била обвиена во темнина.

Ова верување создава претпоставка дека бројот 13 се сметал за несреќен уште пред христијанската ера. Историски гледано, бројот 12 се сметал за целосен и совршен број. Има 12 месеци во годината. Постојат 12 олимписки богови. Часовникот има 12 часа. Се споменуваат 12 апостоли. Се наведуваат и 12 потомци на Мухамед. Дополнително, постојат 12 хороскопски знаци. Поради тоа, бројот 13 се сметал како број што ја нарушува хармонијата.

Во многу држави постојат практични примери за ова верување. Високи згради често немаат тринаесетти кат. Куќите на одредени улици го прескокнуваат бројот 13. Освен тоа, во бројни хотели нема соба со број 13.

Во САД постои верување дека 13 луѓе не треба да вечераат заедно. Ова верување го следел и Теодор Рузвелт. Тој одбивал да патува на овој датум.

Во округот Сомерсет во Велика Британија постојат локални верувања. Таму се смета дека преместување кревет во петок предизвикува превртување бродови на море. Во округот Кумбрија, пак, новороденчињата родени во петок се ставаат врз Библија. Во одредени области постои верување дека првото јавување на лекар во петок најавува смрт.

Народни забрани и секојдневни суеверија поврзани со датумот

Потстрижување коса или сечење нокти во петок се смета за несреќно. Освен тоа, некои луѓе избегнуваат венчавки на тој ден. Дел од луѓето одбиваат да купат куќа во петок. Според статистички податоци, значително помал број луѓе патуваат со авион на овој датум.

Постојат и необични историски факти поврзани со овој ден. Во 1930 година била основана првата нудистичка колонија во Велика Британија. Колонијата се наоѓала во Норт Девон. Дополнително, во САД, на ридот над Лос Анџелес, знакот „Холивуд“ бил откриен на петок 13 во 1923 година.

Многу верувања се пренесуваат од генерација на генерација. Дел од нив се поврзани со одредени забрани. Едно од нив е поминување под скали. Ова верување потекнува од раното христијанство. Навалената скала создава триаголник со ѕидот и подлогата. Триаголникот се поврзува со светото тројство. Поради тоа, се верува дека не треба да се нарушува.

Суеверните луѓе често избегнуваат црни мачки. Се верува дека црната мачка носи несреќа ако го премине патот од лево кон десно. Според едно верување, ако мачката помине пред човек, потребно е да се направат три чекори назад. Според историски записи, христијанските свештеници ги убедувале верниците дека црните мачки се зли суштества.

Скршено огледало се смета за симбол на несреќа. Во антички Рим луѓето се огледувале во мирна вода. Се верувало дека одразот ја претставува душата. Поради тоа, фрлањето камен во вода се сметало за опасно. Подоцна, истото верување се пренело и на огледалата. Според суеверието, кршење огледало носи седум години несреќа.

Постојат верувања и за станување од кревет. Суеверните луѓе веруваат дека не треба да се станува на лева нога. Особено се избегнува ова однесување на петок 13.

Убиство на бубамара се смета за несреќа. Според некои верувања, бубамарата ја претставува Дева Марија. Поради тоа, уништувањето на инсектот се смета за лош знак.

Постои верување поврзано и со користење туѓа лажица. Се смета дека луѓето кои јадат од туѓ прибор ќе бидат погодени од несреќа. Според традицијата, за да се оттурне несреќата, потребно е трипати да се дува во лажицата.

Отворање чадор во затворен простор се смета за непожелно. Ова верување се поврзува со симболиката на дождот како зло. Се верува дека отворањето чадор без дожд повикува несреќа.

Параскевидекатријафобија е професионалниот термин за овој страв. Името потекнува од грчките зборови параскеви, што значи петок, dekatreis, што значи тринаесет, и фобија, што означува страв. Од ваков страв страдал и Френклин Рузвелт. Тој избегнувал патување на овој датум. Дополнително, никогаш не поканувал 13 гости на маса.

Општинскиот сојуз на спортови и Општина Битола по 62-ри пат ја организираат манифестацијата Избор на најдобрите спортисти и екипи на Битола за 2025 година. Повод за тоа беше денешната прес конференција.

Годинашното мото на манифестацијата е „Верувај во себе, направи шампион“.

Претседателот на Сојузот на спортови Сашко Павловски рече дека подготовките се во завршна фаза, очекуваат и гости од неколку федерации од Македонија и гости од Министерството за спорт.

По категории ќе бидат избрани 10 најдобри спортисти, потоа најдобри сениорски, младински екипи и најдобри младинци.

„Имаше над 130 предлози за оваа година за избор на спортист. Навистина зад нас имаме многу успешна година во спортот во градот и бевме пред тешка одлука да ги определиме најдобрите“ рече Павловски.

Градоначалникот на Битола, Тони Коњановски кажа дека како Општина, спортот во Битола ја имал, ја има и ќе ја има поддршката на оваа локална самоуправа.

„Нашата задача е да се грижиме и да инвестираме во спортот, и тоа го правиме. Како Општина Битола продолживме и продолжуваме да вложуваме во спортската инфраструктура, професионалниот и училишниот спорт. Секаде со големи букви е запишано и докажано дека Битола е најспортскиот град во Македонија“ вели Коњановски.

Манифестацијата ќе се одржи вторник на 17 февруари со почеток во 19:00 часот во Народниот театар Битола, а вечерва од 18:00 часот и изложба на спортска фотографија во фоајето на Народниот театар од четворица автори.

Кога сме кај манифестацијата “Спортист на годината”, која во минатото нередовно, но постоеше и во Прилеп, градот под Марковите Кули пред една недела за прв пат доби европски шампион. Каратистот Матеј Белистојаноски освои европско злато на Кипар, но неговиот и успесите на голем број други спортисти и спортски работници, веројатно ќе почекаме да бидат вреднувани и со домашни одличја.

Во најновата колумна за минатонеделните случувања во Прилеп, новинарот Зоран Момироски се осврна на политичките ветувања за изградба на нов театар во Прилеп, односно за реконструкција на постоечката театарска зграда.

,,Ново-старата престава,, НОВ ПРИЛЕПСКИ ТЕАТАР дефинитивно нема да се гледа. А и старата реконструирана и возобновена нема да стигне до 5 јуни кога треба да започне годинашниов јубилејен 60-ти театарски фестивал ,,Војдан Чернодрински,,.

Околу 25.000 евра проектот е финансиран од засега непознат бизнисмен. Така што големата и единственатаи силна актерска желба за ,,сигурен кров,, над главата во стариот објект нема одма да се исполни, бидејќи сакале или не Министерството за култура ќе чека ребаланс на државниот буџет.

Целата колумна на Момироски прочитајте ја ТУКА

Надворешната канцеларија за криминалистички работи при Одделение за внатрешни работи Кочани, до Основното јавно обвинителство Кочани, поднесе кривична пријава против A.К.(44), поранешен директор на Комуналното јавно претпријатие „Водовод“ – Кочани, З.Г.(53), вработен во претпријатието, Б.А.(64), исто така, вработен во претпријатието и против З.Ј.(55) поранешен вработен во јавното претпријатие, поради постоење основи на сомнение за сторено кривично дело „злоупотреба на службената положба и овластување“ во врска со кривично дело „соизвршителство“.

Второпријавениот, како претседател на Комисија за спроведување на јавна набавка, и трето и четвртопријавените, како членови на Комисија за спроведување на јавна набавка, во текот на 2021 година постапиле спротивно на одредбите на Законот за јавни набавки и спровеле постапка за јавна набавка на стоки – средство за превентивна санација од пожари на Градската депонија, при што составиле и усвоиле тендерска документација која содржела спецификација за продукти кои не постоеле на пазарот со цел да ја ограничат конкуренцијата меѓу економските оператори и фаворизирање на правно лице од село во општина Могила. Првопријавениот, иако бил должен да увиди дека постапката не е спроведена согласно Законот за јавни набавки, донел Одлука за избор на најповолен понудувач и во име на КЈП „Водовод“ Кочани склучил договор со што му овозможиле на операторот да се стекне со противправна имотна корист од 1.406.306 денари.

Соединетите Американски Држави и Република Македонија постигнаа рамковен договор за реципрочна, фер и избалансирана трговија, соопшти Белата куќа.

Во заедничката изјава се наведува дека двете земји „се согласија на рамка за договор за реципрочна, фер и избалансирана трговија со цел да се зајакне билатералната економска соработка и да се обезбеди проширен пристап на извозниците од двете земји до меѓусебните пазари“.

Според договореното, Македонија ќе ги укине царинските давачки за американските производи. Во соопштението се нагласува дека „Македонија ќе ги елиминира царинските давачки за сите индустриски и земјоделски производи од САД што се извезуваат во Македонија“.

Од друга страна, САД ќе задржат одредено ниво на царини за македонски производи. „Соединетите Држави ќе ги задржат на ниво од 15 проценти реципрочните тарифи за производи со потекло од Македонија, а истовремено ќе идентификуваат производи што ќе добијат нулта стапка на реципрочна тарифа“, се наведува во текстот.

Двете страни се обврзуваат и на решавање на нефискалните бариери.

„САД и Македонија ќе работат на адресирање на загриженостите поврзани со нефискалните бариери што влијаат врз билатералната трговија во приоритетни области“, стои во изјавата. Дополнително, тие „се обврзуваат да одржуваат консултации со цел да се адресираат и спречат бариери за американските земјоделски производи на македонскиот пазар“.

Во делот за енергетиката се истакнува поддршката за изградба на гасниот интерконектор со Грција. Во соопштението се наведува дека проектот ќе овозможи и набавка на американски течен природен гас, при што „Македонија ќе започне со купување на американски LNG по завршувањето на новиот гасен интерконектор“.

Документот содржи и обврски за заштита на животната средина и дигиталната економија. „Македонија се обврзува да усвои и одржува високо ниво на заштита на животната средина и ефективно да ги спроведува своите закони“, се наведува во текстот. Во однос на дигиталната трговија, се посочува дека земјата „се обврзува да не воведе данок на дигитални услуги и да ја поддржи трајната мораториумска одлука за царини на електронски преноси во рамки на Светската трговска организација“.

Двете земји оценуваат дека договорот претставува чекор напред кон продлабочување на економските односи и зајакнување на стратешкото партнерство.

Македонската фудбалска репрезентација во новата сезона од Лигата на нации ќе игра во групата од 1 од Б сегментот против Шкотска, Швајцарија и Словенија.

Ова е одлучено вечерва со жрепка која беше извлечена во Брисел, на маргините на редовниот конгрес на Европската фудбалска федерација (УЕФА).

Македонската делегација на жрепката во Брисел ја предводеа претседателот на ФФМ, Масар Омерагиќ и селекторот Гоце Седлоски.

Петтата по ред сезона во Лигата на нации ќе стартува во септември, а групната фаза ќе финишира во ноември.

Македонската репрезентација прв пат во историјата ќе игра во вториот по ранг сегмент во Лигата на нации, откако минатата сезона заврши првопласирана во својата група во Ц дивизијата.

Останатите групи се следни:

ЛИГА А:

А1: Франција, Италија, Белгија, Турција
А2: Германија, Холандија, Србија, Грција
А3: Шпанија, Хрватска, Англија, Чешка
А4: Португалија, Данска, Норвешка, Велс

ЛИГА Б:

Б1: Шкотска, Швајцарија, Словенија, Македонија
Б2: Унгарија, Украина, Грузија, Северна Ирска
Б3: Израел, Австрија, Ирска, Косово
Б4: Полска, БиХ, Романија, Шведска