Се чисти секој дел од Крушево, и тоа секојдневно. Новоизбраниот градоначалник Нико Чонески има цел градот да биде уреден, чист и среден, а во таа мисија ги повикува да помогнат сите граѓани.
-Нашиот град има единствена убавина. За да ја зачуваме таа убавина, започнуваме со секојдневна акција – секој ден, секоја улица, секој дел од Крушево и населените места да биде чисто и уредено. Но оваа мисија успева само ако сме заедно. Ги повикуваме сите граѓани: Мапирајте и пријавете ја секоја дива депонија до ЈП „Комуна“. Вашата пријава значи побрза реакција и почисто маало, улица, град. Да покажеме дека Крушево не е само највисоко, туку и најодговорно гратче на Балканот. Нашиот град заслужува – напиша Чонески на социјалните мрежи.
Екс градоначалникот на општина Прилеп, Д-р Борче Јовчески, кој важи за еден од најдобрите специјалисти ортопеди, одново е работно ангажиран во Одделението за ортопедија и трауматологија, дознава Маркукуле.
Ова е одлична вест не само за прилепчани, туку и за сите жители на околните општини и населени места, со оглед дека ова одделение носи огромен терет во болницата.
Јовчески беше градоначалник на општина Прилеп во периодот од 2021 до октомври 2025година.
Во време кога секое семејство бара сигурност и стабилност на свој начин, Минт Инс ја претставува својата најнова иницијатива посветена на најмалите и највредни членови на семејствата. Во партнерство со Болницата „Плодност“, компанијата им посветува посебно внимание на моментите кога започнува најважното животно патување: родителството.
Со секое новороденче во „Плодност“, Минт Инс ќе подари меко и квалитетно бебешко бањарче, создадено за првите топли и безгрижни семејни мигови. Но вистинската вредност доаѓа со можноста што следува: детско штедно осигурување кое обезбедува стабилен финансиски почеток.
Како дополнителна поддршка, компанијата овозможува и бонус од 12.000 денари за секое семејство што ќе се одлучи за ова осигурување, како иницијален чекор кон иднината на детето.
„Родителството е најголемата радост, но и најголемата одговорност. Веруваме дека секое дете заслужува сигурен почеток, а секое семејство поддршка во првите чекори. Нашата иницијатива е мал, но искрен придонес кон тоа,“ велат од Минт Инс.
Партнерството со „Плодност“ претставува продолжување на стремежот на компанијата да биде присутна таму каде што се создава нов живот и нови почетоци. Оваа програма ја нагласува визијата на Минт Инс: да стои зад секоја важна животна одлука, уште од првиот ден.
Селекторот на македонската ракометна репрезентација Кирил Лазаров, денес го објави поширокиот список на ракометари кои ќе конкурираат за настап на претстојното Европско првенство, а меѓу нив е и прилепчанецот Димитар Димитриоски, кој одново се враќа во репрезентативниот дрес и моментално е најдобар стрелец во Супер лигата во дресот на Прилеп, со 87 постигнати голови.
На списокот на Лазаров се наоѓаат:
Голмани:
1. НИКОЛА МИТРЕВСКИ
2. МАРТИН ТОМОВСКИ
3. МАРКО КИЗИЌ
4. ИВАН ГАЛЕВСКИ
5. ВАСИЛ ГОГОВ
Леви крила:
6. ГОЦЕ ОЈЛЕСКИ
7. ПЕТАР АТАНАСИЈЕВИЌ
8. ИВАН ЏОНОВ
9. МАРИО СТОЈАНОВСКИ
10. ДИМИТАР ДИМИТРИОСКИ
Десни крила:
11. НИКОЛА КОСТЕСКИ
12. НЕНАД КОСТЕСКИ
13. АЛЕН ЌОСЕВСКИ
14. АЛЕКСАНДАР ПЕТКОВСКИ
Средни бекови:
15. ИГОР ЃОРГИЕВ
16. МАРКО МИТЕВ
17. ДАМЈАН МИТЕВ
18. МАРИО ТАНКОСКИ
19. МАРТИН ИВАНОВСКИ
Десни бекови:
20. МАРТИН СЕРАФИМОВ
21. ТОМИСЛАВ ЈАГУРИНОВСКИ
22. ФИЛИП НИКОЛОВ
23. МАРТИН ВЕЛКОВСКИ
24. ДАВИД САВРЕВСКИ
Пивоти:
29. ЖАРКО ПЕШЕВСКИ
30. МИЛАН ЛАЗАРЕВСКИ
31. ВАЛЕНТИН КАРАСМАНАКИС
32. МАРКО СТОЈКОВИЌ
33. САМОИЛ РИСТЕВСКИ
Дефанзивци:
34.НИКОЛА МАРКОСКИ
35. МИХАИЛ АЛАРОВ.
Европското првенство ќе се игра во втората половина на јануари 2026 година. Македонската репрезентација е во група со кодомаќинот Данска, Португалија и Романија.
Напредуваат градежните активности на затворениот базен на локација на поранешна “Ла Луна” во Кавадарци – информира на социјалните мрежи градоначалникот на општината, Митко Јанчев.
-Овој затворен базен е со димензии од 25/9 и длабочина од 1.20 метри и истиот првенствено ќе се користи за децата од основните и средните општински училишта, но и рекреативно ќе можат да го користат и сите останати граѓани – напиша Јанчев.
21 нов доктор по општа медицина и еден доктор по стоматологија, добија решенија за вработување во прилепската болница “Борка Талески”.
Новопримените доктори, млади професионалци со свежа енергија и силна посветеност кон медицинската пракса, ќе бидат распределени во различни служби согласно потребите на установата. Нивното приклучување ќе овозможи поквалитетна, побрза и подостапна здравствена грижа, како и дополнително растеретување на постојниот медицински кадар.
-Нашата болница продолжува да инвестира во развојот на човечките ресурси, знаењето и професионализмот, со цел континуирано подобрување на здравствените услуги и обезбедување високи стандарди во третманот на пациентите. На новите колеги им посакуваме успешна работа, професионални успеси и заеднички придонес кон здравјето на нашите сограѓани – стои во соопштението од болницата “Борка Талески” Прилеп.
Филмот „Утре наутро“ во режија на Јани Бојаџи после четирите распродадени сали во Скопје, премиерно ќе биде прикажан на 06.декември во киното Браќа Манаки во Битола. Сценариото и режијата се на Јани Бојаџи. Во главните улоги сe: Нина Деан и Ирена Илиевска, а останатите улоги ги толкуваат: Гоце Андонов, Јана Никодиновска, Кети Дончевска Илиќ, Бајрам Северџан, Горан Стојаноски, Васил Зафирчев, Роберт Вељановски, Благој Веселинов, Јана Вељановска, Димитрина Мицкоска. Дел од екипата ќе се поклони пред публиката во Битола.
Се работи за политичко социјална драма во која режисерот ги опсервира луѓето кои ги носат одлуките со чии последици се соочуваме сите ние. Приказна инспирирана од вистински настани кои се случиле меѓу 2014 и 2017 година, посебно 27 април 2017, ден што засекогаш ја смени нашата современа историја. Судир меѓу идеалите и реалноста; границата помеѓу вистината, лагата и совеста. Центар на филмот е актерот и неговата човечност. „Утре наутро„, филм што не се гледа лесно, но се памети долго.
„Посветен е на сите оние жени во Македонија кои се подготвени да ги одбранат семејствата и заедницата на која се посветени “, истакнува режисерот.
Продуцент на филмот е Јани Бојаџи, извршен продуцент: Дејан Милошевски, директор на фотографија: Дарио Секуловски, монтажер: Давид Дулев, продукциски дизајнер: Јани Бојаџи, сценограф: Гоце Попов, костимограф: Зорка Тодорова, шминкер: Ирена Сенокозлиовска, композитор: Јани Бојаџи. Продуценти се: Синемон медија фактори, Револушн продакшн во соработка со Алфа Национална телевизија.
Женската екипа на „Младост 96“ ја заокружи есенската полусезона со извонреден успех, освојувајќи го првото место во најсилната женска пинг-понг лига без ниту една загубена средба.Во последниот натпревар каде со одлучуваше есенската полусезона со директниот конкурент Шампиони ФА,остварија победа со 4-3. Тимот ја демонстрира својата сила, зрелост и тактичка зрелост во секој натпревар, што резултираше со перфектен биланс и убедливо водство на табелата.
Во овој успех силен печат оставија Софија Хасану, Ива Димитриеска, Емилија Божкоска, како и интернационалното засилување од Грција, Стела Цариду. Нивната одлична форма, карактер и посветеност на теренот ја потврдија амбицијата на клубот да биде врвна сила во македонскиот женски пинг-понг.
Тренерскиот и стручен тим истакнаа дека квалитетот на играчките, нивниот тимски дух и континуираната работа во клубот се клучот за овој успех. Од клубот упатија благодарност до поддржувачите и љубителите на спортот, најавувајќи дека ова е само почеток на уште поголеми успеси.
Водени од мисијата за побезбеден сообраќај, компаниите “АВТО КОНТРОЛ” и “УНИ РОЈАЛ” oд Прилеп и оваа година со заеничка соработка во интерес на сите.
Koмпанијата “АВТО КОНТОЛ”, која важи за пример за општествена одговорност, на сите свои клиенти при регистрација на возилата, ќе им подари ваучер во вредност од 1.000ден. за набавка на нови гуми во “УНИ РОЈАЛ”.
Од друга страна пак, “УНИ РОЈАЛ”, при користење на одредени услуги од својот асортиман, на своите клиенти ќе им подари ваучер во иста вредност, кој ќе можат да го искористат при регистрација на своето возило во “АВТО КОНТРОЛ”.
Акцијата трае од 02.12.2025 до 15.03.2026
-Со оваа заедничка превентивна акција ја подигнуваме свеста за важноста од соодветна зимска опрема и редовна техничка исправност на возилата. Авто Контрол – Ваш сигурен партнер во сообраќајот. Безбедноста не е опција, туку обврска – стои во соопштението од компанијата.
По завршувањето на сезоната за 2025, година во која Константин учествуваше на бројни трки низ Европа како член на прилепскиот тим „Херој“, ги бранеше боите на Македонија, и година во која беше крунисан со титулата Државен шампион, сега младиот велосипедист од Прилеп и официјално потпиша договор и стана член на унгарскиот тим “Лотус” за 2026.
“Лотус” е јуниорски тим кој се смета за најдобриот во источна Европа, и во него членуваат велосипедисти од: Унгарија, Романија, Србија, Бугарија, Казахстан, Латвија, a сега и нашиот Константин.
Му посакуваме голем успех во претстојната сезона 2026 како и во понатамошната кариера.
