Прилепската полиција приведе 13 лица по масовна тепачка пред градската болница „Борка Талески“ во Прилеп. Физичката пресметка била меѓу две групи кои, за полицијата да ги смири, службено лице пукало во воздух. Инаку, на три лица им е укажана лекарска помош кои се здобиле со полесни телесни повреди од удари по главата.

Како што информираат од СВР Битола во прилепската полиција денеска околу 12 часот било пријавено дека пред Градската општа болница ,,Борка Талески“ во Прилеп настанала физичка пресметка помеѓу повеќе лица, кои употребиле дрвени и други предмети.

-На местото се испратени полициски службеници, но лицата не постапиле по нивните наредби да престанат, по што еден од нив испукал неколку истрели во воздух од службениот пиштол. Во Полициската станица во Прилеп се приведени 13 лица и по целосно документирање на случајот, против нив ќе бидат поднесени соодветни пријави, информира Сања Стаматова, портпарол на СВР Битола.

Основниот јавен обвинител Лидија Салатоска од прилепското обвинителство потврдува дека пред болницата настанала масовната тепачка и полицијата морала со истрерли во воздух да ја смирува ситуацијата.

-Тепачката помеѓу двете групи почнала изутрината во селото Бела Црква, општина Кривогаштани. Ситуацијата со физичката пресметка се префрлила пред градската болница во Прилеп, вели Салатоска која не може да каже за мотивот на пресметката.

Од Итната медицинска помош информираа дека пред да се појават групите, три лица побарале лекарска помош. Имале лесни телесни повреди, главно од тупаници и не биле во никаква животна опасност. Сепак биле пратени на натамошно лекување во хируршкото одделение во Болницата.

По лицата кои барале лекарска помош, веднаш се појавиле двете групи кои ја продлжиле физичката пресметка пред Болницата по што полицијата интервенирала и 13 лица биле приведени.

Штип има потенцијал да стане туристички центар во Истокот. Има бројни капитални проекти шти ги реализираме како Влада и со тоа даваме силна подршка за Штип и регионот, истакна денеска потпретседателот на Владата и министер за транспорт, Александар Николоски кој присуствуваше на отворањето на манифестацијата “Штипска пастрмајлијада”.

Изградба на брана на река Отиња, проекти во патната мрежа, канализациони и водоводни системи, урабнизација на брана Кежовица, се дел од проектите што се реализираат во Штип со подршка на централната власт.

“Навистина е чест да се биде денеска во Штип на отворањето на овој голем настан за кој што живее овој град и целиот регион. Сметам дека е добро да се организираат вакви настани со цел да се раздвижи локалната економија, ова значи многу посетители кои што овие денови ќе го посетат Штип. Ова значи влез на неколку милиони евра директно во локалната економија што е задвижување за целото стопанство и нешто што треба да биде подржано. Мислам дека градоначалникот прави одлична работа и сакам да му честитам за тоа што го прави досега и верувам дека и во следниот период ќе има уште поголеми успеси и поголеми работи. Посакувам убава дружба и убави моменти, не само за штипјани туку и сите што ќе ја посетат манифестацијата.

Во иста насока сакам да кажам дека продолжуваме да го подржуваме Штип. Бројни инфрастрктурни проекти се во реализација, во делот на патната мрежа, во делот на канализациски и водоводни мрежи, во делот на образованието. Работиме и големи проекти, интензивно се работи на браната Отиња како и на целосна урбанизација околу браната. Она што е Мавровското езеро на западниот дел на Македонија, браната Отиња треба ќе стане во Источна Македонија. Покрај универзитетски и бизнис центар, Штип да стане и туристички центар за овој дел на Македонија и во таа насока е и урбанизцијата околу браната Кежовица. Таму има голем туристички потенцијал, така што навистина имаме големи планови за Штип, дел се реализирани, дел се реализираат и секогаш доаѓам со задоволство, заедно со градоначалникот и со пратениците работиме на реализација на прoектите”– истакна Николоски.

Со положување свежо цвеќе пред спомен обележјето кај Дадница, во Прилеп денеска беа одбележани 83 година од едно од најголемите ѕверства на бугарскиот фашистички окупатор за време на Втората светска војна.

Масакрот кај прилепското село Дабница е еден од најгрозоморните во историјата на Прилеп, а се случил на 19 сепрември 1942 година, кога 18 прилепчани биле стрелани од бугарскиот фашистички окупатор. Еве како се одвивал тој настан:

На 14 септември 1942 година, бугарските војски го блокирале селото Дабница и ги собрале селаните сред село, барајќи информации и поврзаност со партизанските одреди. Откако никој од селаните не дал информации, Бугарите врзале 64 мажи од селото и ги однеле во прилепските касарни. Таму врз нив се вршел невиден грозоморен терор, биле тепани со боксови, газење, тепање со стап и коловски жила, бајонети под грло, горење под ноктите на рацете и нозете, гаснење на цигари по телото и друго. Од претепувањето во затворот починал еден селанец, Сотир Дамески.

На 18 септември од затворениците Бугарите по список извлекле 19-мина, 12 од затворените селани од Дабница и 7 прилепчани, кои, следниот ден ги врзале со ортоми и, без да бидат судени, ги повеле на стрелање. На пат кон Дабница, по наредба на поручникот Иван Куцаров, затворениците се стрелани. Иако биле дополнително проверувани дали некој останал жив, еден од затворениците, Петко Велкоски, ранет и искрвавен, се притајува, го подзапира здивот и е фрлен меѓу мртвите другари. На крај, успева да се спаси.

Во масакрот кај прилепското село Дабница стрелани биле:

Адем Мамуд Адемоски
Алексо Бешироски – Ставре
Душан Бешироски
Ордан Велкоски
Добре Цанев Јованоски
Тоде Кремчески
Ордан Кузманоски
Аце Мрчески
Димко Мрчески
Андон Нунески
Атанас Нунески
Гога Нунески
Ордан Димков Паноски
Андон Миланов Слабејкоски – Слабејко
Сотир Сотироски – Џигиџик
Киро Ѓорев Ќосески
Алексо Шаламаноски

Шампионките од Боречкиот клуб “7-Мај” Прилеп ги почнаа подготовките за престојното Балканско првенство.

Ангела Трајкоска, Тамара Цветкоска и Марија Велјаноска, до недела формата ќе ја темпираат во Косово, а веднаш потоа заминуваат на подготовки и во Бугарија, каде ќе останат уште една седмица.

Целта е што подобро да се подготват за Балканското првенство, кое следниот месец ќе се одржи во Романија, а од прилепските девојки се очекуваат добри резултати.

Да им посакаме среќа и успех!

Надвор од гужвата во центарот на градот, во просторот на поранешно “Жито Прилеп”, веднаш до Градската болница, Прилеп, се наоѓа едно прекрасно катче кое освојува со својата пријатна атмосфера и богата понуда.

Најголем дел од вас веќе знаат дека станува збор за Brunch Box Café, кафуле со душа и прекрасен амбинет кое од ден во ден се повеќе изненадува со својата понуда, примамливи цени и прекрасниот простор за релаксација и опуштање.

Локалот се издвојува по својата прекрасна летна бавча, совршено место за утринско кафе, доручек, ручек, разни закуски и мезлаци, во кои можете да уживате тука, или да си порачате и да дегустирате заедно со најблиските на семејната трпеза.

Ве каниме денот да го започнете со свеж и крцкав кроасан кој се топи во уста и ароматично кафе по избор, по цена од само 100 денари, или цеден сок + кафе за 110 ДЕН – ПОНУДА КАКВА НЕМА НА ДРУГО МЕСТО! Тоа со сигурност ќе ви отвори апетит за она што следува во продолжение, а тоа е неодолив доручек.

Brunch Box Cafe е одлично место и за сите ученици кои тука можат да добијат најевтини оброци и да заштедат на џепарлакот.

Што може да доручкуваш во Brunch Box Cafe?

🍳 Класик омлет (шунка, кашкавал) – само 120 ден.
🥩 Брaнч омлет (врат, кашкавал) – 140 ден.
🌯 Омлет во тортиља (шунка, павлака, кашкавал, салата) – 140 ден.
Англиски доручек (јајца, врат, сирење, краставица, домат, кечап, мајонез) – 130 ден.

Ако ти се јаде нешто побрзо, но сепак вкусно:

🥪 Тост со шунка, кашкавал и помфрит – 100 ден.
🥩 Тост со врат, кашкавал и помфрит – 140 ден.
🥬 Веге кроасан (марула, салата, маслинки) – 70 ден.
🔥 Тостиран кроасан (шунка, кашкавал, павлака) – 80 ден.

Но, она што навистина ќе ве натера прво да ги посетите, а потоа и повторно да се вратите, се нивните обилни, домашни хамбургери подготвени со свежи состојки, полни вкус и сервирани со крцкави помфрити

🍔 Classic burger – 120 ден.
🧀 Cheese burger – 130 ден.
🥓 Bacon или Brunch burger – само 140 ден.

Во менито ќе ги најдете и неодоливите тортиља со пилешко месо и специјален сос, полна со крцкав помфрит, за само 140 денари – комбинација која ќе ве освои уште по првиот залак, како и кебаб сендвич со благ сос, свежа салата и крцкав помфрит – голем, сочен и вкусен, по цена од само 200 денари.

Brunch Box Cafe – дојдете заради мирот, останете заради вкусот!

Посетете ги уште денеска, или нарачајте на телефонскиот број: 078 845 442.

Ве очекуваат со широка насмевка и полна чинија!

Врие од припадници на МВР во дворот и околу прилепската болница, откако две поголеми групи во близина на болницата се обиделе да се пресметаат.

Лицата неофицијално биле наоружани со огнено и ладно оружје, а засега не се познати причините за настанатиот инцидент.

Полицијата во моментов трага по инволвираните лица… Очекувајте повеќе информации во текот на денот.

-Интензивно се работи на новиот автопат Прилеп – Битола!

Со овој автопат силно ќе се развие економијата во пелагонискиот дел на Македонија.

Продолжуваме силно!, пишува во својата објава вицепремиерот Николоски.

ВИДЕОТО погледнете го ТУКА

Mint Fintech Group ја најави својата поддршка како сребрен спонзор на 46. издание на Интернационалниот фестивал на филмска камера „Браќа Манаки“, што традиционално се одржува во Битола.

„Со MINT, ништо не е црно-бело“ е пораката со која компанијата се претставува на фестивалот, симболизирајќи ја својата визија за свет полн со нијанси, перспективи и иновации. Како што филмот не е само црно-бел, така и финансискиот свет што го гради MINT е исполнет со креативност, технологија и решенија кои носат нова динамика во секојдневието.

„Браќа Манаки“ е фестивал што повеќе од четири децении ја слави уметноста на филмската камера и визијата на најистакнатите кинематографери од светот. Поддршката на MINT претставува јасна порака дека компанијата е посветена на културата, заедницата и приказните што траат.

„За нас е голема чест што сме дел од еден од најзначајните фестивали во регионот. Вредностите што ги носи ‘Браќа Манаки’ – креативност, визија и континуитет … се вредности со кои и самите се идентификуваме. Веруваме дека вистинските приказни, било на филм или во бизнис, никогаш не се црно-бели – тие се полни со живот, со боја и со инспирација,“ – изјавија од Mint Fintech Group.

Со оваа соработка, Mint Fintech Group уште еднаш ја покажува својата определба да биде дел од најзначајните настани кои ја обликуваат културната сцена на Македонија и пошироко.

На 15.09.2025 во 20:30 часот во ОВР Прилеп, 21-годишна прилепчанка пријавила дека во семејниот дом била физички нападната од нејзиниот сопруг С.А.

Следниот ден, на 16.09. во 17:00 часот, во ОВР Прилеп, 69-годишна прилепчанка пријавила дека била физички нападната од нејзиниот сопруг.

Се преземаат мерки за расчистување на настаните – велат од СВР Битола.

Рождество на Пресвета Богородица или Мала Богородица — еден од 12 големи празници во православието кој го слави раѓањето на Богородица. Богородица е родена во Назарет од стари и бездетни родители, благочестиви Јоаким и Ана како одговор на нивните молитви. Се слави на 8 септември според јулијанскиот календар или на 21 септември според грегоријанскиот календар.

Рождество на Пресвета Богородица (Мала Богородица) е еден од големите празници на Светата православна црква. Иако овој празник се смета за почеток на сите празници, сепак, тој почнал да се празнува многу подоцна. Дури откако ослабнало паганството, христијаните, покрај на Исус Христос, можеле да и оддадат заслужено признание и на неговата мајка.

Народот верува дека Пресвета Богородица е заштитничка на мајките воопшто и на леунките посебно, поради што жените што раѓаат ја повикуваат да им помогне полесно да се породат. Исто така, се верува дека таа им помага и на жените што немаат деца. Затоа ваквите жени оделе во црквите посветени на Богородица и се молеле пред нејзините икони.
Македонскиот народ, како впрочем и сите христијани, со многу внимание ги празнува повеќето празници на Пресвета Богородица, мајката на Спасителот Исус Христос. Така е и во народните умотворби, како во поетските така и во прозните, така и во народните верувања и во народните обичаи. Затоа поголем број цркви низ цела Македонија го носат нејзиното име, а нејзините празници покрај со црковни свечености народот ги празнува и со народни собири, панаѓури и сл. што во минатото траеле и по неколку денови.

Така, македонскиот народ, со повеќе или помалку свечености, но секогаш со достојно внимание прославува неколку празници поврзани со името на Пресвета Богородица: Мала и Голема Богородица, Воведение на Пресвета Богородица, (празник познат уште и под името Света Пречиста), Благовештение, Богородичин појас, Покров на Пресвета Богородица, Собор на Пресвета Богородица и др.

Народот верува дека Богородица е мајка на сите мајки, дека е заштитничка на жените особено на леунките поради што кога жените раѓаат ја повикуваат да им помогне полесно да поминат. Народот верувал дека Богородица им помагала при породувањето не само на жените христијанки туку и на жените од другите вери. Така на пр. во Разлошко како што запишал М. Цепенков кога некоја жена Турчинка се мачела при породувањето вака ја викале Богородица по турски: „Ела, Муарем-ано, ела, да је поможиш на оваа сирота што се мачи и не може да роди. Поможи е, Муарем-ана, у нас (Муарем-ана ја викаат Богоројца турцки) за побрго да родит.“ Откако, пак, жената ќе родела и ќе се ослободела, бабата ќе земела метла во рацете и ќе почнела да мети низ куќата најповеќе околу леунката и ќе велела: „Бегај, Муарем-ано, бегај, оти овде турцка е куќата“. Така, вели Цепенков, верувале дека со тоа велење ќе дојдела Богородица ќе поможела и пак ќе си одела.

Исто така се верува дека таа им помага и на жените што немаат деца. Затоа ваквите жени оделе во црквите посветени на Богородица и се молеле пред нејзините икони. Така на пр. како што запишал Миленко С. Филиповиќ жените од Дебарски Дримкол што немале деца оделе во манастирот во Калишта на Охридското Езеро за да ја занишаат со прст сребрената лелејка (минијатурна лулка) што стоела пред иконата на Богородица.

Во народното сфаќање, односно во народните верувања, оваа врска на Богородица со нејзиниот син, односно нејзиното мајчинство се смета за света работа. „Ако на запад, во западното христијанство, во центарот на почитувањето на Марија секогаш бил Нејзиниот образ како дева, девственоста, која не била нарушена од мајчинството, за православниот Исток таквата негова срдечна љубов кон Марија, Нејзиното созерцание и ‒ ќе повторам уште еднаш ‒ радосниот восхит од погледот кон Неа, од самиот почеток бил и останува нејзиното мајчинство, Нејзината крвна врска со Исус Христос.“

Култот на Пресвета Богородица има значајно место кај македонскиот народ. Многу цркви што го носат нејзиното име се изградени по соништа, а има и голем број преданија за чудотворни икони со ликот на мајката божја. Стефан Тановиќ сведочи дека во Гевгелиско празникот Мала Богородица се сметал за тежок и аталија празник, а во селото Богородица на овој ден се одржувал голем панаѓур. С. Тановиќ сведочи дека селото Богородица името го добило поради тоа што тука во селската црква престојувала Св. Богородица односно нејзиниот дух. Таа икона во која престојувала Св. Богородица, според раскажувањето на селаните постојано се движела.

Додека тука престојувала Богородица, се вели во ова предание, на сите во селото им било добро. Но во 1835 година во месец август, околу пладне црквата се запалила и луѓето убаво виделе како Св. Бугуројца со иконата излетала од пламенот и застанала на камбанаријата. Потоа одлетала на север и повеќе не се вратила. Потоа селото почнало да страда, најпосле го зафатила и чума и малку требало сите да изумрат. Тогаш селаните се сетиле да побараат помош од нивната Св. Богородица којашто тогаш била во селото Конче, Радовишко. Луѓето што отишле да ја викаат да се врати за поклон ѝ носеле една литургија. Таа не се вратила, но во сон им кажала како да се спасат од чумата. Им порачала од дрво близнак да направат рало, да најдат два вола близнаци и двајца браќа, исто така близнаци, да ги прегнат тие волови, и со тоа рало да изораат една бразда околу селото, чумата веднаш ќе престанела. Откако тоа го направиле чумата престанала да беснее. Тановиќ сведочи дека и во негово време жителите на ова село верувале дека нивното село не можело да настрада од чума зашто било изорано од браќа близнаци, волови близнаци и рало близнак.

На Мала Богородица, исто така, се одржуваат големи народни собири во повеќе манастири што го носат нејзиното име како што е манастирот Пречиста кај Кичево, манастирот во с. Матејче, во Осоговскиот манастир итн.