СВР Битола поднесе кривична пријава против С.К.(28) од Прилеп поради постоење основи на сомнение за сторено кривично дело „напад на службено лице при вршење работи на безбедноста“.
На 21.06.2024 во Прилеп, пријавената физички нападнала полициски службеник кој извршувал службени дејствија.
Прилеп се подготвува за деветтото издание на меѓународниот меморијален турнир „Миле Нешкоски“, кој оваа година ќе се одржи од 29 август до 1 септември.
Покрај Прилеп, од Македонија тука се екипите на Еурофарм Пелистер 2, Куманово, Охрид и Тиквеш, додека единствен гостин од Србија е српскиот Врање.
Организаторите заедно со градоначалникот на општина Прилеп, Борче Јовчески, денеска одржаа прес конференција на која ги соопштија деталите за најновото издание на турнирот.
Прес конференцијата можете да ја проследите во продолжение:
Охрид и Куманово ќе го одиграат првиот натпревар на турнирот, а на првиот ден ќе играат уште и пелагониските ривали, Прилеп и Еурофарм Пелистер 2.
Натпреварите ќе се играат на 29, 30 и 31 август, со финалето закажано за 1 септември.
Влезот за натпреварите од турнирот е слободен.
Претседателот на Владата Христијан Мицкоски денеска најави дека многу бргу ќе има кадровска промена во мешовитата историската комисија со Бугарија, без да изнесува детали. Според него, актуелната мешовита комисија не ги оправдала очекувањата и не била заштитник на националните интереси на македонскиот народ.
– Не, политичка позадина нема. Нормално е дека нова влада, нови луѓе коишто управуваат со новата влада, да има и кадровски промени. Не гледам тука што е страшно. Лично ако мене ме прашувате за мислење мислам дека актуелната мешовита комисија апсолутно не ги оправда очекувањата и не беше заштитник на националните интереси на македонскиот народ. Инаку, да – логично е кога имате нова влада да има и промени во одредени институции, не гледам тука зошто би имало политика, изјави Мицкоски, која беше на манифестацијата по повод роденденот на Мајка Тереза.
Заедничката македонско-бугарска комисија за историски и образовни прашања беше формирана како резултат на Договорот за добрососедство меѓу Северна Македонија и Бугарија потпишан на 1 август 2017 година.
Комисијата е составена од историчари и професори од двете земји, а македонскиот тим го предводи академик д-р Драги Ѓорѓиев, член на МАНУ и професор на Институтот за национална историја (ИНИ) на УКИМ.
Денес почнуваме со обелоденување на скандалот “Бисера Антоанета”, серијал на прес конференции низ кои ќе презентираме во каква аздисаност и раскош живеела и министерувала Бисера Костадиновска Стојчевска, пардон Бисера Антоанета министер за култура од СДС, истакна на денешната прес-конференција Миле Лефков, пратеник, член на ИК на ВМРО-ДПМНЕ.
На почеток сакаме да нотираме дека согласно Уредба е регулирано трошоците кои ги прави министерот за култура на месечно ниво да не можат да надминат 60 евра во денарска против вредност. И дека истите треба да направат раздолжување во благајничката каса во рок од 7 дена по завршувањето на службениот пат.
Бисера Антоанета во неколку наврати го пречекорила дозволеното ограничување, а се раздолжувала и по неколку месеци.
Ова е само вовед. Суштината е во деталите, а тоа во овој случај е како се трошени средствата на граѓаните од страна на Бисера Антоанета.
Денес ќе го презентираме првиот случај. Имено во октомври 2023 година министерката Бисера Антоанета остварила службено патување во Лондон во траење од 4 дена и тоа од 24.10.2023 до 27.10.2023 година, покрај трошоците направени за хотелско сместување, во патниот налог има приложено сметки за репрезентација, но при уводот на содржината на сметките за репрезентација и увидот во приложените сметки од службената картица ВИЗА, се констатира ненаменско трошење на буџетски средства спротивно од прописите.
Бисера Антоанета потрошила 714 фунти, исклучиво за лични потреби, во Продавницата Gift Galore London потрошени се 89 фунти и купени се фудбалска топка – city football и плишено мече – Paddington bear и двете платени од службената картичка ВИЗА.
Шопинг манијата на Бисера Антоанета не запрела тука, туку продолжила и во познатата продавница за куфери Samsonite, каде министерката со средства од Буџетот решила да се поднови со два куфера еден голем Upscape spiner 68/25 Black во износ од 219 фунти од службената картичка и еден помал од истата линија во износ од 59 фунти платен во кеш од службените парични средства.
Нормално за да можеме да ја наречеме Бисера Антоанета трошењето морало да продолжи, таа со народни пари пазарела во Mарк & Спенсер каде потрошила 42 фунти за чорапи и хулахопки платени во кеш од службените парични сретства.
Во GIFT BOX во Лондон, продавница за подароци потрошени се 146 евра од службената картичка ВИЗА за ова трошење нема доставена никаква сметка тука само слипот од платежната картичка. Исто така потрошени се 158 фунти платени во кеш од службените парични средства во Warner Bros. Studio Tour London: Harry Potter за подароци како што се раквици, маички, ташна за милениче, изгубената дијадема и сл.
Се на се, за лични приватни потреби Бисера Антоанета троши 714 фунти или пресметано во денарски парични средства 51.169 илјади денари, за 4 дена во Лондон, пари со кои во Македонија се храни цел месец едно 4 члено семејство.
Бисера Антоанета се расфрлала со народните пари, за лични задоволства. Ова е само почеток, во наредните неколку дена ќе покажеме до каде одела раскалашеноста на Бисера Антоанета и зошто велиме дека Македонија е ограбена држава, појасни Лефков.
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,74 % во однос на одлуката од 23.8.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Малопродажната цена на Мазутот М-1 НС се намалува за 1,125 ден/кг и сега ќе изнесува 45,170 ден/кг.
Од 27.8.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 77,00 (денари/литар)
Моторен бензин ЕУРОСУПЕР БС – 98 79,00 (денари/литар)
Дизел гориво ЕУРОДИЗЕЛ БС (Д-Е V) 69,50 (денари/литар)
Масло за горење Екстра лесно 1 (ЕЛ-1) 69,00 (денари/литар)
Мазут М-1 НС 45,170 (денари/килограм)
Само неколку месеци по пуштањето во употреба, демолирани дел од реквизитите во инклузивното детско игралиште, кое се наоѓа во “Паркот на револуцијата” во Прилеп.
Игралиштето се реализираше преку програмата „Форуми во заедницата“, каде што Советот на Општина Прилеп и учесниците на форумот, заеднички одлучија приоритетен предлог проектот да биде „Изградба на инлузивно детско игралиште“ во општина Прилеп.
Но, иако игралиштето е главно наменето за подобар психо-физички развој на децата со попреченост, истото се користи од сите, ама ај што се користи од сите, па го користат и многу повозрасни деца.
Секоја чест на поединци од комуналците, кои често се ставаат во непријатна состојба да им објаснуваат на родители и го чуваат игралиштето, но не секој и од вработените чувари во “Комуналец” премногу се грижи дали ќе се уништи некој реквизит.
Резултат на негрижата е токму ова…. испокршени и нефункционални дел од реквизитите, во единственото вакво игралиште во Прилеп…
Што мислите, дали бил кој странец после ова ќе ни даде повторно пари да направиме нешто слично во иднина?!
-На 24.08.2024 во 13.00 часот во ОВР Прилеп 33-годишна жена пријавила дека на 19.08.2024 околу 21.00 часот била физички нападната од нејзиниот партнер А.В. кој исто така и се заканувал со остар предмет.
-На 24.08.2024 во 20.20 часот во ОВР Крушево Д.К.(45) пријавил дека околу 20.00 часот пред продажен објект во Крушево бил физички нападнат од З.С., двајцата од Крушево.
Се преземаат мерки за расчистување на двата случаи – информираат од СВР Битола.
Eкипата на Шкендија во последниот натпреввар од првото коло во ПМФЛ славеше победа против Брера во Струмица, а во овој натпревар со проблеми на трибините се соочиле навивачите на тетовскиот клуб.
Според информациите од фан страните на навивачите тие бие исфрлени некаде по половина час игра поради истакнување на албанското национално знаме.
Шкендија на крајот и без поддршката од навивачите успеа да дојде до втората победа во сезоната.
https://www.facebook.com/photo/?fbid=987536040050365&set=a.482709877199653
Синоптичарите за денеска најавуваат сончево и топло време со мала до умерена облачност и со слаб до умерен ветер од североисточен правец. Попладне и кон крајот на денот ќе има локална појава на пороен дожд и грмежи, претежно во јужните делови. Минималната температура ќе биде во интервал од 11 до 20, а максималната ќе достигне од 29 до 36 степени, со УВ индекс 7.
Во Скопје сончево и топло со мала до умерена облачност и со слаб до умерен ветер од североисточен правец. Минималната температура ќе се спушти до 18, а максималната ќе достигне до 36 степени.
Во попладневните и вечерните часови, претежно во планинските подрачја ќе има појава на краткотраен пороен дожд и грмежи. Повеќе услови за нестабилност ќе има од четврток кога на повеќе места ќе има појава на пороен дожд, грмежи и засилен ветер. Дневната температура ќе биде во постепено опаѓање.
Ви наредните денови во попладневните и вечерните часови, претежно во планинските подрачја, ќе има појава на краткотраен пороен дожд и грмежи. Повеќе услови за нестабилност ќе има од четврток кога на повеќе места ќе има појава на пороен дожд, грмежи и засилен ветер. Дневната температура ќе биде во постепено опаѓање.
По катастрофалниот пораз на македонската фудбалска репрезентација У18 против Унгарија, кој заврши со 5-0 за домаќините, многу фудбалски љубители и експерти изразија незадоволство од играта на нашата селекција. Навивачите и дел од спортската јавност ја критикуваат селекцијата на играчи, укажувајќи дека додека талентираните момци остануваат дома, репрезентацијата игра со фудбалери кои не успеваат да донесат победа против послаби противници, пишува порталот sportclub.mk
Многумина бараат промени не само во изборот на играчите, туку и во раководството на Фудбалската федерација на Македонија (ФФМ) , но и за селекторот Ерхан Селими. Според нив, ваквите резултати укажуваат на потреба од нова визија и стратегија која ќе овозможи користење на вистинските таленти и потенцијали.
Ваквите незадоволства не се новост, но по овој резултат против Унгарија, апелите за промени стануваат се погласни. Дали е време за сериозни промени во ФФМ и во стручниот штаб? Останува да видиме какви чекори ќе преземе федерацијата во наредниот период.
