Семејството Шаулиќ, блиски роднини и пријатели утрово го посетија вечното почивалиште на кралот на народната музика.

Гробното место на Шабан е целото прекриено со многу венци, но она што му падна во очи на сите е еден детал да гробот, кој што никој не знае кој го оставил.

Имено, некој од присутните вчера за погребот оставил списание „Сабор“ на кој што на насловната се наоѓаат Гордана и Шабан и тоа пред околу 40 години, на нивната венчавка.

Исто така на насловната се гледа дека списанието е со посвета и дека ваквиот спомен доаѓа од Сенице.

„Судбина тешка“ е најновата патриотска песна на естрадниот уметник Спасен Сиљаноски која излезе на почетокот од оваа 2019 година.

Музиката е дело на Спасен Сиљаноски, текстот е на неговата мајка Јагода Сиљаноска, а аранжманот е дело на Златко Миладиноски.

Слушнете ја во продолжение “Судбина тешка”:

Откако беше објавено дека професорката Гордана Силјановска Давкова за неколку часа ги собра потребните потписи за кандидатура за претседател на државата на својот Фејсбук профил се обрати и Претседателот на ВМРО-ДПМНЕ Христијан Мицкоски кој порача дека ова е силен показател дека граѓаните застануваат зад личност и политика на принципи, вредности и разум.

Мицкоски потенцира дека ова е време на несигурност, на загубени и загрозени животи но народот ги прочита, и ја препозна новата шанса, новата надеж.

„Да си ја вратиме татковината, Македонија на граѓаните кои сакаат достоинство, мирен живот и правна држава.“

Посочува дека е потребен претседател кој ќе се бори против неправдите, и ќе опстојува за правда за Македонија и сите нејзини граѓани.

Паѓа деспотизмот на Заев и доаѓа заедничката победа на народот. Обединити и силни ќе светне денот за сите граѓани на независна и суверена Република Македонија, вели лидерот на ВМРО-ДПМНЕ Христијан Мицкоски.

Во февруари далечната 1995 година, познатиот бразилски фудбалер и најдобриот лев бек на сите времиња, Роберто Карлос, го постигна еден од најспектакуларните голови во историјата на фудбалот.

Карлос тогаш настапувал за бразилски Палмеирас и на утакмицата во домашното првенство ја затреси мрежата на неверојатен начин.

Од 40 метри оддалеченост Карлос изведе слободен удар:

Редици граѓани од утринава во просториите на Државната изборна комисија во Прилеп, чекаат да го дадат својот потпис за кандидатурата на Проф. Д-р Гордана Силјановска Давкова, за претседател на државата од редовите на ВМРО-ДПМНЕ.

Граѓаните во текот на целиот ден во голем број пристигнуваат и се потпишуваат, откако Силјановска најави дека покрај поддршката од партијата, ќе собира и 10.000 потписи за својата кандидатура.

Снежна прекривка од утрово ја завитка Битола во бело руво.

Новите врнежи од снег викендов одново ќе ги исполнат скијачките патеки во Нижеполе, каде снежната покривка достигнала 30-тина сантиметри, додека на Копанки 40.

Видеото од центарот на Битола, кое е објавено на Фејсбук страната “Градот на конзулите” го привлече вниманието на голем број корисници на социјалните мрежи.

Ќе признаете, Битола изгледа прекрасно во бело!

ВИДЕО: Facebook/GRADOT NA KONZULITE

Двајца градежни работници од Естонија забележале куче во ледената река и веднаш отишле да му помогнат.

Работеле на браната на реката Парна кога го забележале, па направиле пат низ мразот.

Потоа кучето го замотале во ќебе и го ставиле во автомобил за да го згреат. Дури кога стигнале кај ветеринарот дознале дека спасиле волк.

“Беше мирен, спиеше на моите нозе”, вели Рандо Карстеп.

СДСМ е против партизација и против непотизам. Одлучни сме и заедно со граѓаните се бориме да ги промениме работите во нашето општество, рече портпаролот на СДСМ , Костадин Костадинов.

-Партизацијата која што со децении беше пракса во Македонија, конечно е на колена.

Благодарение на јавноста и благодарение на свеста и интегритетот кои постојат во нашата партија.
Не се сите исти. Членови на семејствата на претставници на СДСМ преземаа морални чекори на повлекувања од своите работни места на свои и покрај тоа што со своето вработување не прекршиле ниту една процедура, не загрозиле ничие право и ги исполниле сите критериуми по мерит системот.

Како што истакна Костадинов поради морални и етички причини од работните места веќе се повлекоа: неговата мајка, дедото на пратеникот Кирацовски, синот на пратеникот Мисовски, братот и сопругот на пратеничката Стојчевска.

-Тоа е интегритет. Заедно го менуваме општеството, се случуваат процеси кои не биле возможни во минатото. Ајде сега да видиме дали колкав е интегритетот на Мицкоски и неговите од ВМРО-ДПМНЕ.Ајде да видиме што има да каже партијата која го рашири непотизмот до невидени размери.

Од овде, од пред центарот на непотизмот и симболот на криминално владеење, го повикуваме Христијан Мицкоски да ги повика своите роднини и роднините на своите сопартијци да се повлечат од работните места кои им биле обезбедени поради нивно влијание.

Граѓаните многу добро знаат дека Мицкоски во минатото раководеше со АД ЕЛЕМ.Токму во ЕЛЕМ-турс е вработен Горан Манасиевски, прв братучед на Христијан Мицкоски. Покрај братучедот на Мицкоски, во ЕЛЕМ турс работа добил и Никола Шајновски, сопруг на личната партиска секретарка на Мицкоски но и Косана Мазнева, која е дел од неговиот партиски кабинет.

Сопругата на Христијан Мицкоски пак е вработена во гимназијата Орце Николов во Скопје. Дури и самиот Мицкоски е пример за непотизам со тоа што бил асистент кај својот татко на Машинскиот факултет, Иван Мицкоски. Има едни кои ја слушаат јавноста и реагираат. И има други кои се кријат во партиските палати, натрупале проблеми во државата и немаат грам чесност и морал.

Очекуваме Мицкоски да ги повика сите свои роднини, како и сите роднини на функционерите на ВМРО-ДПМНЕ кои работните места ги добиле поради влијанието на нивните блиски, да се повлечат од работните места. Ајде Мицкоски, расплети го чворот од вработувања кои си ги создал околу тебе.Се друго е политикантство, неискрен, неодговорен и несериозен однос на опозициската партија кон граѓаните.

ВМРО-ДПМНЕ ја преполни државната администрација, ајде нека почне повлекувањето, во име на борбата против непотизмот во нашата земја, рече Костадинов.

По не знам кој пат го завршувам разговорот на Скајп со моите со нивното фамозно прашање „Кога ќе се вратиш тука?”
Немам повратен одговор, го избегнувам прашањето и се трудам да не одговорам, не сакам, не затоа што не можам, туку знам дека мојот одговор нема да им се допадне. Во главата само си помислувам „За што да се вратам?”

Во земјата каде имаш професори кои се помалку те инспирираат, каде што најчесто подлизурковци, со третокласно знаење стануваат искомплексирани асистенти, кои потоа своите фрустрации ќе ги истураат врз студентите.

Каде секој втор збор е мито, каде секој гледа да стигне до диплома и да фати врски за вработување. Каде што образовниот систем продуцира полуписмени студенти кои подоцна ќе бидат причина за катастрофални грешки?

Каде да се вратам, каде што ќе работиш како стока од утро до мрак, за без пари, богатејќи го ненаситниот газда кој ќе ти ги додели сите позиции од шофер, до бебиситер, преку шопинг асистент на неговата сопруга, кои секако не влегуваат во твојот работен опис, а притоа нема да добиеш ни трошка почит?

Таму каде што треба да си го продадам гласот, да си го дадам задникот на закуп под кирија и да играм по ноти кои не ми се мили на увото. Таму каде што нема воопшто да го ценат мојот морал, интегритет, мојот квалитет и моите вредности, таму каде што ќе ме претворат во едно безлично, бесчувствително суштество кое ќе стане дел од една корумпирана елита која не носи ништо ново?

Каде да се вратам, каде што самохрани мајки се бркаат од работа само затоа што не се гласачи на една партија, каде што студентските легла се полни со деца на големци, а оние кои со социјална помош пуштаат деца да учат ги отпишуваат затоа што становите им се прескапи.

Онаму каде што интелектуалната елита краде од народот, а студентите се оставени со сиромашни оброци, да гладуваат по студентски домови, додека да стигнат до она што го сонуваат. Каде да се вратам, во тие кучешки услови, сите би сакале поинаку, но каков избор имаме. Не дека е подобро, туку тоа е поевтино. Се жртвуваме себеси, само за да поминеме поефтино. Нели е тоа трагично?

Таму каде што ако бидеш храбар и го кажеш она што го мислиш, а тоа е поразлично од толпата ќе бидеш јавно обвинет и исплукан поради своите верувања. Каде што секој знае се од сите области и треска со рацете на слави по масата, за да се истакне да биде виден од другите. Каде што повишен тон од некој на позиција се цени повеќе од делата на оној паметниот кој се ќе сработи во тишина?

Каде да се вратам, каде што веќе луѓето немаат мотивација, половина од нив заради тоа што немаат да јадат леб, а половина поради тоа што веќе кренале раце по сите неправди на кои биле сведоци. Каде што се трошат пари за глупости, а умираат деца од примитивни болести?

Каде да се вратам?

Престанав да се борам со ветерници, застанав да исправам криви Дрини. Мене срцето ми се кине што мора да биде вака, но ние нормалните, оние колку што останавме не можеме да го искорениме неморалот и алчноста за моќ и пари, тоа безредие кое владее во таа нивна шефовска хиерархија. Колку и да ми недостигате, кога ќе стигнам таму и повторно ќе се соочам, кога ќе видам ништо не се променило ми доаѓа само да ве прегрнам и да го фатам патот за назад.

Овде можеби не цветаат рози и не врнат пари од небото, но барем има некаков ред. Правилен начин по кој се живее еден живот, а ако нешто сакав во животот, тоа беше секоја единка да има достоен живот. Нешто што кај нас со текот на времето, за жал стана луксуз.

Извор: “Инфомакс”

Жариштето на епидемијата од непотизам го запали црвениот аларм и во Македонски Брод, ова денеска на прес-конференција го истакна Димче Арсовски од ВМРО-ДПМНЕ.

-Да потсетиме дека братот пратеничката на СДСМ Анета Димовска Симеска од позиција стоматолог во приватна здравствена ординација е именуван за директор на здравствениот дом. Но тоа не е се’. Имено братот на Анета Димовска Симеска кој е и директор на здравствениот дом во Македонски Брод Жарко Симевски распишал оглас за вработување. Дали е точно дека на тој оглас сам себе се пријавил и се вработил, па за да биде иронијата уште поголема добил и специјализација, а неговата стоматолошка ординација од претходно кај што работел станува концесионер на просториите на истиот здравствен дом кај што тој самиот е директор. Ова е истовремено и непотизам но и сериозен сомнеж за злоупотреба на службена должност на еден директор во случајов Жарко Симевски, потенцира Арсовски.

Тој додава дека во Брод ова не е единствен случај. Непотизам има во случаите и со вработувањата на синот и внукот на градоначалникот на Македонски Брод Живко Силјановски кои се вработиле во Македонски шуми каде што директор е Слободан Вељановски од редовите на СДСМ.

-Во истото претпријатие се вработил и синот на директорот на претпријатието Бојан Вељановски, како и братот на командирот на полициската станица и синот на бившиот пратеник на СДСМ од Македонски Брод, Борче Ангелкоски. Иако има одлука на трудов инспекторат за ваквите вработувања едека се незаконски, сепак тие повторно се на работа. Зарем во општина како Македонски Брод кај што има огромен број на млади луѓе кои немаат работа и си заминуваат од градот, токму децата и блиските на функционерите од СДСМ да бидат вработени на огласи. Животот очигледно дојде само за нив. Епидемијата од непотизам не престанува и покрај лажното морализирање на власта. Лекот е изборен пораз на власта кој ќе го демонтира деспотот Заев од оваа власт, завршува Арсовски.