Превојот Плетвар се наоѓа на висина од 988 метри во близина на селото Плетвар.
Станува позначаен патен правец во времето на Првата светска војна, кога од Централните сили била изградена и жичара за снабдување на Јужниот фронт. Во април 1916 година било започнато со изградба на жичара со предвидени 442 столба, која го олеснала транспортот преку превојот Плетвар и преку Беловодица (Беликамен-Дуње).
Во јуни истата година била пуштена жичарата од Дреново до Тројаци, во должина од 20 км. со капацитет од 150 тони на ден. Потоа биле изградени уште две жичари до Тројаци (една преку Раец, а друга преку Ракле).
Од Тројаци жичарата се делела на два крака. Едниот крак водел преку Беловодица, а другиот крак преку Плетвар за Прилеп, во должина од 20 км.
Организацискиот секретар на ДУИ Артан Груби денеска на прес-конференција во Собранието ја лоцираше одговорноста за неизгласувањето на одлуката за симнување на пратеничкиот имунитет на Трајко Вељаноски, во претседателот на собранската Комисија за деловнички и мандатно – имунитетни прашања Павле Богоески.
– ДУИ целосно го поддржува владеењето на правото без партиски, политички, етнички и какви било други влијанија. На синоќешната седница во определеното време сите пратеници на ДУИ беа присутни на седницата од претседателот Ахмети до болниот пратеник Агим Шаќири за да гласаме за одземање на имунитетот. За жал, на седницата пратениците не можеа да се воздржат од дофрлувања и навреди кон претседателот на Собранието во моментот на гласање. Ништо од тоа што се случи, немаше да се случи, доколку претседателот на Комисијата за деловнички и мандатно-имунитетни прашања ја ставеше одлуката на гласање во 23 часот како што бевме претходно договорени, доколку тој не се договореше со ВМРО-ДПМНЕ, исклучувајќи ја ДУИ и да ја стави во заеднички договор со нив одлуката за гласање во 21 часот, без да не информира и без да не почека, истакна Груби.
Додаде дека ништо од тоа што се случи синоќа, немало да се случи, доколку дел од пратениците не станале и со навредливи зборови, пцовки и фрлање пенкала кон спикерот Џафери не го попречиле актот на гласањето неколку минути пред полноќ.
Тој рече дека по носењето крупни одлуки како промена на името и заокружувањето на Охридскиот договор, владеачката коалиција ќе продолжи да функционира и дека заедно ќе ги направат реформите за да се добие датум за почетокот на пристапните преговори со ЕУ.
-Убеден сум дека овој момент ќе се надмине и дека заеднички ќе ги изгласаме двотретинските закони, рече Груби.
Интегрален текст од прес конференција за медиуми на Димче Арсовски, Портпарол на ВМРО-ДПМНЕ
Почитувани,
Епидемијата од непотизам од најтежок вид ја има зафатено фамилијата на пратеничката Тања Ковачев од СДСМ. Мислиме дека на овој случај може дури да позавиди и Мира Дизел Стојчевска, дури и да биде љубоморна. Во интерес на времето да почнам со набројување на сомнежите за непотизам без поголем вовед, со мала напомена дека се работи за работни места со многу високи плати, многу повисоки од просечната плата која што ја добиваат граѓаните во Република Македонија.
Па така, прашуваме, дали сопругот на пратеничката Тања Ковачев, Дејан Ковачев без соодветно образование е вработен во АД Аеродромски услуги- Аеродроми на Македонија?
Дали сестрата на истата пратеничка, Катерина Хаџиевска Јакимовска е вработена во УЈП како инспектор за игри на среќа?
Почитувани,
Дали зетот за сестра, Бобан Јакимовски е вработен во Водовод и канализација Скопје?
Дали Елеонора Фунду, золвата, односно сестрата на сопругот на пратеничката е поставена како претседател на Надзорен одбор на АД Аеродромски услуги Аеродроми на Македонија каде што работи Дејан Ковачев мажот на Тања Ковачев?
Еве почитувани, ако е сево ова точно тогаш во епидемијата на непотизам имаме и прв случај на вработена золва, покрај сите случаи на вработени мајки, синови, ќерки, сестри, браќа, свекрви, сопрузи, баби, дедовци и фризерки на високи функционери на СДСМ итн,меѓутоа да не им се мешаме и да не им навлегуваме во семејните релации и работи. Да нaпоменам дека дел од овие информации кои ги презентиравме ги добиваме од граѓаните па и членови кои што се крајно разочарани од оваа крими-непотистичка власт на деспотот Зоран Заев.
Секој ден добиваме писма и пораки од разочарани граѓани од оваа власт која што ја претвори државата во приватна фирма за вдомување функционерски роднини на грбот и на сметка на граѓаните кои плаќаат даноци.
Зарем во државата нема други невработени кои што треба да се вработат, пред се млади и квалификувани луѓе кои не можеле да се вработат на овие дебело платени работни места кои ги добиваат сепак најблиските роднини на функционерите на СДСМ. Како тоа токму нивните роднини се или единствени кои конкурирале или се најдобрите кандидати очекуваме се уште да кажат функционерите на СДСМ?
Почитувани,
Сето ова е потценување на здравата разум на граѓаните, бидејќи моделот на Дизел вработување не е исклучок, тоа е правило во СДСМ. Залудно е лажното морализирање и пазарење еден ќе се повлече, двајца ќе останат вработени, колку да се замаја јавноста. Оваа епидемија ќе прекине само и само со пораз на оваа крими-непотистичка власт на избори, кога ќе почне и нивната демонтажа.
Претседателот на Собранието, Талат Џафери, изјави дека не го спасувал Трајко Велјаноски со тоа што ја прекинал седницата за одземање на неговиот имунитетот.
-Одговорноста на пратеникот не може да се одбегне во соодветна судска постапка. Седницата е прекината оти одмина времето за носење одлука, поради пратениците, особено поради пратеникот од мнозинството Мухамед Зеќири, тоа може да се потврди од снимките, обврска ми е да прекинам седница, рече Џафери.
Тој објаснува дека тоа што не е донесена одлука за симнување на имунитетот на пратеникот Вељаноски, подразбира дека не е донесена одлука и со тоа останува имунитетот.
Џудо клубот “Бушидо” успешно ја стартуваше новата сезона со Државното првенство за пионери и сениори во Скопје.
Од клубот учество зедоа 18 такмичари и освоија 13 медали. Ова се освојувачите:
Милена Божиноска 3 место, Сара Јанеска 3 место, Елеонора Илиоска 2 место, Елена Малиноска 3 место, Мартина Јанкоска 2 место, Михаела Димоска 3 место, Стефани Илиеска 3 место, Михајло Ацески 3 место, Кристијан Магероски 1 место, Христијан Здравески 1 место, Ема Димитриоска 2 место, Теодора Ристеска 3 место, Сара Атанасоска 3 место.
Уште еден преубав македонски бисер од дебарскиот крај е селото Рајчица, сместено на самиот брег од езерото, село што има ни помалку ни повеќе туку четири цркви, вклучувајќи и еден од најпознатите манастири во земјата – Свети Ѓоргија Победоносец.
Кој не ја посетил Рајчица, не ја познава Македонија. Ова едногласно ќе ви го кажат сите дебарчани, без разлика дали се православни, муслимани или од некоја друга религија. Селото е сместено на брегот на Дебарско Езеро и е едно од ретките во земјава и пошироко што во својот атар има дури четири цркви, барем така велат мештаните.
SONY DSC
Главната верска икона е женскиот манастир Свети Ѓоргија Победоносец, кој претставува прекрасно здание во кое на човек едноставно ќе му снема здив од убавините со кои располага. Другите цркви се сместени во трите маала на ова преубаво село. Свети Варвара е црква во маалото Рајчки (средниот дел од селото), била подигната во 1507 година, Свети Атанасија е црквата во малото Влаовци (горно маало), а црквата Свети Димитриј се наоѓа во малото Радовци (долно маало).
Сите цркви се подигнати во почетокот на 16 век и опстојуваат до ден денеска.
Селото Рајчица се наоѓа на само два километри од градот Дебар, на надморска висина од околу 700 метри. Манастирот Свети Ѓорѓи Победоносец беше обновен во 1999 година, заедно со црквите Света Варвара, Свети Атанасија и Свети Димитрија.
До 1900 година во селото живееле околу 660 жители, сите Македонци со православна вероисповед. Според последниот попис од 2002 година, во селото Рајчица живеат 131 жител, од кои 72 се Албанци, 42 се Македонци, има еден Турчин и 16 жители се заведени како „други“.
Како познати личности што водат потекло од ова село, на сајтот на Википедија, се споменуваат преродбеникот Алексиј Зографски, потоа револуционерите Никола Аџиев и Силко Цветков, писателот Тришо Стојановски и Марин Докузовски, живата легенда на македонската кошарка.
Земјата има вкупно 26 аеродроми, што е прилично голема бројка за држава од само 5 милиони жители. Ова се најинтересните работи за Туркменистан.
1.Речиси 80% од површината на Туркменистан е покриена со ненаселената пустина Каракум.
2.Климата во Туркменистан е повеќе од фантастична – во лето температурите одат и до 50 степени, а во зима под нулата со снег.
3.Речиси 90% од населението е вработено во државната управа.
4.Земјата е четврта по залихите со природен гас во светот. И покрај тоа повеќе од 60% од луѓето живеат во сиромаштија.
5.Ако ги рачунаме луѓето над 15 години, писменоста во Туркменистан изнесува 99,7 %.
6.Државата е светски славна по своите теписи, па така во Туркменистан има музеј за теписи во кои се изложени повеќе од 1000 различни теписи, а нивната старост надминува 200 години.
7.Поради пустината, густината на населението е 10 луѓе на квадратен километар.
8.Интернет користат само 1,59% од населението, што е поразително мал број.
9.Претседателот на земјата од 1990 до 2006 година беше Шапамут Нијазов, еден од најексцентричните светски диктатори.
Фото/oldprilep.com
