Шампионот на Македонија, Еурофарм Пелистер, дополнително се екипира за остатокот на сезоната. Клубот доведе нов кружен напаѓач, со што ја пополни празнината по заминувањето на Мохамед Калед Валид на почетокот од годината.

-Наш нов член е хрватскиот кружен напаѓач Никола Граховац. 27-годишниот пивотмен се обврза на договор со битолскиот клуб до крајот на сезоната, со опција за продолжување и за следната. Тој доаѓа во Битола од бундеслигашот Вецлар и веднаш ќе му се стави на располагање на стручниот штаб, стои во соопштението од Еурофарм Пелистер.

201-сантиметар високиот Граховац има искуство од настапите на големата сцена, бидејќи во Лигата на шампионите играл за Загреб и Веспрем, а негов прв клуб е Дубрава.

Никола Граховац е хрватски репрезентативец, со настап на Европското првенство 2022 година и Олимписките игри 2024 година. Со јуниорската репрезентација на Хрватска стана европски вицешампион во 2016 година. Се работи за модерен прототип на пивотмен, кој ќе биде дополнителна вредност во периодот кој престои.

Најновото засилување до крајот на неделата ќе биде официјално претставен пред јавноста и медиумите.

-На 17.02.2026 во 22:50 часот во Прилеп, полициски службеници од ОВР Прилеп ја лишија од слобода 37-годишната С.Ј.М. од Прилеп. При контрола во патниот сообраќај на ул.„Страшо Пинџур“ во Прилеп, полициските службеници сопреле патничко возило „опел“ со прилепски регистарски ознаки, кое го управувала и по преземени мерки било констатирано дека С.Ј.М. е под дејство на алкохол, односно дека има 1,77 промили алкохол во крвта. Возилото е одземено, а по целосно документирање на случајот, против неа биде поднесена соодветна пријава – информираат од МВР.

По обвинувањата на опозицискиот СДСМ дека власта размислува за набавка на нов владин авион, наместо тие пари да ги пренасочи за плати на работниците и инфраструктурни проекти, премиерот Христијан Мицкоски рече дека Владата се откажува од набавката на нов воздухоплов.

Премиерот Христијан Мицкоски, денеска на новинарско прашање рече дека Владата ќе се откаже од набавка на нов владин авион.

Тој кажа дека по средбите со лидерот на СДСМ, Венко Филипче, дека тој му ветил дека нема да се критикува Владата поради набавка на нов авион, но тоа не се случило.

„Воздухопловот е во возна состојба, и тие кои го управуваат иницираа да се создадат средства да се набави нов. Гледам од опозицијата реагираат, иако на неколкуте средби што ги имав со лидерот на опозициската СДСМ Венко Филипче, тој беше многу јасен дека за ова нема да ја критикува владата, дека утре ќе биде друга влада, а воздухоловот ќе се користи за хуманитарни цели, и не го одржа зборот.

И еве, ние се откажуваме поради тоа, а ако се урнеме и починеме, тогаш ќе стане јасно зошто ни треба нов авион“, рече Мицкоски.

Ф.Н. од Скопје освои СУПЕР МИЛИОНЕР ЏЕКПОТОТ, вреден 7.070.623 денари.

Најпосакуваната ВЛТ добивка е освоена со играта „Флеминг Хот“, на видеолотариските терминали кај деловниот соработник „Моцарт“, на 15.02.2026 година, во Скопје.

Тимот на Видеолотарија Касинос Австрија од срце му честита на добитникот Ф.Н. и му посакува многу радост, исполнети соништа и незаборавни моменти.

Во периодот од 09.02.2026 до 15.02.2026 година, Видеолотарија Касинос Австрија исплати вкупно 21.466.013 денари кон играчите на ВЛТ терминалите низ Македонија, и тоа:

• 2 СУПЕР МИЛИОНЕР џекпот добивки – вкупно 14.253.509 денари

• 4 МИЛИОНЕР џекпот добивки – вкупно 5.484.403 денари

• МИНИ џекпот добивки – 1.728.101 денари

Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди. Мината 2025 година е година на рекорди, еуфорија и многу среќни ВЛТ добитници! Видеолотарија Касинос Австрија им исплати на играчите на ВЛТ импресивни 814.512.912 денари, односно повеќе од 13 милиони евра за џекпот добивки.

Во 2026 година, само во јануари, Видеолотарија Касинос Австрија исплати фантастични 72.586.111денари или скоро милион и двеста илјади евра за џекпот добивки.

Министерот за економија и труд Бесар Дурмиши останува на ставот дека минималната плата ќе се зголеми во март кога ќе се изврши нејзино усогласување со утврдената методологија.

Во одговор на пратеничко прашање за зголемување на минималната плата на 600 евра, Дурмиши ја обвини опозицијата дека прави политички маркетинг.

– Нема потреба од политички маркетинг. Ние не сме против зголемување на минималната плата, но таа треба да се зголеми врз основа на економските параметри – продуктивноста, трудовата моќ… – рече Дурмиши одговарајќи ѝ на пратеничката Јована Тренчевска од СДСМ.

Рече дека никогаш не се откажале од разговори за платите и дека 20.000 работници во јавниот сектор ќе добијат зголемување на платите.

За платите на избраните и именувани лица, кои беа зголемени за 78 проценти со одлука на Уставниот суд, Дурмиши најави дека набргу Владата ќе донесе одлука за замрзнување на овие плати.

– За разлика од вас, кои ги зголемивте функционерските плати, ние работиме спротивно и нема да ги зголемиме платите на функционерите. Тоа ќе се одлучи многу бргу и ќе се замрзнат овие плати. Сакате да создадете перцепција дека економската состојба е резултат на сегашните политики, а не на погубните политки од ваше време – рече Дурмиши.

Во однос на забелешката од координаторот на СДСМ, Оливер Спасовски, на чие барање седницата почна еден час подоцна, Дурмиши одговори дека задоцнил бидејќи присуствувал на конференција, која претходно била закажана.

Ѓоко Јочкоски е именуван за нов директор на ЈКП „Водовод и канализација“ Прилеп.

Станува збор за дипломиран машински инженер со долгогодишно работно искуство во ова јавно претпријатие, што претставува цврста основа за одговорно и посветено раководење во интерес на граѓаните.

Joчкоски доаѓа на местото на Игор Гулабоски, кој со ова јавно претпријатие раководеше во изминатите 4 години.

АД за стопанисување со деловен простор во државна сопственост ги информира сите заинтересирани правни и физички лица (домашни и странски) дека објавува Оглас за издавање на деловен простор по пат на електронско јавно наддавање, а во листата на достапни објекти има голем број и во Прилеп.

За повеќе информации посетете ја нашата веб-страна:
http://addelpro.mk/oglasi/tekovni

☎️или контактирајте не на телефонските броеви 02 3 226-072, 077 761 005, 076 482 349

https://www.facebook.com/story.php?story_fbid=122246662334273092&id=61558192786262&rdid=8wX14Xh0nsPwSCo0#

На просторот околу поранешен хотел “Скопје”, започна реализацијата на еден од проектите за кои Прилеп доби пари од Владата од унгарскиот кредит.

Станува збор за мини плоштад, со уредена пешачка патека и поставување на урбана опрема, со што овој дел ќе дојде како продолжение на плоштадот “Методија Андонов-Ченто”, ќе има повеќе простор за пешачење, а ќе се тргнат и возилата, кои често на овој простор се паркирани на сите страни.

Парите за овој проект општина Прилеп ги доби преку вториот Јавен повик за инвестиции во Општините од Владата, како дел од финансиската инјекција од унгарскиот кредит.

Покрај за реализација на овој мини плоштад, Прилеп пари доби и за следните проекти:

• Изградба на мост на улицата „Победа“ над реката Оревоечка
• Реконструкција на улицата „Орде Чопела“ – влез во градот од правец на Македонски Брод
• Комплетна реконструкција на улицата „Трајко Николоски“ – со електроинсталации
• Ново детско игралиште во центарот на градот (зад Участакот)
• Ново детско игралиште на улицата „Борка Спиркоски“ во Типската населба
• Изградба на водоснабдителен систем во село Лениште
• Реконструкција на главниот потисен цевковод за Индустриската зона и манастирот „Св. Димитрија“ во с. Селце
• Изградба на фотонапонска централа на објектот на Пречистителната станица
• Интеграција на дистрибуирани водоводни локации со SCADA и GIS системите
• Замена на дотраена водоводна мрежа – потег бул. „Гоце Делчев“ до ул. „Ленин“ (фаза хидротехника)
• Реконструкција на фасадата на ООУ „Рампо Левката“
• Поставување полуподземни контејнери на 21 локација низ градот

Девојките од прилепскиот боречки клуб 7-ми Мај: Анастасија Карапејоска, Тамара Цветкоска, Викторија Стојаноска и Ангела Трајкоска, деновиве се на подготовки во Качаник, Косово, каде интензивно работат на сила, техника и издржливост со цел да ја задржат врвната форма.

Со дисциплина, посветеност и шампионски дух, тие се подготвуваат за продолжението од сезоната и нови предизвици што следуваат.

Шампионките не запираат – тие секој ден стануваат уште посилни!

Навивачката група „Мајмуни“ излезе со јавно соопштение на социјалните мрежи, во кое истакнува дека вложиле сериозни напори за да помогнат во спасувањето на ФК Победа, но обидот, како што велат, не вродил со плод.

Клубот од Прилеп неодамна се откажа од натпреварување во Втората лига поради наталожени долгови и финансиски проблеми, со што уште еднаш се отвори прашањето за одговорноста и иднината на еден од најпрепознатливите спортски брендови во градот.

Во својата Фејсбук-објава, „Мајмуни“ посочуваат дека застанале зад секоја организација која била подготвена да помогне, но под услов ниту еден член од претходната управа да не биде дел од процесот до крајот на сезоната. Според нив, тоа било прифатено, но сепак не довело до посакуваниот исход.

Навивачите тврдат дека бил обезбеден тим кој, како што наведуваат, можел да се бори најмалку за бараж, но дека одредени структури го спречиле тоа. Во објавата упатуваат директен повик за јавна одговорност, барајќи транспарентно да се соопшти „кој, колку и каде наштетил“ на клубот.

Дополнително, од групата обвинуваат дека со години се давале ветувања за спас на Победа, но без конкретни резултати, при што вината се префрлала од една на друга страна.

Во постскриптумот од објавата, тие наведуваат и неофицијална информација дека Општина Прилеп ги побарала назад клучевите од градскиот стадион, што дополнително ја продлабочува неизвесноста околу иднината на клубот.

Состојбата со Победа повторно ја разбранува спортската јавност во Прилеп, а навивачите најавуваат дека нема да се откажат од барањето одговорност и расчистување со, како што велат, сите кои придонеле клубот да се доведе во ваква состојба.