На 24 јули 2025 / четврток/ од 20.00 часот во Ликовната галерија од ЦК „Марко Цепенков“ ќе биде отворена изложбата „Наследство од вечната љубов”, прва изложба на младите уметници Јана Тодорова и Софија Тодорова.

За изложбата:

Детската креативност, со својата безрезервна природа, создава чувство на бескрајна радост. Свежината и талентот со кои децата создаваат уметност постојано инспирира и восхитува. Во делата на младите уметници Јана и Софија Тодорови, со прилепско потекло, јасно се гледаат слободната ликовна игра и нивната раскошна имагинација.

Јана Тодорова е родена во 2012 година во Скопје. Таа е ученичка во ООУ „Петар Поп Арсов” во родниот град. Јана активно учествува на бројни ликовни натпревари и конкурси во нејзиното училиште, каде во VI одделение освоила прво место.

Во творештвото на Јана Тодорова се забележува наклонетост кон апстракцијата. Нејзините дела се одликуваат со раскошна сликарска палета. Експресивниот карактер на нејзиното богато ликовно изразување открива вешта употреба на линијата во различни големини и насоки, карактеристични текстури, разновидни форми и исклучително чувство за боја. Покрај експресивните апстракции, во нејзиното творештво се вклучени и пејзажи кои покажуваат извонредно познавање на перспективата, функцијата на бојата, како и употребата на текстурата.

Софија Тодорова е родена во 2015 година во Скопје. Таа е ученичка во ООУ „Петар Поп Арсов” во Скопје, каде активно учествува на ликовни натпревари. Во II одделение, Софија го освоила првото место на училишниот ликовен натпревар.

Ликовниот израз на Софија Тодорова се истакнува со моќен експресивен потег и живописна колоритност. Нејзиниот апстрактен јазик содржи разновидни линии, форми со различни големини и впечатлив спектар на бои. Во нејзините композиции, динамичните сликарски потези создаваат релјефна структура на површината на платното. Софија поседува исклучително чувство за употреба на бојата, што јасно се гледа во нејзините колористички интервенции.

Безбројни емоции извираат од богатото колоритно творештво на сестрите Јана и Софија, изразени преку бојата и движењето на линијата. Овие емоции потекнуваат од нивната длабока потреба за постојано уметничко создавање. Во сликарскиот опус на Јана преовладува асоцијативната апстракција, додека во ликовното творештво на Софија доминира апстрактната експресија. Нивните апстрактни композиции, збогатени со искрени детски радости, сведочат за исклучителен уметнички талент наследен од вечната љубов – вели м-р Викторија Димеска, историчарка на уметност.

Jaвете се на телефонскиот број: 071 551 310

Фирмата CAJEN кетеринг има потреба од работници!

Се бараат:

-чистачки
-помошник готвач
-возач

Основната плата е 34.000 денари + нaдоместок за работа за време на празници и работа во недела.

Работно време 8 часа!

Фирмата се наоѓа на ул. “Александар Македонски” бр.118/2 во Прилеп

Управата за јавни приходи ги повикува граѓаните да пријават ако таксисти не им издаваат фискални сметки. Сознанија за неправилности поврзани со авто-такси превозот или неиздавање фискални сметки во која било дејност, може да се пријави на бесплатната телефонска линија 198 или на [email protected].

Од УЈП велат секој такси превозник е должен да издаде фискална сметка и најавуваат засилени контроли.

“Контролите ќе се спроведуваат во соработка со други надлежни институции низ целата држава, особено во туристичките региони, каде што во летниот период е зголемена фреквенцијата на патници и активноста на авто-такси превозниците“, велат од УЈП.

Даночните обврзници кои вршат авто-такси превоз се должни да користат мобилни фискални апарати со интегриран ГПРС уред, да го регистрираат остварениот промет во фискалниот апарат, да издаваат фискална сметка за секоја услуга во готовински промет, да го евидентираат прометот во книгата на дневни финансиски извештаи за секоја фискална каса поединечно.

Условна затворска казна во траење од две години изрече Основниот суд во Прилеп против вработен во прилепската болница кој во периодот од август 2024 до април 2025 година противправно присвоил 2 110 640 денари наплатени од пациенти.

Како што соопшти Управата за финансиска полиција, службеното лице од ЈЗУ Општа болница со проширена надлежност „Борка Талески“ – Прилеп сторило кривично дело Проневера во службата, согласно член 354 став 2 во врска со став 1 и во врска со член 45 од Кривичниот законик.

Обвинетиот иако ги вратил средствата, судот ја утврди вината и му изрече условна затворска казна во траење од две години, која нема да се изврши ако во наредните четири години не стори ново кривично дело.

-Овој случај е дел од пошироката истрага на Управата за финансиска полиција, која со месеци го анализираше финансиското работење на прилепската болница и истовремено ја потврдува нашата заложба за борба против корупцијата и злоупотребата на јавни средства. Враќањето на парите не ослободува од одговорност, правдата мора да биде еднаква за сите. Оштетувањето на јавниот буџет, особено во здравствениот сектор е недозволиво и секој обид за прикривање или игнорирање на вакви постапки претставува закана за довербата на граѓаните во институциите, информира Управата.

Денес, Општина Прилеп во соработка со Црвен крст Прилеп, спроведе акција за делење вода за пиење на граѓаните и случајните минувачи во центарот на градот.

-Оваа активност е дел од нашите заложби за заштита на здравјето на граѓаните во услови на енормно високи температури. Поради екстремните горештини, како Локална самоуправа апелираме до сите граѓани да бидат особено внимателни и да ги почитуваат препораките на Владата и стручните служби.

Здравјето е на прво место! Грижата за заедницата не е само обврска – таа е наша заедничка одговорност – стои во соопштението од општина Прилеп.

P2P.mk подарува 100 бесплатни влезници за концертот на Next Time во Битола
01 август | Ракометно игралиште | Почеток 20:00 ч.

Во пресрет на големиот летен концерт на Next Time во Битола, кој ќе се одржи на 1 август на Ракометното игралиште, платформата P2P.mk организира специјална промоција – со можност за добивање 100 бесплатни влезници.

Првите 100 граѓани кои ќе се регистрираат на www.p2p.mk ќе добијат гратис билет за концертот, каде како специјален гостин ќе настапи и Слаткаристика.

„Со оваа акција сакаме да се доближиме до младата и активна публика, но и да понудиме вредност што оди подалеку од финансиската – вредност на искуство, музика и момент што се памети,“ велат од P2P.mk, платформа која го спојува инвестирањето со лична грижа и долгорочна сигурност.

За да учествуваат, заинтересираните треба:
– да ја посетат веб-страницата www.p2p.mk
– да го пополнат краткиот формулар за регистрација
– да ја потврдат пријавата и да проверат дали се меѓу првите 100.

Концертот ќе започне во 20:00 часот, а влезниците се достапни и преку продажната мрежа на mkTickets по цена од 500 денари.

Со особено задоволство сакам да ве информирам дека Општина Прилеп во следниов период започнува нова, значајна развојна фаза – истакна на денешната прес конференција градоначалникот на општина Прилеп, Борче Јовчески, кој ги презентираше проектите кои ќе се реализираат во општината со пари од државата.

Прес конференцијата на Јовчески интегрално ја пренесуваме во продолжение:

-Во Владата на Република Македонија минатата недела официјално ги потпишавме договорите за реализација на проектите што ги поднесовме преку јавниот повик на Министерството за локална самоуправа за 2025 година. Со ова, Прилеп обезбедува нови инвестиции во вредност од приближно 8 милиони евра, насочени кон капитални проекти со директна корист за граѓаните.

Во наредниот период следуваат:

-Реконструкција на дел од плоштадот „Методија Андонов – Ченто“,

– Изградба на нов мост на ул. „Победа“,

– Реконструкција на влезот на градот од правецот на Македонски Брод – ул. „Орде Чопела“,

– Целосна реконструкција на ул. „Трајко Николоски“ со нови електроинсталации,
– Нови детски игралишта во центарот – зад Участакот – и во населбата Типски,
– Изградба на водоснабдителен систем за село Лениште,
– Реконструкција на цевководот кон Индустриската зона и манастирот во Селце,
– Поставување на фотонапонска централа на Пречистителната станица,
– Интеграција на SCADA системот со ГИС платформа,
– Замена на дотраената водоводна мрежа во центарот (делови од бул. „Гоце Делчев“, ул. „Кузман Јосифоски“ и ул. „Ленин“),
– Поставување полуподземни контејнери на 21 локација низ градот,
– Реконструкција на фасадата на ООУ „Рампо Левката“.

Сите овие проекти се од витално значење и претставуваат директен одговор на реалните потреби на нашите сограѓани. Ова е доказ дека кога работиме посветено, визионерски и чесно – резултатите не изостануваат.

Потсетување:
Во 2024 година, преку првиот јавен повик, Општина Прилеп веќе обезбеди 3 милиони евра за:
-Кружниот тек кај мостот „Табана“,
-Изградба на дел од ул. „Победа“,
-Реконструкција на водоводот во Карабдалица.

Водоводната мрежа е веќе завршена, а останатите проекти влегуваат во градежна фаза уште следната недела.

Ако го погледнеме вкупниот период од последните две години, можеме со гордост да кажеме дека, благодарение на поддршката од Владата предводена од ВМРО-ДПМНЕ, Општина Прилеп обезбеди историска поддршка од 11 милиони евра директни инвестиции!

Но тука не застануваме!

Општина Прилеп обезбеди средства за реализација на уште два нови проекти за подобрување на животната средина и јавната инфраструктура, одобрени од Министерството за локална самоуправа – Биро за регионален развој, во рамките на Програмата за рамномерен регионален развој за 2025 година.

„Подобро одржување на зелените површини во Општина Прилеп“
Финансиска поддршка: 2.500.000 денари

Цел: Набавка на мини багер за поефикасно и континуирано одржување на зеленилото низ градот.

И „Пошумување на споменикот на природата Маркови кули“
Финансиска поддршка: 2.000.000 денари

Цел: Набавка на трактор со приколка и опрема за успешно пошумување и заштита на природниот локалитет.

Договорите за двата проекта се веќе потпишани и веднаш пристапуваме кон нивна реализација. По набавката, механизацијата ќе биде предадена на ЈКП „Комуналец“ – Прилеп, со кое заедно ќе ги спроведеме активностите на терен.

Почитувани граѓани,
Ова не се само бројки – ова се конкретни дела. Ова се улици, мостови, водоводи, игралишта, решенија за животната средина. Ова е инвестиција во квалитетот на живот и во иднината на Прилеп.

Ќе продолжиме да работиме уште поодлучно, затоа што Прилеп заслужува многу – и тоа не само во зборови, туку и во дела!

Министерството за внатрешни работи ги информира граѓаните дека во последните денови актуелна е лажна објава на социјалните мрежи во која се тврди дека некои малоплодажни компании за техника наводно нудат модерни телефонски уреди преку “внатрешна програма” поради оштетена амбалажа.

-Ве известуваме дека станува збор за измама со цел да се привлечат граѓаните да кликнат на сомнителни линкови или да остават лични податоци. Доколку забележите ваква објава:
НЕ кликнувајте на линкови во вакви објави.
НЕ споделувајте лични информации.
НЕ потпаѓајте на приказни кои играат на емоции за да ви измамат доверба, апелираат од МВР.

Компаниите за техника немаат тајни страници за “специјални” телефони, и не ги нудат производите преку социјалните мрежи или неофицијални канали.

Доколку видите вакви објави, пријавете ги веднаш во најблиската полициска станица.

Секторот за компјутерски криминал при Министерството за внатрешни работи активно презема мерки и води постапки во врска со вакви измами.

Православната црква и верниците на, 30 јули, го слават празникот на Светата великомаченичка Марина, во народот позната како Огнена Марија, која е почитувана како борец за христијанската вера и заштитничка на жената.

Покрај православните, Огнената Марија ја почитуваат и католиците и оние од исламска вероисповед.

Денот на Светата маченичка Марина, во народот познат како Огнена Марија, се смета за многу почитуван празник, особено кај жените, па затоа е обичај на тој ден да не се работи физичка работа или работа на нива. Во црковниот календар 30 јули не е означен со „црвена буква“, но жените на тој ден од почит кон овој празник одбиваат дури и да закачат игла.

Св. Во фолклорот се зачувани примери на оган или молњи кои гореле жито, сено и домови на луѓе кои згрешиле работејќи на празникот Огнена Марија во жешките празнични денови.

Светата маченичка Марина е родена во Антиохија, се крстила на 12 години, а на рана возраст ја изгубила мајка си, а татко и кога дознал дека е христијанка ја избркал од дома. На пат од Антиохија го сретнала епархот Олимбриј, кој отишол да ги прогонува христијаните. Бидејќи таа го одбила понудениот брак и поради нејзината вера во Господ Исус Христос, гневниот епарх наредил да биде изложена на најлошите маки.

Народното верување вели дека Огнената Марија гори и казнува со оган и дека громот на овој свет ден е лош знак. Тоа може да значи дека претстои тешка и сушна година, а постарите тврдат дека ваквите ситуации укажувале на болест и сиромаштија.

Кај православните особена стравопочит предизвикува Огнената Марија (која, инаку, во народната традиција е позната како сестра на Илија Громовник и Света Пантелија). На тој ден (30 јули по нов календар или 17 по стар календар) никој не работи бидејќи се смета дека на тој ден секоја работа е неправилна и грешна, дека секој што ќе ја наруши волјата Божја на тој ден. денот не може да ја очекува неговата милост.

Некои православни семејства го одбележуваат споменот на Огнената Марија како слава за крштевање. Моштите на овој светител почиваат во манастирот Света Марина во Албанија, на планината Лонга над Охридското Езеро.