Од полицискиот билтен на МВР:

-На 15.08.2025 во 22:00 часот во ПС Битола 28-годишна жена од Битола пријави дека на 14.08.2025 околу 21:15 часот, пред зградата каде живее, била физички нападната од свекорот С.Ц. (54). По документирање на случајот, ќе биде поднесен соодветен поднесок.

-На 15.08.2025 во 19:19 часот во СВР Битола e пријавенo дека на ул.„Тодор Паница“ во Битола патничко возило „рено“ со битолски регистарски ознаки, управувано од Н.Б.(50) од Битола, удрило во 10-годишен пешак од Австралија. Во несреќата со тешки телесни повреди се здобил пешакот, констатирани во Клиничката болница Битола. Извршен е увид од увидна екипа од СВР Битола.

-На 16.08.2025 во 05:25 часот во ПС Битола, С.С.(45) од Битола пријави дека околу 01:45 часот на ул. „Широк сокак“ во Битола бил физички нападнат од Д.Е.(19) и уште две лица. По расчистување на случајот, ќе биде поднесен соодветен поднесок.

Од Армијата ги информираат граѓаните на Скопје, дека на 17-ти август 2025 година (недела), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Ги информираме граѓаните на Скопје, дека на 17-ти август 2025 година (недела), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во склоп на активностите кои се реализираат по повод одбележувањето 18 Август – Денот на Армијата.

Претходно, истиот ден во 18.00 часот ќе биде извршена и пробна артилериска стрелба со еден плотун.

Под влијание на влажна и нестабилна воздушна маса која е поврзана со атмосферски фронт од север со поладен воздух на висина, денес (недела 17 август) во попладневните часови локално, а утре (понеделник 18 август) на повеќе места ќе има развој на конвективни грмотевични облачни јадра од кои очекувам појава на поројни врнежи од дожд, грмежи и засилен ветер во зоната на нестабилност.

Локално атмосферските процеси ќе бидат поинтензивни и ќе има појава на невреме, проследено со обилен пороен дожд, силен ветер, електрични празнења и со појава на град. И во делови од Скопскиот регион во погоре споменатиот период ќе биде нестабилно со пороен дожд, грмежи, засилен ветер и со услови за појава на невреме.

Што се однесува до температурите, тие денес (недела 17 август) ќе се искачуваат во интервалот од 28 до 35 степени, а утре (понеделник 18 август) ќе бидат уште малку пониски и ќе се искачуваат во интервалот од 25 до 34 степени.

Поради многу нестабилното време апелирам во случај на појава на невреме граѓаните да обратат поголема внимателност, односно во случај на појава на невреме да не се претстојува на отворен простор и под осамени дрвја. Исто така во случај на појава на силен ветер граѓаните да ги заштитат своите автомобили. Тоа значи да не ги ставаат во близина на дрвјата, особено оние дрвја кои се стари и осамени.

Ракометарите на РК Прилеп кои имаат своја екипа на турнирот во баскет KGJ 3X3, кој викендов се одржува на игралиштето во ООУ “Кире Гаврилоски-Јане”, му приредија изненадување на својот доскорешен капитен – Христи Бикоски Бикчето.

Бикоски кој летово го напушти РК Прилеп и потпиша за амбициозниот тим на Вардар Неготино, беше еден од подобрите поединци во редовите на прилепчани во изминатите неколку сезони.

Бикоски веројатно беше и еден од играчите кои носеа добра атмосфера во соблекувалната, па токму затоа неговите доскорешни колеги играат со дресови со неговото име.

-На 15.08.2025 во 15:40 во ПС Прилеп 31-годишна жена од Прилеп пријави дека околу 10:30 часот во близина на куќата каде престојува, била нападната од нејзиниот сопруг И.И., со кого се во бракоразводна постапка. Според пријавеното, тој прво со своето возило „голф“ ја удрил пријавителката, а потоа и физички ја нападнал, а и го оштетил и возилото. По целосно расчистување и документирање на случајот, ќе биде поднесен соодветен поднесок – информираат во полицискиот билтен на МВР.

-На 15.08.2025 околу 13.50 часот во Полициската станица Прилеп е пријавено дека на ул. „Александар Македонски“ во Прилеп патничко возило „поло“ со прилепски регистарски ознаки, управувано од М.С.(24) од Прилеп, излетало надвор од коловозот. Во несреќата со тешки телесни повреди се здобила М.С., констатирани во Градската болница Прилеп. Извршен е увид од увидна екипа од ОВР Прилеп.

Синоќа на игралиштето во ООУ “Кире Гаврилоски-Јане” во Прилеп, започна 15. јубилејно издание на најпознатиот турнир во баскет – KGJ3X3.

Оваа година турнирот го краси ново руво, се игра на олимписка подлога, а интересот особено кај младите беше огромен уште од првиот ден.

Одлична организација, уште подобри натпревари, многу публика, забава и дружење, вака може да се опише првата натпреварувачка вечер, каде присутен беше и актуелниот заменик министер за економија, Марјан Ристески, кој ги поздрави организаторите и заедно со нив разговараа за понатамошен развој на овој спортски бренд на Прилеп и воопшто за развој на кошарката и баскетот во градот под Марковите Кули.

Желбата околку која заеднички ќе се залагаат е Прилеп да добие нови кошаркарски терени во блиска иднина и секако стабилен кошаркарски клуб кој ќе игра во елитата.

Натпреварите продолжуваат и денеска, а утре најдобрите ќе играат во големото финале.

Веќе 15 години по ред, KGJ3x3 го носи најдоброто од уличниот баскет во срцето на Прилеп! Оваа година повторно ќе имаме три дена исполнети со спорт, дружба и незаборавна атмосфера.

Oд вечерва, започнува 15-то јубилејно издание на одличниот турнир во баскет 3X3 “Кире Гаврилоски – Jане”. Tри дена исполнети со страст, конкуренција и одлични натпревари!

Оваа година, покрај одличните награди, турнирот ќе се игра и на нова подлога – онаква каква што се користи на 3×3 баскет натпреварите на олимпијадите.

Дечките од рано утрово неуморно работат за се да изгледа перфектно, а во моментов се прават последните подготовки.

Годинава турнирот има повеќе спонзори, а со тоа и наградите се побогати. Ќе се игра во две категории +18 и -17

Категорија +18

🥇 1. место – 25.000 денари + Дочек на Нова година во Белград
🥈 2. место – 10.000 денари + Ваучери за патување (4×40€)
🥉 3. место – 6.000 денари + Ваучери за патување (4×30€)

Категорија -17

🥇 1. место – Парична награда + Дочек на Нова година во Белград
🥈 2. место – Парична награда + Ваучери за патување (4×40€)
🥉 3. место – Парична награда + Ваучери за патување (4×30€)

Исто така за прв пат организаторите  предвидоа и нова категорија – “Corporate”, па ќе имаме прилика да гледаме и одлични натпревари помеѓу вработени во прилепските компании.

Ова не е само турнир. Ова е традиција. Не го пропуштај петнаесетото поглавје на КГ3Х3!

Фудбалскиот клуб Победа Прилеп започна со продажба на сезонски билети – твојата шанса да бидеш дел од секој домашен натпревар и да ја покажеш својата љубов и верност кон клубот кој моментално се наоѓа во незавидна финансиска положба и е потребна помош од секој страствен навивач, од секој прилепчанец.

Со само 1200 денари добиваш:

• 🎟 Пристап до сите домашни натпревари во сезоната

• ⚡ Брза и едноставна проверка на влез

• 💙 Ексклузивна поддршка за нашиот клуб во овие тешки моменти

Како да ја добиеш својата карта?

1. Пополни ја онлајн апликацијата 👉 ТУКА

2. Изврши уплата на сметката на клубот во банка или готовински директно кај овластено лице во просториите на клубот

3. За секоја уплата, без разлика на начинот, ќе добиеш фискална сметка

4. Ќе добиеш потврда по е-пошта и Viber кога картата ќе биде подготвена

5. Подигни ја лично на стадионот или во клупските простории

Заедно можеме да ја вратиме Победа таму каде што припаѓа!

-ОВР Прилеп поднесе кривична пријава против З.П.(73) од Битола поради постоење основи на сомнение за сторено кривично дело „насилство“. На 01.08.2025 на автобуска станица во Прилеп, пријавениот физички нападнал едно лице, при што употребил остар предмет – информираат од МВР.