Почитувани сограѓани нема простор за паника, пожарот кај Прилепец е ставен под контрола – напиша градоначалникот на општина Прилеп, Борче Јовчески на Фејсбук.

Јовчески кој се врати од службено патување во Шведска, упати огромна благодарност за воздушната поддршка од ер-тракторот, кој денеска којзнае колку пати го надлетуваше Прилеп и истураше вода врз зафатените со огнени јазици предели.

За среќа попладнево во Прилеп заврна и дожд, кој сите се надеваат дека конечно ќе го изгасне пожарот во Мариовскиот регион, што веќе седум дена пустоши се’ пред себе.

На годинашното јубилејно 45. издание на Интернационалниот фестивал на филмска камера „Браќа Манаки“ по прв пат на Широк сокак во Битола ќе бидат откриени ѕвезди на сите досегашни добитници на наградата Златна камера 300 која се доделува за животен опус.

Директорот на Фестивалот, Симеон Мони Дамевски во видео интервју за МИА открива детали за патеката, која ќе биде промовирана со свеченост достојна за ѕвезди на овој, како што вели, најстар и втор по големина, и во моментов многу значаен фестивал во светот.

– Не постои друг град во светот освен Холивуд, каде на главната улица, на Широк сокак, ќе бидат поставени ѕвезди на сите добитници на наградата Златна камера 300 за животно дело со годината кога ги добиле почнувајќи од браќата Манаки, во чие име е направен фестивалот. Едниот има добиено почесна награда, годинава ќе му доделиме и на вториот постхумно. Ќе се обидеме да најдеме членови од семејствата кои се живи, разбрав каде може да има, ќе ги поканиме да дојдат, да им ја дадеме наградата за братот кој што никогаш не бил чествуван соодветно. Годинава на двајцата им ставаме посебни ѕвезди, вели Дамевски.

Оваа своевидна „Патека на славните“ ќе почнува од пред киното Манаки и ќе оди кон Офицерскиот дом. Годинава ќе бидат откриени 18 ѕвезди. Шестмина од досегашните лауреати ќе присуствуваат на гламурозната свеченост на која секој ќе ја открие својата ѕвезда. Тоа ќе го направи и годинашниот добитник на Златната Камера 300 за животен опус, францускиот кинематографер Бруно Делбонел, кој го потврдил своето присуство.
Ѕвездите се изработени од месинг со изгравирано име на кинематограферите лауреати и вградени во плоча од мермер, а дизајнерското решение е дело на компанијата „Божиновски“.

Во интервјуто што во целост ќе биде објавено утре, директорот на фестивалот говори за напорите во неговиот четиригодишен мандат да го промовира и стави фестивалот во фокус на светската кинематограферска фела. Успехот се огледува, како што посочува, во постојаниот раст на бројот на гости на фестивалот и искористувањето на промените што се случуваат во филмската индустрија во последните години.

– Мојата крајна намера е овој фестивал не само да ја одбележува кинематографијата, туку да го сврти и веќе го врти окото на индустријата кон нас. На овој фестивал доаѓале наши медиуми, локални и регионални медиуми. Годинава, првпат ја имаме елитатата на филмската кинематограферска индустрија и светски најпознатите магазини посветени на филмската уметност. Ни доаѓа Бритиш синематографер, кое е едно од двете најголеми списанија, Американ синематографер, најголемото списание, доаѓа Синегрл, главното списание за жени во филмската индустрија, доаѓа Дефинишн магазин. Во моментов преговараме со Варајети кое е најголемото списание за филм во светот, кое досега најблиску во регионот било во Сараево и во Солун. Ни најавија дека ќе дојдат, и преговараме во моментов ако дојдат да има на една страница реклама за фестивалот „Браќа Манаки“. Значи тоа е растот што го правиме, вели директорот на Фестивалот.

Мотото на фестивалот годинава е „Еден е Манаки“. Се отвора на 21 септември, а ќе го донесе кремот на светската кинематографска фела. Во Битола се очекува да пристигнат 17 врвни мајстори на филмската камера кои за својата работа се закитиле со бројни награди од најпрестижните филмски фестивали и асоцијацијации. Во седумте фестивалски дена публиката ќе ужива во 65 исклучителни филмски остварувања. Фестивалот го отвара филмот „Партенобе“,на прославениот Паоло Сорентино, кој беше хит на последниот Кански фестивал сниман од Дарија Д Антонио, претседателка на жирито на „Манаки“ од пред две години. Со македонската премиера на филмот „Убиј ги прво децата“ во режија на Димитар Оравчанец, ќе се затвори Фестивалот.

На 10 септември 2024 /вторник/ од 19.00 часот во ликовната галерија од ЦК „Марко Цепенков“ ќе биде отворена изложбата „Лирско интермецо“ од Љупка Галазка Василев. ( 10.09. – 25.05.2024). Изложбата е поддржана од Министерството за култура и туризам.

За изложбата:

„Лирско интермецо“ е колаж од сликарски секвенци преку кој се материјализираат нашите стравови , копнежи , желби и очекувања . Отсликување на човечката душа, нежна и кршлива а во исто време толку моќна. Презентирани ќе бидат дваесетина дела,насликани во техника акрил и комбинирана техника на платно,создадени во последните неколку години.

За творештвото на Галазка Василев

Творештвото на Љупка е суптилно и повеќеслојно, еднакво, како што и зрачи нејзиниот изглед. Делата на Галазка се помеѓу апстрактното и реалното, како во некој одреден миг да се спојуваат сонот и јавето. Нејзината палета ги поседува земјените тонови: окер, портокалова, кафена или жолта, претежно хармонизирани, но со јасни и видливи елементи на контрастни бои: сина, зелена или виолетова. Долго ги набљудувам сликите на Љупка забележувам дека низ мноштвото богати нијанси ѕиркаат децентни чипкасти, налик невестински детал и, обрабени со бела боја и благо заоблени. Сликарката умешно ги комбинира боите и цртежот, тонскиот фон и цртачкиот сегмент. Гледајќи ги нејзините дела констатирам дека станува збор за едно творештво во кое се вклучени сите елементи, кои чинат една раскошна композиција од бои, линии, преку тонови или тонски скали. Љупка умее суверено да владее со четката и просторот кој го нуди сликарското платно. Таа ги чувствува своите сликарски предели, кои напати делуваат мистично или тајновито, а всушност тоа се слики кои се гласни и звучни. Звукот кој произлегува од мистериозните видици и предели на делата од Љупка посакувам да го чуе Универзумот, на кој му припаѓаат сите можни и неможни бои, тонови и нијанси…Јас го чув. А вие? – Ивана Настески, м-р по графика и графички техники

Биографија:

Љупка Галазка-Василев, rодена 1979г. во Струмица,Република Македонија.
Дипломирала на Националната Ликовна Академија во Софија.Живее и работи во Струмица како професор по ликовна уметност во средно училиште.

Изложби:

Групни изложби:

2001 – “Текстил”Галерија на Бугарските уметници – Софија
2002/2003- сликарство мал формат,Културно информативен центар “KИЦ”-Скопје,Македонија
2003 – “15 ликовни уметници од Струмица”,Градска Галерија-Солун,Грција
2004/2005 Годишна изложба на ДЛУС,Нацинална установа,Центар за култура”Aнтон Панов“- Струмица
2006 “Стремежите на младите ликовни уметници од Струмица”,фоаје на Работнички униерзитет “Јоска Свештарт”-Струмица
2012 “Encounters 5” Лефкоса,Кипар
2015 ”Encounters 6” Истанбул,Турција
2016 Изложба нагрупа“Пресек “ НУ Музеј – Струмица
2017 Изложба Безистен Амам – Гевгелија
2017 Изложба на група “Пресек “НУ Музеј – Струмица
2018 Изложба на ликовна група Пресек –Народен театар Гевгелија
2019 Изложба на група Пресек НУ Музеј – Струмица
2019 Изложба на тројца македонски автори во галерија на ГОК (Грујецки центар за култура ) Грујец ,Полска под покровителство на амбасада на Републи ка Северна Македонија во Варшава
2018 –2022 изложба“Несовршен простор”во организација на здружение за култура Транзен
2024 Mеѓународен ликовен симпозиум – Музеј Шиемчино ,Полска
2024 Mеѓународен ликовен симпозиум – Замок Струга, Полска

Индивидуални изложби:

– Април 2007Национална установа–Центар за култура”Антон Панов “- Струмица,
– Мај 2007Национална Галерија на Македонија, Мултимедиален центар”Мала Станица”–Скопје,
– Декември 2007 Национална установа,Центар за култура“ Бели Мугри”-Кочани,
Март 2013 “ГОК”- Грујецки центар за култура , Грујец, Полска
– Ноември 2013 Национална установа – Центар за култура”Антон Панов “- Струмица, Април
– февруари 2014 Изложба во НЛБ Тутунска Банка – Скопје
– ноември 2014 Изложба Безистен ,Кафе Галерија 8 ,Турска чаршија,Скопје
– септември 2017 Изложба МКЦ Младински културен центар –Скопје
– ноември 2017 Изложба хотел Аполонија –Гевгелија
– јуни 2019 Изложба ,музеј Куманово
– август 2020 изложба Галерија Дом на култура “Иван Мазев Климе” Кавадарци ,
-aприл изложба Центар за култура -Гура Калвариа ,Варшава -Полска

Ликовни колонии – Меѓународна ликовна колонија Карпино 2017-Куманово
Меѓународна Струмичка ликовна колонија 2017
Ликовен хепенинг “ Петровденски конаци”- Кочани 2018
Меѓународна Струмичка ликовна колонија 2020
Meѓународна ликовна колонија “Вевчански видувања “ -Вевчани ,Македонија 2024

Градоначалникот на Општина Илинден, Александар Георгиевски заедно со министерот за спорт, Борко Ристовски ја пуштија во употреба новата атлетска патека, која се наоѓа во рамки на новиот Спортски комплекс „Драго Маневски“, односно околу изграденото мултифункционално игралиште во близина на средното училиште во Илинден.

Градоначалникот на Општина Илинден, Александар Георгиевски истакна дека изградбата на овој спортски комплекс доби сосема нов лик кој го носи името на паднатиот борец Драго Маневски од Илинден.

-Овој модерен центар вклучува повеќенаменско игралиште, атлетска патека и трибина, кои ќе служат за спорт и рекреација на граѓаните, особено на младите. Како Министерство за спорт, секогаш ќе се залагаме за промовирање на здрав живот и подобрување на условите за спорт и рекреација – напиша министерот Ристовски за реализираниот проект на социјалните мрежи.

Плоштадот во Тетово вчера беше обоен во боите на македонското знаме. Во раце со рачно изработени знаменца и во црвени и во жолти маички, учениците од нижите одделенија од основните училишта го прославија 8-ми Септември, Денот на независноста на Македонија.

Под мотото „Децата пеат за Македонија“ се одржа културно-уметничка манифестација, во која учестуваа учениците со неколку точки, хорот Крешендо и КУД Шара.

Ваква прослава во градот под Шара се организира за прв пат, а иницијатори беа одделенските наставнички од училиштата.

Владата преку Министерството за внатрешни работи го реши проблемот со застојот со издавање на пасоши и други лични документи. Ако пред извесен период за нив се чекаше по неколку месеци, денес тие се вадат во законскиот рок од 15 дена.

Од минатата Влада наследениот проблем е решен за само 4 месеци.

Реорганизацијата која беше направена и кадровското доекипирање придонесе да се постигне заостанатата количина на пасоши и лични документи кои сега се издаваат во редовниот рок. Нема повеќе метежи и турканици пред шалтерите.

Досега се издадени 750.000 возачки дозволи со новото уставно име.

Апелираме граѓаните да го искористат претстојниот период за да навремено се испочитува обврската.

-Манастирот моли за помош, огнот е на 200 метри од страна кај трлото, гори трева и иди накај манастирот, после ливадата е големиот дол со бујна вегетација, не смее да стаса до таму. Кој што може веднаш да дојде напомош, поопасно е моментално сега – ова е апелот од управата на манастирот Св. Никола кај Прилепец кој утрово ги разбуди прилепчани.

Иако вчера општинскиот кризен штаб информираше дека успешно се заврши со оформувањето на заштитен појас со градежна механизација околу манастирот, огнот повторно изненади и одново почна да слегува накај светилиштето.

Времето денеска ќе биде сончево со мала до умерена облачност и со слаб до умерен ветер од променлив правец. Попладне на повеќе места ќе биде нестабилно со пороен дожд и грмежи, наместа во форма на невреме со интензивен пороен дожд, грмежи, засилен ветер и појава на град. Минималната температура ќе биде во интервал од 12 до 20, а максималната ќе достигне од 25 до 33 степени Целзиусови.

Во Скопје ќе биде сончево со мала до умерена облачност. Попладне во делови од котлината ќе биде нестабилно со пороен дожд, грмежи, засилен ветер и услови за краткотрајно невреме. Минималната температура ќе се спушти до 16, а максималната ќе достигне до 32 степена.

Под влијание на влажна и нестабилна воздушна маса, според најавите од Управата за хидрометеоролошки работи (УХМР), и во наредните денови следува период на променливо облачно и посвежо време. На повеќе места ќе има пороен дожд, грмежи и засилен ветер, а локално ќе има појава на невреме со интензивен пороен дожд од над 25 литри на квадратен метар за кратко време, грмежи, силен ветер од над 70 километри на час и град.