Насилство и грабнување на малолетничка ја вознемири јавноста во Прилеп. ОВР Прилеп поднесе кривична пријава против 42-годишниот М.У. поради сомнение за сторено тешко кривично дело.

Инцидентот се случил во населбата Тризла, каде осомничениот прво физички го нападнал девојчето, а потоа на сила го внел во своето возило.

Поради сериозноста на настанот, тој се товари за кривично дело „грабнување“.

„ОВР Прилеп поднесе кривична пријава против М.У.(42) од Прилеп поради постоење основи на сомнение за сторено кривично дело ,,грабнување“. На 19.11.2025 во населба Тризла во Прилеп, пријавениот физички нападнал малолетничка, по што со употреба на сила ја внел во патничко возило и заминале од местото“, информираат од полицијата.

За прв пат годинава и Крушево има своја НОВОГОДИШНА ЗИМСКА БАЈКА која започна синоќа, и ќе трае до Бадник.

Стотици светилки синоќа ја осветлија крушевската чаршија, беше отворен новогодишниот базар, а светна и новогодишната елка. На програмата има голем број музички настани, кои ќе бидат магнет за домашни и странски посетители за време на празничните денови.

Погледнете ја програмата и задолжително посетете го највисокиот град на Балканот деновиве:

Крушево ве очекува!

„ На музиката ѝ претстои исклучително значајна улога во животот на човекот и на универзумот, каква што денес едвај можеме да ја предвидиме“, истакнал своевремено композиторот на првата македонска опера, Кирил Македонски.

Свеченото отворање на Спомен-собата во негова чест, во рамките на НУ „Завод и музеј“ – Битола, ќе се одржи со свечена академија на 23.12.2025 година (вторник), во 19:00 часот. Истата содржи ексклузивен материјал за композиторот, бројни информации за животот и делото, обемна литература, како и оригинали и лични предмети, од кои дел оваа година семејството на великанот ги предаде на Музејот, институцијата која има посебно место во чувањето, заштитата и презентирањето на македонското културното наследство.

Повеќе од 300 книги од семејната библиотека, 20 регистратори со ретки документи, 3 семејни фото албуми, опери, партитури, либрета, писма, оперети за деца, хорски дела, симфонии, филмска и драмска музика, детски песни, ретки списанија, плакати за настани, дипломи, награди, лични предмети, лични документи, се само мал дел од обемниот материјал.

Настанот е еден дел од проектот

„100 години од раѓањето на Великанот Кирил Македонски“. НУ „Завод и музеј“- Битола со гордост го чува и клавирот на кој што Македонски ја компонираше првата македонска опера.

Да се потсетиме кој бил Кирил Македонски

Тој бил роден на 19.01.1925, во Битола. Човекот визионер, со многу напредни идеи за своето време, авторот на првата македонска опера „Гоце“ (1954), како и на оперите „Цар Самоил“ (1968) и „Илинден“ (1973). На подрачјето на оркестарската музика, значајно дело е симфониската поема „Танчарка“ (1952), како и петте симфонии. Паралелно со компонирањето, Македонски се занимава и со проблемите од областа на музичката психологија, посебно со музикотерапијата, постигнувајќи видни резултати на тој план и во меѓународни размери. Неговото творештво е огромно. Освен издадените дела, во оригинални ракописи постојат бројни партитури кои допрва ќе се откриваат.На свечената академија ќе се изведат арии од операта „Гоце“ и „Цар Самоил“, Хорски дела како и една праизведба на Суита за обоа и фагот.

(Новинарските написи и фотографијата се дел од ексклузивниот материјал кој семејството на Македонски го отстапи на Битолскиот Завод и Музеј).

Најстудено изутринава со измерена минимална температура од -4 степени е во Тетово, Битола, Прилеп и Берово, а најтопло со измерени 0 степени во Охрид, Претор, Виница, Гевгелија и Kрушево, информираат од Управата за хидрометеоролошки работи.

Во Струмица и Кавадарци измерени се -3, во Скопје-Петровец, Штип, Куманово и Mаврови Анови -2 и во Скопје-Зајчев Рид, Крива Паланка, Велес и Демир Капија -1 степен.

Времето денеска ќе биде сончево со мала до умерена облачност и со слаб променлив ветер. Претпладне по одделни котлини ќе има појава на магла.

Максималната температура ќе биде во интервал од 5 до 12 степени. Во Скопје, променливо облачно и тивко со појава на магла. Максималната температура ќе достигне до 5 степени.

Замислете зима исполнета со смеа, снег, нови пријателства и првите чекори на скиите. MONDANO Winter Camp 2026 е место каде децата и младите создаваат спомени што се паметат цел живот. Во магичната атмосфера на Пампорово, со сместување во комфорниот хотел „Forest Nook“, секој ден е нова авантура. Скијањето со професионални инструктори, игрите, дружењето и вечерните забави го прават кампот повеќе од одмор – вистинско зимско доживување.

Со безбедна организација, искусен тим и богата програма, родителите можат да бидат спокојни, а децата – среќни. Топлината на пријателствата, радоста од снегот и чувството на слобода ја прават оваа зима посебна.

Термините се 09–14 јануари и 14–19 јануари, а програмата е внимателно осмислена за максимална забава и безбедност.

Учесниците добиваат организирано скијање со професионални инструктори, диско-забави, пливање, игри и натпревари. Хотелот нуди целосен комфор со базен, сауна, парни бањи, теретана и детска игротека. Кампот е во организација на искусен тим со повеќе од 10 години искуство во зимски и летни кампови, како и меѓународни младински проекти.

Цената изнесува 20.900 денари и вклучува 5 полни пансиони, автобуски превоз, хотелски услуги и превоз до ски-стазите.

Резервирајте уште денеска за вашите најмили на тел.бр.078 672 878 – Aлександар Крстески

MONDANO Winter Camp не е само камп, туку приказна што се раскажува со насмевка.

-На 19.12.2025 во 11:20 часот во ОВР Прилеп е пријавено дека на кружен тек од ул. „Димо наредникот“ и бул. „Гоце Делчев“ во Прилеп се случила сообраќајна несреќа помеѓу патничко возило „опел“ со прилепски регистарски ознаки, управувано од М.Џ.(73) и велосипед, управуван од 46-годишната А.Ј., двајцата од Прилеп. Во несреќата со тешки телесни повреди се здобила А.Ј., констатирани во Општа болница Прилеп. Извршен бил увид од увидна екипа од ОВР Прилеп – информираат од СВР Битола.

Дополнителни 7.000.000,00 денари поддршка за РК ЕУРОФАРМ ПЕЛИСТЕР, предложија советниците од ВМРО-ДПМНЕ и коалицијата во Советот на општина Битола, информираше на социјалните мрежи Претседателот на Советот, Бојан Бојковски.

-Во комуникација со градоначалникот на Општина Битола, како советничка група на ВМРО-ДПМНЕ и коалицијата, предложивме дополнителни 7.000.000,00 денари за нашиот ракометен клуб и гордост на Битола РК ЕУРОФАРМ ПЕЛИСТЕР. Предвидените дополнителни средства од предложените 3.000.000,00 денари се награда за освојување на шампионската титула во македонската ракоментна лига, напиша Бојковски.

Пример како се гради шампионски тим, секоја чест!

https://www.facebook.com/photo/?fbid=10235966913504965&set=a.1567351715492

Прилеп и приградските населби утре (недела, 21.12.) претпладне, од 6:30 до 11 часот, ќе останат без напојување со електрична енергија.

Како што информираат од АД МЕПСО, исклучувањето се врши поради планирани активности на електропреносната мрежа, кои опфаќаат демонтажа на старо проводно јаже од 110 киловлти за далноводот ТС Битола 1- ТС Прилеп 1 и монтажа на нов проводник. На замената ќе работат стручните екипи на АД МЕПСО.

Согласно со планираната динамика, работите ќе траат најмногу четири и пол часа, по што напојувањето со електрична енергија во Прилеп ќе биде повторно воспоставено.

Од АД „МЕПСО“ до корисниците апелираат за разбирање, имајќи предвид дека станува збор за планирани зафати од значење за сигурно и стабилно функционирање на електропреносниот систем.

-СВР Битола поднесе кривична пријава против М.С.(35) од Прилеп поради постоење основи на сомнение за сторено кривично дело ,,злоупотреба на службената положба и овластување’’. Пријавениот, во својство на службено лице во банка во Битола, во неколку наврати вршел неовластено зголемување на лимитите на неговата кредитна картичка и специјален лимит, како и зголемување на лимитот на неговата сопруга, а извршил и незаконско зголемување на својот имот и имотот на неговите сопруга и мајка, односно за себе и за нив овозможил да се стекнат со вкупна материјална корист од 657.400 денари, информираат од СВР Битола.

Со пригодна свеченост вчера во Битола беше отворен конзулатот на Австрија, а функцијата почесен конзул ќе ја врши битолчанецот Игор Божиновски. Конзулатот на Австрија се наоѓа на улицата „Виенска“ во Битола.

На свеченоста која се одржа се обрати австрискиот амбасадор Мартин Памер, македонскиот министер за надворешни работи и надворешна трговија Тимчо Муцунски, конзулот Игор Божиновски и градоначалникот на Битола Тони Коњановски.

Градоначалникот Коњановски пред присутните ја истакна важноста на отворањето на уште еден конзулат во Битола, а со тоа и интензивирање на соработката со Австрија.

„Битола од денеска е побогата за уште еден конзулат, сега од пријателската држава Австрија, со што го враќаме епитетот Битола конзулски град“ истакна Коњановски пред присутните гости, дипломатскиот кор, пратеници и други гости.

Со ова Битола има седум почесни и два генерални конзулати.