Фудбалската федерација на Македонија (ФФМ) ја укина котизацијата за настап во Втора македонска фудбалска лига.

– За прв пат после речиси 15 години, второлигашките клубови немаат обврска да плаќаат котизација за учество во првенството. Оваа одлука, донесена по иницијатива на претседателот на ФФМ, Масар Омерагиќ, претставува значаен чекор напред кон создавање подобри услови за работа на клубовите, финансиско олеснување и унапредување на натпреварувањето. Вкупната финансиска сума од која се ослободуваат клубовите со оваа мерка изнесува 128.000 евра за една натпреварувачка сезона, што претставува директна поддршка и зајакнување на нивната стабилност, соопшти ФФМ.

Во однос на испразнетото место со истапувањето од лигата на Беса, ФФМ донесе одлука Преспа да биде вклучена во натпреварувањето и на тој начин, да се гарантира заштитата на интегритетот, континуитетот и натпреварувачката рамнотежа, како и доследното почитување на фер-плеј принципите во Втората македонска фудбалска лига.

На 22 август 2025 / петок/ од 19.30 часот во Ликовната галерија од ЦК „Марко Цепенков“ ќе биде отворена изложбата „Уметничкиот сон“ од уметникот Методи Исков, што е дел од програмата од областа на визуелни уметности за 2025 година, поддржана од Министерството за култура и туризам.

За изложбата:

Изложбата „Уметничкиот сон“ е посветена на истражувањето на сонот како симбол, инспирација и креативен импулс во уметноста. Секое уметничко дело, пред да се појави во материјална форма, започнува како визија, како интимен миг на замисла или сон што го носи авторот. Токму тој процес – од замисла до реализација – е централната тема на оваа поставка. Во рамките на изложбата се претставени дела од различни жанрови и техники: сликарство, графика, цртеж, скулптура, како и современи визуелни практики.

Оваа разновидност не само што ја прикажува богатата палета на индивидуални пристапи и изрази, туку создава и еден поширок контекст во кој посетителот може да се соочи со повеќе перспективи на сонувањето и креативното толкување на реалноста. Овој проект ја нагласува и важноста на културните институции и стопанскиот сектор во заедничката мисија за поддршка и афирмација на уметноста. Изложбата се реализира во Галерија при НУЦК „Марко Цепенков“ – Прилеп, со поддршка на компанијата Comfy Angel, чија соработка претставува значаен придонес во зајакнувањето на културниот живот во заедницата. Со „Уметничкиот сон“, публиката е поканета да влезе во светот на имагинацијата, да ги истражи сопствените соништа преку делата на авторите и да открие нови можности за разбирање на уметноста како универзален јазик што нè поврзува сите.

За уметникот:

Методи Исков е роден на 24.05.1990 година во Штип. 2009 година завршува Гимназија во Прилеп, јазично – уметничко подрачје. Во 2014 година дипломира наФакултетот за ликовни уметности во Скопје, отсек вајарство, во класата на проф. Станко Павлески. Покрај индивидуалните уметнички ангажмани, важен дел од неговото работно искуство е изработка на скулптури вклучени во урбанистички план на град Скопје,учевство при изработка на палета мозаици, од кои можат да се истакнат мозаиците во Црквата Св.”Констанин и Елена” – Скопје, мозаик поставен вo базиликата на Св. “Благовештение” во Незарет – Израел со ликот на “Пресвета Богородица”, мозаиците на Црквата Св. “Петка” – Прилеп, итн.

Повеќе мурали во градот Прилеп, од кои може да се истакне муралот во Градската Библиотека “Борка Талески” – Прилеп, уметничко уредување на Етно Крушево и многу други.

Учевствувал на повеќе групни изложби во Македонија и досега реализирал две самостојни изложби со наслов “Празна галерија” во 2018 година, “Празна галерија – ново поглавје” 2022 година.

Од групните изложби може да се истакне Биенале на млади уметници 2021 година кое се одржа во Музеј на современата уметност Скопје.

Член е на Друштвото на ликовни уметници на Прилеп од 2011 година, кога во 2020 година станува претседател на ДЛУП.

Моментално живее и работи во Прилеп како наставник за ликовна уметност.

Општинската изборна комисија Прилеп повеќе не е сместена во старата општинска зграда. Поради дотраената состојба и нефункционалноста на канцелариите, комисијата се пресели во нови простории во Центарот за култура „Марко Цепенков“.

Претседателот на ОИК Прилеп, Валентин Божиноски, информира дека во новата локација ќе се реализираат сите активности поврзани со претстојните локални избори во 2025 година.

Се очекува просторот да биде значително пофреквентен, особено со оглед на најавата од Државната изборна комисија (ДИК) за намалување на прагот за учество на локалните избори во октомври. Ваквата промена ќе им даде можност на независните кандидати, преку собирање потписи, да се вклучат во изборната трка за градоначалнички и советнички места.

Секоја убавина заслужува своја посебна приказна – и затоа Makeup Liza започнува ново поглавје!

Отсега, сите услуги кои ги сакате – шминка, маникир, педикир и депилација – ќе ги најдете во уште поубаво и топло уреден простор, на ул. “8ми Март”, веднаш во Старата прилепска чаршија, во близина на Саатот.

Ова не е само промена на адреса, ова е чекор напред – кон атмосфера каде секој клиент ќе се чувствува посебно, разгалено и инспирирано.

Тимот на Makeup Liza со радост ве очекува да ја споделите магијата на новото студио – местото каде убавината секогаш живее.

Makeup Liza – нова локација, истата љубов кон убавината!

Видеолотарија Касинос Австрија и оваа среда ќе биде дел од навивачите кои ќе ја бодрат машката кошаркарска сениорска репрезентација на Македонија во претквалификациите за Светскиот Куп 2027.

На 20 август – со почеток во 19:00 часот, во СРЦ „Кале“, машката сениорска репрезентација на Македонија го игра последниот натпревар од претквалификациите за Светскиот Куп 2027 година во Катар, овојпат против репрезентацијата на Унгарија.

Со овој меч, машката сениорска репрезентација на Македонија ќе го затвори претквалификацискиот циклус за Светскиот Куп 2027 година.

Под слоганот „Играј со најдобрите“, Видеолотарија Касинос Австрија продолжува да придонесува за поголеми успеси во македонскиот спорт. Со верба, гордо и силно – и на 20.08 ќе навиваме за црвено-жолтите!

Православна црква и нејзините верници денеска го слават празникот посветен на Преображение Господово.

Во православието овој празник се вбројува меѓу 12-те големи Христови празници и е посветен на споменот на настанот на Христовото преображение на гората Тавор во Светата Земја (Израел), кога тој ги објави своите последователни страдања и слава.

Во црковниот храм Св. Преображение во Прилеп беше одбележана храмовата слава, a со празнична вечерна богослужба во спомен на Преображението Господово, богослужеше Неговото Високопреосвештенство, митрополитот Петар со отците од Прилепското архиерејско намесништво.

Нека е за многу години и напомош!

Преображението Господово е еден од осумте големи празници, кога и планината и водата почнуваат да се преобразуваат во зори, најавувајќи ја претстојната есен.

На Преображение, листот во планината и каменот во водата се преобразуваат, листовите почнуваат да жолтеат и да паѓаат, а водата станува постудена, па затоа не е погодна за пливање.

На Преображение, небото се претвора трипати во мpтBa ноќ. Кој го гледа тоа и им кажува на другите, се верува дека ќе го изгуби умот.

Според верувањата, не е добро да спиете во текот на денот за време на Преображението Господово, затоа што секој што заспива тој ден ќе се преобрази, па ќе биде дремлив во текот на целата година.

Не е добро некој да плаче тој ден, ниту е вредно луѓето да го поминат целиот ден во таверна – за да не се навикнат на тоа и да се погубени.

Празникот Преображение е во Богородичниот пост на кој задолжително се пости.

Грозјето се јаде за прв пат по Преображението, лешниците се берат на Преображение и се чуваат како лекови во текот на целата година, кога некој има болka во ушите.

Се верувало дека кога на пациентот му се давале вакви лешници за јадење, ќе се опорави.

Во некои места било обичај на Преображение жени и девојки да станат пред сонце и „малку да поработат од секоја женска работа“, бидејќи се верувало дека Бог ги преобрати (преобрази)да бидат вредни, а после не работат ништо цел ден.

Динамиката на работа на новите автопатишта кои ги гради конзорциумот Бехтел и Енка се одвива според планираното, освен на автопатот од Требеништа до Ќафасан, каде работите се стопирани од УНЕСКО, истакна во вечерашното гостување во „Вести Плус” на Канал 5, потпретседателот на Владата и министер за транспорт, Александар Николоски.

-Динамиката е согласно планираното, со едно одлагање од две години, од причина што тие две години од претходната Влада не беше изградено ништо. Ние кога дојдовме скоро и да немаше експропријација направено. Првото воведување во работа и на Тетово-Гостивар и на Гостивар-Букојчани и на Прилеп-Битола, беше во мандат на оваа Влада, но сега е динамиката добра и оди добро. Останува прашањето со Требеништа-Ќафасан, имајќи во предвид дека изградбата на овој автопат и официјално беше во извештајот на УНЕСКО за Охридскиот регион, иако Охридскиот регион што не е во опасност, ова остана дел од извештајот, истакна Николоски.

Тој потенцираше дека Владата рамислува за алтернативи со кои од една страна ќе се заштити животната средина, а од друга страна ќе се добие добра инфраструктурна поврзаност во овој дел од државата, што секако нема да биде во спротивност со препораките на УНЕСКО.

Она што го гледате не се само фотографии убаво уредени и направени со квалитетен фотоапарат – тоа е симбол на врвна угостителска услуга, вкус, креативност и традиција.

Ресторанот Порта  повеќе од 20 години е симбол и прилепски бренд кога е во прашање гастрономската понуда во градот под Марковите Кули.

Ова е единственото место во Прилеп каде традицијата се спојува со модерниот вкус и каде гостите се секогаш во центарот на вниманието. Со мени кое ги задоволува и најпрефинетите вкусови, и услуга која оди над очекувањата – Порта е повеќе од ресторан, тоа е доживување.

Нема да трошиме повеќе зборови, фотографиите кажуваат се’, а вам топло ви препорачуваме уште денеска да ги посетите и да уживате во некој од нивните врвни специјалитети.

Поглeднете го целото мени ТУКА 

Нарчајте или направете резервација за вашите семејни веселби, дружби и свечености на тел.бр: 078 368 111

Саатот во Прилеп не е само стара кула во срцето на градот – тој е сведок, симбол и простор што ги поврзува генерациите и културите. Последниве неколку години, Саатот прерасна во место за средби, идеи, пријателства, иницијативи, дебати, музика и игранки… но во себе носи сведоштва за период од 200 години, два века случувања во Старата прилепска чаршија, среќни моменти, но и тешки времиња, времиња на војни, на подеми и падови…

Во годината во која одбележуваме 200 години постоење, накратко се сеќаваме на историјатот на Саат Кулата – гордоста на секој прилепчанец и највпечатливото спомен-обележје што ги восхитува сите кои го посетуваат Прилеп.

Денешната кула, изградена во 1858 од мајсторите Коста Лауц и Ристе Тасламиче, стои на местото на постара дрвена кула од 1825/26, изгорена во големиот пожар од 1854 год. кој ја зафатил целата чаршија. Првата дрвена кула била подигната од Саид-ага, била висока околу 40 м, заедно со столбовите и конусот на врвот достигнувала до 55м.

Реновирана во 1836/37 и 1896/97 година, а во меѓувреме бил поставен часовник во 1858 година.

Била градена на шестаголна основа со масивни камени блокови со вкупна височина од 38,76 метри, а заедно со столбовите и конусот достигнува 55 метри.

Во долниот дел, на спротивната страна од влезот, има чешма, која за жал денес не е во функција. Над влезната врата има натпис со арапски букви на кој пишува:

„Чукањето на саатот не е секогаш означување на времето. За животот и времето што минува саатот жали и вика …„Ах…”

Со својата шестоаголна основа, масивни камени ѕидови и благ наклон од 114,4 см, кулата како да шепоти приказни од минатото, сведок на огромен број историски случувања. Таа, позната како „Кривата кула“ на Прилеп, го одбројува времето, го краси архитектонскиот пејзаж и со својата издржливост го инспирира секој кој ја погледнува.

Накривувањето кое низ годините се зголемуваше, беше закана и целосно Прилеп да го загуби својот историски белег. За среќа тоа беше спречено во во 2013 година, кога на инсистирање на тогашната локална самоуправа, предводена од градоначалникот Марјан Ристески, беше реализирана темелна санација и стабилизација на кулата, што ја спаси оваа величествена градба од пропаст и ѝ овозможи нов живот.

Веднаш по стабилизирањето, беше целосно уредено платото околу Саат Кулата, создавајќи модерен и пријатен простор кој денес претставува едно од најрепрезентативните градски јадра. Платото е место каде што се одржуваат бројни културни настани и манифестации, собирајќи стотици посетители и создавајќи уникатна атмосфера во центарот на градот речиси секоја вечер.

Се изврши уредување на околу 2.000 метри квадратни во духот на традицијата, но и на современото. Беа поставени канделабри, се изградија гранитни патеки, се постави прекрасна урбана опрема… За жал денеска малку се прави за оваа убавина да се одржува, пример за тоа се канделабрите, од кои ретко која свети, лозниците станаа само насрешници, а жардиниерите со цвеќе веќе одамна се претворија во корпи за отпадоци…

Истата година беше вратено и срцето на часовникот. Благодарение на Димитар Чучуроски механизмот одново почна да чука, а така беше до пред скоро една година, од кога одново, за жал, часовникот не работи.

Да се надеваме дека општината и надлежните од Министерството за култура ќе изнајдат начини, проблемот што поскоро да се санира, а Саат Кулата одново силно да отчука и нејзиниот звук да се слушне низ целиот град.

Во меѓувреме, Саат Кулата продолжува да го чува споменот за минатото, да биде инспирација за иднината и вечен симбол на Прилеп – градба која го поврзува времето и историјата.