Новиот градоначалник на Општина Долнени, Блерим Ислами, денес и официјално ја презеде функцијата. На примопредавањето присуствуваа претставници од општинската администрација, советници, како и жители на општината.
Ислами како кандидат на ВЛЕН, во вториот круг на локалните избори го победи Сашко Велјаноски од ВМРО-ДПМНЕ.
Ислами власта во оваа општина ја презеде од ДУИ и досегашниот градоначалник Урим Ибески. Интегративците општина Долнени ја водеа во изминатите 8 години.
Денес, на 10 ноември, Универзитетот „Св. Кирил и Методиј“ во Скопје се приклучува кон светската заедница во одбележувањето на Светскиот ден на науката за мир и развој, прогласен од УНЕСКО. Оваа година, темата: „Доверба, трансформација и иднината: Науката што ни е потребна за 2050 година“ повикува на размислување како се создава науката денес, и како се гради довербата во неа, за генерациите што доаѓаат.
Бидејќи, науката отсекогаш била двигател на човечкиот напредок, а денес, повеќе од кога било, потребна е наука што гради доверба – доверба меѓу истражувачите и општеството, меѓу универзитетите и индустријата, меѓу знаењето и етиката. Токму во довербата, се раѓа можноста за вистинска трансформација – онаа што ги менува системите, економијата, образованието и начинот на кој се гледа кон иднината. Потребна е наука што создава нови технологии, но и нови вредности, наука што се грижи за човекот, за општеството, за планетата, наука што е отворена, одржлива и хумана.
Денес, на Светскиот ден на науката, со гордост ги чествуваме најдобрите научници и уметник на Универзитетот „Св. Кирил и Методиј“ во Скопје, чии резултати за 2024 година, ја претставуваат токму таа визија – наука што гради доверба и отвора пат кон иднината. Ректорката на УКИМ, проф. д-р Биљана Ангелова, ја додели годишната Награда на Универзитетот, за постигнати врвни резултати во научноистражувачката и уметничката дејност во текот на изминатата календарска година. Притоа, добитници на Наградата за најдобри научници и уметник на УКИМ за 2024 година, се:
проф. д-р Јасмина Петреска Станоева, од Природно-математичкиот факултет, најдобар научник за природно-математички науки;
проф. д-р Христијан Ѓорески, од Факултетот за електротехника и информациски технологии, најдобар научник за техничко-технолошки науки;
проф. д-р Драган Мијакоски, од Медицинскиот факултет, најдобар научник за медицински науки и здравство;
вон. проф. д-р Мартин Николовски, од Факултетот за ветеринарна медицина, најдобар научник за ветеринарни и земјоделски науки;
проф. д-р Огнен Спасовски, од Филозофскиот факултет, најдобар научник за општествени науки, и
проф. д-р Драган Даутовски, од Факултетот за музички уметности, најдобар научник за хуманистички науки.
проф. д-р Христијан Ѓорески
проф. д-р Драган Мијакоски
проф. д-р Јасмина Петреска Станоева
Истакнувајќи го значењето на научната дејност за нашето општество, ректорката на УКИМ, проф. д-р Ангелова упати честитки до сите наградени, истакнувајќи: „Вие сте инспирација за сите нас, особено за идните генерации што ќе го водат нашето општество кон поинтелигентна и поодржлива иднина. Да продолжиме сите заедно да ја негуваме довербата во науката, да ја поттикнуваме трансформацијата преку знаење, и да ја градиме иднината што ја заслужуваме – иднина во која науката е јадро на мирот, развојот и човековата благосостојба.“
Ноември е месецот посветен на машкото здравје!!!
Поддршката од женскиот пол има многу важна улога во подигнување на свеста, па затоа да се соединиме и да не заборавиме дека грижата за здравјето е најважно!
Квалитетните материјали, пријатниот состав и удобноста на Bonatti моделите допринесуваат во еден дел од грижата за здравјето 😊
По тој повод, овој месец до -30% попуст на:
-машка есенска колекција Ј-25
-програма за спиење ( машка и женска ) од есенска колекција Ј-25
Побрзајте и посетете го продажниот салон на Bonatti во Прилеп, лоциран на бул. “Гоце Делчев” отспроти “Ла Страда”.
Aкцијата трае од 03.11 – 20.11.2025
Заменик претседателот на Владата и министер за транспорт Александар Николоски денеска оствари работна средба со Рашид Бин Саед Ал-Кајари вршител на должност амбасадор на Катар.
Билатералната соработка е на добро ниво, потенцираа двајцата соговорници и ја истакнаа можноста за зајакнување на економските и трговски односи меѓу двете земји.
На средбата вицепремиерот Николоски истакана дека Владата има амбициозна програма во делот на инфраструктурата, исто така во туризмот и авиосообраќајот. Во таа насока, Македонија води одлични политики во делот на ависообраќајот и ја потенцира можност за воспоставување на авиолинија меѓу Македонија и Катар (Скопје и Доха).
Исто така на средбата се разговараше и за зголемување на соработката во транспортниот сектор, туризмот и инвестициите. Притоа вицепремиерот Николоски истакна дека Македонија е во фаза на реализација на крупни капитални проекти и повика на сите заинтересирани компании од Катар да се пријават на меѓународните јавни повици.
„Соработката меѓу Македонија и Катар е многу важна за развој на економијата, туризмот и секако за поврзување на граѓаните од двете земји. За нас е посебно значајно да се воспостави директна линија меѓу двете земји, пред се поради одржување на бизнис релациите. Имаме добра соработка со Катар, но сметаме дека постои голема можност оваа соработка да се зголеми преку размена на искуства, нови инвестиции итн.“ – истакна по средбата вицепремиерот и министер за транспорт Александар Николоски.
Новоизбраниот градоначалник на општина Крушево, Нико Чонески, и избраните советници, денеска и официјално ги примија уверенијата од Општинската изборна комисија, со што и формално го започнуваат својот мандат.
Посакуваме среќен и успешен почеток на работата, со многу реализирани проекти и работа во интерес на сите жители на општина Крушево.
-На 09.11.2025 во 15.45 часот на ул.„Карпалак“ во Прилеп, при преземање мерки во сообраќајот со радар, полициски службеници од ОВР Прилеп констатирале дека Н.Ц.(40) од с.Кошино, општина Долнени, управувал патничко возило „ауди” со прилепски регистарски ознаки со брзина од 104 километри на час во населено место каде со сообраќаен знак брзината е ограничена на 50 километри на час – информираат од МВР.
В черврток на 13 ноември, од 19.30 часот во фоајето на Центарот за култура „Марко Цепенков“ во Прилеп, ќе се одржи шестото издание на поетско-музичкиот перформанс „Љубење со стихови“ на поетот Филип Димкоски и поетесата Лина Димоска.
Како и во претходните изданија, поетите ќе рецитираат дел од песните кои го претставуваат нивното творештво, но и нивни омилени песни од домашни и странски автори. Овојпат покрај на македонски, ќе бидат интерпретирани песни и на српси и руски јазик, а ќе бидат рецитирани и препеви на Димкоски од руски и од српски на македонски јазик.
Проткаена со пијано придружба, на оваа поетска вечер ќе прозвучат стиховите на Блаже Конески. Гане Тодоровски, Анте Поповски, Оливера Андоноска, Божидар Божиноски, Далибор Ивановиќ, но и Мика Антиќ, Алексеј Решетов и Никола Раусављевиќ.
Настанот е во органзиација на Здружението за образование, култура и уметност ЗОКУМ-Прилеп, а поддржан од Општина Прилеп и НУЦК „Марко Цепенков“. Се работи за настан од отворен тип, а влезот е бесплатен.
– Според Емерсон, сите луѓе се поети во срцето. А ние ќе се потрудиме во сечие срце да ја разбудиме поезијата-велат организаторите.
Театарот сам по себе треба да е став, гласен, надвор од секоја кутија, од секоја комфор-зона. Затоа и мотото е тоа: Храбриот нов театар! Или Надвор од кутијата! Или ако одиме уште поактивно – Театар без молк – свет без рамнодушност! Како сериозен театарски фестивал, не смееме да дозволиме општата рамнодушност да му го заземе местото на театарот без желба да менува или да провоцира.
10 ноември: „Храбриот нов театар“ е мотото под кое ќе се одржи 60. јубилејно издание на Македонскиот театарски фестивал „Војдан Чернодрински“ – Прилеп, од 12 до 19 јуни 2026 година. Ова мото е поткрепено и со визуелен идентитет на фестивалот за кој и годинава се погрижи дизајнерката Ема Велковска.
Ви ја споделуваме експликацијата на Ана Стојаноска, уметнички директор на фестивалот:
„Насловот на денес култниот роман на Хаксли – „Храбриот нов свет“ (1932) е инспириран од репликата на Миранда во Шекспировата „Бура“: „О, чудо! Колку прекрасни суштества! / Ах, колку прекрасни биле луѓето! / И колку си среќен со нив, во Новиот Свет!“
Мотото на годинешното јубилејно издание на Македонскиот театарски фестивал „Војдан Чернодрински“ – Прилеп логично произлезе од оваа конекција бидејќи интимниот восклик на Миранда станува ироничен коментар на новото време преку романот на Хаксли. Играта со зборови во која театарот е светот, поточно светот е театар, е само природен резултат на она што нашиот фестивал го гради со години. Кога се слави голем јубилеј како што се шеесет години на најстариот и најзначаен театарски фестивал во Македонија, треба да се биде храбар и да се бара нешто ново, нешто што е потреба по еден, ајде да го наречеме, период на барање на својата естетика. Слично како во светот на Хаксли, нашиот театар е диктиран од одредена политичка констелација. Театарот сам по себе треба да е став, гласен, надвор од секоја кутија, од секоја комфор-зона. Затоа и мотото е тоа: Храбриот нов театар! Или Надвор од кутијата! Или ако одиме уште поактивно – Театар без молк – свет без рамнодушност! Како сериозен театарски фестивал, не смееме да дозволиме општата рамнодушност да му го заземе местото на театарот без желба да менува или да провоцира. Логично е по претходните фестивалски изданија, водени од мотивите „Враќање дома“, „Промени се, промени сè“ и „Смеј се и осмели се“, да ја бараме главната нишка на театарската и уметничка дејност преку храброста врз основа на антиутопистичката идеја. Хаксли напиша научна фантастика која, за жал, денес се гледа како упатство за употреба или како не требаше да дозволиме светот да оди во некои насоки. Наместо предупредување, „Храбриот нов свет“ само ја потврди реалноста на светот што оди во некои сосема непотребни насоки. Ироничната нишка на ова мото е можеби најхрабриот чин на фестивалот. Да се излезе од комфор-зоната и да се даде визија за тоа каков театар ни треба и каков фестивал треба да го следи тој театар.
Фокусот на јубилејното издание е еден своевиден мост меѓу почитта кон минатото и отворањето на можностите на иднината. Мост меѓу традицијата што ја наследуваме и иднината што ја креираме. Шеесетгодишниот јубилеј е точката во која се спојуваат минатото и иднината, традиционалната театарска приказна и новата виртуелна реалност, со надеж дека кога ќе излеземе од комфор-зоната, ќе можеме да се охрабриме да го креираме нашиот нов свет/театар. Храбриот нов театар е нашиот крик против поларизацијата, против рамнодушноста и против некреативноста!
Нека ни е среќен јубилејот, нека ни се множат годините, нека фестивалот остане секогаш храбар и нов, секогаш со сила и моќ да го менува својот свет! Среќна 60-ка!“
Ви ја споделуваме и експликацијата на дизајнерката Ема Велковска:
„Во древните култури, монолитите биле средишта на ритуалот, места на собирање, жртвување и молитва, каде што реалното и митското се спојувале во еден заеднички простор на доживување. Околу нив се создавал фокусот, просторот на изведбата, енергијата на телото и гласот. Како што театарот произлегува од ритуалот, така и монолитот ја надминува својата материја. И двата постојат како мостови меѓу минатото и сегашноста, меѓу она што е видливо и она што се чувствува. Театарот е местото каде што ритуалот станува игра, а играта обред на трансформација.
Во овој монолит е впишана историјата на 60 години постоење. Тој не е само белег на времето, туку и доказ на храброста, храброста да се создава одново, да се опстојува низ сите промени, да се преосмислува себеси и да продолжува понатаму. Како камен што стои наспроти сите ветрови, театарот останува и сведок и повик кон иднината, кон новото, кон непознатото
Монолитот во контекст на овој постер не е статичен предмет, туку симбол на движење и еволуција, знак на духовна и уметничка храброст. Неговата апстрактна форма ја носи истата мистерија и магнетност како монолитот во филмот „2001: Одисеја во Вселената“ (2001: A Space Odyssey), каде што тој станува белег на човечката трансценденција. Така и овој монолит стои како симбол на театарот, обреден, вечен и секогаш подготвен за нов почеток.
Црвена сцена како портал за новиот храбар театар. Сцената отсекогаш била премин простор помеѓу реалното и измисленото, меѓу она што го гледаме и она што само го чувствуваме. Таа е тунел низ кој поминува светлината на претставата, патека што го води гледачот од секојдневното кон непознатото.
Овој пат, сцената се претвора во перспектива, во отвор што повикува кон иднината. Таа не е рамна површина, туку длабочина, портал низ кој театарот преминува во ново време, нов јазик и нова смисла. Внатрешноста е обоена во црвено, боја на живот, енергија и почеток.“
На 8 ноември 2025 година во Приштина, Косово, се одржа Меѓународен турнир во џудо во организација на Џудо клубот „Полиси“ од Приштина. На овој престижен натпревар учество зедоа клубови од Косово, Албанија, Бугарија, Црна Гора, Словачка и Полска.
Македонскиот претставник Џудо клуб „Сеишин“ – Прилеп настапи со пет натпреварувачи, кои постигнаа одличен успех и се вратија дома со вкупно пет медали – две златни, две сребрени и една бронзена.
Индивидуални резултати:
Марко Марковски – 1 место (златен медал)
Јована Цветкоска – 1 место (златен медал)
Дила Пупаловиќ – 2 место (сребрен медал)
Немања Џагадуроски – 2 место (сребрен медал)
Михаил Димоски – 3 место (бронзен медал)
Екипата на ЏК „Сеишин“ ја предводеше тренерот Мартин Ристески, кој изрази задоволство од настапот и резултатите на своите џудисти.
„Нашите натпреварувачи покажаа голема борбеност, дисциплина и посветеност. Овие резултати се поттик за уште посериозна работа во иднина“, изјавиja од клубот по завршувањето на турнирот.
Овој успех претставува нова потврда за квалитетната работа на прилепскиот клуб, кој со години успешно ги промовира младите спортски таленти и го афирмира македонското џудо на меѓународната сцена.
Во просториите на Шаховскиот клуб “Прилеп”, вчера (недела, 09.11.) се одржа четвртиот шаховски ГРАНД-ПРИ турнир “Прилеп 2025”, каде старо нов шампион со 7 поени е Тони Кироски, пред двајцата првотимци на ШК Прилеп Дејан Ѓорѓиески и Кире Николоски со 6,5 поени.
Четврт со 5,5 поени беше гостинот од Охрид Иван Велкоски, а претставникот од Прилеп на штотуку завршеното Европско првенство Никола Павлески со 5 поени беше петти.
Учествуваа 17 играчи сите претенденти за прва постава на прилепските шаховски клубови.
