По рекациите на родителите и спортистите преку Маркукуле, дека во спортската сала на СОУ “Кузман Јосифоски-Питу” нема услови за одржување настава и тренинг, училиштето реагираше експресно и го среди проблемот со осветлувањето.

Спортистите кои тука тренираат и се подготвуваат за следните натпревари, истакнуваат огромна благодарност за вложените напори проблемот да биде решен, а тие непречено да спортуваат.

„Лирско интермецо“ е изложбата од уметницата Љупка Галазка Василев отворена синоќа во ликовната гакерија од ЦК „Марко Цепенков“ во Прилеп. Поставката содржи 15 дела, насликани во техника акрил и комбинирана техника на платно, создадени во последните неколку години.

Изложбата е колаж од сликарски секвенци преку кој се материјализираат нашите стравови, копнежи , желби и очекувања. Делата се отсликување на човечката душа, нежна и кршлива, а во исто време толку моќна.

Изложбата ја отвори м-р Викторија Димеска, историчар на уметност, која посочи дека делата од Галазка Василев се богати со имагинација и метафоричен јазик.

– Во лирските асоцијативни композиции разновидните форми создаваат раскошен наратив прераскажан на автентичен личен начин. Низ асоцијативните композиции се преплетуваат многубројни хроматски и ахроматски линии и површини кои се разликуваат според својата големина, Слободната креативна игра е збогатена со многубројни колоритни форми кои се движат во различни насоки. Авторката создава ликовно единство во слободните композиции со примена на контрасти, градација и повторување на линијата, бојјата и формата – посочи Димеска.

Љупка Галазка Василев, дипломирала на Ликовната академија во Софија, професор е по ликовна уметност во Струмица, досега реализирала повеќе групни изложби, а била автор на десетина самостојни изложби во земјава и во странство, а учествувала на бројни ликовни колонии и на едукации.

Премиерот Христијан Мицкоски очекува во ноември да објават нови инвестиции. Станува збор за две инвестиции кои ќе бидат проширување на веќе постојни капацитети кои работат во земјава, како и за една странска инвестиција за која преговорите се во финална фаза.

Новата инвестиција која доаѓа од европска држава, како што рече Мицкоски, е во финална фаза на преговори и имаат дневна комуникација со потенцијалниот инвеститор.

– Во периодот што следи работиме на три нови инвестиции. Две се на постојни инвестиции кои веќе работат кај нас и ќе направат проширување на своето производно портфолио. Очекувам во ноември полека, но сигурно, да ги објавуваме овие позитивни вести за граѓаните. За инвестицијата од 150 милиони евра, во последна фаза сме на преговори со една голема европска земја која е членка на ЕУ, се натпреваруваме за оваа инвестиција. Дневно комуницираме со потенцијалниот инвеститор и доколку тоа се случи, ќе биде голем чекор напред за нас како држава и како Влада, рече Мицкоски, одговорајќи на новинарски прашања по прес-конференцијата во Владата.

Битолчанката Марија Димовска која освои златен медал на светското јуниорско WAKO првенство во Унгарија, денес заедно со својот тренер Александар Димовски, беа примени од страна на градоначалникот на општина Битола, Тони Коњановски, кој испрати искрени честитки за постигнатиот успех.

Марија Димовска е првиот јуниорски (помлад јуниор) Светски првак од Македонија, а воедно и првата девојка која станала Светски првак по кикбокс во WAKO светската организација во која членува Македонската Кикбокс и Маитаи федерација.

Градоначалникот Коњановски, нагласи дека шампионскиот успех на Марија е гордост за Битола, а Општина Битола, покрај што беше значајна поддршка за нејзиното учество на светското првенство и понатаму ќе продолжи да биде поддржувач на успешните и талентирани спортисти, кои со своите резултати ја промовираат Битола во светски рамки.

-СВР Битола поднесе кривична пријава против Н.З.(47) и Е.С.(41), двајцата од Прилеп, поради постоење основи на сомнение за сторено кривично дело „насилство“.

На 16.08.2024, пријавените му го попречиле патот на И.К., кој управувал комбе со кое превезувал работници, при што првопријавениот со тврд предмет го оштетил возилото, додека второпријавениот физички нападнал една од работничките – информираат од СВР Битола.

-На 08.09.2024 во ОВР Прилеп М.С.(36) од Прилеп пријавил дека на бул. „Гоце Делчев“ во Прилеп додека бил заедно со неговиот внук во колонијална продавница, бил физички нападнат од К.Н., кој, според пријавеното, со употреба на тврд предмет го оштетил и возилото на пријавителот.

Се преземаат мерки за расчистување на настанот – информираат од ОВР Прилеп.

Поевтинуваат и бензините и дизелот, одлучи денеска регулаторната комисија за енергетика. Според последната одлука, Еуросупер 95 поевтинува за половина денар и сега ќе се точи за 74денари литар.

За 2 денари по литар поевтинува Еуросупер 98 и неговата нова цена е 76,5 денари. Дизелот од полноќ ќе биде поевтин за 1 денар по литар и ќе се точи по 68,5 денари.

Ова е најниска цена на горивата во последните неколку години. Последен пат дизелот под 68,5 денари се продавал во мај лани, а бензинот немал пониска цена во последните повеќе од 2 години.

Драги хумани луѓе Дијана боледува од ретка болест Neuromilit Optucus, болест која поради нејзината сериозност доведува до губење на видот и отежнато движење. За подобрување на состојбата потребна е соодветна терапија која чини доста скапо, а за тоа и е потребна вашата хумана рака.

Благодарение на хуманите граѓани, во оваа мисија недостигаат уште само 4.000 евра, средства кои можеме и мораме да и помогнеме на Дијана да ги собере.

Телефони за донација:
– Tелеком: 143 177
– A1: 143 403

Жиро сметка за донација:
210-1000006820-46 НЛБ Тутунска Банка

Вашето малку за некого значи премногу!

Родители чии деца посетуваат настава по физичко образование и одржуваат тренинзи во спортската сала на економското училиште “Кузман Јосифоски-Питу”, деновиве преку нашиот портал реагираа на условите со осветлувањето во овој спортски објект.

Тие велат дека во спортската сала има само 30% видливост, што може да претставува проблем за здравјето на децата. Велат дека реагирале до училишните служби и се’ уште чекале да се регулира осветлувањето во објектот, а нивните деца да имаат соодветни услови за тренинг и развој.

И покрај апелите, родителите велат дека условите се’ уште не се променети, а децата и понатаму вежбаат и тренираат во мрачни услови.

Во местото Бад Завештајн во близината на Штутгарт, исчезна Македонката Наташа Совраноски.

Совраноски последен пат била видена на 2 септември во 20:15 часот во Бад Тејнах-Завелштејн (Bad Teinach -Zavelstein), и од тогаш и се губи секаква трага.

Нашата е висока околу 180 сантиметри, со темно кафеава боја на косата, и браун боја на очите. Има тетоважа на подлактицата. Последен пат носела црна маица со црни панталони и црни патики.