Одделението за анестезиологија и интензивна медицина при ЈЗУ Општа болница со проширена дејност Борка Талески – Прилеп е збогатено со два нови пациент-монитори од реномираниот бренд Mindray, како донација од општествено одговорната компанија Алијанса Уан од Кавадарци.

Континуираното и прецизно мониторирање на виталните параметри кај пациентите претставува суштински сегмент во современата анестезиолошка и интензивна нега.

-Новонабавените монитори ќе овозможат повисоко ниво на безбедност, побрза клиничка проценка и поефикасно следење на пациентите во текот на интензивното лекување и постоперативната грижа, со што директно се унапредува квалитетот на здравствената услуга. Во таа насока, изразуваме искрена благодарност до компанијата Алијанса Уан за нивната хуманост, општествена одговорност и континуирана поддршка на јавното здравство, како и за довербата и соработката што ја градиме во интерес на пациентите и заедницата, стои во соопштението од прилепската болница “Борка Талески”.

Најдобриот во моментов велосипедски клуб од Прилеп – ВК “ХЕРОЈ”, врши упис на нови членови, млади кои сакаат дружење, спорт и здрав живот.

Клубот нуди можности за учество на трки и спортски настани, а доказ дека станува збор за најдобрите е настанот кој на 12.12. се одржа во хотелот “Гардениа” во Велес, каде прилепските велосипедисти беа во најдобрите избрани за 2025година.

Во дисциплината Друмски велосипедизам:

Константин Костоски – ВК Херој – јуниори – 1во место
Влатко Лозаноски – ВК Херој – мастерс – 1во место
Стефан Маџоски – ВК Херој – кадети – 2ро место

Награден велосипедист имаше и во дисциплината планински велосипедизам, каде Стефан Маџоски во категорија на кадети освои второ место.

Прилепскиот клуб “Херој” беше прогласен за најуспешен младински клуб во друмски велосипедизам за 2025та година.

Oд полицискиот билтен на МВР:

-На 24.12.2025 во 13:50 часот во Прилеп, полициски службеници од ОВР Прилеп го лишија од слобода Т.Д.(39) од Прилеп. При сообраќајна контрола на ул.„Александар Македонски“ во Прилеп е сопрено патничко возило „фолксваген голф“ со прилепски регистарски ознаки, кое го управувал и по преземени мерки е констатирано дека е под дејство на алкохол, односно измерени му се 1,58 промили алкохол во крвта.

-На 25.12.2025 во 01:40 часот во Прилеп, полициски службеници од ОВР Прилеп го лишија од слобода Р.П.(40) од с. Веселчани, прилепско. При сообраќајна контрола на ул.„Пере Тошев“ во Прилеп е сопрено патничко возило „опел“ со прилепски регистарски ознаки, кое го управувал и по преземени мерки е констатирано дека е под дејство на алкохол, односно измерени му се 1,53 промили алкохол во крвта.

По целосно документирање на случаите против нив ќе биде поднесена пријава по член 297-а од Кривичниот законик – „безобѕирно управување со моторно возило“ – информираат од МВР.

26-годишниот Андреј Тодороски е роден во Прилеп. Веќе втора сезона има одлични настапи за српси ТСЦ, а тоа што го спречува да игра за Македонија е неговото австриско државјанство. Имено, Австријците не дозволуваат – двојно државјанство.

Сепак, Тодороски во изјава за српските медиуми, најави дека има можност да заигра за Македонија.

„Бев во контакт со некои луѓе во македонскиот фудбал. Во иднина можеби ќе има добри вести, а тие се – да заиграм за Македонија“, најави Тодороски во изјава за српски медиуми.

Инаку, Тодороски изминатиот викенд МАЈСТОРСКИ ПОГОДИ во шампионатот на Србија, а неговиот погодок може да го поглeднете во коментр

Викендов, на 27 и 28 декември, Македонија ќе биде под влијание на изразено студен воздушен бран од североисток, кој ќе донесе значително заладување, силен северен ветер и локално провејување на слаб снег.

Се очекува да дува силен ветер од северен правец, кој повремено и локално ќе достигнува брзина над 80 километри на час. Ваквите услови ќе придонесат и за расчистување на воздухот, особено во котлините каде во изминатиот период беше регистрирано зголемено аерозагадување.

Во Скопје и околината времето ќе биде многу студено, со услови за провејување на слаб снег во одделни делови од котлината. Северниот ветер повремено ќе достигнува брзина од 60 до 70 километри на час.

Утринските температури за време на викендот ќе се движат од -7 до 0 степени, додека дневните максимални ќе бидат меѓу -3 и 4 степени Целзиусови.

Дополнително заладување се очекува во понеделник, 29 декември, кога утринските температури ќе се спуштат од -10 до -2 степени, а на повисоките населени места и планините и под -10 степени.

Надлежните апелираат граѓаните да се подготват за изразено студено време и да носат соодветна топла облека.

Денoт мириса на домашно, топло и вкусно!

На двете локации на “Форум” маркетите во Прилеп, во населба “Точила” и до фабрика “11-ти Октомври” – Еурокомпозит, мајсторите од Inn Ketering и денеска ќе ве дочекаат со дневно мени што го носи вкусот и мирисот на македонската традиција – јадења подготвени со мерак, вкус што се памети.

Од чорбест грав, тава и гулаш, до сочни месни специјалитети и јадења на скара – сè по најниски цени во градот и подготвено да ви го направи ручекот безгрижен и вкусен.

-Чорбест грав 100ден.
-Свинско со грашок 150ден.
-Тава 150ден.
-Гулаш 160ден.
-Селско 140ден.
-Пилешко во кари сос 130ден.
-Пилешко во крем сос 130ден.
-Похован стек 140ден.
-Пилешки стек на скара 120ден.
-Свинско филе на скара 140ден.

Обезбедете си навреме топол и богат ручек за целото семејство, бидејќи кога вкусот е вистински, изборот е паметен.

Inn Ketering – најпаметен избор за секојдневен ручек.

Во пресрет на празниците, љубителите на квалитетно пиво имаат причина повеќе за задоволство! Во Liquor Store – Прилеп ве очекува германското пиво VELTINS (0,33L) со екстра празнична цена од само 60 денари.

Врвен германски квалитет, препознатлив вкус и свежина што се памети – идеален избор за празнични дружби и моменти со пријателите.

Количините се ограничени, затоа обезбедете си навреме!

Liquor Store е еден од најснабдените дисконти за алкохолни и безалкохолни пијалоци во Прилеп и регионот, а во пресрет на Новогодишните и Божиќните празници продолжува да изненадува со понудата и акциските цени на пијалоци.

Лоциран на ул. „Егејска“, во домот „Спиро Забрчанец“.

Празниците заслужуваат добро пиво – набавете го на вистинското место!

View this post on Instagram

Битола, продолжува да ја зацврстува својата позиција како врвна туристичка дестинација, нудејќи им на посетителите незаборавно искуство
низ вековната историја и автентичната архитектура.

Култното шеталиште Широк Сокак, со својот уникатен спој на староградски шарм и модерна енергија, останува главната точка на интерес за секој турист.

За да се овозможи целосно уживање во убавините на градот, Општина Битола во соработка со Министерството за култура и туризам, а согласно
законската регулатива, воведува новини кои дополнително ќе ја зголемат неговата привлечност и функционалност.

Со цел да се одговори на потребите на бројните туристички групи кои го посетуваат градот за време на викендите и празниците, се овозможува
непречена работа на трговските објекти во најфреквентните зони, дефинирани како туристичко-културолошка атракција.

Ова значи дека сите трговски објекти лоцирани на Широк Сокак сега ќе можат да ги услужуваат посетителите и во недела и за време на празници, нудејќи им можност за купување и на автентични сувенири во секое време.

Оваа потреба е поддржана со законските регулативи и известувањата од Министерството за култура и туризам, според кои Широк Сокак и Старата
битолска чаршија се дефинирани како значајни туристичко-културолошки атракции. Како дел од заштитеното старо градско јадро, овие локации
имаат статус на туристички места од висок ранг, што овозможува исклучоци во трговската дејност во корист на развојот на локалниот туризам.

„Битола не е само град на историјата, туку и град кој живее за своите гости. Со овозможувањето на работата во недела и празници на Широк
Сокак, се создаваат услови за комплетно туристичко доживување кое доликува на еден модерен европски центар.“

Преку овие чекори, Општина Битола ја потврдува својата посветеност кон промоција на културното наследство и создавање на гостопримлива средина која ги привлекува туристите од целиот свет, правејќи го секој престој во градот исполнет и содржаен.

Битолскиот клавир Петко се враќа со нови авантури!

На 28 декември ќе биде промовиран вториот дел од првата сликовница за деца посветена на градот Битола – „Битолскиот клавир Петко и заборавениот пајтон“. Петко повторно оживува во магичниот свет на Битола, носејќи авантури за најмладата публика. Илустрациите на Мирјана Бубевска дополнително го оживуваат овој свет, со детали кои ја пленат имагинацијата на децата.

„Имаме должност кон нашата историја и сметам дека треба да ги потсетиме децата и возрасните што сè имаме“, вели авторката Елена Наумовски. „Приказната започнува од Битола, градот на клавирите и пајтоните, но авантурите на Петко ќе продолжат и во други градови. Секој камен и секоја уличка на Битола носат приказна. Сакав да ги оживеам овие симболи и да им дадам живот на ликовите, како Битолското Чупе, кое сега е дел од главните јунаци“, додава Наумовски.

Сликовницата комбинира магично и реално, заборав и колективно сеќавање. Ова не е само детска бајка, туку приказна за сите генерации. Додека децата уживаат во боите, возрасните можат да го најдат скриеното дете во себе.

Промоцијата ќе се одржи во книжарницата Book’s House во Битола, на 28 декември, во 11 часот, како дел од Зимска приказна 2025/2026. Најмладата публика ќе ужива во новогодишна атмосфера, музика, детска ликовна работилница со Adams Art и присуство на Дедо Мраз, кој заедно со Битолското Чупе на пајтон ќе ја донесат приказната за Петко.

Проектот е поддржан од Општина Битола, Бимилк, Болница Плодност и Прим. Д-р Таше Трпчевски, MINT FinTech Group, Muppet kids и Book’s House.

Свети Спиридон живеел во четвртиот век на островот Кипар. Родителите му биле прости луѓе и тој од младоста чувал овци. Кога му дошло времето, се оженил, но наскоро останал вдовец, па целиот свој имот почнал да го користи за да им помага на бедните. Подоцна бил избран за епископ во кипарскиот град Тримитунт. Господ го прославил овој чудесен човек со даровите на чудотворство и прозорливост. Откако добро и послужил на Црквата, се упокоил во 350 година. Неговите мошти се пренесени во седмиот век во Цариград, а во времето на турското освојување биле пренесени на грчкиот остров Крф.

Моштите на Св Спиридон поседуваат единствени својства. Не само што се нетрулежни со векови, туку се меки и кревки што е ствојствено на живо човечко тело. Кивотот на Светителот е украсен со даровите од луѓето на кои им помогнал. Местото каде што се наоѓаат моштите е заклучено и се одклучува за православните христијани, додека на католиците им е дозволено само да го целиваат кивотот.

Преку стаклото на кивотот многу добро се гледа лицето на Светителот. Одлично зачувана коса, бели заби, кожата малку потемнета и збрчкана но ја сочувала својата форма. Телото на Св. Спиридон има стална температура од 36,6 степени, му растат косата и ноктите. И што е најчудно облеката која му е облечена се менува на секои 6 месеци, затоа што се троши. Како да не лежи во кивотот, како да оди(шета).Чуварот на кивотот раскажувал, дека не можел многу пати да го стави клучот во кивотот за да го одклучи. Тогаш свештениците знаат, Светителот едноставно не е во кивотот, тој шета на островот.

Чудо на Св. Спиридон во храмот во Каристос, Грција 1930 г.

Празникот на св. Спиридон особено свечено се слави од страна на Вистинските Православни Христијани, бидејќи на тој ден новокалендарците го слават римо-католичкиот Божиќ. Во Грција на овој ден често може да се видат литии од старокалендарците кои по улиците на селата и градовите ја носат иконата на св. Спиридон за да им покажат на новокалендарците дека тој ден според православниот календар не се слави Божиќ. Пред нас е сведоштвото за едно чудо на св. Спиридон кое многу новокалендарци преобрати во Вистински Православни Христијани.

За чудото на св. Спиридон, во 1976 г., раскажуваше старица Зиновија Сидери (доживеа 102 години), една од многуте сведоци кои присуствувале на тоа случување, а за кое во свое време пишуваше и атинското списание „Скрип“. Еве што раскажа старица Зиновија:

„Беше празникот Рождество Христово според новиот календар. Јас тогаш сеуште не бев преминала кај старокалендарците. Дојдов на сеноќно бдение во храмот Св. Николај. Храмот беше преполн со народ. Стоев на левата страна покрај еден столб. Над мене на тој столб висеше иконата на Св. Спиридон, дар од Антониј Лумидис од Пиреја. Иконата беше украсена со цвеќе, кое остана уште од празнувањето на светителот според новиот календар. Кога свештеникот кој што служеше литургија, отец Сила, по малиот вход почна да кади и да го пее тропарот на Божиќ „Рождество Твоје Христе Боже наш…“, иконата на св. Спиридон наеднаш почна да се удира од столбот толку силно што сето цвеќе кое што беше на неа испопаѓа на земјата. Народот гледајќи го ова чудо се ужасна. Свештеникот и псалтите престанаа со пеењето. Тогаш некој од народот повика: „Денес според стариот календар е празникот на св. Спиридон. Пеејте го неговиот тропар!“ Певците и свештениците „занемеа“. Во тој миг верниот народ почна да пее: „Собора перваго показалсја јеси поборник и чудотворец, Богоносне Спиридоне, отче наш…“ (тропарот на светителот). И дури за време на пеењето на тропарот на светителот, неговата икона пополека почна да се смирува за на крајот целосно да престане да удира на столбот.“

Следниот ден, весникот „Карестини“ објави соопштение за тоа чудно случување. Сите жители на Каристос и околината говореа за тоа и признаваа дека старокалендарците се во право. Подоцна, на 29 декември, весникот „Карестини“ објави: „…Наредниот ден иконата не беше на своето место. Многумина мислат дека намерно е тргната за да не се продолжи дискусијата за проблемот околу календарот, за кое правовремено почнаа да дебатираат верниците, од кои повеќето преминаа кај старокалендарците. И така јавноста на Каристос правдољубиво негодува и мисли дека некој злобно си подигрува со религиозните чувства и светите икони, бидејќи до сега иконата не е вратена на своето место, иако инстистираат сите жители“.